🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని మహిమ యొక్క మర్మములు Tuesday, April 14 *''యెహోవా తేజస్సు మందిరము నిండ నిండెను'' (2దినవృ. 7:1).* దేవుని మహిమ మనతో గలదని నిశ్చయము చేసికొనుటకు 4వ దైవిక నియమము చూచెదము. సొలొమోను దీనికి సాదృశ్య రీతిగా చెప్పుచున్నాడు. ''అయితే మందిరము కట్టు సమయమున అది ముందుగా సిద్ధపరచి తెచ్చిన రాళ్లతో కట్టబడెను. మందిరము కట్టు స్థలమున సుత్తె, గొడ్డలి మొదలైన యినుప పనిముట్ల ధ్వని యెంత మాత్రమును వినబడలేదు'' (1రాజులు 6:7). ఇది అసమానమైన మందిరము. శబ్దము చేయుకుండ ప్రపంచములో ఎన్నడు, ఏ భవనము కట్టబడలేదు. దేవుని సంకల్పము ప్రకారము ప్రతి రాయి ఎంతో సౌందర్యముగా అమర్చబడినది. గనుకనే ఈ మందిరము కట్టబడునప్పుడు శబ్దము చేయు అవసరతయే లేదు. మీ వ్యక్తిగత, కుటుంబ, సంఘ జీవితములలో దేవుని సంకల్పమును అనుసరించినచో ఐక్యత, సహకారము, నిష్కపటము, సహవాసము, ఆత్మీయ ఆనందము, కలిసి జీవించుటలో కనబడును. అట్లు అనుసరించక పోతిమా పోరాటము, కలహములు తప్పవు. దేవుని సంకల్పము తెలిసికొని మన పరిచర్యను గుర్తించగలిగినచో ఏ అసూయయు నుండదు. అసూయ వలన చాలా పని భంగమైపోయినది. దేవుని సేవకులముగా కూడా ఒకరిపై నొకరు అసూయ కలిగి యుండుట సాధ్యమే. నిస్సందేహముగా యిది నష్టమును చేకూర్చును. దేవుని మనస్సును నిశ్చయము చేసికొనుటకు రాత్రంతయు లేక యింక దీర్ఘకాలము ప్రార్థన చేయవలసి యుండును. అప్పుడే ఐక్యత కలిగి యుండును. ఆ మందిర నిర్మాణము పూర్తికాగానే ఆ దినము ప్రభువు మహిమ యింటిని నింపినందున చాలా ఆనందము కల్గెనని 2 దినవృ. 7:1లో చదువుచున్నాము. 140 సంవత్సరములు దేవుడు వేచియుండెను. పరలోకపు క్రమము లోనికి వచ్చువరకు దేవుడు తన ప్రజలను ప్రేమించి, గద్దించి శిక్షించెను. అప్పుడే దేవుని మహిమ దిగివచ్చెను. దేవుని మహిమ తిరిగి రావలెనన్నచో మహిమ విడచి వెళ్లినదని ఒప్పుకొనవలెను. మనము గొడ్డుబారి యున్నామనియు, నిష్ఫలముగా నున్నామనియు పొందవలసినంత ఎక్కువగా దేవుని వాక్యమును పొందలేక పోవుచున్నామనియు ఒప్పుకొనవలెను. ''ప్రభువా, హన్నా వలె మీ అక్కర గుర్తించగలిగి, ప్రార్థించగలుగునట్లు నేర్పించుము. ఆమె తన కుమారుని మీకర్పించుట ద్వారా ఆ అక్కరను తీర్చినది. మీ అక్కరను తీర్చగల్గు ఆధిక్యతను నాకు అనుగ్రహించుము''. ''ప్రభువా మీ వాక్కును ఇతరులకు అందజేయగల్గునట్టి సమూయేలువలె నన్ను జేయుము. మీ వర్తమానము నెరిగి, అధికారము నొంది, ధైర్యముతో మీ వర్తమానమును యివ్వగల్గునట్లు అనుగ్రహించుము''. ''లోకజ్ఞానము పూర్తిగా వదిలివేసి మీ సంకల్పము