താഴ്മലയിലെ രാത്രി - PART 3 സ്നേഹയും നജയും സാധനങ്ങളും വാങ്ങി വീട്ടിലേക്ക് നടന്നുകൊണ്ടിരുന്നു. അവരുടെ മനസ്സിൽ ആ കടക്കാരൻ കത്തിച്ച തിരി ആളികത്തുകയായിരുന്നു. എന്തുകൊണ്ടായിരിക്കും മറ്റാർക്കും കൊടുക്കാതെ ആ വീട് ഞങ്ങൾക്ക് തന്നത്. മറ്റാരും ഇത് വാങ്ങാൻ വന്നില്ല എന്ന കളവ് ജോസ് ഞങ്ങളോട് പറഞ്ഞത് എന്തിനാകും. അവർ ആ നടത്തത്തിൽ പരസ്പരം ഒന്നും സംസാരിച്ചില്ല.മനസ്സിനോടായിരുന്നു അവരുടെ സംസാരം. അവർ ആ നീണ്ട വഴികളിലൂടെ വീടിനെ ലക്ഷ്യമാക്കി നീങ്ങി. ഇരുവശത്തുമുള്ള വീടുകളിലേക്ക് നോക്കു. ഉണക്കാൻ ഇട്ടിരുന്ന തുണികൾ അപ്രതിക്ഷമായിരുന്നു. ഒരു വീടിന്റെ മുറ്റത് ഒരു ചെറിയ സൈക്കിൾ ഉണ്ടായിരുന്നു. അവർ വീട്ടിലേക്ക് കയറി. അനുവും അന്നയും ഒരു പുസ്തകം നോക്കു ഇരിക്കുന്നതായിരുന്നു അവർ കണ്ടത്. "എന്താണ് രണ്ടാളും കൂടെ പുസ്തകം വായിച്ചു ഇരിക്കുന്നത്." സാധനങ്ങൾ ടാബിളിൽ വെച്ചുകൊണ്ട് സ്നേഹ ചോദിച്ചു. "ഈ പുസ്തകങ്ങൾ എല്ലാം ആ പെട്ടിയിൽ നിന്ന് കിട്ടിയതാ " അനു ഒരു കൂട്ടം പുസ്തകങ്ങളിലേക്കും ആ പെട്ടിയിലെക്കും വിരൽ ചൂണ്ടിക്കൊണ്ട് പറഞ്ഞു. നജയും സ്നേഹയും ഓരോ പുസ്തകങ്ങൾ എടുത്തു നോക്കാൻ തുടങ്ങി. "ഇതെല്ലാം ക്രിസ്ത്യൻ religion related ബുക്സ് അല്ലെ. ഇതൊരു ക്രിസ്ത്യൻ വീടല്ലേ. അതുകൊണ്ടാകും. " നജ പുസ്തകം നോക്കുന്നതിനിടയിൽ പറഞ്ഞു. "അതേയ്. പക്ഷെ എല്ലാം ഇംഗ്ലീഷ് പുസ്തകം ആണ്. മാത്രമല്ല പഴക്കമുള്ള പുസ്തകങ്ങൾ ആണ്. പക്ഷെ ഈ പുസ്തകമാണ് ഞങ്ങളെ ഞെട്ടിച്ചത്." അന്ന The exorcism എന്ന പുസ്തകം അവരെ കാണിച്ചുകൊണ്ട് പറഞ്ഞു. അന്ന അവർക്കു അതിനെ പറ്റി പറഞ്ഞുകൊടുത്തു.ഇത്രയും വിജനമായ, വിദ്യാഭ്യാസം കുറഞ്ഞ ഒരു ഗ്രാമത്തിൽ എങ്ങനേ ഈ പുസ്തകം എത്തി എന്നവർ അത്ഭുധത്തോടെ ചിന്തിച്ചു. അവർ എല്ലാവരും ചുമരിൽ തൂങ്ങിക്കിടക്കുന്ന 3 ഫോട്ടോയിലേക്ക് നോക്കി നിന്നു. ഉച്ചയുറക്കത്തിൽ ആയിരുന്നു എല്ലാവരും.ഉഗ്ര ശബ്ദത്തോടെ കറങ്ങുന്ന സീലിംഗ് fan ശബ്‌ദം കാരണം പുറത്തടിക്കുന്ന കാളിങ് ബെൽ വളരേ വയ്കിയാണ് സ്നേഹ കേട്ടത്. അവൾ മുൻ ജനലിനുള്ളിലൂടെ പുറത്തേക്ക് നോക്കി. അവിടെ ആരും ഉണ്ടായിരുന്നില്ല. എന്നാൽ പടിയിൽ എന്തോ ഒരു കടലാസ് വെച്ച് അതുനുമുകളിൽ ചെറിയ കല്ലുവെച്ചിട്ടുണ്ടായിരുന്നു. അവൾ വാതിൽ തുറന്നു ചുറ്റും നോക്കി. കാറ്റുകാരണം ഇലകൾ പരസ്പരം കൂട്ടിമുട്ടുള്ള ശബ്‌ദം മാത്രമായിരുന്നു അവൾക് കേൾക്കാൻ കഴിഞ്ഞത്. അവൾ ആ പേപ്പർ എടുത്തു. "ജോസ് ആണ്. കുറച്ചുദിവസത്തേക്ക് നാട്ടിൽ ഉണ്ടാകില്ല. എന്താവശ്യം വന്നാലും ഈ നമ്പറിലേക്ക് വിളിച്ചാൽ മതി.." എന്നായിരുന്നു ആ പേപ്പറിൽ ഉണ്ടായിരുന്നത്. അവൾ അത് കയ്യിൽ കരുതി പെട്ടികളിൽ നിന്ന് പുറത്തെടുത്ത ഒരു പുസ്തകത്തിന്റെ ഇടയിലേക്ക് അത് കയറ്റി. അവൾ അടുക്കയിലേക്ക് പോയി. ചായവേക്കാണ് പൈപ്പ് തുറന്നത് വെള്ളം ഉണ്ടായിരുന്നില്ല. അവൾ മോട്ടർ സ്വിച്ച് കണ്ടു. പഴയ, സ്വിച്ചുകൾ ഇളകില്ല ആ സ്വിച്ച് അവൾക് on ചെയ്യാൻ പേടി തോന്നി.അവൾ ഒരു ചെറിയ വിറകുകൊള്ളി എടുത്ത് സ്വിച്ച് ഇട്ടു. വലിയ ശബ്ദത്തോടെ മോട്ടർ ഓൺ ആയി. കിണറിൽനിന്നാണ് വെള്ളം അടിക്കുന്നതെന്ന് അവൾക് മനസ്സിലായി. അവൾ പൈപ്പ് ഓൺ ചെയ്തു. കടും പച്ച നിറമുള്ള കലങ്ങിയ വെള്ളമായിരുന്നു വന്നത്. ദുർഗന്ധവും ഉണ്ടായിരുന്നു..വെള്ളം ക്ലിയർ ആകുന്നതുവരെ അവൾ വെള്ളം കളഞ്ഞു. ശേഷം വെള്ളം എടുത്തു അടുപ്പത്തു വെച്ച് വിറകു കത്തിച്ചു വെള്ളം തിളക്കാൻ കാത്തിരുന്നു. ആ സമയം അടുത്തുള്ള വീട്ടിൽ നിന്ന് കുട്ടികളുടെ ശബ്‌ദം കേട്ടു. അവൾ പുറത്തോട്ട് നോക്കിയപ്പോൾ രണ്ടു കുട്ടികൾ സൈക്കിൾ ആയി വീട്ടു മുറ്റത് കളിക്കുന്നത് കണ്ടു. ആ സമയത്ത് സ്നേഹയുടെ ഉള്ളിലെ ഭീതി കുറഞ്ഞു. കട്ടൻചായയും കുടിച്ചു ഉമ്മറപ്പടിയിൽ ഇരിക്കുമ്പോൾ ആയിരുന്നു അന്ന ഒരു സംശയം ചോദിച്ചത്. "ജോസ് നു നമ്മൾ സത്യം മനസ്സിലാക്കി എന്ന് മനസ്സിലായപ്പോൾ ചെയ്ത ഒരു ഒളിച്ചോട്ടം ആകുമോ ഇത്." അവർ പരസ്പരം മുഖത്തോട് മുഖം നോക്കി. "ഏയ്. വന്ന അന്നുതന്നെ നമ്മൾ സത്യം മനസ്സിലാക്കും എന്നൊന്നും അയാൾ ചിന്തിച്ചിട്ട് പോലുമില്ല. പിന്നെ ആ കടയിലെ ചേട്ടൻ ഞങ്ങളോട് പറഞ്ഞിരുന്നു ഇനി നാളെയെ കട തുറക്കുവൊള്ളൂ,പേരകുട്ടിയുടെ മുടികളച്ചിൽ ആണ്. അപ്പോ ടൗണിൽ പോകുമെന്ന്. അപ്പൊ നമ്മൾ അവിടെ പോയതും സംസാരിച്ചതും ഒന്നും ജോസ് അറിഞ്ഞിട്ടുണ്ടാകില്ല. മാത്രമല്ല. എന്ത് സത്യം അറിയാൻ.ആ കടക്കാരൻ പറഞ്ഞത് സത്യമാകും എന്ന് ഉറപ്പൊന്നുമില്ലല്ലോ" സ്നേഹ പറഞ്ഞു. "സത്യം ആവാനാണ് ചാൻസ് കൂടുതൽ. കാരണം അടുത്താണ് info park.. ആരെക്കിലും തീർച്ചയായും ഈ വീട് ചോദിച്ചിട്ടുണ്ടാകും. പിന്നെ ഓരോരുത്തരുടെ ഇഷ്ടമല്ലേ. ആർക് കൊടുക്കണം എന്ന്. നമുക്ക് തന്നത് അയാൾക് നമ്മോട് വിശ്വാസം ഉള്ളതുകൊണ്ട് ആണെങ്കിലോ." നജ പറഞ്ഞപ്പോൾ അൽപനേരം എല്ലാവരും മിണ്ടാതെ ഇരുന്നു. അപ്പോഴാണ് ഗേറ്റ് തുറന്ന് ആ നീണ്ട വഴിയിലൂടെ വീട്ടിലേക്ക് ഒരു കറുത്ത, മെലിഞ്ഞു നീണ്ട ഒരാൾ വരുന്നത്. കണ്ടാൽ 20 വയസ്സ് പ്രായം തോന്നിക്കുന്ന ഒരു ചെറുപ്പക്കാരൻ. പൊടി മീശ മാത്രമേ ഒള്ളു. ഒരു ബ്രസീൽ ജയ്‌സി ഇട്ട് ഒരു ട്രാവസറും ഇട്ടായിരുന്നു അവന്റെ വേഷം. അവർ എണീറ്റുനിന്നു. "ആരാണ് " "അഹ്. ചേച്ചി. എന്റെ പേര് കുരിയാക്കോസ്. ജോസേട്ടൻ പറഞ്ഞിട്ട് വന്നതാണ്." ഒരു ചിരിയോടെ അവനത് പറഞ്ഞു. "എന്താണ് കാര്യം? " അനു ചോദിച്ചു. "ഒന്നുമില്ല. നിങ്ങളെ ഒന്ന് പരിചയപ്പെടാൻ പറഞ്ഞു. ജോസേട്ടൻ കുറച്ചുദിവസം കഴിഞ്ഞേ വരൂ. അപ്പോ എന്നോടാണ് അതുവരെ നിങ്ങളുടെ കാര്യം നോക്കാൻ പറഞ്ഞത്. എന്റെ നമ്പർ ജോസേട്ടൻ ചേച്ചിമാർക്ക് തന്നിട്ടുണ്ടെന്ന് പറഞ്ഞു" അവർ ജോസ് കടലാസ്സിൽ എഴുതിയ നമ്പർ ഓർത്തു. "ജോസേട്ടൻ എവിടെക്കാ പോയത്? " നജ ചോദിച്ചു. "ജോസേട്ടനും കുടുംബവും കോട്ടയത്താണ് താമസം. അവിടെ റബ്ബർ, കുരുമുളക് കൃഷി എല്ലാമുണ്ട്.പുള്ളി അവിടെത്തന്നെയാണ്. കുറച്ചു ദിവസമായി എന്റെ വീട്ടിൽ ആയിരുന്നു താമസം. ഈ വീട് ആരെക്കെങ്കിലും റെന്റിനു കൊടുത്തിട്ട് വേണം എനിക്ക് തിരിച്ചു പോകാൻ എന്ന് പറഞ്ഞിരുന്നു" "നിന്റെ വീട് അടുത്തുതന്നെ ആണോ?" സ്നേഹ ചോദിച്ചു "അതെ ചേച്ചി.ഈ റോഡ് ലെഫ്റ്റിൽ തിരിഞ്ഞാൽ ഒരു പള്ളി ഉണ്ട്. അതിനുപുറകിൽ ആണ് വീട്." അവർ തലയാട്ടി. "എന്നാൽ ശെരി. എന്ത് ആവശ്യം ഉണ്ടെങ്കിലും മടി കൂടാതെ വിളിച്ചോളൂ. പാല് കറക്കാൻ നേരമായി. ശെരിയെന്നാൽ" അവൻ നീണ്ട വഴിയിലൂടെ നടന്നകലുന്നത് അവർ നോക്കു നിന്നു. ഇരുട്ട് പടരാൻ തുടങ്ങി, മഴക്കാർ വന്നു, ഒപ്പം മുല്ലപ്പൂവിന്റെ സുകന്ധമുള്ള തണുത്ത കാറ്റും. (തുടരും ) #🧟 പ്രേതകഥകൾ! #📝 ഞാൻ എഴുതിയ വരികൾ #🕵️‍♀️ കുറ്റാന്വേഷണ കഥകൾ #📔 കഥ #📙 നോവൽ

താഴ്മലയിലെ രാത്രി-PART 2 "ചേട്ടാ.കുറച്ചു സാധനങ്ങൾ വേണം." സ്നേഹ പറഞ്ഞു. "എന്തൊക്കെയാ വേണ്ടേ?" "ഒരു പുതിയ വീട്ടിലേക്ക് വേണ്ട സാധനങ്ങൾ എല്ലാം എടുത്തോ. പച്ചക്കറി പലചരക്ക് എല്ലാം." "അത്യാവശ്യ സാധങ്ങൾ മാത്രം മതിയോ. ഒരുപാട് സാധനങ്ങൾ വാങ്ങുമ്പോൾ ടൗണിൽ നിന്ന് വാങ്ങുന്നതിനേക്കാൾ വില ആകും എല്ലാംകൂടെ കൂട്ടിയാൽ. ചുരം കയറി ഇവിടെ വിൽക്കുമ്പോ ആ പൈസ മുതലാക്കൻ അൽപ്പം വില കൂട്ടും." "ശെരി ചേട്ടാ. എന്നാൽ എല്ലാം കുറച്ചു കുറച്ചു ആയി എടുത്തോ. ബാക്കി ടൗണിൽ പോയി വാങ്ങിക്കോളാം." അയാൾ സാധനങ്ങൾ ഓരോന്നായി എടുക്കാൻ തുടങ്ങി. ഒരു ചെറിയ കടയായിരുന്നു. എന്നാൽ താഴ്മല ഗ്രാമത്തിലെ ഒരു സൂപ്പർ മാർക്കറ്റ് ആയിരുന്നു ഇത്. ഇവിടെയുള്ള ആളുകൾ ഈ കടയെ ആണ് ആശ്രയിക്കുന്നത്. "ചേട്ടാ. ഇവിടെ അതികം ആളുകളല്ലേ. അതോ ആരും പുറത്തോട്ട് ഇറങ്ങാത്തതാണോ.?" നജ ചോദിച്ചു. "ഇവിടെ ആളുകൾ കുറവാണ് മോളെ.ഈ ഒറ്റപെട്ട സ്ഥലത്ത് ആളുകളതികം വരാറില്ല.ഉള്ളയാളുകൾ എല്ലാം മറ്റു സ്ഥലങ്ങളിൽ നിന്ന് വന്നവരാണ്. അതുകൊണ്ട് തന്നെ ഇവിടെത്തെ എന്നെപ്പോലെ ഉള്ള ഇവിടെ ജനിച്ചു വളർന്ന കുറച്ചാളുകൾ മാത്രമാണ് ഇവിടെ പുറത്തേക്ക് എങ്കിലും ഇറങ്ങുന്നത്.