അകലെ നിന്നെക്കുറിച്ചറിയാൻ വെമ്പിയെൻ മോഹങ്ങൾ നീയകലെയകലെയാണെന്നറിഞ്ഞും നിവരാത്ത സ്വപ്‌നങ്ങൾ ചിറകുകൾ തേടി നിണം വാർന്ന വരമ്പിനരുകിലെത്താൻ നിലം പതിച്ചയീ ദളം മണ്ണിലിന്നും തേടുന്നു നീ തന്നയോർമ്മകൾ സ്വന്തമെന്നോതുവാൻ നിവരാ കഴുത്തുമായ് ബലിഭുക്കുമലയുന്നു നിൻ കയ്യാൽ നൽകീടുമാ ബലിയേകിടാൻ! നിൻ സ്വരമാടാ മരങ്ങൾക്കും ഗീതിയായ്‌ നല്ലൊരില പൊഴിഞ്ഞതും ചിരിച്ചു നീ! നൽപ്പാമരം തേടുമോർമകളല്ലയോയെന്നിലായ് നന്തുണിയായ് ഞാനെന്ന വാക്യം നിനക്കു തന്നു! നിഴലേയകലുക ചിതയൊന്നുണരട്ടെ ജ്വാല നീയറിയായെന്നെ വരിപ്പുണർന്നു തിമിർക്കട്ടെ നീയറിയാതെ ഞാൻ കൊണ്ടു പോകും നിന്നോർമകൾ നിവരാ മിഴിയിലൊരു ചാന്തു കുത്താൻ... false. #🖋 എൻ്റെ കവിതകൾ🧾 #💑 സ്നേഹം #💌 പ്രണയം #💞 നിനക്കായ് #അകലെ

നിമിഷങ്ങൾ നിറങ്ങളാകുന്നത് നിറഞ്ഞ മനസ്സ് വിരിയുമ്പോഴാണ്... നില തെറ്റിയ പ്രണയം നിലാവല്ലെന്ന തിരിച്ചറിവ് പൂത്തു വിടരുമ്പോഴാണ്... ശുഭരാത്രി... false. #💑 സ്നേഹം #💌 പ്രണയം #💞 നിനക്കായ് #🖋 എൻ്റെ കവിതകൾ🧾 #🌃ശുഭരാത്രി സ്റ്റാറ്റസ്

നിനക്കായ് നിന്നെക്കുറിച്ചു ഞാനെഴുതാ വാക്കുകൾ നിദ്രയിന്നീണമായ് പുതു വീണ തേടി നിന്നെക്കുറിച്ചെഴുതാൻ നാരായമക്ഷരക്കോടിയിൽ നനവുള്ള മിഴിയിലൊരിറ്റു മഷി നിറച്ചിരിക്കേ നിറമുള്ള പൂക്കളേ കണ്ടുവോയെൻ മനമതെങ്ങോ നിലാവിൻ മഞ്ഞിൽ നിന്നിൽ പെയ്തു തോരവേ! നിദ്രേ നീലാംബരി ഞൊറിഞ്ഞയാ ചലനങ്ങളിനിയും നിഴലിൻ മടിത്തട്ടിൽ മുലപ്പാൽ തേടിയലയുന്നോ! നിത്യമതെത്ര കിരണങ്ങളെന്നിൽ പുതുകാന്തിയായി നിർമ്മലേ നിൻ കടക്കണ്ണിലിന്നും ഞാനൊളിച്ചിരിക്കേ... നിമിഷമറിയാതെഴുതി നിൻ ചിത്രമെൻ സ്പന്ദനങ്ങളിൽ നാളെകൾ കൂട്ടായി നവമുകുളങ്ങളാൽ മനസ്സു നെയ്തു നാഡി മിടിപ്പതും നിൻ കപോലമിളകും നടനമായ് മാത്രം നാരീ നിൻ രേണുക്കളാണിന്നെൻ താരാട്ടു പാട്ടുകൾ നിന്നെ തപം ചെയ്ത യാമങ്ങളല്ലോയെൻ ഹാസവും നിണം വറ്റിയെന്നാലുമാകില്ല പ്രിയേ നിന്നെ പിരിയുവാൻ... false. #💞 നിനക്കായ് #🖋 എൻ്റെ കവിതകൾ🧾 #💑 സ്നേഹം #💌 പ്രണയം #🙋‍♀️ എൻ്റെ സ്റ്റാറ്റസുകൾ

