#📺அரசியல் 360🔴 #📰தமிழக அப்டேட்🗞️ #🎙️அரசியல் தர்பார் #🙋♂️தமிழக வெற்றி கழகம் #🔥விடுதலைச் சிறுத்தைகள் கட்சி
திமுக கூட்டணியில் இருந்து கொண்டு, தமிழக வெற்றிக் கழகத்தை மிகக் கடுமையாக எதிர்த்து அரசியல் செய்துவிட்டு, தற்போது தவெக கூட்டணியை நோக்கி நகர்வதையும், அதற்கு "அம்பேத்கரின் கனவு" என்று சாயம் பூசுவதையும் நினைத்தால் இன்றைய அரசியலே வேண்டாம் என்று ஒதுங்கி கொள்ளலாம் போல உள்ளது.. இதுவா அரசியல்???
கொள்கையற்ற கூட்டணிக் கணக்குகளா அம்பேத்கர் சொல்லித் தந்த அரசியல்?
நேற்று வரை யாருடைய கொள்கைகளை பாசிசம், முதிர்ச்சியற்ற அரசியல், த.வெ.க பிஜெபி யின் கள்ள குழந்தை என்று விமர்சித்தார்களோ, இன்று அதே தமிழக வெற்றிக் கழகத்துடன் கூட்டணி வைக்கத் துடிப்பதும், அதற்கு அம்பேத்கரின் அதிகாரப் பகிர்வு என்று தத்துவ விளக்கம் அளிப்பதும் தற்போதைய சுயநல அரசியலின் உச்சக்கட்டம்.
திமுக கூட்டணியில் நீடித்து, தவெக தலைவர் விஜய்யின் அரசியல் நகர்வுகளைக் கடுமையாக எதிர்த்துப் போட்டியிட்டுவிட்டு, இப்போது சந்தர்ப்பவாதமாக தவெக கூட்டணிக்குள் நுழையப் பார்ப்பதுதான் அண்ணல் அம்பேத்கர் கற்றுத் தந்த அரசியலா?
🔥 எதிர்ப்பும் சமரசமும்: இதுவா அம்பேத்கரியம்?
அண்ணல் அம்பேத்கர் சமரசமற்ற அரசியல் போராட்டத்திற்குப் பெயர் பெற்றவர். தத்துவார்த்த ரீதியாகத் தனக்கு உடன்பாடு இல்லாதவர்களுடன் அவர் ஒருபோதும் பதவிகளுக்காகத் தன் கொள்கைகளை அடகு வைத்ததில்லை. ஆனால், இன்றைய விசிக மற்றும் வன்னி அரசு போன்றவர்களின் அரசியல் அணுகுமுறை எப்படி இருக்கிறது?
திமுக கூட்டணியில் இருக்கும் வரை தவெக-வை எதிர்ப்பது. ஜனாதிபதியின் ஆட்சி வரக்கூடாது என்று வெளியில் இருந்து ஆதரவு தருவதாக சொல்லி விட்டு இப்பொழுது வெறும் அமைச்சர் பதவிக்கு தவெக கூட்டணியை நோக்கித் தாவுவது என்பது மக்களுக்கான அரசியலா, நாற்காலிக்கான அரசியலா?
கொள்கையின் அடிப்படையில் கூட்டணி அமைப்பதுதான் நேர்மையான அரசியல். ஆனால், எங்கு அமைச்சர் பதவி கிடைக்கும், எங்கு அதிக சீட்டுகள் கிடைக்கும் என்ற கணக்கின் அடிப்படையில் கூட்டணிகளை மாற்றுவது அப்பட்டமான சந்தர்ப்பவாத அரசியல்.
தேர்தல் களம் என்று வந்துவிட்டால் கொள்கைகள் காற்றில் பறந்துவிடுமா? நேற்று நீங்கள் எதிர்த்த தவெக, இன்று ஒரே நாளில் உங்களுக்கு உத்தமராக மாறிவிட்டதா?
தவெக-வின் கொள்கைகளும் உங்கள் கட்சியின் கொள்கைகளும் எங்கே ஒத்துப் போகின்றன என்று விளக்க முடியுமா?
திமுக கூட்டணியில் இருந்து கொண்டே, தவெக-வை எதிர்த்துப் போட்டியிட்டு விட்டு, இப்போது அதே தவெக-வின் தயவை நாடுவதற்குக் காரணம் ஒடுக்கப்பட்ட மக்களின் நலன் அல்ல மாறாக, எப்படியாவது "அமைச்சர்" நாற்காலியில் அமர்ந்துவிட வேண்டும் என்ற தனிநபர் பேராசைதான்.
