#bible #bible #bible #bible #Todays bible version *"ಪರಮತ್ರಿತ್ವ (HolyTrinity) ಬೈಬಲ್‌ನಲ್ಲಿ 📖 ಇಲ್ಲ"* *ಎನ್ನುವ ಯೆಹೋವನ ಸಾಕ್ಷಿಗಳ ಪ್ರಶ್ನೆ 1 ರ ಬೈಬಲ್ ಆಧಾರಿತ ಉತ್ತರ* 📖 *********************************** ✍️ *ಮಥಿಯಾಸ್ ಕುಮಾರ್* ಮೖೆಸೂರು. *********************************** 👉*ಭಾಗ-4*👈 ಯೆಹೋವನ ಸಾಕ್ಷಿಗಳು (Jehovah's Witnesses) ಸಾಮಾನ್ಯವಾಗಿ, *"ಪರಮತ್ರಿತ್ವ* ಎಂಬ ಪದ ಬೈಬಲ್‌ನಲ್ಲಿ ಇಲ್ಲ, ಆದ್ದರಿಂದ ಅದು ಸುಳ್ಳು ಬೋಧನೆ" ಎಂದು ವಾದಿಸುತ್ತಾರೆ. ಆದರೆ ಒಂದು ವಿಷಯವನ್ನು ನಾವು ನೆನಪಿಡಬೇಕು: *Holy"Trinity"* ಎಂಬ ಪದ ಬೈಬಲ್‌ನಲ್ಲಿ ಇಲ್ಲದಿದ್ದರೂ, Trinity ಯ ಸತ್ಯವು ಸಂಪೂರ್ಣ ಬೈಬಲ್‌ನಲ್ಲಿ ಅಡಕವಾಗಿದೆ. ಅದೇ ರೀತಿಯಲ್ಲಿ "Bible" ಎಂಬ ಪದವೂ ಬೈಬಲ್‌ನಲ್ಲಿ ಇಲ್ಲ. ಆದರೆ ಬೈಬಲ್ ಎಂಬ ಗ್ರಂಥದ ಅಸ್ತಿತ್ವವನ್ನು ಎಲ್ಲರೂ ಒಪ್ಪುತ್ತಾರೆ. ಅಲ್ಲವೇ.? ಕಥೋಲಿಕ ಕ್ರೈಸ್ತರು ಮೂರು ದೇವರುಗಳಿದ್ದಾರೆ ಎಂದು ನಂಬುವುದಿಲ್ಲ. ಬದಲಾಗಿ: ಒಬ್ಬರೇ ದೇವರು ಇದ್ದಾರೆ; ಆ ಒಬ್ಬ ದೇವರು ತಂದೆ, ಪುತ್ರ ಮತ್ತು ಪವಿತ್ರಾತ್ಮ ಎಂಬ ಮೂರು ವಿಭಿನ್ನ ವ್ಯಕ್ತಿಗಳಲ್ಲಿ (Persons) ಅಸ್ತಿತ್ವದಲ್ಲಿದ್ದಾರೆ. 👉*1. ಒಬ್ಬನೇ ದೇವರು:* ಬೈಬಲ್ ಸ್ಪಷ್ಟವಾಗಿ ಹೇಳುತ್ತದೆ: “ಇಸ್ರಯೇಲ್ ಜನಾಂಗವೇ ಕೇಳು: ನಿನ್ನ ದೇವರಾದ ಸರ್ವೆಶ್ವರಸ್ವಾಮಿ ಒಬ್ಬರೇ ದೇವರು." (ಧರ್ಮೋಪದೇಶಕಾಂಡ 6:4) "ಸರ್ವೆಶ್ವರ ನಾನಲ್ಲದೆ ಬೇರಾರು ಅಲ್ಲ ನನ್ನ ಹೊರತು ಯಾವ ದೇವರು ಇಲ್ಲ." (ಯೆಶಾಯ 45:5) ಹೀಗಾಗಿ ಕಥೋಲಿಕ ಕ್ರೈಸ್ತಧರ್ಮವು ಬಹುದೇವತಾವಾದವಲ್ಲ. 