പിന്നെ സാധനങ്ങൾ വാങ്ങാൻ ഇവിടേക്ക് വരാറുണ്ട്. സംസാരിച്ചിരിക്കൽ ഒന്നുമില്ല. വരും സാധനങ്ങൾ വാങ്ങും പോകും. അത്ര തന്നെ. പിന്നെ ഇവിടെ വരുന്നവരും ഇവിടെ അടുത്തൊരു INFO PARK ഉണ്ട്. അവിടെ ജോലി ചെയ്യുന്നവരാണ്. അവർ കുറച്ചുകാലം ഇവിടെ നിൽക്കും ശേഷം പോകും. അതുകൊണ്ട് ഞങ്ങൾക്കും അവരോട് കമ്പനി ആവാൻ തോന്നാറില്ല. അല്ല.. മക്കളും അങ്ങനെ വന്നവരാണോ.?" "അതേയ്.ഞങ്ങളും അവിടെയാണ് work ചെയ്യുന്നത്." സ്നേഹ പറഞ്ഞു. "ഹാ. നിങ്ങളെ രാവിലേ ജോസ് ന്റെ വീട്ടിൽ കണ്ടപ്പോൾ ഞാൻ കരുതി ജോസ് ന്റെ കുടുംബക്കാർ ആരെങ്കിലും ആവുമെന്ന്." "അതെന്താ അങ്ങനെ ചോദിച്ചേ.?" "ഏയ് ഒന്നുമില്ല.പലരും ആ വീട് ജോസ് നോട്‌ ചോതിച്ചതാ. പക്ഷെ അവൻ കൊടുത്തില്ല. നിങ്ങൾക്കുതന്നപ്പോൾ ഞാൻ കരുതി അവന്റെ കുടുംബക്കാർ ആകുമെന്ന്." സ്നേഹയും നജയും പരസ്പര സംശയത്തോടെ നോക്കു. "അല്ല ചേട്ടാ.അവിടെ ആരെയും കിട്ടിയില്ല, അതുകൊണ്ടാണ് നിങ്ങൾക്ക് വില കുറച്ചു തരുന്നത് എന്നെല്ലാം ആണല്ലോ അയാൾ ഞങ്ങളോട് പറഞ്ഞത്." സ്നേഹ ചോദിച്ചു. "ഏയ്‌. അവിടെ info തന്നെ work ചെയ്യുന്ന ചെറുപ്പക്കാർ ഒരുപാട് പേര് ആ വീടിനായി വന്നിട്ടുണ്ട്. പറഞ്ഞ വിലയിൽ കൂടുതൽ തരാമെന്ന് പറഞ്ഞിട്ടും ജോസ് കൊടുത്തില്ല" നജയുടെയും സ്നേഹയുടെയും ഞെറ്റി ചുളിഞ്ഞുകൊണ്ട് അവർ പരസ്പരം സംശയത്തോടെ നോക്കി. (ഈ സമയം വീട്ടിൽ) "ഒന്ന് നല്ലമ്പോലെ അടിക്കെടി. നികത്തിനു വേദനിക്കില്ല." അനുവിന്റെ മടിപിടിച്ച ജോലി കണ്ട് അന്ന പറഞ്ഞു. "നിനക്ക് അതു പറയാം. മനുഷ്യന് വിശന്നിട്ടു കുടൽമാല തള്ളക്ക് വിളി തുടങ്ങിയിട്ട് നേരം കുറെ ആയി." അനു വയറിനുമേൽ കൈ പിടിച്ചുകൊണ്ടു പറഞ്ഞു. അവർ വൃത്തിയാക്കൽ തുടർന്നുകൊണ്ടിരുന്നു. ആ സമയം കോണിക്കൂടിനു താഴെ ഒരു വലിയ പെട്ടി കണ്ടു. അതിനു മുകളിൽ ചിലന്തി വല കെട്ടിയിരുന്നു. ഒരുപാട് നാളായി ആ പെട്ടി തുറന്നിട്ടെന്ന് അന്നയ്ക്ക് മനസ്സിലായി. അവൾ ആ പെട്ടി തുറക്കാൻ വേണ്ടി ഇരുന്നു. പെട്ടി തുറക്കാൻ നോക്കിയതും പെട്ടിയുടെ താഴെ നിന്ന് കുറച്ചു പല്ലികൾ പെട്ടെന്ന് മുകളിലേക്കായി ഓടി. അന്ന പെട്ടിക്കുചുറ്റും ഒന്ന് കണ്ണോടിച്ചുകൊണ്ട് പതിയെ പെട്ടിയുടെ മുകൾഭാഗം പതിയെ തുറന്നു. നിറയെ പുസ്തകങ്ങളും അതിനു മുകളിലായി വലിയൊരു കുരിശു മാലയും.അന്നയുടെ ആ പ്രവർത്തി കണ്ടു അനുവും അവളുടെ അടുത്തേക്ക് വന്നു. അന്ന ആ വലിയ കുരിശു മാല എടുത്തു. സാധാരണ മലയിൽ നിന്നും വളരെ ഭാരം ഉണ്ടായിരുന്നു അതിന്. മരംകൊണ്ട് നിർമിച്ച ഒരു മാലയായിരുന്നു. ശേഷം അതിൽനിന്നു ഒരു പുസ്തകം എടുത്തു. "Lord's spy" എന്നായിരുന്നു ആ പുസ്തകത്തിന്റെ പേര്. അവൾ ഓരോ പേജുകൾ മറിക്കാൻ തുടങ്ങി. 