സ്വന്തം മുണ്ട് അഴിച്ചുനൽകി അപകടത്തിൽപ്പെട്ട സ്ത്രീയുടെ മാനം കാത്ത ചായവിൽപ്പനക്കാരൻ ❤️🙏 തൃപ്പൂണിത്തുറ സ്റ്റാച്യു ജംഗ്ഷനിൽ ഉണ്ടായ അപകടത്തിൽ പരിക്കേറ്റ് നടുറോഡിൽ വീണ സ്ത്രീയുടെ ആത്മാഭിമാനം സംരക്ഷിക്കാൻ സ്വന്തം ഉടുമുണ്ട് അഴിച്ചുനൽകി മാതൃകയായിരിക്കുകയാണ് ചായവിൽപ്പനക്കാരനായ എം.ആർ. ഷാജി. കിഴക്കേക്കോട്ട മരട്ടിപ്പറമ്പ് സ്വദേശിയായ ഷാജി, സൈക്കിളിൽ ചായ വിൽക്കാനെത്തിയപ്പോഴാണ് അപകടം കാണുന്നത്. ബസിന്റെ അടിയിലേക്ക് അബദ്ധത്തിൽ വീണ സ്ത്രീയെ റോഡിലൂടെ മീറ്ററുകളോളം വലിച്ചിഴച്ചതിനെ തുടർന്ന് അവരുടെ വസ്ത്രം പൂർണമായും കീറിപ്പോയിരുന്നു. സംഭവം കണ്ട ഷാജി ഒരു നിമിഷം പോലും വൈകാതെ ഓടിച്ചെന്ന് സ്ത്രീയെ സഹായിക്കുകയും, വസ്ത്രം കീറിയതായി മനസ്സിലായ ഉടൻ തന്നെ താൻ ഉടുത്തിരുന്ന മുണ്ട് അഴിച്ചുനൽകി അവരുടെ മാനം കാക്കുകയും ചെയ്തു. തുടർന്ന് നാട്ടുകാർ ചേർന്ന് സ്ത്രീയെ ആശുപത്രിയിലെത്തിച്ചു. പിന്നീട് സമീപത്തെ കടയിൽ നിന്ന് പുതിയൊരു മുണ്ട് വാങ്ങി ധരിച്ച ശേഷമാണ് ഷാജി തന്റെ ഉപജീവനമാർഗമായ ചായവിൽപ്പനയിലേക്ക് മടങ്ങിയത്. മറ്റുള്ളവർ നോക്കിനിൽക്കുമ്പോൾ ഒരു സ്ത്രീയുടെ ആത്മാഭിമാനം സംരക്ഷിക്കാനാണ് ഷാജി മുൻഗണന നൽകിയത്. മനുഷ്യത്തവും കരുണയും ഇന്നും സമൂഹത്തിൽ ജീവിച്ചിരിപ്പുണ്ടെന്ന് ഓർമ്മിപ്പിക്കുന്ന പ്രവർത്തിയാണിത്. എം.ആർ. ഷാജിക്ക് ഒരു ബിഗ് സല്യൂട്ട്...! ❤️🙏 നന്മയുടെ ഇത്തരം മനുഷ്യരാണ് ഈ സമൂഹത്തിന്റെ യഥാർത്ഥ ഹീറോകൾ. #സ്പെഷ്യൽ സ്റ്റോറീസ് ✍ #💚തനി മലയാളി #🕵️‍♂️ സാമൂഹിക വിഷയങ്ങൾ #📳 വൈറൽ സ്റ്റോറീസ് #📰ബ്രേക്കിങ് ന്യൂസ്