👉*2. ತಂದೆ ದೇವರು:* ಇದನ್ನು ಯೆಹೋವನ ಸಾಕ್ಷಿಗಳೂ ಒಪ್ಪುತ್ತಾರೆ. "ದೇವರು ಒಬ್ಬರೇ ಹೊರತು ಬೇರೆ ದೇವರಿಲ್ಲ. ಇದು ನಮಗೆ ತಿಳಿದ ವಿಷಯ." (1 ಕೊರಿಂಥ 8:6) 👉*3."ಪುತ್ರನಾದ ಯೇಸು ದೇವರು"* (†) ಯೋವಾನ್ನ 1:1 "ಜಗತ್ತು ಉಂಟಾಗುವ ಮೊದಲೇ 'ದಿವ್ಯ ವಾಣಿ” ಎಂಬವರಿದ್ದರು. ಆ ದಿವ್ಯವಾಣಿ ದೇವರಾಗಿದ್ದರು. ಆ ದಿವ್ಯವಾಣಿ ದೇವರೊಂದಿಗೆ ಇದ್ದರು;" ಇಲ್ಲಿ "ದಿವ್ಯ ವಾಣಿ ಅಥವಾ ವಾಕ್ಯ" ಎಂದರೆ ಯೇಸುಕ್ರಿಸ್ತರು. ಮುಂದೆ: "ಆ ದಿವ್ಯವಾಣಿ ಮನುಷ್ಯ ಆದರು. ಮನುಷ್ಯನಾಗಿ ನಮ್ಮೊಡನೆ ವಾಸಮಾಡಿದರು. ಅವರ ಮಹಿಮೆಯನ್ನು ನಾವು ನೋಡಿದೆವು, ಏಕೈಕ ಪುತ್ರನಿಗೆ ಮಾಸಲಾದ ಮಹಿಮೆಯೇ. ಪಿತನಿಂದ ಪಡೆದ ಆ ಮಹಿಮೆಯೇ ಎಂದೇ ಅವರು ವರಪ್ರಸಾದದಿಂದಲೂ ಸತ್ಯದಿಂದಲೂ ಪರಿಪೂರ್ಣರಾಗಿದ್ದರು." (ಯೋವಾನ್ನ 1:14) (†) ತೋಮಾಸರು ಯೇಸುವನ್ನು ದೇವರೆಂದು ಕರೆದರು "ನನ್ನ ಪ್ರಭುವೇ, ನನ್ನ ದೇವರೇ,” ಎಂದನು.!" (ಯೋವಾನ್ನ 20:28) ಪ್ರಭುಯೇಸು ತೋಮನನ್ನು ತಿದ್ದಲಿಲ್ಲ. (†) "ಮಹೋನ್ನತ ದೇವರು ಮತ್ತು ನಮ್ಮ ಉದ್ಧಾರಕ ಯೇಸುಕ್ರಿಸ್ತರು ಮಹಿಮಾರೂಪದಲ್ಲಿ ನಮಗೆ ಪ್ರತ್ಯಕ್ಷವಾಗುವ ಸೌಭಾಗ್ಯವನ್ನು ನಾವು ಎದುರುನೋಡಬೇಕೆಂದು ಅದು ಕಲಿಸುತ್ತದೆ." (ತೀತ 2:13) (†) ಹಿಬ್ರಿಯ 1:8"ದೇವರು ತಮ್ಮ ಪುತ್ರನನ್ನು ಕುರಿತಾದರೋ: 'ದೇವಾ, ನಿನ್ನ ಸಿಂಹಾಸನವು ಶಾಶ್ವತವಾದುದು; ನ್ಯಾಯದಂಡವೇ ನಿನ್ನ ರಾಜದಂಡವಾಗಿದೆ... "(ಹಿಬ್ರಿಯ1:8) (†) ಯೇಸು ತನ್ನನ್ನು "ನಾನು ಇದ್ದೇನೆ" ಎಂದು ಹೇಳಿದರು "ಅಬ್ರಹಾಮನು ಹುಟ್ಟುವುದಕ್ಕೆ ಮೊದಲೇ ನಾನು ಇದ್ದೇನೆ." (ಯೋವಾನ್ನ 8:58) ಇದು ವಿಮೋಚನಾ ಕಾಂಡ 3:14 ರಲ್ಲಿ ದೇವರು ಬಳಸಿದ ದೈವಿಕ ನಾಮಕ್ಕೆ ಸಂಬಂಧಿಸಿದೆ. ಅದಕ್ಕಾಗಿ ಯೆಹೂದ್ಯರು ಯೇಸುವನ್ನು ಕಲ್ಲೆಸೆದು ಕೊಲ್ಲಲು ಪ್ರಯತ್ನಿಸಿದರು. 👉*4. ಪವಿತ್ರಾತ್ಮರು ದೇವರು:* ಯೆಹೋವನ ಸಾಕ್ಷಿಗಳು ಪವಿತ್ರಾತ್ಮರನ್ನು ಕೇವಲ "ದೇವರ ಶಕ್ತಿ" ಎಂದು ಹೇಳುತ್ತಾರೆ. ಆದರೆ ಬೈಬಲ್ ಹೀಗೆ ಹೇಳುವುದಿಲ್ಲ. (†) ಪ್ರೇಷಿತರ ಕಾರ್ಯಕಲಾಪಗಳು 5:3-4 ಸಂತ ಪೇತ್ರನು ಅನನೀಯನಿಗೆ ಹೇಳುತ್ತಾರೆ : "ನೀನು ಪವಿತ್ರಾತ್ಮ ಅವರಿಗೆ ಏಕೆ ವಂಚನೆಮಾಡಿದೆ?." ಮುಂದೆ: "ನೀನು ಸುಳ್ಳಾಡಿರುವುದು ಮನುಷ್ಯರಿಗಲ್ಲ ಅಲ್ಲ, ದೇವರಿಗೆ," ಪವಿತ್ರಾತ್ಮರಿಗೆ ಸುಳ್ಳು ಹೇಳುವುದು ದೇವರಿಗೆ ಸುಳ್ಳು ಹೇಳುವುದೇ.!! (†) 1 ಕೊರಿಂಥ 3:16 "ನೀವು ದೇವರ ಆಲಯವಾಗಿದ್ದೀರಿ; ದೇವರ ಆತ್ಮರು ನಿಮ್ಮಲ್ಲಿ ವಾಸಿಸುತ್ತಾರೆ." (†) ಪವಿತ್ರಾತ್ಮರು ವ್ಯಕ್ತಿ: ಪವಿತ್ರಾತ್ಮರು: ✔ ಮಾತನಾಡುತ್ತಾರೆ (ಪ್ರೇ.ಕಾ. 13:2) ✔ ಬೋಧಿಸುತ್ತಾರೆ (ಯೋವಾನ್ನ 14:26) ✔ ಮಾರ್ಗದರ್ಶನ ಮಾಡುತ್ತಾರೆ (ಯೋವಾನ್ನ 16:13) ✔ ದುಃಖಪಡುತ್ತಾರೆ (ಎಫೆಸ 4:30) ✔️ಸಾಕ್ಷಿ ನೀಡುತ್ತಾರೆ. (ಹಿಬ್ರಿಯ10:15) ಇವೆಲ್ಲವೂ ಶಕ್ತಿಗೆ ಆಗುವುದಿಲ್ಲ. ವ್ಯಕ್ತಿಗೆ ಮಾತ್ರ ಆಗುವುದು.!! 👉*5. ಮೂರು ವ್ಯಕ್ತಿಗಳು ಒಟ್ಟಿಗೆ ಕಾಣುವ ಸಂದರ್ಭ:* ಯೇಸುವಿನ ದೀಕ್ಷಾಸ್ನಾನ ಪ್ರಭುಯೇಸು ನೀರಿನಿಂದ ಮೇಲಕ್ಕೆ ಬಂದರು; ಪವಿತ್ರಾತ್ಮರು ಪಾರಿವಾಳ ರೂಪದಲ್ಲಿ ಇಳಿದರು; ತಂದೆಯ ಧ್ವನಿ ಆಕಾಶದಿಂದ ಕೇಳಿಬಂತು. (ಮತ್ತಾಯ 3:16-17) ಇಲ್ಲಿ: ತಂದೆ ಮಾತನಾಡುತ್ತಾರೆ ಪುತ್ರನು ದೀಕ್ಷಾಸ್ನಾನ ಪಡೆಯುತ್ತಾರೆ ಪವಿತ್ರಾತ್ಮರು ಇಳಿಯುತ್ತಾರೆ ಒಂದೇ ಸಮಯದಲ್ಲಿ ಮೂವರೂ ಇದ್ದಾರೆ. 👉*6. ಯೇಸುವಿನ ಆದೇಶ:* "ಪಿತ, ಸುತ, ಮತ್ತು ಪವಿತ್ರಾತ್ಮರ ನಾಮದಲ್ಲಿ ಅವರಿಗೆ ದೀಕ್ಷಾಸ್ನಾನ° ಮಾಡಿಸಿರಿ." (ಮತ್ತಾಯ 28:19) ಗಮನಿಸಿ: "ಹೆಸರುಗಳಲ್ಲಿ" (Names) ಎಂದು ಹೇಳಲಿಲ್ಲ. "ಹೆಸರಿನಲ್ಲಿ" (Name) ಎಂದು ಹೇಳಿದನು. ಒಂದು ದೈವಿಕ ಸ್ವಭಾವ, ಆದರೆ ಮೂರು ವ್ಯಕ್ತಿಗಳು. 👉*7. ಪೂಜ್ಯಪ್ರೇಷಿತರ ಆಶೀರ್ವಾದ:* "ಕರ್ತರಾದ ಯೇಸು ಕ್ರಿಸ್ತನ ಕೃಪೆಯೂ, ದೇವರ ಪ್ರೀತಿಯೂ, ಪವಿತ್ರಾತ್ಮರ ಸಹಭಾಗಿತ್ವವೂ ನಿಮ್ಮೆಲ್ಲರೊಂದಿಗಿರಲಿ." (2 ಕೊರಿಂಥ 13:14) ಮೂರು ವ್ಯಕ್ತಿಗಳು ಒಂದೇ ಮಟ್ಟದಲ್ಲಿ ಉಲ್ಲೇಖಿಸಲ್ಪಟ್ಟಿದ್ದಾರೆ. 👉*8. ಸೃಷ್ಟಿಯಲ್ಲಿ ಮೂರು ವ್ಯಕ್ತಿಗಳು:* ತಂದೆ ಸೃಷ್ಟಿಸಿದರು ಆದಿಕಾಂಡ 1:1 ಪುತ್ರನ ಮೂಲಕ ಸೃಷ್ಟಿಯಾಯಿತು "ಆತನ ಮೂಲಕವೇ ಎಲ್ಲವೂ ಉಂಟಾಯಿತು." (ಯೋವಾನ್ನ 1:3) ಪವಿತ್ರಾತ್ಮರು ಕಾರ್ಯನಿರ್ವಹಿಸುತ್ತಿದ್ದರು "ದೇವರಾತ್ಮ ನೀರಿನ ಮೇಲೆ ಸಂಚರಿಸುತ್ತಿದ್ದರು." (ಆದಿಕಾಂಡ 1:2) 👉*9. ಹಳೆಯ ಒಡಂಬಡಿಕೆಯಲ್ಲಿ ಪರಮತ್ರಿತ್ವದ ಸುಳಿವುಗಳು:* ಆದಿಕಾಂಡ 1:26ರಲ್ಲಿ "ನಮ್ಮ ಸ್ವರೂಪದಲ್ಲಿ ಮನುಷ್ಯನನ್ನು ಉಂಟುಮಾಡೋಣ." ದೇವರು "ನಾನು" ಎಂದಲ್ಲ, "ನಾವು" ಎಂದು ಹೇಳುತ್ತಾರೆ . ಯೆಶಾಯ 48:16ರಲ್ಲಿ "ಕಳುಹಿಸಿದ್ದಾರೆ ದೇವರಾದ ಸರ್ವೆಶ್ವರ ನನ್ನನ್ನೀಗ ತಮ್ಮ ಪವಿತ್ರಾತ್ಮರ ಸಮೇತ " ಇಲ್ಲಿ: ದೇವರು ಕಳುಹಿಸಲ್ಪಟ್ಟವರು (ಪುತ್ರ) ಆತ್ಮ ಮೂರೂ ಉಲ್ಲೇಖವಾಗಿವೆ. ಯೆಹೋವನ ಸಾಕ್ಷಿಗಳ ಕೆಲವು ಸಾಮಾನ್ಯ ಆಕ್ಷೇಪಣೆಗಳಿಗೆ ಉತ್ತರ ಆಕ್ಷೇಪಣೆ 1: "ಯೇಸು ತಂದೆಗಿಂತ ಕಿರಿಯನು" ಯೋಹಾನ 14:28 ಉತ್ತರ: ಯೇಸು ಮಾನವನಾಗಿ ಭೂಮಿಗೆ ಬಂದಾಗ ತನ್ನನ್ನು ತಗ್ಗಿಸಿಕೊಂಡರು. ಫಿಲಿಪ್ಪಿ 2:6-8 ಸ್ವಭಾವದಲ್ಲಿ ದೇವರು; ಕಾರ್ಯದಲ್ಲಿ ಸೇವಕನಾದರು. ಆಕ್ಷೇಪಣೆ 2: "ಯೇಸು ಪ್ರಾರ್ಥನೆ ಮಾಡುತ್ತಿದ್ದರು; ಹಾಗಾದರೆ ಆತನು ದೇವರೇ ಹೇಗೆ?" ಉತ್ತರ: ಯೇಸು ಸಂಪೂರ್ಣ ದೇವರೂ ಸಂಪೂರ್ಣ ಮಾನವನೂ ಆಗಿದ್ದರು. ಮಾನವಸ್ವಭಾವದಲ್ಲಿ ತಂದೆಯೊಂದಿಗೆ ಪ್ರಾರ್ಥನೆಯಲ್ಲಿ ಸಂಭಾಷಿಸಿದರು. ಆಕ್ಷೇಪಣೆ 3: "Trinity ಎಂಬ ಪದ ಬೈಬಲ್‌ನಲ್ಲಿ ಇಲ್ಲ" ಉತ್ತರ: "Trinity" ಪದ ಇಲ್ಲ. ಆದರೆ ಅದರ ಸತ್ಯ ಇದೆ. "Incarnation", "Omnipresence", "Bible" ಎಂಬ ಪದಗಳೂ ಬೈಬಲ್‌ನಲ್ಲಿ ಇಲ್ಲ; ಆದರೆ ಆ ಸತ್ಯಗಳನ್ನು ನಾವು ಒಪ್ಪುತ್ತೇವೆ. ಕಥೋಲಿಕ ಚರ್ಚಿನ ಬೋಧನೆ "ಪರಮತ್ರಿತ್ವವು ಕ್ರೈಸ್ತ ನಂಬಿಕೆಯ ಕೇಂದ್ರ ರಹಸ್ಯವಾಗಿದೆ." (Catechism of the Catholic Church, 234) ಸಮಾಪನೆ ಬೈಬಲ್ ಕಲಿಸುವುದು: ✅ ಒಬ್ಬನೇ ದೇವರು ಇದ್ದಾನೆ. ✅ ತಂದೆ ದೇವರು. ✅ ಪುತ್ರ ದೇವರು. ✅ ಪವಿತ್ರಾತ್ಮನು ದೇವರು. ✅ ಆದರೂ ಮೂರು ದೇವರುಗಳಲ್ಲ; ಒಬ್ಬನೇ ದೇವರು. ಆದ್ದರಿಂದ ಕ್ರೈಸ್ತರು ಶತಮಾನಗಳಿಂದ ಹೀಗೆ ನಂಬಿದ್ದಾರೆ: *"ತಂದೆಯು ದೇವರು, ಪುತ್ರನು ದೇವರು, ಪವಿತ್ರಾತ್ಮನು ದೇವರು; ಆದರೂ ದೇವರು ಒಬ್ಬರೇ."* ✝️ "ಪರಮತ್ರಿತ್ವವು ಮಾನವ ಬುದ್ಧಿಗೆ ಸಂಪೂರ್ಣವಾಗಿ ಅರ್ಥವಾಗದ ದೈವಿಕ ರಹಸ್ಯವಾದರೂ, ಅದು ಬೈಬಲ್‌ನಲ್ಲಿ ಪ್ರಕಟವಾದ ದೇವರ ಸತ್ಯವಾಗಿದೆ." ✝️ "ಪರಮತ್ರಿತ್ವವು ಪವಿತ್ರ ಗ್ರಂಥ ಮತ್ತು ಅಪೋಸ್ತಲಿಕ ಸಂಪ್ರದಾಯದಲ್ಲಿ ಬೇರೂರಿರುವ ಕ್ರೈಸ್ತ ನಂಬಿಕೆಯ ಮೂಲಭೂತ ಸತ್ಯವಾಗಿದೆ. ಆದ್ದರಿಂದ ನಾವು ಈ ಸತ್ಯದಲ್ಲಿ ದೃಢವಾಗಿ ನೆಲೆಗೊಂಡು, ಪರಮತ್ರಿತ್ವವನ್ನು ನಿರಾಕರಿಸುವ ಯೆಹೋವನ ಸಾಕ್ಷಿಗಳಂತಹ ದುರ್ಬೋಧನೆಗಳಿಗೆ ಮರುಳಾಗದೆ, ತಂದೆ, ಪುತ್ರ ಮತ್ತು ಪವಿತ್ರಾತ್ಮ ಎಂಬ ಒಬ್ಬನೇ ದೇವರನ್ನು ಆರಾಧಿಸುತ್ತಾ ವಿಶ್ವಾಸದಲ್ಲಿ ಸ್ಥಿರರಾಗಿರೋಣ. "ನಮ್ಮ ಕರ್ತರಾದ ಯೇಸುಕ್ರಿಸ್ತರ ಕೃಪೆಯೂ, ದೇವರ ಪ್ರೀತಿಯೂ, ಪವಿತ್ರಾತ್ಮರ ಸಹವಾಸವೂ ನಿಮ್ಮೆಲ್ಲರೊಂದಿಗಿರಲಿ." (2 ಕೊರಿಂಥ 13:14) ✝️🙏💐 (*ಮುಂದುವರೆಯುವುದು*)