🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని మహిమ యొక్క మర్మములు Sunday, April 19 *''గొఱ్ఱెపిల్లకును స్తోత్రమును, ఘనతయు, మహిమయు ప్రభావమును యుగయుగములు కలుగును గాక'' (ప్రకటన 5:13).* ప్రకటన 5:11-14లలో మనకొరకై వర్ణించబడిన మహిమతో గూడిన మరియొక దర్శనమును చివరిగా చూచెదము. ఏకగ్రీవముగా దూతల సమూహమంతయు మహిమ పరచబడిన సంఘముతో పాటు యేసుక్రీస్తు ప్రభువును ఆరాధించుచున్నది. ప్రభువు బల్లయొద్ద ఇదే వర్తమానము మనకు గలదు. నా దేవుడు రానైయున్నాడు. ఆయన ప్రారంభించిన పనిని పరిపూర్ణము చేయుటకు ఆయన తప్పక రావలసి యున్నది. ఆయన వచ్చువరకు ఆ పని పూర్తికాదు. ఆ దినము కొరకు వేచియున్నామని విశ్వాసముతో మనము ఆ బల్లయొద్ద చెప్పుచున్నాము. మన మాయనను పోలియుండి ఆయనతో ఏలుటకు ఆరంభించు ఆ దినము ఎంత అద్భుతకరమైన దినము! ఎఫెసీ 3:18,19లలో ఏకముగా నుండుట ఎంత ప్రాముఖ్యమో మీరు గమనించవలెనని కోరుచున్నాను. ఆయన యొక్క ప్రేమ, సంకల్పమును మనము సంపూర్ణముగా గ్రహించలేము. ''మీరు దేవుని సంపూర్ణత యందు పూర్ణులగునట్లుగా ప్రేమయందు వేరుపారి స్థిరపడి, సమస్త పరిశుద్ధులతో కూడా దాని వెడల్పు, పొడుగు, లోతు, ఎత్తు ఎంతో గ్రహించుకొనుటకును, జ్ఞానమునకు మించిన క్రీస్తు ప్రేమను తెలిసికొనుటకును'' విశ్వాసులందరి సహాయము మనకవసరము. ఇక్కడొక గొప్ప మర్మము కలదు. ఒకే కుటుంబముగా మనము సమకూడినప్పుడు అధికమైన ప్రేమ, పరిపూర్ణమైన ప్రేమ కనబడును. ఈ కుటుంబములో యూదుడని, హెల్లేనీయుడని బేధముండదు. అనేక కుటుంబములకు, దేశములకు, జాతులకు చెందినప్పటికి అందరు ప్రభువుతో పాలు పొందుచు స్వతంత్రులై, ఐక్యమై యున్నారు. ఆయనను ఆరాధించుటకు వెళ్లుదుము. ఆమేన్‌. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Sunday, April 19 🌷🌷🌷 *''ఎవడును ఇద్దరు యజమానులకు దాసుడుగా నుండనేరడు'' (మత్తయి 6:24).* మనము 2వ దినవృత్తాంతములు 18వ అధ్యాయములో యెహోషాపాతు యొక్క పతనము ఆరంభమగుటను చూడగలము. కాని, మనము జాగ్రత్తగా చూచిన యెడల 17:13లో కథ నిజముగా ఇచ్చట మొదలైనట్లు కనుగొనగలము. ''యూదా దేశపు పట్టణములలో అతనికి బహుధనము సమకూర్చబడెను''. మొదట యెహోషాపాతులోని ఈ బలహీనతను స్వల్పవిషయముగా పరిగణించవచ్చును. కాని, ఈ చిన్నబలహీనతయే గొప్ప పతనమునకు నడిపించినదని జ్ఞాపకముంచుకొనవలెను. యెహోషాపాతు అంతకంతకు గొప్పవాడై, ఐశ్వర్యమును, ఘనతయు కలిగిన వాడాయెను. కాని సాతాను అతనిని బలహీనపరచుటకు అతని ధనాశను ఆధారముగా చేసికొనెను. అదే విధముగా, సాతాను నీ జీవితములో నెమ్మదిగా చిన్నచోటు చేసికొని, ఆ తరువాత నిన్ను సంపూర్ణముగా క్రిందికి పడద్రోయును. 