లేక నమూనాను చేపట్టగల మీ హృదయానుసారుడైన దావీదు వంటి మనుష్యునిగా నన్ను చేయుడి''. దావీదుకు పరలోకపు మందిరము యొక్క నమూనాను దేవుడు ప్రత్యక్షపరచినప్పుడు, సంఘము విషయమై దేవునికి గల నమూనా దావీదు జీవితములో కనబడినట్లు చూచుచున్నాము. ఈ నమూనాను దేవుడు దావీదు కనుగ్రహించక ముందే అతనిని బహుగా శిక్షించి, శుద్ధిచేసి, మార్చి, తగ్గించి, మానవ జ్ఞానమును పూర్తిగా తీసివేయవలసి యుండెను. అందుచేతనే దావీదు జీవితము ద్వారా సంఘము జ్ఞాపకమునకు వచ్చుచున్నది. షిలోహులోని జీవితము ద్వారా దేవుడు జ్ఞాపకమునకు వచ్చుచున్నాడు. ''ప్రభువా ఐకమత్యముతో, సజీవమైన రాళ్లతో చక్కగా అమర్చబడి దేవుని మందిరమును కట్టుటకు సమాధాన ప్రియుడగు సొలొమోను వలె నన్ను చేయుడి''. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Tuesday, April 14 🌷🌷🌷 *''నీ వెలుగును నీ సత్యమును బయలుదేరజేయుము, అవి నాకు త్రోవ చూపును'' (కీర్తనలు 43:3).* పండ్రెండు ప్రశస్తరత్నములు కలిగిన న్యాయవిధాన పతకము వెనుక ఊరీము, తుమ్మీము అనువాటి నుంచవలెను (నిర్గమకాండము 28:30). ఏ సమయముందైనను, ఏ వ్యక్తికి సంబంధించిన ఏ విషయమును గూర్చియైనను ప్రధాన యాజకుడు ఈ రెండు రాళ్ల సహాయముతో దేవుని చిత్తమును కనుగొనును (సంఖ్యాకాండము 27:21). ఈ రెండు రాళ్లు ఏ విధముగా పనిచేసినవో అనునది ఒక మర్మము. ప్రధాన యాజకుడు తప్ప, వాటిని ఎవరును కనుగొనలేరు. ప్రధాన యాజకుని వస్త్రములన్నిటిలో అవి మిక్కిలి ప్రాధాన్యత గలవి. పాత నిబంధన కాలములో, దేవుని చిత్తమును కనుగొనుటకు అవే సాధనములు. అందుచేతనే దావీదు, ప్రధానయాజకుడగు అబ్యాతారును ఏఫోదులోని ఊరీము, తుమ్మీము ద్వారా దేవుని చిత్తమును కనుగొనుటకు దానిని తెమ్మని ఎడతెగక అడుగుచుండెడివాడు (1 సమూయేలు 23:2,4,9,11). దావీదు అదుల్లాము గుహలో దాగుకొనినప్పుడు కష్టములలో, బాధలలో నున్నవారు ఆ గుహలో అతని యొద్ద ఉండుటకు వచ్చిరి. అక్కడనే దావీదు దేవుని అనుభవపూర్వకముగా ఎరుగ గలిగెను. ఆ గుహలో నుండియే దావీదు 34, 57, 107, 108 కీర్తనలను వ్రాసెను. అక్కడ అతడు దేవుని ప్రణాళికను కనుగొను రహస్యమును నేర్చుకొనెను. ఏఫోదు, రెండు రాళ్లు కలిగిన న్యాయవిధాన పతకము ద్వారా దావీదు చిన్న విషయములలో కూడా దేవుని చిత్తమును తెలిసికొనుటకు ఆరంభించెను (1 సమూయేలు 23:1-5, 12). అందరికి ఆ ఆధిక్యత అందుబాటులో ఉన్నది, గాని కొద్ది మంది మాత్రమే ప్రధాన యాజకుని యొద్దకు వెళ్లి దేవుని చిత్తమును కనుగొనెడివారు. తరచుగ మన పరిస్థితి కూడా అంతే. మనము అనేక పొరపాట్లు చేసి, అనేక పర్యాయములు