#🗞ଓଡ଼ିଶା ଅପଡେଟ📺 ଭୁବନେଶ୍ୱର : ପୁରୀ ଶ୍ରୀମନ୍ଦିରରେ ମହାପ୍ରଭୁଙ୍କ ହେବ ହେବ ବଡ଼ ମହାସ୍ନାନ ନୀତି। ଭିତର କାଠ ନିକଟ ଚାଙ୍ଗେଡ଼ା ଘରେ ରକ୍ତ ପଡ଼ିଥିବାରୁ ବଡ଼ ମହାସ୍ନାନ କରାଯାଇଛି। ଅବକାଶ ପୂଜା ଶେଷ ପରେ ମହାସ୍ନାନ ନୀତି ଆରମ୍ଭ ହେବ। ବଡ଼ ମହାସ୍ନାନ ନୀତି ଯୋଗୁଁ ବନ୍ଦ ରହିଛି ସାଧାରଣ ଦର୍ଶନ।ଭିତର କାଠ ନିକଟ ଚାଙ୍ଗେଡ଼ା ଘରେ ରକ୍ତ ପଡ଼ିଥିବାରୁ ବଡ଼ ମହାସ୍ନାନ କରାଯାଇଛି। ଅବକାଶ ପୂଜା ଶେଷ ପରେ ମହାସ୍ନାନ ନୀତି ଆରମ୍ଭ ହେବ। ବଡ଼ ମହାସ୍ନାନ ନୀତି ଯୋଗୁ ସାଧାରଣ ଦର୍ଶନ ବନ୍ଦ ରହିଛି ।

#🗞ଓଡ଼ିଶା ଅପଡେଟ📺 ପୁରୀ : ଆଜି ମହାପ୍ରଭୁଙ୍କ ଦୁର୍ଲ୍ଲଭ ପଦ୍ମବେଶ। ସୋଲ, କଦଳୀ ପାଟୁକା ଓ ଜମୱୁରାରେ କରାଯିବ ଏହି ବେଶ। ଆପାଦ ମସ୍ତକ ପଦ୍ମରେ ସଜ୍ଜିତ ହେବେ ଚତୁର୍ଦ୍ଧାମୂର୍ତ୍ତି। ବର୍ଷକୁ ଥରେ ବଡ଼ସିଂହାର ନୀତିରେ ହୋଇଥାଏ ପଦ୍ମବେଶ। ଦିନକ ପାଇଁ ପଦ୍ମବେଶରେ ପହୁଡ଼ ହୁଅନ୍ତି ମହାବାହୁ।

#📰ଦେଶ-ବିଦେଶ ଅପଡେଟ Army Day 2026: The nation is celebrating 78th Army Day today. Jaipur is all set to host the grand parade showcasing India's military prowess and modern defence capabilities. This event is significant as it marks the first public appearance of the newly raised Bhairav Battalion and is also the first time that the parade is taking place outside the cantonment area. The Army Day parade will be held at Mahal Road in Jaipur's Jagatpura which is a celebration to display a wide array of weapons, military vehicles, drones and advanced defence systems. The parade can be live streamed from 9:00 AM onwards on YouTube channel of the Indian Army.