2 దినవృ. 18:1లో యెహోషాపాతు, ఆహాబుతో సన్నిహిత సంబంధమును ఏర్పరచుకొనినట్లు చదువుచున్నాము. ఇశ్రాయేలీయులను పరిపాలించిన మిక్కిలి చెడ్డరాజులలో ఆహాబు ఒకడు (1 రాజులు 16:30-33). అటువంటి రాజుతో యెహోషాపాతు వియ్యమొందెను. లోకములో ఐశ్వర్యఘనతలు గలవారు, తమన వలెనే ఐశ్వర్యఘనతలు గలవారితోనే స్నేహము చేయవలెనని శోధించబడుదురు. ఎవరైతే ఐశ్వర్యమును, ఉన్నత స్థానమును కలిగిన వారుగా నుందురో అట్టి వారందరితో స్నేహ సంబంధములు కలిగియుండవలెనని కోరుదురు. అనేకులు టీపార్టీలకు, విందులకు వెళ్లనిష్టపడుటకు గల కారణము, మంచి ఆహారము కొరకు మాత్రమే గాక, ప్రముఖులైన వ్యక్తులను అచ్చట కలిసికొనుటకు వీలగునని కూడా వెళ్లెదరు. వారి స్నేహిఉతలో ''నాకు ఫలానా, ఫలానా వ్యక్తి (ప్రసిద్ధి కెక్కిన వ్యక్తి) తెలియును. నీవు నా దగ్గరకు రమ్ము, నేను అతనితో మాట్లాడి మన వ్యాపార విషయము లేక నీ ఆఫీసు సంబంధమైన విషయము వెంటనే సరిచేయబడునట్లు చూచుదును'' అని ఆ విధముగా చెప్పుకొనుట వారికి ఎంతో తృప్తిని కలిగించును. ప్రపంచములోని గొప్ప వ్యక్తుల వెంట పరుగెత్తవలెననెడి కోరిక కొన్నిసార్లు విశ్వాసులలో, దేవుని సేవకులలో కూడా కనిపించున. నీ వెల్లప్పుడు నీ పిల్లల విషయము, ఇతరుల పిల్లల విషయము, వారిని కళాశాలలో చేర్పించుటను గూర్చి, వారి వివాహములను గూర్చి ఎల్లప్పుడు తీరిక లేకయున్నయెడల, ప్రార్థన కొరకైన నీ భారము క్రమేణ తగ్గిపోవుచుండును. నీవు లోకసంబంధమైన మార్గములను, పద్ధతులను అధికముగా అనుసరించి, లోకసంబంధమైన స్నేహితులతో రాజీపడుదువు. నీవు దేవునికి, ఆయన వాక్యమునకు అతి తక్కువ ప్రాధాన్యత నిచ్చెదవు. అనేకమంది దేవుని సేవకులు దేవుని సేవలో కూడా లోకసంబంధమైన పద్ధతులు ప్రవేశపెట్టిరి. అటువంటి లోకసంబంధమైన జీవితము, నీ జీవితములో గొప్ప ఆత్మీయ నష్టమును తీసికొని వచ్చును. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

