ആറ്റു നോറ്റെന്റെ ഉറ്റ സുഹൃത്തുക്കൾ ഏറ്റം കൊതിയോടെ ഒത്തുകൂടി പുസ്തകക്കൂട്ടവും കുട്ട്യോളും ചേരുന്ന പുസ്തകശാലയിതെന്തു കേമം സാരഥിയായൊരു കേമനാം 'മാനുജ'ൻ സാദരം തന്നൊരു സ്വീകരണം ഗംഭീരമായെൻ പുസ്തക പ്രകാശനം ഗംഭീരം തന്നെ സൽക്കാരവും വന്നോർക്ക് വന്നോർക്ക് മൃഷ്ടാന്ന ഭോജനം പിന്നാർക്ക് വേണമെന്നുള്ള ഭാവം കവിത കുറിച്ചിട്ട പുസ്തകവും ഞാനും കുട പോലെ മൂലയിൽ ചാരി നിന്നു ഒടുവിൽ ഞാൻ ഓർത്തു കിട്ടിയില്ലെങ്കിലും പഴംപൊരി നീളത്തിൽ കവിത കാച്ചാo എഴുതുന്നോർക്കൊട്ടുമേ പശിയില്ലെന്നോർത്താവും സാരഥി പിന്നെയും ബുക്ക്‌ തന്നു #📝 ഞാൻ എഴുതിയ വരികൾ #🤝 സുഹൃദ്ബന്ധം #🤔 ചിരിയും ചിന്തയും #😹 തമാശ തമാശ

#❤️ ഹാപ്പി വാലന്റൈൻസ് ഡേ ❣️ #📝 ഞാൻ എഴുതിയ വരികൾ നേരെഴുതുവാനാകാതെ ഒരു പിടച്ചിൽ പ്രണയത്തിലുണ്ട്... എപ്പോഴെന്നല്ലേ... നിന്നെക്കുറിച്ചെഴുതാൻ നീ പറയുമ്പോൾ... നിന്നോടുള്ള പ്രണയം മറച്ചു വച്ച് ഒരു കുഞ്ഞിന്റെ പുഞ്ചിരി ചുണ്ടിൽ ഒട്ടിച്ചു വച്ച് ഞാൻ കുത്തിക്കുറിക്കാൻ ഒരുങ്ങുമ്പോൾ...

#❤️ ഹാപ്പി വാലന്റൈൻസ് ഡേ ❣️ #📝 ഞാൻ എഴുതിയ വരികൾ എനിക്കു നിന്റെ നിലവറയിലെ സ്വപ്നമാവണം... ഒളിച്ചിരിക്കണം... കാറ്റ് പോലും ഉറക്കമാവുമ്പോൾ ഹൃദയങ്ങൾ ഒരേ താളത്തിൽ ഉണർന്നിരിക്കാൻ...

പൊട്ടിയ ബലൂൺ വളച്ചില്ല് എല്ലാം പെറുക്കി കൂട്ടണം ഉത്സവം കൂടണം നീ വരില്ലേ.... #💭 എന്റെ ചിന്തകള്‍ #📝 ഞാൻ എഴുതിയ വരികൾ #🤝 സുഹൃദ്ബന്ധം

കവിയോടുള്ള എന്റെ സ്നേഹത്തിന്റെ അളവറിയിക്കാൻ ഞാൻ ആകാശം സൃഷ്ടിച്ചു... പക്ഷിയായ് മാറി... കവിയുടെ വരികൾ നക്ഷത്രങ്ങളാക്കി നിറച്ചു വച്ചു... സ്നേഹത്തിന്റെ അനന്തതയെ കുറിക്കാൻ കഴിഞ്ഞതിൽ ഞാൻ അഭിമാനിച്ചു ആഹ്ലാദിച്ചു ചിറകു വിരിച്ചു... പക്ഷികൾ പലതും ആ വഴി വന്നു... ആറ് ആകാശവും അളന്നു വന്ന ഒരു കുരുവിയെ കുറിച്ച് കവി വാചാലനായി... ഇനിയും ഏറെയെന്നു കുരുവി കിതച്ചത്രെ... അജ്ഞാതമായ ആകാശങ്ങളെ ഓർത്ത് ഞാൻ നേടുവീർപ്പിട്ടു... എന്റെ നക്ഷത്രങ്ങൾ കെട്ടു... ചിറകു കുഴഞ്ഞു... എന്റെ ആകാശം നീ എന്ന് നീ മാത്രം എന്ന് ഞാനും കിതച്ചു... പക്ഷികളുടെ കലമ്പലിൽ കവി അതു കേട്ടില്ല... #💭 എന്റെ ചിന്തകള്‍ #🖋 എൻ്റെ കവിതകൾ🧾 #💌 പ്രണയം #❤ സ്നേഹം മാത്രം 🤗 #💞 നിനക്കായ്