1914 ൽ villiam hesbur എന്നൊരു എഴുത്തുകാരൻ എഴുതിയ പുസ്തകം ആയിരുന്നു അത്. പേജ് കൾ പലവട്ടം ആരോ വായിച്ചിട്ടുണ്ട് എന്ന പോലെ കയ്യിലെ ചെറിയ ചളികൾ ഉണ്ടായിരുന്നു ആ പുസ്തകത്തിൽ. "അതേയ്.ഇത്രയും കടുപ്പമുള്ള ഇംഗ്ലീഷ് ഒക്കെ വായിക്കാൻ മാത്രം വിദ്യാഭ്യാസം ഒക്കെ ഉണ്ടായിരുന്നു ഇവിടെത്തെ ആളുകൾക്ക്" അനു ചോദിച്ചു. "അതുതന്നെയാ ഞാനും ആലോചിക്കുന്നേ. പക്ഷെ നന്നായി വായിച്ചിട്ടുണ്ട്. ഒരു ഏടുകളിലും വിരലടയാളം കൃത്യമായി കാണുന്നുണ്ട്. ഒരുപാട് വട്ടം വായിക്കുമ്പോഴെ ഇങ്ങനെ വരൂ." അവൾ മറ്റൊരു പുസ്തകം എടുത്തു. അതും പഴയൊരു ഇംഗ്ലീഷ് പുസ്തകം ആയിരുന്നു. എല്ലാം ക്രിസ്ത്യൻ കഥകളും വിശ്വാസങ്ങളും ആയിരുന്നു.എന്നാൽ വളരെ താഴെയായി ഒരു വലിയ കറുത്ത ചട്ടക്കൂടുള്ള ഒരു പുസ്തകം അന്ന കണ്ടു.തുന്നുകൾ നശിച്ചു തുടങ്ങിയ വളരെ ഭാരമുള്ള ചട്ടകൾ കീറി തുടങ്ങിയ ആ പുസ്തകം അവൾ എടുത്തു. പുസ്തകത്തിന്റെ പേര് വായിച്ചു. "The Exorcism" അന്നയുടെ മുഖം മാറുന്നതുകണ്ട അനു എന്താണെന്ന് തിരക്കി. "അനു. Exorcism എന്നാൽ പണ്ട് കാലത്ത് ആളുകൾ ചെയ്തിരുന്ന ഒരു മന്ത്രവാതം ആയിരിന്നു.ശരീരത്തിൽ കൂടിയ പിശാചിനെ ഒഴിപ്പിക്കാനുള്ള വിദ്യ ആയിരുന്നു ഇത്." "ഇതുപോലത്തെ ഒരുപാട് മദ്രവാതം പറയുന്ന പുസ്തകം ഉണ്ടെല്ലോ നാട്ടിൽ. ഓരോ ഉടായിപ്പ്." അനു പുച്ഛത്തോടെ തള്ളി. "എടി. സംഭവം ശെരിതന്നെ. എന്നാൽ ഈ പുസ്തകം അത് വിശ്വസിക്കുന്ന ആളുകൾ മാത്രമേ വാങ്ങാറുള്ളു. ഒന്ന് കിട്ടാൻ വളരെ പ്രയാസമാണ്, രണ്ട് മനസ്സിലാക്കാൻ ഒരുപാട് പ്രയാസമാണ്, പിന്നെ ഈ പുസ്തകം ഒറിജിനൽ copy ആണ്. അതായത് 16-17 നൂറ്റാണ്ടുകളിൽ ആണ് ഈ Exorcism സജീവമായത്. അന്ന് മന്ത്രവാദികൾ ഉപയോഗിച്ച പുസ്തകത്തിന്റെ ഒരു ഒറിജിനൽ copy ആണിത്. അതായത് ഈ പുസ്തകത്തിന് 500 വർഷങ്ങൾ കൂടുതൽ പ്രായമുണ്ട്." അവർ രണ്ടാളും മൗനത്തോടെ ആ പുസ്തകത്തിലേക്ക് നോക്കികൊണ്ടിരുന്നു. അന്ന ആ കട്ടിയുള്ള ചട്ടക്കൂടു മാറ്റി അടുത്ത പേജ് മരിച്ചു.ആ പേജിൽ കറുത്ത മാഷുകൊണ്ട് വലുതായി ഒരു വാക്ക്യം എഴുതിയിരുന്നു. അവർ അത് വായിച്ചു. "​The devil does not come with horns and tail, but in the voice and form of your dearest. You will have to sacrifice your soul more than prayer to cast him out." (​"പിശാച് വരുന്നത് കൊമ്പും വാലുമായിട്ടല്ല, നിന്റെ ഏറ്റവും പ്രിയപ്പെട്ടവന്റെ ശബ്ദത്തിലും രൂപത്തിലുമാണ്. അവനെ പുറത്താക്കാൻ പ്രാർത്ഥനയേക്കാൾ കൂടുതൽ നിനക്ക് നിന്റെ ആത്മാവിനെ ബലി കഴിക്കേണ്ടി വരും.") (തുടരും) അഭിപ്രായം പറയണം ☺️ #🕵️‍♀️ കുറ്റാന്വേഷണ കഥകൾ #📔 കഥ #📝 ഞാൻ എഴുതിയ വരികൾ #📙 നോവൽ #🧟 പ്രേതകഥകൾ!