🌷🌷🌷దైవ మర్మములు - Bro. Bakht Singh🌷🌷🌷 🛐 Daily Devotional 🛐 Theme of the Month: దేవుని మహిమ యొక్క మర్మములు Saturday, April 18 *''రొట్టెను ఎత్తికొని కృతజ్ఞతా స్తుతులు చెల్లించి'' (1కొరింథీ 11:23).* ప్రతి ఆదివారము ప్రభువు బల్లలో పాలు పొందునప్పుడు ప్రభువు యొక్క అంతర్యమును చూచు తరుణమును మనకనుగ్రహించును. ప్రభువు వచ్చు పర్యంతము ఆయనమరణమును మనకు జ్ఞాపకము చేయును. ఆయనను చూడగల్గు అవకాశము వేరే విధముగా కూడా కలదు. అదే ఆరాధనా స్థలము. ఆయన ఎంత యోగ్యుడో గుర్తెరిగి ఆత్మీయముగా ఎరుగగల్గు స్థలమిది. ఆయన యోగ్యతను గుర్తెరుగుటయే ఆరాధన. ''నా ప్రభువు నాకేమైయున్నాడు? తిరిగి ఆయనకేమి చెల్లించగలను?'' అని వచ్చి రాని మాటలతో చెప్పగల్గుటే ఆరాధన. పంజాబులోని అమృత్‌సర్‌లో ఒక అందమైన పర్షియా దేశపు తివాసీలను ఒకడమ్ముచుండెను. ఒక ధనికుడు ఆ దుకాణములోనికి వచ్చి, ఒక ప్రత్యేకమైన పర్షియా దేశపు చిన్న తివాసీ అమ్మవలసినదిగా కోరెను. దీని నమ్మినట్లయితే 5,000 రూపాయలు చెల్లించెదను అనెను. ''దీనిని అమ్మనని చెప్పలేదా?'' ''సరే, రూ. 10,000 యిచ్చెదను'' ''లేదండి ఎంత యిచ్చినప్పటికిని దీనినియ్యను'' ''రూ. 25,000 యిచ్చెదను'' ''లేదండి ఇది నాకెంతో ప్రశస్తమైనది. దీనిని అమ్మను, ఇది నా తండ్రి మరణించినప్పుడు నాకిచ్చెను. ఇది చాలా ప్రశస్తమైనది. ఎవరికిని అమ్మవద్దని చెప్పిరి. దీనిని మా తాత మా తండ్రికిచ్చి యుండిరి. కాబట్టి ఎంత పైకమిచ్చినను సరే దీనిని అమ్మను'' అని వర్తకుడు చెప్పెను. యేసు ప్రభువు కూడా నాకెంతో ప్రశస్తమైనవాడు. ఆయన నన్ను ప్రేమించి, నా కొరకై చనిపోయెను. నా ప్రేమను ఆయననకు చూపించుటకు ఎంత క్రయమైనా చెల్లించుటకు సిద్ధపడి యున్నాను. నా తండ్రి కంటె, నా తల్లి కంటె, సహోదరుని కంటె, సహోదరికంటె, భార్యాబిడ్డల కంటె, ప్రతి యొక్కటికంటె కూడా నేనాయనను ఎక్కువగా ప్రేమించెదనని చెప్పుటయే ఆరాధన. అయితే ఈ మాటలు హృదయములో నుండి రావలయును. ఒక కూటములో ''ఓ ప్రభువా! మిమ్ము ప్రేమిస్తాను'' అనవచ్చును. అయితే క్రయము చెల్లించవలసి వచ్చినప్పుడు చెల్లించము. ఎన్నిసార్లు ఆయనను ఎరుగమని చెప్పితిమి! ఎన్నిసార్లు దు:ఖపరచతిమి! ''నా పొరుగువాడు ఏమనుకొనును? నా స్నేహితులు నన్ను గూర్చి ఏమని తలంతురు? ప్రపంచమేమనును?'' అని పిరికితనముతో ఎన్నిసార్లు ఆయనకు అవిధేయులమై యున్నాము? ప్రభువు కోరినట్టు క్రయమును మనమెంత మాత్రము చెల్లించుట లేదు. మత్తయి 2:2లో ఆరాధించు మనుష్యులను చూచుచున్నాము. ''యూదుల రాజుగా పుట్టినవాడు ఎక్కడనున్నాడు? తూర్పుదిక్కున మేము ఆయన నక్షత్రమును చూచి ఆయనను పూజింప వచ్చితిమి'' తూర్పు దిక్కున ఒక వింతైన నక్షత్రమును జ్ఞానులు