அம்பேத்கரின் தத்துவத்தை கொச்சைப்படுத்தாதீர்! அண்ணல் அம்பேத்கர் ஒடுக்கப்பட்ட சமூகத்தினரை "ஆளும் வர்க்கமாக மாறுங்கள்" என்று சொன்னதன் பொருள், கொள்கையற்ற கூட்டணிகளில் ஒட்டிக்கொண்டு, எச்சில் துண்டுகளாகத் தூக்கிப் போடப்படும் நாற்காலிகளைப் பிடிப்பதற்கல்ல. தன் சொந்தக் காலில் நின்று, கொள்கை பலத்தோடு, சமூக மாற்றத்திற்கான அதிகாரத்தைக் கைப்பற்றுவதையே அவர் குறிபிட்டார்.
யாராக இருந்தாலும் சரி, தங்களுக்குப் பதவி கிடைக்கும் என்றால் யாரிடமும் சரணடையத் தயாராக இருக்கும் இந்த "பச்சோந்தி அரசியலுக்கு" அம்பேத்கரின் பெயரைப் பயன்படுத்துவது அண்ணலுக்குச் செய்யும் துரோகமாகும்.
அரசியல் லாபங்களுக்காகக் கூட்டணிகளை மாற்றுவதும், தேர்தலுக்குத் தேர்தல் நிறம் மாறுவதும் தற்கால அரசியல்வாதிகளின் வாடிக்கையாக இருக்கலாம். ஆனால், இந்த அதிகார ஆட்டத்திற்கு "அம்பேத்கரின் கனவு", "அம்பேத்கர் காட்டிய வழி" என்று புனிதப் போர்வை போர்த்துவதை நிறுத்திக் கொள்ளுங்கள்.
மாறி மாறி கூட்டணிக் கதவுகளைத் தட்டும் இந்த சந்தர்ப்பவாத அரசியல், அம்பேத்கர் சொல்லித் தந்த அரசியல் அல்ல. அது நீங்கள் கண்டுபிடித்துள்ள வெறும் 'நாற்காலி மோக அரசியல்' மட்டுமே!
அரசியலில் கொள்கையும், நேர்மையும், விசுவாசமும் காலாவதியாகிவிட்டனவா என்ற வேதனையான கேள்வியை எழுப்பியுள்ளது இந்திய யூனியன் முஸ்லிம் லீக் (IUML) தலைவரின் தற்போதைய செயல்பாடுகள்.
நேற்றும் இன்றும் நாளையும் நாங்கள் திமுக கூட்டணியில்தான் நீடிப்போம். கலைஞர் குடும்பத்துடனும், திமுக-வுடனும் எங்களுக்கு இருப்பது வெறும் தேர்தல் கூட்டணி அல்ல, அது தத்துவார்த்தப் பிணைப்பு என்று மேடைகளில் முழங்கிய ஐயா காதர் மொகிதீன் அவர்கள், இன்று தவெக அமைச்சரவையில் பங்கு பெறத் துடிப்பதும், போதாததற்கு மேலும் ஒரு அமைச்சர் பதவி வேண்டும் என்று பேரம் பேசுவதும் எங்களை போன்ற பலருக்கு பெரும் அதிர்ச்சியை ஏற்படுத்தியுள்ளது.
தேர்தலுக்கு ஒரு கூட்டணி... பதவிக்கு ஒரு கூட்டணியா?🤔
விசிக காட்டிய அதே அதிகாரப் பகிர்வு என்ற தந்திரப் பாதையைத் தற்போது முஸ்லிம் லீக் கட்சியும் கையில் எடுத்துள்ளது. திமுக கூட்டணியின் சின்னத்திலும், அவர்களின் ஆதரவிலும் தேர்தலைச் சந்தித்துவிட்டு, தேர்தல் முடிந்தவுடன் தவெக-விடம் மண்டியிடுவது என்ன மாதிரியான அரசியல் அறம்?
இது திமுக-வுக்குச் செய்யும் அப்பட்டமான துரோகம். எந்த திமுக தங்களுக்கு இத்தனை காலம் அரசியல் அங்கீகாரத்தையும், நாடாளுமன்ற சட்டமன்ற இடங்களையும் வழங்கித் தோள் கொடுத்ததோ, அதற்குத் தேர்தல் முடிந்தவுடன் முதுகில் குத்துவது நியாயமா?