#🗞ଓଡ଼ିଶା ଅପଡେଟ📺 ଶ୍ରୀମନ୍ଦିର ସୁରକ୍ଷା ଉପରେ ପୁଣି ଉଠିଲା ପ୍ରଶ୍ନ । ଶ୍ରୀମନ୍ଦିର ଭିତରକୁ ପୁଣି ଗଲା ମୋବାଇଲ ଫୋନ୍‌ । ଆନନ୍ଦବଜାରରେ ଜଣେ ବ୍ୟକ୍ତି ଦୀର୍ଘ ସମୟ ଧରି ଫୋନରେ ଗପିବାର ଭିଡ଼ିଓ ଭାଇରାଲ ହୋଇଛି । ଶ୍ରୀମନ୍ଦିରକୁ ପ୍ରବେଶ ବେଳେ ମୋବାଇଲ ବାରଣ କରାଯାଇଛି । ହେଲେ ବାରମ୍ବାର ଫୋନ୍‌ ଭିତରକୁ ଯାଉଛି, ଏବଂ ଫଟୋ ଓ ଭିଡ଼ିଓ ଭାଇରାଲ ହେଉଛି । ଶ୍ରୀମନ୍ଦିର ପ୍ରଶାସନ ପକ୍ଷରୁ କଡା ପଦକ୍ଷେପ ନିଆଯାଉଥିବା କୁହାଯାଉଥିବା ବେଳେ ବାରମ୍ବାର କିନ୍ତୁ ଏଭଳି ବିଭ୍ରାଟ ଦେଖିବାକୁ ମିଳୁଛି । ଏହି ଘଟଣାର ତଦନ୍ତ ଚାଲିଛି ।

#📰ଦେଶ-ବିଦେଶ ଅପଡେଟ ହାଇଦରାବାଦ: ତେଲଙ୍ଗାନାରେ ୫୦୦ରୁ ଅଧିକ ବୁଲା କୁକୁରଙ୍କୁ ହତ୍ୟା ଅଭିଯୋଗ ହୋଇଛି। କାମାରେଡ୍ଡି ଜିଲାରେ ପ୍ରାୟ ୨୦୦ରୁ ଅଧିକ ବୁଲା କୁକୁରଙ୍କୁ ମାରିବା ପରେ ସପ୍ତାହ ମଧ୍ୟରେ ଏହି ସଂଖ୍ୟା ୫୦୦ ଛୁଇଁଛି। ସୂଚନା ଅନୁସାରେ ନିକଟରେ ହୋଇଥିବା ପଞ୍ଚାୟତ ନିର୍ବାଚନ ସମୟରେ ଗ୍ରାମବାସୀଙ୍କୁ କରାଯାଇଥିବା ପ୍ରତିଶ୍ରୁତି ପୂରଣ ପାଇଁ କିଛି ନିର୍ବାଚିତ ଜନପ୍ରତିନିଧି ଏହି କାରନାମା କରିଛନ୍ତି। ଏଥିରେ ସରପଞ୍ଚ ମଧ୍ୟ ସାମିଲ ଅଛନ୍ତି। ନିର୍ବାଚନ ପୂର୍ବରୁ ବୁଲା କୁକୁରଙ୍କ ପ୍ରାଦୁର୍ଭାବ କମାଇବା ପାଇଁ ଗ୍ରାମବାସୀଙ୍କୁ ନେତାମାନେ ପ୍ରତିଶ୍ରୁତି ଦେଇଥିଲେ। ପୁଲିସ ଏହି ମାମଲାରେ ଗ୍ରାମର ସରପଞ୍ଚଙ୍କ ସମେତ ସମୁଦାୟ ୬ ଜଣଙ୍କ ବିରୋଧରେ ମାମଲା ରୁଜୁ କରିଛି। ପୁଲିସ ଅଧିକାରୀଙ୍କ ସୂଚନା ଅନୁସାରେ ଅଭିଯୁକ୍ତଙ୍କୁ ନୋଟିସ୍ ଜାରି କରାଯାଇଛି ଏବଂ ଯାଞ୍ଚ ଚାଲିଛି। ପୂର୍ବରୁ ହମନକୋଣ୍ଡା ଜିଲାର ଶ୍ୟାମପେଟ ଏବଂ ଅରେପଲ୍ଲୀ ଗାଁରେ ମଧ୍ୟ ଏଭଳି ମାମଲା ସାମ୍ନାକୁ ଆସିଥିଲା। ଜାନୁଆରୀ ପ୍ରଥମ ସପ୍ତାହରେ ଏଠାରେ ୩୦୦ ବୁଲା କୁକୁରଙ୍କୁ ବିଷ ଦେଇ ମାରିଦିଆଯାଇଥିଲା। ମାମଲାରେ ପୁଲିସ ୨ ମହିଳା ସରପଞ୍ଚ ଓ ତାଙ୍କ ପତି, ଗ୍ରାମ ପଞ୍ଚାୟତ ସଚିବ ଓ ଅନ୍ୟ ୨ ଜଣଙ୍କ ସମେତ ସମୁଦାୟ ୯ ଜଣଙ୍କ ବିରୋଧରେ ମାମଲା ରୁଜୁ କରିଥିଲା। ମଲା କୁକୁରଙ୍କୁ ଗାଁ ବାହାରେ ପୋତାଯାଇଥିଲା। ପଶୁ ଚିକିତ୍ସା ବିଭାଗ ଦଳ ଶବ ବାହାର କରି ବ୍ୟବଚ୍ଛେଦ କରିବା ସହ ବିଷର ପ୍ରକାର ଜାଣିବା ପାଇଁ ନମୁନା ଲାବୋରଟୋରୀ ପଠାଯାଇଛି। ପଶୁ କଲ୍ୟାଣ କର୍ମୀ ଅଦୁଲାପୁରମ ଗୌତମ ସୋମବାର ମଚାରେଡ୍ଡି ଥାନାରେ ଅଭିଯୋଗ କରିଥିଲେ। ଗତ ୨-୩ ଦିନରେ ୨୦୦ ବୁଲା କୁକୁରଙ୍କୁ ମରାଯାଇଥିବା ସେ ଉଲ୍ଲେଖ କରିଥିଲେ। ସରପଞ୍ଚଙ୍କ ନିର୍ଦେଶରେ ଜଣେ ବ୍ୟକ୍ତିକୁ ବିଷ ଇଞ୍ଜେକ୍ସନ ଦେବା ପାଇଁ ନିଯୁକ୍ତ କରାଯାଇଥିବା ମଧ୍ୟ ସେ ଅଭିଯୋଗ କରିଥିଲେ।

#📰ଦେଶ-ବିଦେଶ ଅପଡେଟ ନୂଆଦିଲ୍ଲୀ : ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୃଷିଭିତ୍ତିକ ପର୍ବ ପୋଙ୍ଗଲ ପାଳିଛନ୍ତି। କେନ୍ଦ୍ରମନ୍ତ୍ରୀ ଏଲ୍. ମୁରୁଗନଙ୍କ ଦିଲ୍ଲୀ ଘରେ ପୋଙ୍ଗଲ ପାଳିବା ସହ ପୂଜାର୍ଚ୍ଚନା କରିଛନ୍ତି। ଏପରିକି କିଛି ଗାଈ ମାନଙ୍କୁ ଖାଇବାକୁ ମଧ୍ୟ ଦେଇଛନ୍ତି। ଏହି ଅବସର​‌ରେ ପ୍ରଧାନମନ୍ତ୍ରୀ କହିଛନ୍ତି ପୋଙ୍ଗଲ ଏକ ବିଶ୍ୱସ୍ତରୀୟ ପର୍ବ ପାଲଟିଛି। ସାରା ବିଶ୍ୱରେ, ତାମିଲ ସମ୍ପ୍ରଦାୟ ଏବଂ ତାମିଲ ସଂସ୍କୃତିକୁ ପ୍ରଶଂସା କରୁଥିବା ଲୋକମାନେ ପୋଙ୍ଗଲକୁ ବହୁତ ଉତ୍ସାହର ସହିତ ପାଳନ କରନ୍ତି। ଏବଂ ମୁଁ ସେମାନଙ୍କ ମଧ୍ୟରୁ ଜଣେ ହୋଇଥିବାରୁ ଗର୍ବିତ। ତାମିଲ୍ ସଂସ୍କୃତି ପୁରାତନ ସଂସ୍କୃତି ଏବଂ ପୂରା ବିଶ୍ବକୁ ବାଟ ଦେଖାଇଛି । ଆପଣମାନଙ୍କ ସହିତ ଏହି ପର୍ବ ପାଳନ କରିବା ମୋ ପାଇଁ ଏକ ସମ୍ମାନର ବିଷୟ। ତାମିଲ ସଂସ୍କୃତିରେ, ପୋଙ୍ଗଲ ଏକ ଅତ୍ୟନ୍ତ ଆନନ୍ଦଦାୟକ ଅବସର। ଏହା ଆମର କୃଷକମାନଙ୍କ କଠିନ ପରିଶ୍ରମକୁ ଦର୍ଶାଏ। ଏହା ଭୂମି ଏବଂ ସୂର୍ଯ୍ୟ ପ୍ରତି ଆମର କୃତଜ୍ଞତାକୁ ଦର୍ଶାଏ। ଏହା ସହିତ ଏହି ପର୍ବ ଆମକୁ ପ୍ରକୃତି, ପରିବାର ଏବଂ ସମାଜ ମଧ୍ୟରେ ଏକ ସୁଦୃଢ ସନ୍ତୁଳନ ବଜାୟ ରଖିବାର ଗୁରୁତ୍ୱ ଶିଖାଏ।

#📰ଦେଶ-ବିଦେଶ ଅପଡେଟ ବଣାଇ : ଜଙ୍ଗଲରେ ଗଞ୍ଜେଇ ଚାଷ କରି ବିକ୍ରି ପାଇଁ ଘରେ ରଖିଥିବା ବେଳେ ୨ଜଣଙ୍କୁ ଗିରଫ କଲା ଅବକାରୀ ବିଭାଗ । ଘଟଣାରେ ଦୁଇଜଣଙ୍କୁ ଗିରଫ କରିଛି । ଘଟଣା ଅନୁସାରେ, ବଣାଇ ଉପଖଣ୍ଡ ଗୁରୁଣ୍ଡିଆ ଥାନା ଅନ୍ତର୍ଗତ କୁଣ୍ଢେଇଡିହା, କେଲୋ, କୁଞ୍ଜର ଜଙ୍ଗଲରେ ଗଂଜେଇ ଚାଷ କରି ବିକ୍ରି ପାଇଁ ପ୍ରସ୍ତୁତ ହେଉଥିଲେ ରଞ୍ଜିତ ଓରାମ (୩୨) ଏବଂ ରାଜେଶ ଓରାମ (୨୭) । ବିଶ୍ବସ୍ତ ସୁତ୍ରରୁ ଖବର ପାଇ ଅବକାରୀ ଅଧୀକ୍ଷକଙ୍କ ନିର୍ଦ୍ଦେଶରେ ବଣାଇଁ ଓ ରାଉରକେଲା ଅବକାରୀଙ୍କୁ ନେଇ ଗଠିତ ଏକ ସ୍ବତନ୍ତ୍ର ଟିମ ଚଢାଉ କରି ଦେଢ଼ କୁଇଣ୍ଟାଲ ଗଞ୍ଜେଇ ଜବତ କରିଛି । ଯାହାର ଆନୂମାନିକ ମୂଲ୍ୟ ୧୫ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି । ପଚରାଉଚରା ସମୟରେ ଅଭିଯୁକ୍ତ କୁଣ୍ଢେଇଡିହା ଗ୍ରାମ ସଂଲଗ୍ନ ଜଙ୍ଗଲ ଜମିରେ ଗଞ୍ଜେଇ ଚାଷ କରିଥିଲେ ବୋଲି ବିଭାଗୀୟ ଅଧିକାରୀ ସ୍ପଷ୍ଟ କରିଛନ୍ତି । ପରେ ଉଭୟ ଅଭିଯୁକ୍ତଙ୍କ ଅଦାଲତ ଚାଲାଣ କରାଯାଇଛି । ଦୀର୍ଘ ଦିନ ଧରି ଏସବୁ ଅଞ୍ଚଳରେ ଗଞ୍ଜେଇ ଚାଷ ହୋଇଥିବା ଅଭିଯୋଗ ହୋଇଥିଲେ ମଧ୍ୟ ଅବକାରୀ ବିଭାଗ ଏତେ ଗୁରୁତ୍ୱ ଦେଇନଥିଲା । ସେ ସମୟରେ ଅଳ୍ପ କିଛି ଚାଷ ନଷ୍ଟ କରିଥିଲେ ମଧ୍ୟ ଆହୁରି ଅନେକ ସ୍ଥାନରେ ବ୍ୟାପକ ପରିମାଣରେ ଗଞ୍ଜେଇ ଗଛ ରହିଥିଲା । ତେବେ ପ୍ରଶ୍ନ ଉଠୁଛି ଯେ ଉକ୍ତ ଅଞ୍ଚଳରେ ଗଞ୍ଜେଇ ଚାଷ ହୋଇ ଅମଳ ହୋଇଥିବା ବେଳେ ବିଭାଗ ପାଖରେ ଖବର ଥାଇ ମଧ୍ୟ କିପରି କୈଣସି ପଦକ୍ଷେପ ନେଇ ନଥିଲା ? ବିକ୍ରି ସମୟରେ ଖବର ପାଇ ଚଢ଼ାଉ କରି ବାହଦୁରି ନେଉଥିବା ଅବକାରୀ ବିଭାଗର କାର୍ଯ୍ୟକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି । ସମ୍ପୃକ୍ତ ଅଞ୍ଚଳରେ ଆହୁରି ଅନେକ ସ୍ଥାନରେ ଗଞ୍ଜେଇ ଚାଷ ହୋଇଥିଲେ ମଧ୍ୟ ସେସବୁ ଚାଷକୁ କେବେ ନଷ୍ଟ କରାହେବ ତାହା ସାଧାରଣରେ ସନ୍ଦେହ ସୃଷ୍ଟି କରିଛି ।

#📰ଦେଶ-ବିଦେଶ ଅପଡେଟ ନୂଆଦିଲ୍ଲୀ : ବୁଲା କୁକୁର ସମ୍ପର୍କିତ ଏକ ମାମଲାର ଶୁଣାଣି କରି ମଙ୍ଗଳବାର ସୁପ୍ରିମକୋର୍ଟ କେନ୍ଦ୍ର ଏବଂ ରାଜ୍ୟ ସରକାରଙ୍କୁ ଚେତାବନୀ ଦେଇଛନ୍ତି ଯେ କୁକୁର କାମୁଡ଼ା ଏବଂ ମୃତ୍ୟୁର ପ୍ରତ୍ୟେକ ମାମଲା ପାଇଁ ଭାରୀ କ୍ଷତିପୂରଣ ଲାଗୁ କରାଯାଇପାରେ। କୋର୍ଟ ଏହା