చూచి దీర్ఘ ప్రయాణమును ప్రారంభించిరి. బహుశా అది 2 సంవత్సరములు పట్టి యుండవచ్చును. యేసుక్రీస్తు ప్రభువును గూర్చిన అనుభవమును వారంతకు ముందు పొంది యుండక పోయినను క్రయమును చెల్లించుటకు సిద్ధపడిరి. వారు యింటికి వచ్చినప్పుడు చిన్న బిడ్డను, తల్లియైన మరియను చూచిరి. వారు సాగిలపడి ఆయనను ఆరాధించిరి. వారు విలువైన బంగారము, సాంబ్రాణి, బోళములను ఆయన కర్పించిరి. అంతదూరము ప్రయాణమై వచ్చుట ద్వారా ఆయనెంతో యోగ్యుడని ఒప్పుకొనిరి. వారాయనను కనుగొని ''వారాయనను ఆరాధించిరి''. అతి ప్రశస్తమైన ఈవులను తెచ్చి - 1. మేము పూజించుటకు వచ్చిన యీయనే దేవుడు - బంగారము. 2. మేము పూజించుటకు వచ్చిన ఈయన మా నిమిత్తము శ్రమ అనుభవించుటకు వచ్చియున్నాడు - బోళము. 3. మేము పూజించుటకు వచ్చిన ఈయన రక్షింపనై యున్నాడు; మా ప్రధాన యాజకుడు కానైయున్నాడు - సాంబ్రాణి. అని సూచనార్థముగా వ్యక్తపరచిరి. ఇంత చేసినప్పటికిని ఆయనను గూర్చిన వ్యక్తిగతమైన అనుభవము వారికి లేదు. అనేకమంది యిట్లున్నారు. వారు ప్రభువును పూజించుచున్నారు గాని ఆయనను గూర్చిన వ్యక్తిగతమైన అనుభవము వారికి లేదు. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com

అలసినవానిని ఊరడించు మాటలు 🍞🍞🍞🍞🍞🍞🍞🍞🍞 DAILY MEDITATIONS FROM THE MINISTRY OF Bro. BAKTH SINGH 🍇🍇🍇🍇🍇🍇🍇🍇🍇 🌷🌷🌷 Saturday, April 18 🌷🌷🌷 *''నీవు నా దృష్టికి ప్రియుడవైనందున ఘనుడవైతివి నేను నిన్ను ప్రేమించుచున్నాను'' (యెషయా 43:4).* మనము ఏఫోదు మీది కాంతివంతమైన, ప్రకాశమానమైన ప్రశస్త రత్నములవె దేవునికి ప్రశస్తమైన వారముగా కాగలము. ఒక నల్లటి బొగ్గు ముక్కను తీసికొని, భూమిలో మిక్కిలి లోతుగా పాతిపెట్టుము. కొన్ని శతాబ్దముల తరువాత భూమిలోని వేడిమి, ఒత్తిడి వలన ఆ బొగ్గు వజ్రముగా మారును. ఒక బొగ్గు ముక్కయే వేడిమికి, ఒత్తిడికి వజ్రముగా మారిన యెడల, ఎంత అధికముగా ఆయన రక్తము మనలను మిక్కిలి విలువగల ముత్యముగా మార్చును! దేవఱుని దృష్టిలో మనము మిక్కిలి ్పశస్తమైన వారము. ఇతరులు మనలను వేరే పేర్లతో పిలుచుచుండవచ్చును. మన పొరుగువారు, బంధువులు వివిధ పేర్లతో మనలను ఎగతాళి చేయవచ్చును. మనము బుద్ధిహీనులమని, మొండివారమని అనవచ్చును. గాని ఆయన ప్రశస్త రక్తముచేత మనము విమోచించబడియుండుట చేత, యేసు క్రీస్తు ప్రభువు మనలను తన స్వకీయ సంపాద్యమని చెప్పును (నిర్గమకాండము 19:5; ద్వితీయో. 