வார்த்தை மாறா காதர் மொகிதீன் எங்கே? கண்ணியத்திற்குப் பெயர் போன காயிதே மில்லத் வழிவந்த கட்சியில், வார்த்தைக்கு வார்த்தை திமுக-வின் உண்மையான தோழன் என்று உருகிய காதர் மொகிதீன் ஐயா அவர்கள், இன்று வெறும் அமைச்சர் நாற்காலிக்காகத் தன் கொள்கையை மாற்றிக் கொண்டது ஏன்?
"இதில் இன்னொரு அமைச்சர் பதவி வேணுமா?" – பேராசையின் உச்சம்!, 😄
தவெக தலைவர் விஜய் அமைச்சரவையில் ஒரு இடம் தருவதாக முன்வந்ததே பெரிய விஷயம் என்றிருக்க, சென்னையில் செய்தியாளர்களைச் சந்தித்த காதர் மொகிதீன், "மேலும் ஒரு அமைச்சர் பதவி கேட்க உள்ளோம்" என்று கூறியிருப்பது அப்பட்டமான அதிகாரப் பேராசையைக் காட்டுகிறது.
சமூகத்தின் கேள்வி:
ஒரு சில தலைவர்கள் அமைச்சராவதால் ஒட்டுமொத்த சிறுபான்மைச் சமூகத்தின் உரிமைகளும், பாதுகாப்பும் உறுதி செய்யப்பட்டுவிடுமா? கொள்கையற்ற இந்த நாற்காலிப் பேரத்திற்குப் பின்னால் இருப்பது சமூக நலனா அல்லது தனிநபர்களின் சுயநலனா?
நேற்று வரை தவெக-வின் கொள்கை என்ன, அவர்களின் பின்னணி என்ன என்று விமர்சித்தவர்கள், இன்று அமைச்சர் பதவி என்ற 'அல்வா'வைக் கண்டதும் கொள்கைகளை அப்படியே மறந்துவிட்டுப் போய் நிற்பது வேடிக்கையாக உள்ளது.
இதுவா நீங்கள் கற்றுக்கொண்ட அரசியல் அறம்?
தேர்தலில் ஒரு அலை வீசுகிறது அல்லது ஒரு புதிய வாய்ப்பு கிடைக்கிறது என்றவுடன், இத்தனை காலம் தங்களுக்குப் முகவரி கொடுத்த கூட்டணியை அப்படியே கழற்றிவிடுவது சுயநல அரசியலின் அப்பட்டமான சான்று.
விசிக-வாவது அதிகாரப் பகிர்வு என்று தேர்தல் காலத்திலேயே முணுமுணுத்துக் கொண்டிருந்தது. ஆனால், "திமுக-வை விட்டுப் பிரிய மாட்டோம்" என்று சத்தியம் செய்யாத குறையாகப் பேசிவிட்டு, இன்று தவெக-விடம் அமைச்சர் பதவிக்குக் கையேந்துவது அதையெல்லாம் விடப் பெரிய துரோகம்.
அரசியல் கட்சிகள் தங்களின் வளர்ச்சியை நோக்கியும், அதிகாரத்தை நோக்கியும் நகர்வது இயல்புதான். ஆனால், அதற்கு "சிறுபான்மையினரின் பிரதிநிதித்துவம்", "அதிகாரப் பகிர்வு" என்று புனிதப் போர்வை போர்த்திக் கொண்டு, தங்களுக்கு வாழ்வளித்த திமுக-வுக்குத் துரோகம் இழைப்பது அரசியல் தர்மமாகாது.
இந்த வெறும் அமைச்சர் பதவியை வைத்து என்ன சமூகத்திற்கு நன்மை செய்து விடுவீர்கள்??? கொஞ்சம் சொல்லுங்க பார்க்கலாம்...பதவியை துச்சமாக மதித்த எங்கள் தந்தை பெரியார் இந்த சமூகத்திற்கு செய்த பங்களிப்பில் ஒரு சதவீதம் கூட இந்த ஆட்சியும், த வெ க என்ற ஒரு கட்சியும் இன்னும் 500 ஆண்டுகள் ஆனாலும் செய்ய முடியாது... எனவே எதற்க்கு இந்த பதவி? 😂 என்ன பயன்?