తప్పిపోయిన తరువాత, ''ఓ ప్రభువా, ఈ దినమున నీ చిత్తమును కనుగొనుటకు నాకు సహాయము చేయుము'' అని అందుము. ఈ పాఠమును మొట్టమొదటలోనే మనము నేర్చుకొనవలెను. యేసుక్రీస్తు ప్రభువే జీవించుచున్న మన ప్రధానయాజకుడు. ఇప్పుడు మనమందరము ఆయన ద్వారా దేవుని చిత్తమును కనుగొనగలము. మనము మోకరించి, తన చిత్తమును చూపించుమని, విశ్వాసముతో దేవుని ప్రార్థించవలెను. ఉదాహరణకు, మనము బజారుకు వెళ్లినప్పుడు, మన సమయమును పాడుచేసికొన నవసరము లేదు. సామాన్యముగా జరుగునట్లు చివరలో దుకాణదారుని ద్వారా మోసగించబడనవసరము లేదు. మనము కేవలము ''ప్రభువా, నేను ఫలాని, ఫలాని వస్తువులు కొనదలచుకొనియున్నాను. నన్ను సరియైన దుకాణమునకు తీసికొనిపోయి, నేను నా సమయమును, ధనమను, శక్తిని పాడుచేసికొనకుండునట్లు సహాయము చేయుమని ప్రార్థించిన యెడల ఆయనే మన పక్షమున బాధ్యత వహించును, బేరమాడుటలో సమయము వ్యర్థపుచ్చునవసరము లేదు. మనము నష్టపడిన దానిని బట్టి బాధపడనవసరము లేదు. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని మహిమ యొక్క మర్మములు Monday, April 13 *''యెహోవా కోపము అతని మీద రగులుకొనెను'' (1 దినవృ. 13:10).* దేవుని మహిమ తిరిగివచ్చు నిమిత్తము వాడబడిన మూడవ వ్యక్తి దావీదు. దావీదు జీవితములో దేవుడు దావీదును క్రమపరచిన విధమును చూచుచున్నాము. దావీదునకు దీనత్వము నేర్పించుటకు అనేక శోధనలు గుండా దేవుడు తీసికొని వెళ్లెను. దేవుని పనియందు మనము అధికముగా తగ్గించుకొని విరిగి నలిగిన హృదయము గలవారముగా నుండవలెను. దావీదుకున్న శోధనలు మనకుకూడా ఉండవచ్చును (1దినవృ. 13:1-11). ఇచ్చట కొంత మార్పును గమనించుచున్నాము. క్రొత్తబండి మీద మందసమును ఎక్కించిరి (1దినవృ. 13:7). లేవీయులు మందసమును మోయవలసిన వారు, బైబిలు గ్రంథములో తెలియపరచబడిన దానిని మనము మార్చకూడదు. ప్రతి ఒక్కరికి కొన్ని నియమములు గలవు. ఈ నియమములు మార్చినప్పుడు మనము నష్టపోయెదము. ఈ సందర్భములో ఉజ్జా మరణించెను గదా! మనము నవీన యుగములో జీవించుచున్నామనుకొనెదము. ఏమైనను సరే పరలోకపు నమూనాను మనము అమలుపరచని యెడల దేవుని సంపూర్ణ మహిమను మనము చూడలేము. మన స్వంత జ్ఞానమును, ఆసక్తిని దేవుని సేవలో చూపించినచో చాలా నష్టమును పొందెదము. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Monday, April 13 🌷🌷🌷 *''ప్రియులారా, మీరు పరదేశులును యాత్రికులునై యున్నారు గనుక ఆత్మకు విరోధముగా పోరాడు శరీరాశలను విసర్జించుడి'' (1 పేతురు 2:11).