14:2). యాకోబు అను పేరునకర్థము మోసగాడు, గాని ఇశ్రాయేలు అను పేరునకు రాజకుమారుడని అర్థము. మనము తిరిగి జన్మించక ముందు, యాకోబు యొక్క మోసపూరితమైన నల్లని స్వభావమును కలిగియుంటిమి. ఆయన యొద్దకు వచ్చి, మార్పుచేందుట ద్వారా ఇశ్రాయేలు వలె రాజకుమారుల మగుదుము. న్యాయవిధాన పతము ఆయన ప్రశస్త రక్తముచేత కొనబడిన వారిని గూర్చి మాటలాడుచున్నది. వారు ఆయనకు మిక్కిలి ప్రశస్తమైనవారు. వారిని కొనుటకు, ఆయనకున్న సమస్తమును చెల్లించెను. మత్తయి 13:44-46లలో పొలమును కొనగోరిన ఒక వ్యక్తిని గూర్చి మనము చదువుచున్నాము. అనుభవము కలిగిన వ్యక్తిగా అతడు ఒక పొలములో దాచబడిన ధనమును కనుగొనెను. ఆ పొలమును కొనుటు తనకు కలిగిన దంతయు అమ్మివేసెను. అతని కన్నులు ఆ దాచబడిన ధనమును చూడగలిగెను. అదే విధమఱుగా బెంగుళూరుకు సమీపముననున్న కోలార్‌లో బంగారముండుట కనుగొనిరి. చాలా సంవత్సరముల వరకు అది బీడు భూమిగా, అడవిగా మాత్రమే యున్నది. ఒక దినమున, భూగర్భ శాస్త్రమును గురించి కొంత యెరిగిన ఒక సైనికుడు, కోలార్‌లో కొంత బంగారము గలదని కనిపెట్టెను. అప్పుడతడు వెళ్లి ఆ భూమిని కొనెను. ఆ విధముగా దేవుడు మనలో దాచబడిన ధనమును కనుగొనును. దానిని మన తోటివారు చూడలేరు. వారు మన బుద్ధిహీనతను, బలహీనతలను, పతనములను మాత్రమే చూడగలరు. కాని మన యేసుక్రీస్తు ప్రభువు, మన సృష్టికర్తగా, మనలో దాచబడిన ధనమును చూడగలడు. మనలను కొనుటకు, ఆయన తనకు కలిగిన సమస్తమును ఇచ్చివేసెను. ఆయన తన సింహాసనమును, తన మహిమను విడచిపెట్టెను. ఆయన శిశువుగానై పశువుల తొట్టిలో పరుండబెట్టబడెను. ఆయన తనను తాను రిక్తునిగా చేసికొనెను. ఫలితముగా ఆయన తన కాళ్ళ చేతులను మేకులు గొట్టుటకు, వీపును కొరడాలతో కొట్టుటకు, వెంట్రుకలు పెరుగుటకు, ముఖము ఉమ్మివేయబడుటకు అప్పగించుకొనెను. పాపముతో, దుర్నీతితో నిండిన మనలను, ప్రశస్త రత్నములుగా చేయుటకు ఆయన తన ప్రశస్త రక్తముతో మనలను కొనెను. Download Daily Devotions by Brother Bakht Singh Mobile App, using link: https://rb.gy/iv32b1 #📀యేసయ్య కీర్తనలు🎙 #😇My Status Download Songs Book Songs of Zion Mobile App, using link: https://rb.gy/ua3tlm Listen to Songs of Zion by visiting Hebron World Youtube Channel: https://www.youtube.com/@Hebron_World To Read Books written by Brother Bakht Singh, visit: https://hebronworld.com