తిధులు వాటి ఫలాలు.............!! జాతకచక్రంలో..బుద్ధి కారకుడు..బుధుడు.. మనసు కారకుడు..చంద్రుడిని బట్టి..ఫలితాలు పూర్తిగా ఉండును.అందరూ..ఇట్లాగే ఉంటారని కాదు.!! పాడ్యమి: ఈ తిధి యందు జన్మించిన దేవపూజ తత్పరుడు, ఙ్ఞానo కలిగినవాడు, శిల్ప విద్య విశారదుడు, మంత్రమందు అభిచార (చేతబడి) కర్మయందు సమర్ధుడు . విదియ: ఈ తిధి యందు జన్మించిన, శత్రువులను హతమార్చువారు, పశువులు యందు దయ కలవాడు, పరాక్రమము కలిగిన వాడు, అభిమానము ,సంపద గలిగినవాడు అయి ఉండును. తదియ: ఈ తిధి యందు జన్మించిన అమితమైన సౌందర్యం, అభిమానం ధనం కలవాడు, విద్యగలవాడు, మనస్సున అహంకారి, బంధువుల కార్యమందు ఇష్టము కలవాడు . చవితి: ఈ తిధి యందు జన్మించిన సర్వకార్య విఘ్నము చేయువాడు, క్రూరుడు, ప్రపీడనానికి ఉన్న మార్గాన్ని అన్వేషించువాడు, అత్యాశ కలవాడు, లావాటి శరీరం కలవాడు వ్యసములు కలవాడు అయి ఉండును. పంచమి: ఈ తిధి యందు జన్మించిన సౌభాగ్యము, పాండిత్యము,సంపద కలవాడు, మాలావస్త్రము మొదలగు అలంకార వస్తువులందు ఇష్టము కలవారు ఇతరులకు ఉపకారం చేయువాడు. షష్టి: ఈ తిధి యందు జన్మించిన బలము, చాల సేవకాజనులు కలవాడు, ముక్కోపి, ఙ్ఞానo కలవాడు, దైవపూజయందు ఇష్టము కలవాడు, క్షేమము గలవాడు, ఇతరములు యొక్క మంచిని గుణములను స్వీకరించు వాడు. సప్తమి: ఈ తిధి యందు జన్మించిన క్రూరముగా పలుకువాడు, చెడ్డ మనస్సు గల సేవకాజనులు కలవాడు, శుభకర్మ యందు ఇష్టము కలవాడు, ఇంద్రియ నిగ్రహం కలవాడు, బలవంతుడు,రోగపీడితుడై ఉండును. అష్టమి: ఈ తిధి యందు జన్మించిన పరాక్రమము, స్వాతంత్రము కలవాడు, పీడించువాడు, వెంటనే కోపించేవాడు, మంచి శరీరం, కామశీలం కలవాడై ఉండును. నవమి: ఈ తిధి యందు జన్మించిన కోపము, స్వకార్య ఇష్టతయు, ఇతరులను ద్వేషించుట, చెడ్డ భార్యా పుత్రులు కలవాడు, దొంగలకు నాయకుడై ఉండెను. దశమి: ఈ తిధి యందు జన్మించిన ధర్మశీలము, సుఖము, సత్ స్వభావము, సంపదయు, వాక్ సామర్ధ్యము కలవాడు, కాముకుడు, బంధు స్నేహం కలవాడు, పరస్త్రీలందు ఆసక్తి గలవాడు అయి ఉండును. ఏకాదశి: ఈ తిధి యందు జన్మించిన పూజ్యుడు, సదాచారం కలవాడు, మంచి సేవకులు కలవాడు, సౌభాగ్యము,సంపద, మంచి స్వభావము కలవాడు అయి ఉండును. ద్వాదశి: ఈ తిధి యందు జన్మించిన విష్ణు భక్తుడు , త్యాగి,ధనవంతుడు, ప్రభువు,సర్వజనప్రియుడు, నిర్మల మనస్సు కలవాడు, విద్యావంతుడు, పుణ్యవంతుడు అయి ఉండును. త్రయోదశి: ఈ తిధి యందు జన్మించిన కామియు, దర్భల శరీరుడు, సత్యం పలుకువాడు, మనోహరుడు,లుబ్ధుడు, ధనహీనుడు అయి ఉండును. చతుర్దశి: ఈ తిధి యందు జన్మించిన పరస్త్రీలను, ఇతరులను ద్రవ్యం అడుగువాడు, తెలివి తక్కువు వాడు, అందరికి శత్రువై ఉండును. కోపము, దుస్వభావము. భయంకరుడు అయి ఉండును. పౌర్ణమి: ఈ తిధి యందు జన్మించిన పరిపూర్ణమయిన అంగములు కలవాడు, విద్య ,వినయము ,యశస్సు కలవాడు, శాస్త్ర అర్ధములు తెలిసినవాడు ప్రధాని అయి ఉండును. అమావాస్య: ఈ తిధి యందు జన్మించిన దేవతలను,తల్లితండ్రులను పూజించు వాడు, కామి,పశుసంపదను నాశనం చేయువాడు, రోగి,బలం లేని శరీరం కలవాడు, దరిద్రుడు అయి ఉండును. శుక్ల పక్షం యందు తిధులకు చెప్పిన శుభఫలములలో వృద్ధి, అశుభ ఫలములకు హానియు , బహుళ పక్షము నందు తిధులలో శుభఫలములు తగ్గుట, అశుభ ఫలములు పుష్టియు అగును. చంద్రుడు బలాబలములను అనుసరించి శుభ ఆశుభములను అనుసరించవలెను. ఓం నమః శివాయ..! లోకా సమస్తా సుఖినోభవంతు..!! #🌹🕉️ భక్తి సమాచారం 🕉️🌹

#✍️కోట్స్ ❤️