ମଧ୍ୟ କହିଛନ୍ତି ଯେ କୁକୁର କାମୁଡ଼ାର ପ୍ରଭାବ ଜୀବନବ୍ୟାପୀ ରହିଥାଏ, ତେଣୁ ଆକ୍ରମଣ ପାଇଁ କୁକୁର ଖାଦ୍ୟଦାତାମାନଙ୍କୁ ମଧ୍ୟ ଦାୟୀ କରାଯିବା ଉଚିତ୍‌। ବିଚାରପତି ବିକ୍ରମ ନାଥ, ସନ୍ଦୀପ ମେହେଟ୍ଟା ଏବଂ ଏନ.ଭି. ଅଞ୍ଜାରିଆଙ୍କୁ ନେଇ ଗଠିତ ଖଣ୍ଡପୀଠ ମାମଲାର ଶୁଣାଣି କରିଥିଲେ। କୋର୍ଟ କହିଛନ୍ତି, “ପ୍ରତ୍ୟେକ କୁକୁର କାମୁଡ଼ା ଏବଂ ମୃତ୍ୟୁ ପାଇଁ, ଆମେ ଆବଶ୍ୟକୀୟ ବ୍ୟବସ୍ଥା କରିବାରେ ବିଫଳ ରାଜ୍ୟଗୁଡ଼ିକ ଉପରେ ଭାରୀ କ୍ଷତିପୂରଣ ଲାଗୁ କରିବୁ। ଏହା ବ୍ୟତୀତ, ଯେଉଁମାନେ କୁକୁରମାନଙ୍କୁ ଖାଦ୍ୟ ଦିଅନ୍ତି ସେମାନଙ୍କୁ ମଧ୍ୟ ଦାୟୀ କରାଯିବ। ସୁପ୍ରିମ କୋର୍ଟ କହିଛନ୍ତି ଯେ ହସ୍ପିଟାଲ, ରେଳ ଷ୍ଟେଶନ, ବସ ଡିପୋ ଏବଂ ଶିକ୍ଷାନୁଷ୍ଠାନ ଭଳି ସାର୍ବଜନୀନ ସ୍ଥାନଗୁଡ଼ିକୁ କୁକୁର ଆଶ୍ରୟସ୍ଥଳ ଭାବରେ ବ୍ୟବହାର କରାଯାଇପାରିବ ନାହିଁ। ଗୁଜରାଟ ହାଇକୋର୍ଟର ଏକ ଘଟଣାର ଉଦାହରଣ ଦେଇ ଜଷ୍ଟିସ ମେହେଟ୍ଟା କହିଛନ୍ତି ଯେ ପରିସ୍ଥିତି ଏତେ ଭୟଙ୍କର ଯେ କୋର୍ଟ ରୁମରେ ମଧ୍ୟ କୁକୁର ଆକ୍ରମଣ ଘଟୁଛି। ସବୁଠାରୁ ଖରାପ କଥା ହେଉଛି ଯେତେବେଳେ ପୌର କର୍ମଚାରୀମାନେ କୁକୁରମାନଙ୍କୁ ଧରିବାକୁ ଯାଆନ୍ତି, କୁକୁର ପ୍ରେମୀ ଏବଂ ଓକିଲମାନେ ସେମାନଙ୍କ ଉପରେ ଆକ୍ରମଣ କରନ୍ତି। ଖଣ୍ଡପୀଠ ପ୍ରଶ୍ନ କରିଛନ୍ତି, ଯେତେବେଳେ କୁକୁର ଜଣେ ନିର୍ଦ୍ଦୋଷ ୯ ବର୍ଷର ଶିଶୁକୁ ଆକ୍ରମଣ କରେ, ସେତେବେଳେ ଏହାର ଦାୟିତ୍ୱ କିଏ ନେବ? ବୁଲା କୁକୁରମାନଙ୍କୁ ଖାଦ୍ୟ ଦେଉଥିବା ସଂଗଠନ କ’ଣ ଦାୟିତ୍ୱ ନେବ?”

