#🌹🕉️ భక్తి సమాచారం 🕉️🌹 వాస్తు కర్తరి ప్రారంభం :
సూర్యుడు మేషరాశికి చెందిన భరణి నక్షత్రం 4 వ పాదంలో ప్రవేశించినది మొదలుకొని... వృషభ రాశిలోని రోహిణి నక్షత్రం మొదటి పాదం దాటే వరకు గల మద్య కాలాన్ని "కర్తరి" అంటారు. అంటే భరణి నాలుగో పాదం, కృత్తిక నాలుగు పాదాలు, రోహిణి మొదటి పాదం మొత్తం ఆరు పాదాలలో సూర్యుడు ఉన్న కాలం కర్తరీ అంటారు. దీనినే "కత్తెర" అనికూడ అంటారు. కర్తరి నక్షత్ర కాలంలో సూర్యుడు నిప్పులు చెరుగుతాడు. సూర్యుడు భరణి నక్షత్రం ప్రవేశించిన రోజే "డొల్లు కర్తరి" ప్రారంభమవుతుంది. దీనినే "చిన్న కర్తరి" అని కూడా అంటారు. సూర్యుడు కృత్తికా నక్షత్రం మొదటి పాదంలో ప్రవేశించే రోజుతో డొల్లు కర్తరీ అంతమై “నిజకర్తరి” ప్రారంభమవుతుంది. సూర్యుడు రోహిణి నక్షత్ర రెండో పాదం ప్రవేశంతో కర్తరీ ముగింపు అవుతుంది.
కర్తరిలో చేయకూడని పనులు :
ఈ సమయంలో శంకుస్థాపనలు, గృహప్రవేశాలు, ద్వారాలు నిలబెట్టడం వంటి ముఖ్యమైన వాస్తు సంబంధిత పనులు,
గృహ సంబంధమయిన పనులు చేయకూడదు. చెట్లు నరకటం, నారతీయటం, వ్యవసాయం ఆరంభం, విత్తనాలు చల్లటం, తోటలు వేయటం, చెఱువులు, బావులు, కొలనులు త్రవ్వటం వంటి పనులకు కర్తరిలో ముహూర్తాలను పంచాంగకర్తలు చెప్పరు. అయితే కర్తరీలో ఉపనయనం, వివాహం, యజ్ఞం, మండపాదులను కప్పటం వంటి పనులు చేయవచ్చు. మిగతావి చేయకూడదని చెబుతారు.
వాస్తు కర్తరి ప్రారంభం మే 4
వాస్తు కర్తరి ముగింపు మే 29