താഴ്മലയിലെ രാത്രി-PART 1 ഇടുക്കി ജില്ലയിലെ താഴ്മല എന്ന ഗ്രാമത്തിലായിരുന്നു അവർക്കവസാനം വീട് കിട്ടിയത്.കമ്പനി ഹോസ്സിങ് allowance തന്നെങ്കിലും കമ്പനിയിലേക്ക് പോയി വരാൻ പാകത്തിലുള്ള സ്ഥലത്ത് വീട് അവർക്കു ലഭിച്ചില്ല. അവസാനം അവർ എത്തിയത് താഴ്മല എന്ന ഗ്രാമത്തിൽ ആയിരുന്നു. വളരെ കുറച്ചു ജനങ്ങൾ മാത്രം താമസിക്കുന്ന അവിടെ ചുറ്റും കാടായിരുന്നു. അവിടെയാണ് അവർക്ക് ഒരു പഴയവീട് കിട്ടിയത്.മെയിൻ റോഡിൽ നിന്ന് കുറച്ചുള്ളിലേക്കായിരുന്നു ആ വീട്. വീടിനു ചുറ്റും കാടും കുറച്ചു അടുത്തായി രണ്ടുമൂന്നു വീടുകൾ മാത്രമേ ഉണ്ടായിരുന്നുള്ളു.മെയിൻ റോഡിൽ നിന്ന് വീട്ടിലേക്ക് നീണ്ട ഒരു വഴിയായിരുന്നു. ആ വീട്ടിൽ മുന്നേ ഒരു മുത്തശ്ശിയും അവരെ നോക്കാനൊരു home നേഴ്സ് മാത്രമേ ഉണ്ടായിരുന്നുള്ളു. മാസങ്ങൾക്കുമുമ്പ് ആ മുത്തശ്ശി മരിച്ചപ്പോൾ ആ വീടിന്റെ owner ജോസ് അത് റെന്റിനു കൊടുക്കാൻ തീരുമാനിച്ചു. ആളുകളും സൗഗര്യങ്ങളും കുറവായ ആ നാട്ടിലേക്ക് ആളുകൾ താമസിക്കാൻ വരാറില്ലായിർന്നു. മാസങ്ങളോളം ആ വീട് ആളും അനക്കവും ഇല്ലാതെ വന്നതോടെ പ്രകൃതി ആ വീട് ഏറ്റെടുത്തു. അപ്പോഴാണ് നാല് സ്ത്രീകൾ ആ വീട് വേണമെന്ന ആവശ്യമായി ജോസ് നെ സമീപിച്ചത്. കുറഞ്ഞ ചിലവിൽ വീട് കിട്ടിയതുകൊണ്ടും, ആളുകളുടെ ശല്ല്യം ഇല്ലാത്തതുകൊണ്ടും, കമ്പനി അടുത്തായതുകൊണ്ടും അവർക്കു ആ വീട് ബോധിച്ചു. പക്ഷെ ആ വീട് നിൽക്കുന്ന ഇടം അവരെ കുറച്ചു പേടിപ്പിച്ചു. ചുറ്റും കാടും. വീട്ടിലേക്ക് നീണ്ട ഒരു വഴിയും. മാസവസാനം നല്ലൊരു തുക കിട്ടുമല്ലോ എന്നോർത്തു കുറഞ്ഞ വിലയിൽ തന്നെ ജോസ് അവർക്ക് വീട് കൊടുത്തു. അവിടേക്കാണ് നാല് ഇരുപത്തിരണ്ട് കഴിഞ്ഞ നാല് സ്ത്രീകൾ താമസിക്കാൻ വന്നത്. നജ,സ്നേഹ,അനു,അന്ന. "നമുക്ക് ഒന്നൂടെ ആലോചിച്ചു എടുത്താൽ മതിയായിരുന്നു ഈ വീട് " വീട്ടിലേക്ക് കയറിയ പാടെ അന്ന പറഞ്ഞു. "ഇനി എവിടെയെന്നു വെച്ചാ താമസിക്കുക. കുറച്ചു നാളായില്ലേ നമ്മൾ ഇതിനുപുറകിൽ തന്നെയല്ലേ." സ്നേഹ പറഞ്ഞു "അതേയ്. ഒന്നൂങ്കിൽ പൈസ കൂടും, അല്ലെങ്കിൽ കമ്പനിയിൽ നിന്ന് ദൂരം കൂടും.ഇത് കുഴപ്പമില്ല.ആവശ്യത്തിനുള്ള സൗഗര്യങ്ങളും പ്രൈവസി ഉം ഉണ്ടെല്ലോ" നജ പറഞ്ഞു "ശെരിയാണ്. പക്ഷെ നോക്ക്. വീടും പരിസരവും കണ്ടാൽ തന്നെ ഒരു പ്രേതാലയം പോലെ തോന്നും." അന്ന പറഞ്ഞു അവർ വീട് മുഴുവനായി നോക്കാനിറങ്ങി. പഴയ വീടാണ്.