காய்ச்சல் என்பது ஒரு நோயல்ல, அது ஒரு நோயின் அறிகுறி (Symptom) மட்டுமே. அதாவது நம் உடலுக்குள் ஏதேனும் நோய்த்தொற்று (Infection) ஏற்பட்டிருந்தால், அதன் வெளிப்பாடாகவே காய்ச்சல் வரும். காய்ச்சலுக்கான காரணங்கள் ஏராளம் இருந்தாலும், பெரும்பாலான நேரங்களில், சாதாரண சளி, ஃப்ளூ காய்ச்சல் என அதற்கு வைரஸ் தொற்று (Viral Infection) தான் முக்கியமான காரணமாக இருக்கும். சில நேரங்களில் பாக்டீரியா தொற்றுகளாலும் காய்ச்சல் வரலாம். உதாரணத்துக்கு, நீரிழிவு நோயாளிகளுக்கு சருமத்தில் ஏற்படும் புண்கள், பற்களில் ஏற்படும் தொற்று, கணைய அழற்சி, பித்தப்பைக் கற்களால் ஏற்படும் சீழ்த்தொற்று என வேறு காரணங்களாலும் காய்ச்சல் வரலாம். வைரஸ் தொற்று, பாக்டீரியா தொற்று, பூஞ்சைத் தொற்று என தொற்றுகளில் பல வகைகள் உண்டு. இவற்றில் பாக்டீரியா நுண்கிருமிகளால் ஏற்படும் தொற்றுகளுக்கு மட்டுமே பயன்படுத்தக்கூடியவைதான் ஆன்டிபயாடிக் மருந்துகள். எனவே, வைரஸ் காய்ச்சலுக்கு ஆன்டிபயாடிக் மருந்துகள் கொடுப்பதால் எந்தப் பயனும் இருக்காது. பெரும்பாலான நேரங்களில் நமக்கு ஏற்படும் காய்ச்சல், சளிக்கு வைரஸ் தொற்றுதான் காரணமாக இருக்கிறது. அப்படிப்பட்ட நேரத்தில், தேவையற்ற ஆன்டிபயாடிக் எடுத்துக்கொள்வதால் ஆரோக்கியம் பாதிக்கப்படும். தவிர, நம் உடலுக்கு நன்மை செய்யும் சில கிருமிகளையும் இந்த மருந்துகள் அழித்துவிடும். காய்ச்சல் 100 டிகிரி முதல் 101 டிகிரி வரை இருந்தாலோ, மாலை நேரத்தில் லேசான குளிர் இருந்தாலோ, உடல் சோர்வு அதிகமாக இல்லையென்றால் காய்ச்சலைக் குறைக்க பாரசிட்டமால் (Paracetamol) போன்ற மருந்துகளை எடுத்துக்கொள்ளலாம். 'கம்யூனிட்டி இண்டியூஸ்டு ஆன்டிபயாடிக் ரெசிஸ்டன்ஸ்' (Community-induced antibiotic resistance ) என்று சொல்லக்கூடிய நிலை உருவாகும். அதாவது தேவையில்லாத ஆன்டிபயாடிக் மருந்துகளின் விளைவால், அந்தக் கிருமிகள் அந்த மருந்துக்கு எதிராகத் தங்களை மாற்றிக்கொண்டு 'ஸ்மார்ட்' ஆகிவிடும். இதனால் பிற்காலத்தில் கடுமையான தொற்று ஏற்படும்போது, எந்த மருந்தும் வேலை செய்யாத நிலை உருவாகலாம். காய்ச்சல் 100 டிகிரி முதல் 101 டிகிரி வரை இருந்தாலோ, மாலை நேரத்தில் லேசான குளிர் இருந்தாலோ, உடல் சோர்வு அதிகமாக இல்லையென்றாலலோ காய்ச்சலைக் குறைக்க பாராசிட்டமால் (Paracetamol) மருந்துகளை எடுத்துக்கொள்ளலாம். அதிகமான தண்ணீர் குடிக்க வேண்டும். சத்தான உணவுகளை உட்கொண்டு, நல்ல ஓய்வு எடுக்க வேண்டும். ஆன்டிபயாடிக் மருந்துகளை மருத்துவரின் ஆலோசனையின்றித் தானாகவே வாங்கிப் பயன்படுத்துவதைத் தவிர்க்க வேண்டும். #ஆரோகிய குறிப்புகள்🚹 #😎Summer ஹெல்த் டிப்ஸ் #🤒சளி இருமலுக்கு தீர்வு #💪Mini Workout Challenge #😷சுகாதார ஹெல்த் டிப்ஸ்