*പുലരി* കിഴക്കുമാമല ചോട്ടിൽ നിന്നൊരു സ്വർണപൂത്താലം ഇങ്ങു മണ്ണിൻമേലെ പൊന്നു തൂകിയെത്തിനോക്കുന്നേ പൂങ്കുയിലിൻ പാട്ടു കേട്ടുനാടു- ണരുമ്പോളെൻ്റെ ജാലകത്തിൻ പാളിതുറന്നുനെത്തിനോക്കുന്നേ അർക്കൻ പുഞ്ചിരിക്കുന്നേ കുഞ്ഞുതെന്നൽ മെല്ലെ വന്നു എന്നെയുണർത്തുമ്പോൾ പൂങ്കതിരുകൾ ചാഞ്ഞുംചമഞ്ഞും തൊടുന്നതെന്തേ മധുപകരുന്നുണ്ടേ വെള്ളകീറണ വിണ്ണലപ്പോൾ മഞ്ഞുതൂകുണ പുലരിപൂക്കുന്നേ മനം നിറഞ്ഞുപെയ്യണ നനവിലൊരു ഉൾക്കുളിരാട്ടം കൊഞ്ചുമിന്നലൊളിയാട്ടം നല്ല തെളിപുഞ്ചിരിയാട്ടം മഴയുടെ പ്രിയ തോഴി #❤️ പ്രണയ കവിതകൾ #🖋 എൻ്റെ കവിതകൾ🧾 #📋കവിതകൾ

*രാവ്* ഗഗനവീഥീകളിൽശ്യമമേഘം വീണുടഞ്ഞസാന്ദ്രമൗന രാത്രികാവ്യങ്ങൾ ചന്ദ്രകാന്തം വിണലിഞ്ഞ ഭാവകാമന തീർത്തൊരു ശിൽപചാരുതേ വെണ്ണിലാവുടുത്ത യാമിനി രാവഴിച്ചമുടിയിൽ ചൂടിയ നിശാഗന്ധി നീ ഇതൾ വിടർന്നപൂവുപോലെ സ്വപ്നം മിഴിയിൽ തെറുത്തു വെച്ചരാമണീ ഉലകിൻ ഭംഗി മുഴുവൻ രാപ്പുതപ്പിൽ മൂടിവെച്ച സുന്ദരി പകൽവെളിച്ചം കുടിച്ചു തീർത്തു നിദ്രയെ മോഹിപ്പിക്കും സുഖദമായ രാത്രിയേ ആരുതുന്നിവെച്ചുനിൻെറ സിരകളിലുന്മാദപ്പുലരിയെ ഹേ മൗനഹേതുവേ ഏതു ചിത്രകാരൻ വരച്ചു വെയ്ച്ചു നിന്നെയിത്ര പുർണ്ണതയായരാചിത്രമായി   രാവേ സുന്ദരവർണ്ണമേ മഴയുടെ പ്രിയ തോഴി #🖋 എൻ്റെ കവിതകൾ🧾 #📋കവിതകൾ #❤️ പ്രണയ കവിതകൾ

