കവിയോടുള്ള എന്റെ സ്നേഹത്തിന്റെ അളവറിയിക്കാൻ ഞാൻ ആകാശം സൃഷ്ടിച്ചു... പക്ഷിയായ് മാറി... കവിയുടെ വരികൾ നക്ഷത്രങ്ങളാക്കി നിറച്ചു വച്ചു... സ്നേഹത്തിന്റെ അനന്തതയെ കുറിക്കാൻ കഴിഞ്ഞതിൽ ഞാൻ അഭിമാനിച്ചു ആഹ്ലാദിച്ചു ചിറകു വിരിച്ചു... പക്ഷികൾ പലതും ആ വഴി വന്നു... ആറ് ആകാശവും അളന്നു വന്ന ഒരു കുരുവിയെ കുറിച്ച് കവി വാചാലനായി... ഇനിയും ഏറെയെന്നു കുരുവി കിതച്ചത്രെ... അജ്ഞാതമായ ആകാശങ്ങളെ ഓർത്ത് ഞാൻ നേടുവീർപ്പിട്ടു... എന്റെ നക്ഷത്രങ്ങൾ കെട്ടു... ചിറകു കുഴഞ്ഞു... എന്റെ ആകാശം നീ എന്ന് നീ മാത്രം എന്ന് ഞാനും കിതച്ചു... പക്ഷികളുടെ കലമ്പലിൽ കവി അതു കേട്ടില്ല... #💭 എന്റെ ചിന്തകള്‍ #🖋 എൻ്റെ കവിതകൾ🧾 #💌 പ്രണയം #❤ സ്നേഹം മാത്രം 🤗 #💞 നിനക്കായ്

ഞാൻ കഥ കേൾക്കാൻ ഇരുന്നു... ആ കണ്ണിൽ നോക്കി നോക്കി... തുടങ്ങി വച്ചത് ശലഭങ്ങളെ കുറിച്ചുള്ള വർണനയോടെയാണ്... വർണാഭമായ തുടക്കം... ശലഭങ്ങൾ അപ്സരസുകളെ പോലെ സുന്ദരികളായി... അവരുടെ തുടുപ്പും മിനുപ്പും വർണിക്കുന്നതിൽ അയാൾ ഹരം കൊണ്ടു... അയാളോടുള്ള പ്രണയം നിറച്ചു വച്ച എന്റെ ഹൃദയത്തിൽ ആ വർണന നേരിയ അസ്വാസ്ഥ്യം പടർത്തി... എങ്കിലും സാകൂതം ഞാൻ കേട്ടിരുന്നു... കഥ തുടർന്നു... ആരാമത്തിൽ അയാൾ അഗ്നിപുഷ്പം ആണത്രേ... അയാളുടെ ജ്വലിക്കുന്ന സൗന്ദര്യം ശലഭങ്ങളെ മോഹിപ്പിച്ചു... ആ മനസ്സിന്റെ കാമനകൾ, കല്പനകൾ മദിപ്പിക്കുന്ന ഗന്ധം ഉതിർത്തു... സുന്ദരികൾ ചിറകുകൾ വീശി വന്നണഞ്ഞു... പുഷ്പത്തിൽ ശയിച്ചു... മരണത്തെ പുൽകി... അയാളിൽ ലയിച്ച ആത്മാക്കൾ അത്രയും തിളക്കമാർന്നു നിന്നു... തിളക്കമൊട്ടും ചോരാതെ അവയോരൊന്നും കവിതകളായി... അയാളുടെ തൂലികയിൽ പിറന്നു... കഥ കേട്ടു കേട്ട് ഞാൻ കവിയെ സ്നേഹിച്ചു... വീണ്ടും വീണ്ടും സ്നേഹിച്ചു... പ്രണയം ഒട്ടും ചോരാതെ... #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 #💌 പ്രണയം #💭 എന്റെ ചിന്തകള്‍ #❤ സ്നേഹം മാത്രം 🤗

അകലെയെന്നാകിലും അലസമെന്നാകിലും നിന്റെ വാക്കിന്റെ പച്ചപ്പ് ഇറ്റു വീണു പടർന്നെന്നെ തീർത്തും മരുഭൂമി ആവാതെ കാക്കുന്നു... # #💞 നിനക്കായ് #💌 പ്രണയം