#🗞ଓଡ଼ିଶା ଅପଡେଟ📺 ଆରଡି: ରାଜ୍ୟର ବହୁ ପୁରାତନ ଶୈଵକ୍ଷେତ୍ର ଭାବେ ପରିଚିତ ଭଦ୍ରକ ଜିଲାର ବାବା ଆଖଣ୍ଡଳମଣିଙ୍କ ପୀଠ ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କ ଦ୍ଵାରା ଆଭାସି ମାଧ୍ୟମରେ ବସଷ୍ଟାଣ୍ଡ ଉଦଘାଟନ ହୋଇଯାଇଛି। ଏହି ଉଦଘାଟନ ଉତ୍ସବରେ ଭଦ୍ରକ ସାଂସଦ ଅଭିମନ୍ୟୁ ସେଠୀ, ଚାନ୍ଦବାଲି ବିଧାୟକ ଡ. ବ୍ୟୋମକେଶ ରାୟ, ଜିଲାପାଳ ଦିଲିପ ରାଉତରାୟ, ଚାନ୍ଦବାଲି ତହସିଲିଦାର ଭଵତୋଷ ମଲିକ,ଭିଡିଓ ସଞ୍ଜିବ ମହାପାତ୍ରଙ୍କ ସହ ରାଜ୍ୟ ପରିବହନ ବିଭାଗରେ ଅଧିକାରୀଙ୍କ ସହ ସ୍ଥାନୀୟ ବୁଦ୍ଧିଜୀବୀ ଜନସାଧାରଣ ଉପସ୍ଥିତ ଥିଲେ। ବିଶେଷକରି ପୂର୍ବରୁ ଥିବା ଆରଡି ବସଷ୍ଟାଣ୍ଡ ନାମ ପରିବର୍ତ୍ତନ କରି ଅଟଳ ବସଷ୍ଟାଣ୍ଡ ନାମ ଫଳକ ଲାଗିବାକୁ ନେଇ ସ୍ଥାନୀୟ ଜନସାଧାରଣଙ୍କ ଠାରୁ ଆରମ୍ଭ କରି ଜିଲା ଓ ରାଜ୍ୟର କୋଣ ଅନୁକୋଣରୁ ପ୍ରତିବାଦର ସ୍ୱର ଉଠିବା ସହ ମିଶ୍ର ପ୍ରତିକ୍ରିୟା ପ୍ରକାଶ ପାଇଥିଲା। ଏପଟେ ସେବାୟତ ଓ ସ୍ଥାନୀୟ ଲୋକଙ୍କ ପକ୍ଷରୁ ବିରୋଧ କରାଯିବା ସହିତ ପ୍ରତିବାଦ ଓ ବିକ୍ଷୋଭ ପ୍ରଦର୍ଶନ କରାଯାଇଥିଲା। ବସଷ୍ଟାଣ୍ଡ ନାମକରଣକୁ ନେଇ ବାବାଙ୍କ ପାଖରେ ଜଳାଭିଷେକ ଓ ଦୀପଦାନ କରିଥିଲେ। ପରେ ଆରଡି ନାଗରିକ ମଞ୍ଚ ପକ୍ଷରୁ ଏକ ଦାଵିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲାପାଳଙ୍କୁ ଦେଇଥିଲେ। ପୀଠର ଥିବା ବସଷ୍ଟାଣ୍ଡ ଆବହମାନ କାଳରୁ ଆରଡି ବସଷ୍ଟାଣ୍ଡ ଭାବେ ପରିଚିତ ଥିଲା। ଏହି ବସଷ୍ଟାଣ୍ଡକୁ ନୂଆ ରୂପରେଖ ଦେବା ପାଇଁ ପୂର୍ବ ସରକାରଙ୍କ ପକ୍ଷରୁ ୧୨କୋଟି ଟଙ୍କା ଖର୍ଚ୍ଚ କରାଯାଇ ନିର୍ମାଣ କରାଯାଇଛି। ଏହି ବସଷ୍ଟାଣ୍ଡ ୧୦ଏକର ଜାଗାରେ ନିର୍ମାଣ କରାଯାଇଥିବା ବେଳେ ଆଗନ୍ତୁକ ଯାତ୍ରୀ, ଵସଷ୍ଟାଫ ଦିବାରାତ୍ର ରହଣି ନିମନ୍ତେ ଉନ୍ନତମାନର କୋଠରୀ ରହିଛି। ସେହିପରି ଛୋଟବଡ ବସ ଆଦି ରହିବା ପାଇଁ ସ୍ଵତନ୍ତ୍ର ବ୍ୟବସ୍ଥା କରାଯାଇଛି।