ഞാൻ കഥ കേൾക്കാൻ ഇരുന്നു... ആ കണ്ണിൽ നോക്കി നോക്കി... തുടങ്ങി വച്ചത് ശലഭങ്ങളെ കുറിച്ചുള്ള വർണനയോടെയാണ്... വർണാഭമായ തുടക്കം... ശലഭങ്ങൾ അപ്സരസുകളെ പോലെ സുന്ദരികളായി... അവരുടെ തുടുപ്പും മിനുപ്പും വർണിക്കുന്നതിൽ അയാൾ ഹരം കൊണ്ടു... അയാളോടുള്ള പ്രണയം നിറച്ചു വച്ച എന്റെ ഹൃദയത്തിൽ ആ വർണന നേരിയ അസ്വാസ്ഥ്യം പടർത്തി... എങ്കിലും സാകൂതം ഞാൻ കേട്ടിരുന്നു... കഥ തുടർന്നു... ആരാമത്തിൽ അയാൾ അഗ്നിപുഷ്പം ആണത്രേ... അയാളുടെ ജ്വലിക്കുന്ന സൗന്ദര്യം ശലഭങ്ങളെ മോഹിപ്പിച്ചു... ആ മനസ്സിന്റെ കാമനകൾ, കല്പനകൾ മദിപ്പിക്കുന്ന ഗന്ധം ഉതിർത്തു... സുന്ദരികൾ ചിറകുകൾ വീശി വന്നണഞ്ഞു... പുഷ്പത്തിൽ ശയിച്ചു... മരണത്തെ പുൽകി... അയാളിൽ ലയിച്ച ആത്മാക്കൾ അത്രയും തിളക്കമാർന്നു നിന്നു... തിളക്കമൊട്ടും ചോരാതെ അവയോരൊന്നും കവിതകളായി... അയാളുടെ തൂലികയിൽ പിറന്നു... കഥ കേട്ടു കേട്ട് ഞാൻ കവിയെ സ്നേഹിച്ചു... വീണ്ടും വീണ്ടും സ്നേഹിച്ചു... പ്രണയം ഒട്ടും ചോരാതെ... #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 #💌 പ്രണയം #💭 എന്റെ ചിന്തകള്‍ #❤ സ്നേഹം മാത്രം 🤗

അകലെയെന്നാകിലും അലസമെന്നാകിലും നിന്റെ വാക്കിന്റെ പച്ചപ്പ് ഇറ്റു വീണു പടർന്നെന്നെ തീർത്തും മരുഭൂമി ആവാതെ കാക്കുന്നു... # #💞 നിനക്കായ് #💌 പ്രണയം

മാനം കാണാതെ സൂക്ഷിച്ചു വച്ച മയിൽ‌പീലി പെറ്റു പെരുകി ഒരാകാശം നീർത്തി വച്ചിട്ടുണ്ടെന്ന് നീ ആണ് പറഞ്ഞത്... മറിച്ചു നോക്കിയപ്പോൾ ശരിയാണ്... താളുകൾ പൊടിഞ്ഞിട്ടും പട്ടു പോകാതെ തിളക്കമൊട്ടും മങ്ങാതെ ആകാശം പീലി വിരിച്ചു നിൽക്കുന്നു... ഞാൻ കാണാതെ പോയതാണ്... എങ്കിലും കൂട്ടുകാരീ നീ എങ്ങനെ അറിഞ്ഞു എന്റെ വീട്ടിൽ എന്റെ മുറിയിൽ കാലം എത്ര മറിഞ്ഞിട്ടും കയ്യിൽ പെടാതെ ഈ പുസ്തകം ഇരിപ്പുണ്ടെന്ന്... #🤝 സുഹൃദ്ബന്ധം #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 #💭 എന്റെ ചിന്തകള്‍