ഓടിട്ട,നിലം കോൺഗ്രീറ് ചെയ്ത കടും മഞ്ഞ കളറുള്ള വീട്. വീടിനു താഴെയും മുകളിലും രണ്ടു മുറികൾ വീതം.ചിലയിടങ്ങളിൽ ചോർച്ചയുണ്ട്, ചുമർ വിണ്ടിട്ടുണ്ട്.വീടിനു ചുറ്റും മതിലിനു അപ്പുറം കാടാണ്. അടുത്തായി രണ്ടു വീടുകൾ മാത്രമേ കാണുന്ന അകലത്തിൽ ഒള്ളു.വീടിനു മുന്നിൽ വലിയ ഒരു മാങ്ങ മരവും,ഞാവൽ മരവും ഉണ്ട്. വീടിനു പുറകുവശത്തു നിന്നാണ് താഴ്മല എന്ന ഗ്രാമത്തിന് പേര് വന്ന മല തുടങ്ങുന്നത്. മുറ്റവും, റോഡിലേക്ക് ഉള്ള വഴിയും കരിയില കൊണ്ട് നിറഞ്ഞിരുന്നു. അതിൽ ഞാവൽ വീണ് കടും പിങ്ക് നിറം ആയിരുന്നു വഴി മുഴുവൻ. "അതേയ്. ആദ്യം ഇതൊന്നു മനുഷ്യൻ താമസിക്കുന്നുണ്ട് എന്നറിയാൻ വൃത്തിയാക്കണം.ഇതിന്റെ owner വീടിനു അകം മാത്രമേ പേരിനു വൃത്തിയാക്കിയിട്ടുള്ളു." അന്ന പറഞ്ഞു. അങ്ങനെ അവർ നാലുപേരും കൂടെ വൃത്തിയാക്കാൻ തുടങ്ങി. വളരെ കട്ടിയിൽ കരിയില വന്നു അടിഞ്ഞിരുന്നു.അതിനാൽ ഞാവൽ പഴങ്ങൾക്ക് യാതൊരു പൊട്ടും കൂടാതെ നിലത്തു കിടക്കുന്നുണ്ടായിരുന്നു. വീടിന്റെ വലതു വശത്തു ഒരു കിണരുണ്ട്.കിണറിന്റെ താഴ്ഭാഗം കാണാൻ പറ്റാത്ത രീതിയിൽ പ്രകൃതി പുതച്ചിരുന്നു. ചുറ്റുമുള്ള വീടുകളും സമാനമാതിരി പഴയ വീടായിരുന്നു. ആ മൂന്ന് വീട്ടിലും ആളുകൾ ഉണ്ടെന്ന പോലെ തുണികൾ അലക്കാൻ ഇട്ടിരുന്നെകിലും ഒരു ശബ്ദവും ഉണ്ടായിരുന്നില്ല. വീടിനു പുറകിൽ ചെന്നപ്പോൾ വലിയൊരു മല തുടങ്ങുന്ന ഭാഗം. ആ മലയുടെ ഇടതുഭാഗത് ഒരു ചെറിയ ഗുഹ ഉണ്ടായിരുന്നു. "കുറുക്കന്മാർ ഉണ്ടെന്ന് തോന്നുന്നു. പുറകുവശത്തു കുറുക്കന്മാരുടെ കാഷ്ട്ടങ്ങളും ഒരു ഗുഹയും ഉണ്ട്." നജ പറഞ്ഞു. പരിസരം ഒരു കണക്കിന് വൃത്തിയാക്കികൊണ്ട് അവർ ഉമ്മറത്തു ഇരുന്നപ്പോൾ ആണ് റോഡിലൂടെ പോകുന്നവർ അവരെ നോക്കിപോകുന്നത് കണ്ടത്. "എന്തിനാണ് ഇവർ ഇങ്ങനെ നോക്കി പോകുന്നത്" സ്നേഹ ചോദിച്ചു. "കുറെ കാലങ്ങളായി ആളും അനക്കവും ഇല്ലാതെ കിടന്ന വീടല്ലേ. പെട്ടെന്ന് അനക്കം കണ്ടപ്പോൾ നോക്കുന്നതാവും." നജ പറഞ്ഞു "അതേയ്.നമ്മൾ കുറച്ചു ശ്രദ്ധിക്കണം. ഇവിടുത്തെ ആളുകൾ എങ്ങനെ ആണെന്ന് അറിയില്ല. സ്ത്രീകൾ മാത്രമാണ് ഈ വീട്ടിൽ ഉള്ളതെന്ന് അറിഞ്ഞാൽ.." അന്ന പറഞ്ഞു നിർത്തി. "അതിനു നമ്മൾ നാലുപേർ ഇല്ലേ. എന്തിനാ പേടിക്കുന്നെ.ഇടുക്കിയിലെ ആളുകൾ പാവങ്ങളാണ് എന്നാണ് കേട്ടറിവ്. കൃഷിയും മറ്റും ചെയ്ത് ജീവിക്കുന്ന സാധുക്കൾ." സ്നേഹ പറഞ്ഞു "അതേയ്. വയറിൽ നിന്ന് dj കേൾക്കാൻ തുടങി" അനു പറഞ്ഞു. "എന്റെ ദൈവമേ.