ഹേ ഫജ്ർ.. (പ്രഭാതമേ) നിൻ്റെ ഹർഷജലകണങ്ങളെ തഴുകുന്ന രീഹ്ൻ്റെ ഇശലിൽ എത്ര പുഷ്പങ്ങളാണ് ചുംബിച്ചുണരുന്നത് നിൻ്റെ പ്രണയസാന്ദ്രതയിൽ നൃത്തമാടുന്നശലഭങ്ങളെ കണ്ടില്ലേ ഒരു സൂഫിയെപ്പോലെ എത്ര ആർദ്രമായാണ് നിൻ്റെ സൗന്ദര്യത്തിൽ മതിമറന്നേതു മഴമേഘത്താഴ്‌വരയിലേക്കാണ് ഞാൻ പൂത്തുനിൽക്കേണ്ടത് നിൻെറ  ഷംസ്ൻെറ നൂറേറ്റ് ഏത് ഋതുവിലേക്കാണ് വസന്തത്തിൻ്റെ ചിറകുവീശിക്കയറേണ്ടത് റുമ്മാൻ പഴത്തിൻ്റെ മൊഞ്ചത്തി റൈഹാൻ പുഷ്പങ്ങളുടെ ഗന്ധവും പേറി നീ വർണ്ണങ്ങളാൽ വലച്ചുറ്റി എന്നെ തളച്ചിടുമ്പോൾ   എൻെറ കിനാവിലെ നക്ഷത്രക്കണ്ണുള്ള ഹൂറിയാകുന്നുവല്ലോ അപ്പോഴൊക്കെ എൻ്റെ റാഹിമിനോട് ഹംദുകൾ കൊണ്ടുതീർത്ത ഇഷ്ഖിലാകുന്നു ഞാൻ മഴയുടെ പ്രിയ തോഴി രീഹ്.... കാറ്റ് ഇശൽ... മാപ്പിളപ്പാട്ടിലെ ഒരു രാഗം ഷംസ്..... സൂര്യൻ നൂറ്...... പ്രകാശം റുമ്മാൻപഴം.... മാതളം റൈഹാൻ.....സ്വർഗത്തിലെ പൂവ് ഹംദ്.... ജപം ഇഷ്ഖ്.,. പ്രണയം #🖋 എൻ്റെ കവിതകൾ🧾 #📋കവിതകൾ #❤️ പ്രണയ കവിതകൾ

*നീയൊരു കാവ്യം* ഞാനെന്ന മനസ്സിൽ നീ അക്ഷരങ്ങളാകുമ്പോൾ സ്വപ്നമരചില്ലയിൽ കവിത നിറയുന്നു ഓർമ്മതൻ വണ്ടിയിൽ മുട്ടിയുരുമ്മി ആർദ്രമായ മൗനം വീണലിയുമ്പോൾ നീയും ഞാനും ഹൃദയാകാശം പറവകളാകുന്നു നീലജാലകങ്ങളിലൂടെ ചിതറുന്ന മഴവില്ലിൻ്റെ നിറങ്ങളെൻെറ മിഴികളെ തൊടുമ്പോൾ നനുത്ത സ്പർശത്തിലൊരു പ്രണയത്തിൻ്റെ തീക്കാടെന്നിൽ ഉരുവിടുന്നു പകലെഴുതിയ വെളിച്ചത്തെ രാവുമായ്ക്കുമ്പോളൊക്കെ കനവ് പൂക്കുന്നു നീയെന്ന മഴച്ചാറ്റ് നനയാനായി എത്ര ഭംഗിയായാണ് നീയെന്നിൽ താളവും പ്രാസവുമുള്ള അക്ഷരങ്ങളാൽ നിറഞ്ഞകാവ്യം മായത് മഴയുടെ പ്രിയ തോഴി #🖋 എൻ്റെ കവിതകൾ🧾 #❤️ പ്രണയ കവിതകൾ #📋കവിതകൾ

*മഴത്താളം* മാനത്തേ കാർമുകിൽ മെല്ലേ തുടിത്താളം കൂട്ടുന്നല്ലോ കാറ്റിൻ്റെ ചില്ലയിലേറി ഊരാകെചുറ്റുന്നല്ലോ മരമാകേ പൂത്തുതളിർത്തു കാടാകേ തെളിയുന്നല്ലോ പൂവാകേ നുള്ളിയെടുത്തു പൂമുറ്റം നിറയ്ക്കുന്നല്ലോ ആകാശവാർമുടിയാലേ ആനന്ദം തൂകുന്നല്ലോ ആകാശ പറവകളെല്ലാം ആലോലമാടുന്നല്ലോ തൂവാനാത്തുമ്പികളെല്ലാം മുളന്തണ്ടിൻ താളമോടേ പച്ചിലകൂട്ടിന്നുള്ളിൽ മുത്തൂകൾ കോർകുന്നല്ലോ മഴമേഘപ്പീലിചന്തം മഴവില്ലുതീർക്കും നേരം പൊൻവെയിൽ തുള്ളികളാൽ വർണ്ണങ്ങൾ തീർക്കുന്നല്ലോ വിണ്ണാകേ കുളിരുനിറച്ചൂ മഴയാകെ പെയ്തുനിറഞ്ഞൂ മണ്ണാകേ പൂണ്ടുപിടിച്ചൂ പുഴയെല്ലാം കളകളമൊഴികി മലരാകേ നർത്തനമാടി മനമാകേ കോരിത്തരിച്ചൂ നാടാകേ വസന്തത്തിൻ സന്തോഷക്കളിച്ചിരിയായി മഴയുടെ പ്രിയ തോഴി #❤️ പ്രണയ കവിതകൾ #📋കവിതകൾ #🖋 എൻ്റെ കവിതകൾ🧾