#📰ଦେଶ-ବିଦେଶ ଅପଡେଟ ଢାକା: ବାଂଲାଦେଶରେ ସଂଖ୍ୟାଲଘୁ ହିନ୍ଦୁ ଜନସଂଖ୍ୟା ଉପରେ ଆକ୍ରମଣ ଜାରି ରହିଥିବା ବେଳେ ରବିବାର ଫେନିର ଦାଗୋନଭୂଇଁଆନରେ ଆଉ ଜଣେ ବ୍ୟକ୍ତିଙ୍କୁ ହତ୍ୟା କରାଯାଇଛି। ପୋଲିସର ସୂଚନା ଅନୁଯାୟୀ, ସନ୍ଧ୍ୟାରେ ଦୁର୍ବୃତ୍ତମାନେ ୨୮ ବର୍ଷୀୟ ସମୀର କୁମାର ଦାସଙ୍କୁ ହତ୍ୟା କରିବା ପରେ ତାଙ୍କ ସିଏନଜି ଅଟୋରିକ୍ସା ନେଇ ପଳାଇ ଯାଇଥିଲେ। ଅଭିଯୁକ୍ତମାନଙ୍କୁ ଏପର୍ଯ୍ୟନ୍ତ ଗିରଫ କରାଯାଇ ନାହିଁ। ରବିବାର ରାତିରେ ସମୀର ଘରକୁ ନ ଫେରିବା ପରେ ତାଙ୍କ ପରିବାର ଲୋକେ ତାଙ୍କୁ ଖୋଜାଖୋଜି ଆରମ୍ଭ କରିଥିଲେ। ହେଲେ ବିଫଳ ହେବା ପରେ ପୁଲିସକୁ ଖବର ଦିଆଯାଇଥିଲା। ରାତି ପ୍ରାୟ ୨ଟା ସମୟରେ କିଛି ସ୍ଥାନୀୟ ଲୋକ ଦକ୍ଷିଣ କରିମପୁରର ମୁହୁରି ବାରି ନିକଟରେ ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କର ମୃତଦେହ ପଡିଥିବା ଦେଖିବାକୁ ପାଇଥିଲେ। ଖବର ପାଇ ପୁଲିସ୍‌ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଛି। ଗତ ୨୫ ଦିନରେ ବାଂଲାଦେଶରେ ଆଠ ଜଣ ହିନ୍ଦୁଙ୍କୁ ହତ୍ୟା କରାଯାଇଛି। ଡିସେମ୍ବର ୧୮ ତାରିଖରେ ଦୀପୁ ଚନ୍ଦ୍ର ଦାସଙ୍କୁ ହତ୍ୟା କରାଯାଇଥିଲା। ମୈମନସିଂ ଜିଲ୍ଲାର ଭାଲୁକା ଅଞ୍ଚଳରେ ଉଗ୍ରବାଦୀଙ୍କ ଏକ ଭିଡ଼ ଦ୍ୱାରା ତାଙ୍କୁ ପିଟି ପିଟି ହତ୍ୟା କରାଯାଇଥିଲା। ଛଅ ଦିନ ପରେ, ଡିସେମ୍ବର ୨୪ ତାରିଖରେ ଅମୃତ ମଣ୍ଡଳଙ୍କୁ ହତ୍ୟା କରାଯାଇଥିଲା। ଡିସେମ୍ବର ୧୨, ୨୦୨୫ ରେ, ଇନକିଲାବ ମଞ୍ଚ ନେତା ସରିଫ ଓସମାନ ହାଦିଙ୍କୁ ଢାକାରେ ଗୁଳି କରାଯାଇଥିଲା। ସେ ସିଙ୍ଗାପୁରରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ। ଏହି ଘଟଣା ପରେ ପରିସ୍ଥିତି ଆହୁରି ଖରାପ ହେଲା ଏବଂ ସଂଖ୍ୟାଲଘୁଙ୍କ ଉପରେ ଆକ୍ରମଣ ବୃଦ୍ଧି ପାଇଲା।