മാനം കാണാതെ സൂക്ഷിച്ചു വച്ച മയിൽ‌പീലി പെറ്റു പെരുകി ഒരാകാശം നീർത്തി വച്ചിട്ടുണ്ടെന്ന് നീ ആണ് പറഞ്ഞത്... മറിച്ചു നോക്കിയപ്പോൾ ശരിയാണ്... താളുകൾ പൊടിഞ്ഞിട്ടും പട്ടു പോകാതെ തിളക്കമൊട്ടും മങ്ങാതെ ആകാശം പീലി വിരിച്ചു നിൽക്കുന്നു... ഞാൻ കാണാതെ പോയതാണ്... എങ്കിലും കൂട്ടുകാരീ നീ എങ്ങനെ അറിഞ്ഞു എന്റെ വീട്ടിൽ എന്റെ മുറിയിൽ കാലം എത്ര മറിഞ്ഞിട്ടും കയ്യിൽ പെടാതെ ഈ പുസ്തകം ഇരിപ്പുണ്ടെന്ന്... #🤝 സുഹൃദ്ബന്ധം #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 #💭 എന്റെ ചിന്തകള്‍

നേട്ടം അകലെയായിരുന്നാലും അടുത്തായിരിക്കുമ്പോഴും മനസ്സിൽ കവിത നിറയ്ക്കുന്ന നീ ഉണ്ടെനിക്ക്... #💌 പ്രണയം #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 #💞 നിനക്കായ് #💭 എന്റെ ചിന്തകള്‍

പാതയോരത്തെ പച്ചവരമ്പിൽ നിറയെ പൂക്കൾ ആണ് ഇപ്പോൾ... ഇവിടെ ഈ മൺതിട്ടയിൽ നിന്നെ കാത്തിരിക്കാൻ തുടങ്ങിയിട്ട് ദിവസങ്ങളായി... രാപകലുകൾ ഗൗനിക്കാതെയുള്ള കാത്തിരിപ്പ്... പറ്റമായി നിൽക്കുന്ന പുൽനാമ്പുകളോട് നിന്നെക്കുറിച്ചു പറഞ്ഞാണ് ഞാൻ നേരം പോക്കിയത്... കവിയെക്കുറിച്ചു പറഞ്ഞതെല്ലാം കവിത പോലെ എന്ന് അവർ പറയാതെ പറഞ്ഞു... മത്സരിച്ചു പൂത്തു... പൂക്കൾക്ക് നിന്റെ ചിരിയുടെ ഭംഗി... #😞 വിരഹം #💌 പ്രണയം #🖋 എൻ്റെ കവിതകൾ🧾 #📝 ഞാൻ എഴുതിയ വരികൾ

പൂവിതൾ പൊഴിയും പോലെ അത്രയും മൃദുലമായി മനോഹരമായി ദിനങ്ങൾ കടന്നു പോകുന്നു... ഇങ്ങനെ ഞാൻ കുറിച്ചു വയ്ക്കട്ടെ... നിനക്കൊപ്പം അല്ലാതെ കനം തൂങ്ങിയ മനസ്സോടെ കഠിനമായ വ്യഥയോടെ ഞാൻ കടന്നു പോകുന്നത് ആരും അറിയാതിരിക്കട്ടെ... #💌 പ്രണയം #🖋 എൻ്റെ കവിതകൾ🧾 #📝 ഞാൻ എഴുതിയ വരികൾ #😞 വിരഹം #😔വേദന

എവിടെയോ നീ പാടുന്നതും അവിടെയാകെ മഞ്ഞു പെയ്യുന്നതും... മഞ്ഞുതുള്ളികൾ വെളുത്ത പുഷ്പങ്ങളായി മാറുന്നതും... നിന്റെ നനുത്ത പാദങ്ങളെ പൊതിയുന്നതും... തണുപ്പിൽ നിന്റെ വിരലുകൾ ചുവന്നു തുടുക്കുന്നതും... ഇല പൊഴിച്ച മരങ്ങൾ നിന്റെ വിരൽ തൊടാൻ കാത്തു നിൽക്കുന്നതും... തൊട്ടതും നിറഞ്ഞു പൂക്കുന്നതും... സ്വപ്നത്തിൽ എന്ന പോലെ ഞാൻ കാണുന്നു... പ്രിയപ്പെട്ടവനെ... തിരികെ എത്താൻ വൈകരുതേ... ഇവിടെ വേനലാണ് വെയിലാണ്... #😔വേദന #😞 വിരഹം #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 #💌 പ്രണയം