ഇപ്പോഴെങ്കിലും ആ വാ ഒന്ന് തുറന്നല്ലോ നീ" അനുവിനെ കളിയാക്കികൊണ്ട് സ്നേഹ പറഞ്ഞു. "നിനക്കറിയില്ലേ ഇവളെ. ഇവൾ വാ തുറക്കുന്നത് തിന്നാനും നെഗറ്റീവ് പറയാനും ആണ്" നജയുടെ ആ സംസാരം അവിടെ ഒരു ചിരിപടർത്തി അനു നജയുടെ തലക്കൊന്നു തട്ടിക്കൊണ്ടു പറഞ്ഞു. "അതേയ്. കാര്യമായിട്ടാ. വിശക്കുന്നു. ഇവിടെ വല്ല ഹോട്ടലും കണ്ടുവെച്ചിട്ടുണ്ടോ.?" അനുവിന്റെ ക്ഷമ നഷ്ട്ടപെട്ടിരുന്നു. "അതേയ്. നീ തൽക്കാലം ആ മാങ്ങയും ഞാവലും കഴിച്ചു ഇരിക്ക്. ഞങ്ങൾ ഒന്ന് അങ്ങാടിയിൽ പോയി നോക്കട്ടെ." സ്നേഹ പറഞ്ഞു. അങ്ങനെ അവർ തിരിച്ചു വീട്ടിലേക്ക് കയറി. ഹാൾ നിറയെ ഏശുവിന്റെ ചിത്രങ്ങൾ ആയിരുന്നു. കൂടാതെ ഒരു മുത്തശ്ശിയുടെയും മുത്തശ്ശന്റെയും ബ്ലാക്ക് and white ഫോട്ടോയും ഒരു മുത്തച്ഛന്റെ കളർ ഫോട്ടോയും. "ഇവിടെ താമസിച്ചവർ ആയിരിക്കും." നമുക്ക് ഈ ഫോട്ടോകൾ ഇവിടെനിന്നു മാറ്റിയാലോ.കാണുമ്പോൾ തന്നെ എന്തോ പോലെ" അന്ന പറഞ്ഞു. "അതവിടെ ഇരുന്നോട്ടെ. അങ്ങോട്ട് ശ്രദ്ധ കൊടുക്കാതിരുന്നാൽ പോരെ. പിന്നെ ഒരു കാര്യം ഓർത്തു നമുക്ക് സമാധാനിക്കാം. കാണാൻ ഇതൊരു പ്രേതാലയം പോലത്തെ വീട് ആണെങ്കിലും പ്രേതം ഈ വഴിക് വരില്ല. അത്രയും കൂടുതൽ ഏശു ഉണ്ട് ഇവിടെ" സ്നേഹ ഒരു ചിരിയോടെ പറഞ്ഞു. നജയും സ്നേഹയും അങ്ങാടിയിലേക്ക് പോകാനിറങ്ങി. അന്നയും അനുവും വീടിന്റെ അകം വൃത്തിയാക്കാൻ തുടങ്ങി. വീട്ടിൽ നിന്ന് നീണ്ട വഴിയും കടന്ന് റോഡിലേക്ക് ഇറങ്ങി.റോഡിൽ ആളുകളോ,വാഹനങ്ങളോ ഉണ്ടായിരുന്നില്ല.ആ റോഡിലെ അരികിലൂടെ അവർ നടന്നുകൊണ്ടിരുന്നു. ആ സമയം അയൽവാസി വീട്ടിലേക്ക് അവർ നോക്കി.അതും പഴയ ഒരു ഓടിട്ട വീട്. ചുറ്റും കരിയിലകളും വള്ളി ചെടികളും. വള്ളിചെടികൾ ചുമരിന് മുകളിലൂടെ വീട്ടിലേക്ക് പടർന്നിരിക്കുന്നു. മുകളിൽ വസ്ത്രങ്ങൾ അലക്കിയിട്ടിരിക്കുന്നു. അതിലൂടെ ഒരു ഫാമിലി അവിടെ താമസിക്കുന്നുണ്ടെന്ന് അവർക്കു മനസ്സിലായി. "എന്ത് മനുഷ്യരാണ് പടച്ചോനെ ഇവിടെ. ഇങ്ങനെയും ഉണ്ടാകുമോ ഒട്ടും വൃത്തിയില്ലാത്ത മനുഷ്യർ. മുറ്റം ഒന്ന് തൂത്തുവാരിയാൽ എന്താണ്.?" നജ ഞെറ്റി ചുളിച്ചുകൊണ്ട് ആ വീടിനെ നോക്കി പറഞ്ഞു. അവർ കുറച്ചു നടന്നപ്പോൾ ആശ്വതി മാർക്കറ്റ് എന്നൊരു ചെറിയ കട കണ്ടു. പച്ചക്കറികളും മറ്റുമായി ഒരു വീട്ടിലേക്ക് വേണ്ട സാധനങ്ങൾ ഉണ്ടായിരുന്നു അതിൽ. അവർ ആ കടയിലേക്ക് കയറി.സമാനന്യം നീളമുള്ള മെലിഞ്ഞു കറുത്ത 70 വയസ്സ് തോന്നിക്കുന്ന ഒരാൾ അവിടെ ഉണ്ടായിരുന്നു. (തുടരും) ✍🏻Ahammed Shihab അപിപ്രായം പറഞ്ഞാൽ മാത്രമേ ബാക്കി എഴുതാനുള്ള താല്പര്യം ഉണ്ടാകു.. #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ #📔 കഥ #📝 ഞാൻ എഴുതിയ വരികൾ #📙 നോവൽ