* దేవుడు యాకోబుతో బేతేలుకు వెళ్లుమని చెప్పెను గాని అతడు చాలా ఆలస్యము చేసెను. మరల దేవుడు యాకోబుతో ''నీవు లేచి బేతేలునకు వెళ్లి అక్కడ నివసించి, నీ సహోదరుడైన ఏశావు ఎదుట నుండి నీవు పారిపోయినప్పుడు నీకు కనబడిన దేవునికి అక్కడ బలిపీఠమును కట్టుమని చెప్పెను'' (ఆదికాండము 35:1). చివరికి యాకోబు, దేవుడు తనను నిజముగా బేతేలుకు వెళ్లుమను చెప్పుచున్నాడని గ్రహించెను. తన కుటుంబికుల వైపు చూచి, వారు అన్యదేశస్థులవె వస్త్రములు ధరించుచున్నారని గమనించెను. ఈ లోకసంబంధమైన వస్త్రములు శరీర సంబంధమైన కోరికలను, అతిశయమును కనబరచుచున్నవని గ్రహించెను.చాలా తరచుగా పిల్లలు పాపపు అలవాట్లు కలిగి, పాపపు స్నేహములలో పడిపోవుదురు, తమ యౌవన ప్రాయములో లోకసంబంధమైన అలవాట్లకు బానిసలగుదురు. వారు ధరించు ఈ వస్త్రములను చూచి మనము సులభముగా వివేచించవచ్చును. కాని చాలామంది తల్లిదండ్రులు పూర్తిగా గ్రుడ్డివారైయుండి తమ పిల్లలు నెమ్మదిగా సాతాను వలలో పడుచున్నారని గ్రహించలేక వారు నెమ్మదిగా, ''మా పిల్లలు చాలా మంచివారు, చాలా అమాయకులు'' అని చెప్పుదురు. యాకోబు తన యింటి వారికి, అన్య దేవతలను, అన్య వస్త్రములను, ఆభరణములను తీసివేయుడని ఆజ్ఞాపించెను. అతడు వాటినన్నింటిని మస్తకి వృక్షము క్రింద పాతిపెట్టెను. ఆ విధముగా యాకోబు కుటుంబములో ఆత్మీయ మేలుకొలుపు, ఉజ్జీవము కలిగినది. దాని తరువాత యాకోబు, తన వారు ప్రయాణము కొనసాగించిరి. ''దేవుని భయము వారి చుట్టునున్న పట్టణముల మీద నుండెను'' (ఆదికాండము 35:5). ఎంత మార్పు కలిగినది! ఇప్పుడు చుట్టుప్రక్కల పట్టణముల వారందరు యాకోబుకు భయపడసాగిరి. ''వారు దేవుని ప్రజలు'' అని వారిలో వారు గుసగుసలాడు చుండిరి. అంతకుమునుపు తన శత్రువులను శాంతపరచుటకు యాకోబు వణకుచు అనేక ప్రణాళికలు వేయుచుండెడివాడు. ఇప్పుడు అట్లు లేడు, ప్రజలు యాకోబును సమీపించుటకు వణకసాగిరి. వారికి దేవుని భయము కలిగెను. యాకోబు కుటుంబములో ఈ ఉజ్జీవము వచ్చిన తరువాత దేవుడు మరల యాకోబునకు ప్రత్యక్షమై అతని నాశీర్వదించెను (ఆదికాండము 35:10-12). దేవునికి సంపూర్ణముగా లోబడుము. దయచేసి దేవునికి సంపూర్ణముగా లోబడుము, దేవుని ఇల్లయిన బేతేలుకు వచ్చుటను ఆపివేయకుము. దేవుని ఇంటినుండి నిన్ను దూరపరచు శత్రువు యొక్క కుయుక్తితో కూడిన పన్నాగములన్నిటి విషయమై జాగ్రత్త వహించుము. దేవుని ఇంటి యొక్క ఆశీర్వాదము క్రింద, భద్రత క్రింద నిన్నుంచవలెనని దేవుడు కోరుచున్నాడు. దేవుని ఇల్లు అను తన సంఘము యొక్క నిర్మాణములో మన సంపూర్ణ భాగమును పొందునట్లు ఆయన సహాయము చేయును గాక! Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com