आंबेडकर पूर्वीच्या वृत्तपत्रांचा आढावा भाग 4 (७) चाबूकस्वार : (अच्युतराव कोल्हटकर १९२५) या वृत्तपत्राचे मुख्य उद्दिष्टे म्हणजेच राजकीय सुधारणा करणे. (८) केसरी (संपादक न. चिं. केळकर) 'स्वराज्य' प्राप्ती हेच प्रमुख उद्दिष्टे होते. राजकीय शिक्षणाचा प्रसार करणे, राजकीय हक्काची जाणीव लोकांत निर्माण करणे, जहाल व क्रांतिकारी राजकीय विचारांचा प्रसार वृत्तपत्राद्वारे लोकमत जागृत करणे, स्वदेश, स्वधर्म व स्वराज्य हे त्रिसूत्री विचारांची त्यांची बैठक होती. (९) महाराष्ट्र (संपादक गोपाळ ओगळे, नागपूर, १९१४) सदर वृत्तपत्राचा ढाचा 'केसरी'सारखा होता. सामाजिक परिवर्तन व सुधारणा याकडे दुर्लक्ष डॉ. आंबेडकरांच्या धर्मांतरावर लेख यावरून तत्कालीन डॉ. आंबेडकरांची समकालीन वृत्तपत्राची उद्दिष्टे तशी भिन्न होती हे स्पष्ट होते. (१०) संदेश (संपादक: अच्युत कोल्हटकर, मुंबई, १४ जानेवारी १९१५) प्रथमतः या वृत्तपत्राची उद्दिष्टे टिळकांच्या विचारांप्रमाणेच होती. मात्र नंतर त्यात बदल होऊन जनतेस सर्व प्रकारच्या बातम्या देणे, राजकीय वृत्तपत्राचे कार्य करणे, नवीन युगाचा परिचय करून देणे, विरोधकांच्या बातम्या देणे, अस्पृश्यांच्या चळवळींची दखल घेणे, अस्पृश्यता निर्मूलनासाठी जे अनेक मार्ग सुरू आहेत, त्यापैकी नाशिकचा काळाराम मंदिर, महाडचा चवदार तळे सत्याग्रह हे होत. (११) लोकहितवादी : (संपादक के.सी. ठाकरे) यांचे लेखन सडेतोड व परिवर्तनवादी विचारांचे होते. 'बहुजनांच्या भल्यासाठी झटणारे' होते. शेवटी डॉ. आंबेडकरांच्या उद्दिष्टांप्रमाणेच असून ती परस्परांना पूरक होती. (१२) लोकमान्य : (संपादक काकासाहेब खाडीलकर) ९ एप्रिल १९९१ टिळकांच्या मृत्युनंतर मुंबईत या वृत्तपत्राला सुरुवात झाली. सदर वृत्तपत्राने लोकमान्य टिळकांचे चरित्र डोळ्यासमोर ठेवून हे वृत्तपत्र काढले. पुढे डॉ. आंबेडकरांच्या इसवी १९३५ धर्मांतरांच्या घोषणेवर पुढील टीका केलेली आहे : 'हरिजनाने हिंदू धर्म सोडणे म्हणजे आत्मघात होय.' पुढे डॉ. आंबेडकरांचे विचार पटल्यावर २२ जुलै १९४२च्या अंकात असे लिहिले, 'हिंदू समाजात अस्पृश्य म्हणून राहण्यापेक्षा त्या समाजाच्या बाहेर जाणे.' असे डॉ. आंबेडकर म्हणतात. त्या संबोधाने तक्रार करण्यात काही अर्थ नाही. जोपर्यंत ते पाकिस्तानसारखी किंवा राष्ट्रच्छेदाची मागणी करीत नाहीत तोवर त्यात राष्ट्रविरोधी काही नाही.' (१३) नवा काळ : (संपादक: काकासाहेब खाडीलकर लोकमान्य सोडल्यानंतर) 'नवा काळ' काढले ७ मार्च १९२३. सदर वृत्तपत्र मुंबईत प्रकाशित झाले. लोकमान्यप्रमाणेच उद्दिष्टे होती. सदर वृत्तपत्रे दररोज काम करणारे होते. लोकमान्य व महात्मा गांधी यांच्या विचाराप्रमाणे सदरचे वृत्तपत्र होते. (१४) तरुण भारत : (संपादक खरे, २० जानेवारी १९२६, नागपूर) 'राष्ट्रसभा व स्वराज्य यास पाठिंबा देऊन जनतेसमेर राष्ट्र विमोचनाने मार्ग स्पष्ट मांडीत राहणे शक्य त्या स्वावलंबन पूर्ण उपायाने हिंदी जनतेचे सामर्थ्य, तेच संघटना वाढवून त्यात प्रतिकार शक्तीचा विकास करणे, हिंदी स्वराज्याचा झगडा अखंड सुरू ठेवण्याची खटपट करणे.' (१५) प्रभात : (संपादक पांडुरंग भागवत, मुंबई, गिरगांव) या वृत्तपत्राने बहुजन समाजाचे दैनिक अशी दृष्टी व धारणा होती. ती त्यांनी पाळली. या वृत्तपत्राची उद्दिष्टे डॉ. आंबेडकरांच्या उद्दिष्टांप्रमाणेच 'समाजपरिवर्तन व समाजसुधारणा घडवून आणणे, शैक्षणिक व अन्य स्वरूपाचा विकास करणे, विविध राष्ट्रीय चळवळीचे लोन समाजाच्या अगदी खालच्या स्तरापर्यंत पोचवून जागृती करणे.' (१६) सकाळ (संपादक नारायण परुळेकर, १९३२, पुणे) 'रोजची बातमी गोळा करून स्वदेश व परदेश यात एकाच वेळी काम चालले आहे. याची कल्पना मराठी वाचकास जितक्या पूर्णतेने देता येईल, तितकी ते देऊन विचार करावयास लागणारे सामग्री जनतेला पुरविणे, निपक्ष व स्वतंत्रपणे लिहिण्याचे धोरण.' (१७) स्वराज्य : (संपादक गो. म. लाडांचे नेतृत्व, २१ मार्च १९३६) 'सकाळ'चाच एक भाग होय. डॉ. आंबेडकरांच्या समकालीन समाजपरिवर्तनाला उद्दिष्टे मानणारे नव्हते, तर तत्कालीन राजकारणाचे विचार करणारे होते... पुढील भागात मुक्तीदाता विशेषांक #💙 भीमसैनिक 💙 #bhimsenik #🙂Positive Thought #🙏 प्रेरणादायक बॅनर #🪷बुद्धांची तत्वे📜