உரிமைத் தொகையைப் பெற்று எதை நாம் வாங்கினோம்? மொபைல் ரீசார்ஜ்? பிள்ளைகள் கல்விக் கட்டணம்? சமையல் எரிவாயு? வாகன எரிபொருள்? மின் கட்டணம்? ஜீவாதாரமான குடிநீர்? இவற்றில் ஏதாவது ஒன்றுக்கு அரசு உதவித்தொகையோ அல்லது உரிமைத் (!) தொகையோ ஒரு முறை வருமா? மக்களின் வாழ்வாதாரங்களை இலவசங்கள் உயர்த்துமா? அது சம்பாத்தியத்தில்தான் உயர வேண்டும். அதற்கு வழிவகை செய்யவேண்டும். ஓட்டுப் போடுவதற்கு மக்கள் உயிருடன் இருக்கவேண்டும் என்று வாய்க்கரிசி போடுவதா அரசின் வேலை? சிந்தித்துப் பார்த்தால் தலை சுற்றுகிறது. உரிமைத்தொகை என்பது மக்கள் கேட்டதில்லை. அது கமலஹாசனின் ஐடியா. அதைச் சிக்கெனப் பிடித்துக்கொண்டது திமுக! மக்களிடம் ஓட்டுப்பெற நேரடியாக மக்கள் பணத்தையே வாரி இறைப்பது புது ஜனநாயக டெக்னிக். அதை பிற மாநிலங்களுக்கெல்லாம் கற்றுக்கொடுத்தது திமுக! நாம் மக்கள் நலத் திட்டங்களுக்கு எதிரி இல்லை. "இலவச அரிசி" என்பது யாரும் எந்த சூழ்நிலையிலும் பசியால் வாடக்கூடாது என்பதற்கான உன்னதமான திட்டம். ஆனால், சமூக அவலங்களை திரைபோட்டு மூடுவதுதான் இலவசங்களின் நோக்கம் என்பதே இடிக்கிறது. இதுவரை ஆண்ட திராவிட அரசுகள் இன்று பதவியேற்ற தவெக அரசின் தலையின் மீது ஏற்றி வைத்திருக்கும் கடன் சுமை சாதாரணமானதில்லை. 2026-27 நிதியாண்டிற்கான இடைக்கால நிதிநிலை அறிக்கையின்படி, தமிழக அரசின் மொத்த கடன் ரூ.10.62 லட்சம் கோடியாக (ரூ.10,62,248 கோடி) இருக்கும் என மதிப்பிடப்பட்டுள்ளது. இந்த ஆண்டின் மொத்த வருவாயில், முந்தைய கடன்களுக்கான வட்டியாக மட்டும் சுமார் 15% வரை செலவாகும். கடனை அடைப்பது தனிக்கதை! ஒரு பக்கம் கடனை அடைக்க வேண்டும். அதுவரை ஏற்கனவே வாங்கிய கடனுக்கு வட்டி கட்டவேண்டும். அத்துடன் இலவசங்களையும் தொடர வேண்டும். திமுகவின் பொருளாதார திட்டத்தைப் பற்றித் தெரிந்துகொள்ள ஒரே ஒரு உதாரணம் போதும். 2021 தேர்தலில், ஆட்சிக்கு வந்ததும் நகைக்கடன்களை தள்ளுபடி செய்வதாக திமுக வாக்குறுதி அளித்தது. உதயநிதி ஸ்டாலின் மேடைதோறும் என்ன பேசினார் தெரியுமா? "மக்களே உங்களுடைய நகைகளை (பணத்தேவை உள்ளதோ இல்லையோ!) கூட்டுறவு வங்கியில் அடகுவைத்து (கூச்சப்படாமல்?) கடன் வாங்குங்கள். அந்த கடன் நிச்சயம் தள்ளுபடி செய்யப்படும்." மக்கள் மீதுதான் அவருக்கு எவ்வளவு கரிசனம் பாருங்கள்! என்ன நடந்தது தெரியுமா? பலர் கூட்டுறவு அதிகாரிகளை கையில் போட்டுக்கொண்டு கவரிங் நகைகளை வைத்து பணம் வாங்கினார்கள். பிறகு? எப்படியும் தேர்தல் முடிந்து கடன் தள்ளுபடி செய்யப்படும். நகையை தேர்தலுக்குப்பின் திரும்பித் தரப்போவதால், அதை வங்கி அதிகாரிகள் உரசிப் பார்க்க வேண்டாமே?இப்படிப்பட்டவர் துணை முதல்வராகி நாட்டினை ஆண்டால் நாடு தாங்குமா? கூட்டுறவுச் சங்கங்களுக்கு நஷ்டம் ஏற்பட்டால் அது உதயநிதியின் நஷ்டமா, அல்லது நாட்டு மக்களின் நஷ்டமா? இது நமது சந்ததியினரின் தலையில் திமுக அரசு ஏற்றிய சுமை. ஓட்டு கிடைத்தால் திமுக ஆட்சிக்கு வரலாம். ஒருவேளை அது கிடைக்காமல் எதிர்க்கட்சி ஆட்சிக்கு வந்தால்? நகைக் கடன்களை தள்ளுபடி செய்யச் சொல்லி அரசுக்கு எதிராகப் போராடலாமே! என்னே ஒரு ராஜதந்திரம்! இப்பேர்ப்பட்ட ஒரு கட்சியிடம் இருந்து தமிழகத்தின் தலை தப்பித்தது தம்பிரான் புண்ணியம் இல்லை; மக்களின், குறிப்பாக இளைஞர்களின் விழிப்புணர்ச்சியால் இது 2026 இல் நிகழ்ந்தது. "பலரைச் சில காலம் ஏமாற்றலாம்; சிலரைப் பல காலம் ஏமாற்றலாம்; ஆனால், எல்லோரையும் எல்லாக் காலமும் ஏமாற்ற முடியாது." என்பது அமெரிக்க முன்னாள் அதிபர் ஆபிரகாம் லிங்கனின் பொன்மொழி ஆகும். இது மாறாத தத்துவம் என்பதால், தற்கால அரசியலில் இந்த சிந்தனை அப்படியே எதிரொலிக்கிறது. கடன் ரத்து, இலவசங்கள், உதவித்தொகை ஆகியவை இருக்க வேண்டியதுதான், அது அரசின் வருவாய்க்குள் உள்ளதா? வாக்குறுதிகளை நிறைவேற்ற வருவாயை பெருக்குங்கள். மென்மேலும் கடன் வாங்குவது ஆபத்து. அதை ஊடகங்கள் மக்களுக்கு எடுத்துச் சொல்வது அவசியம். அரசு இந்த விஷச்சுழலில் இருந்து மாநிலத்தை விடுவிக்க வேண்டும். எதிர்க்கட்சிகள் சீண்டினாலும் தவெக அரசு இருக்கிற சிக்கலை அதிகமாக்கி விடக்கூடாது. Have you subscribed to our channel? If not, please subscribe now. This is your channel! #திமுக #தவெக #விஜய் #ஸ்டாலின் #உதயநிதி #அரசியல் #2026தேர்தல் #உரிமைத்தொகை #இலவசங்கள் #📺அரசியல் 360🔴 #🚹உளவியல் சிந்தனை