*വിറ്റുപോയ വീട്* ജീവിതതിരശ്ശീലമാറ്റി ഞാനാ ഓർമ്മതൻ വഴിയിലൂടൊന്നു നടക്കവേ ബാല്യം മണക്കും ചെറുകാറ്റെന്നെ തലോടിയകലുന്നു പണ്ടെന്നോ വിറ്റുപോന്നുള്ളൊരാ വീടിൻ്റെ പൂമുറ്റത്തറിയാതെ മാനസം വന്നെത്തി നോക്കവേ മുറുക്കിചുവപ്പിച്ച മുത്തശ്ശി ചൊല്ലും പഴങ്കഥകൾ വന്നു- രസ്സുന്നുള്ളിലായി.. അച്ഛനും അമ്മയും അന്നാവീടിൻ്റെ ശ്രേഷ്ഠകാവ്യങ്ങളായിരുന്നു നിലാവുപോൽ ചിരി തൂകി കൂടപ്പിറപ്പുകൾ ഹൃദയം കോർത്തിരിന്നു ദുഃഖമൊളിപ്പിച്ച അമ്മതൻ ചിരി മുഖം നെഞ്ചിലെ നോവായി പടരുന്നുവല്ലോ മക്കൾ ഞങ്ങൾനാലുപേരെ പോറ്റിയ ഓലക്കുടിലിന്നാരു- ടെയോ മണിമാളികയായി മാറിയിരിക്കുന്നുവല്ലോ ഇവിടെ എനിക്കൊരാലയം ഉണ്ടായിരുന്നെന്ന ചിന്തയിൽ ഉപ്പിറ്റുവീണലിഞ്ഞു മറയ്ക്കുന്നു ഇന്നിൻ്റെ കാഴ്ചകളെല്ലാം ഈ തീരാനഷ്ട വസന്തങ്ങൾളും മഴയുടെ പ്രിയ തോഴി #🖋 എൻ്റെ കവിതകൾ🧾 #❤️ പ്രണയ കവിതകൾ #📋കവിതകൾ

*സാന്ത്വന നിലാവ്* ഇരുളിൻ വഴിയിൽ വീണനിലാവേ നിന്നോടാണെൻ്റെ സൗഹൃദം, അനവധി മിത്രങ്ങളുണ്ടെനി- ക്കെങ്കിലും, നിന്നോടുചേർന്നി- രിക്കാനാണെന്നുമിഷ്ടം സന്തോഷപൂർണ്ണമാം വേളകളിൽ ദുഃഖപൂർണ്ണമാം നിമിഷങ്ങളിൽ രാവിൻ്റെ മടിത്തട്ടിൽ കണ്ണീരുപ്പു- മായി ഞാനൊറ്റയാകുമ്പോൾ നിലാവേ നിൻ്റെ പാൽവെണ്ണ സാന്ത്വന തിരമാലയാക്കുന്നു ഹൃദയത്തിൽ നീ സ്വർണലിപി- കളാൽ തീർത്തകവിതയാകുന്നു ഓർമ്മതൻ ചെപ്പിൽ പവിഴപ്പുറ്റിൻ നിറമേറ നിറച്ചു നീപിരിയും ദിനങ്ങളിൽ രാകറുപ്പിൻെറ കമ്പളമല്ലോ, ഉള്ളിൽ തീരാത്ത മൗനത്തിൻ നൊമ്പരമല്ലോ മഴയുടെ പ്രിയ തോഴി #❤️ പ്രണയ കവിതകൾ #📋കവിതകൾ #🖋 എൻ്റെ കവിതകൾ🧾