ഒന്നറിയുക ഒന്നെഴുതട്ടെ ഞാൻ,നിന്നാത്മാവിൽ പൂക്കാതെ വാടിയ മൊട്ടല്ലയോ ഒരു തുള്ളി തേൻകണം ചുരത്തുവാനാകാതെ നിൻ ചിരിയിൽ മരിച്ചില്ലയോ ഒറ്റക്കൊരു പണം നേദിക്കും സന്ധ്യയിലിരുളിൻ കയത്തിൽ മയങ്ങിയല്ലോ ഒന്നെന്നയന്ന്യമാം നീർത്തുള്ളികൾ വെറുതെ വലം വെച്ച രാപ്പാടിയല്ലയോ! ഒരുമയെന്നധരം ചുംബിച്ച വീഥികൾ നിലാവായ് നിറമില്ലാതാടിയില്ലയോ! ഒന്നായായൊന്നായ് നിണം പകർന്ന പകലിൽ നീയെന്നെയന്നുമറിഞ്ഞില്ലയോ! ഓളതലപ്പിൽ ചലിച്ചയാ രാത്രിയിൽ പ്രിയേ നീയെന്നെ അറിഞ്ഞിരുന്നില്ലയോ! ഓണം പൂക്കളില്ലാ മുറ്റത്തു കളമെഴുതിയിനിയുമെന്തിനോ കാത്തിരിപ്പെന്നോ...! ഓർമക്കളത്തിൽ നീ പെറ്റ വിത്തുകളനാഥമായിന്നും പിറക്കാതിരിക്കുന്നു... ഓമനേ നിൻ മുഖം നൽകിടുമസ്ഥിയിൽ ഞാനൊന്നു ചിരിക്കാൻ ശ്രമിച്ചിരുന്നോ! ഒരിക്കൽ, ഒരിക്കൽ മാത്രമാവോഷ്ഠമെൻ ചൂടിൽ തിളക്കാൻ കൊതിച്ചിരുന്നോ? ഒന്നറിയുക, നിന്നിലല്ലാതെയെൻ രുധിരം ചിരിച്ച പകലുരിവുകളുമില്ലെന്ന്... false. #💞 നിനക്കായ് #💑 സ്നേഹം #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം

നിറമില്ലാ പൂക്കൾ നിറമില്ലാ പൂവുകൾ വാടുന്ന രാത്രിയിൽ നിത്യമെൻ ചിതയുമെരിഞ്ഞിരുന്നു നീ പെറ്റ മോഹങ്ങൾ കറുകയായി തന്ന നീലാംബരമന്നും കരഞ്ഞിരുന്നു... നിഴലിന്നാത്മാവിൽ തേൻ തെളിച്ച നാവോറു പാടാൻ വീണ മറന്നിരുന്നു... നല്ലകം വിട്ടൊരാ പൂന്തേനരുവികൾ നിലയില്ലാ കയത്തിൽ മറഞ്ഞിരുന്നു! നന്തുണി പാടാതെ ശീഭോതിയന്നും നിന്നുടെ മിഴികൾ കാത്തിരുന്നു... നീറുന്ന നെഞ്ചിലിറ്റിടും പുണ്യമായ് നീ പെയ്തു തീരാൻ കൊതിച്ചിരുന്നു നീലാമ്പൽ പെറ്റ സന്ധ്യയിൻ കുങ്കുമം നീയന്നുമെന്തിനോ കുറിച്ചിരുന്നു! നീലക്കടൽ തിരകളായ് വന്നെന്നെ നീയെന്നോതി പുണർന്നിരുന്നു...! നട്ടുച്ചക്കെന്തിനോ സൂര്യൻ മഴക്കാറിൽ നിന്നധരമെനിക്കായ് പകർന്നിരുന്നു! നീയെന്ന ചിന്തയിൽ ചിത്രം വരക്കാതെ നിറങ്ങൾ നിൻ മിഴികളായ് പൂത്തിരുന്നു നിന്നെയറിയുവാൻ ഞാൻ പെറ്റ മോഹങ്ങൾ നമ്മളെന്നെന്തിനോ ഓതിയിരുന്നു...! നറുമണം മാറാത്ത മനസ്സിൻ വാടിയിൽ നീരില്ലാ മൊട്ടായ് ഞാൻ കരിഞ്ഞിരുന്നു! false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #💑 സ്നേഹം #💞 നിനക്കായ് #💌 പ്രണയം

നിനക്കായ് ഇനിയൊന്നു കാണണമാ പുഞ്ചിരിയെന്നിൽ ഇമകളെ തഴുകിടും തുഹീനം വിരിയും പോലെ ഇലകൾ വിടരാത്ത പൂവിനായ് രാത്രികൾ ഇമ കൂമ്പി പ്രാർത്ഥിക്കും നിഴലായെന്നുമെന്നിൽ. ഇത്തിരി പോന്ന നിൻ കപോലമെന്നെ ചുമന്നന്ന് ഇണയെന്ന പേരെനിക്കായെഴുതും പുഞ്ചിരിയാൽ ഈലോകമതിൻ തംബുരു താരാട്ടായ് രാവായിടും ഇട്ടു പോയ കാലമതിനായി പുത്തൻ രവിയുണരും ഇന്നുമാ സ്പർശനം തന്നിട്ടയോർമ്മകൾ മൊട്ടായ് ഇനിയുമാ ഓഷ്‌ഠം വിരിയുമോയെന്നിൽ നിറയാൻ ഇഴമുറിച്ചീ പിറവിക്കു കാവലായ് നിന്നധരമേകിടൂ ഇടതൂർക്കാൻ ചുണ്ടിൽ നിന്നെ നിറക്കട്ടെയിന്നെങ്കിലും ഇനിയൊരു വസന്തമില്ല നിന്നിലല്ലാതിനിയുമെന്നിൽ. false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #💞 നിനക്കായ് #💑 സ്നേഹം #😔 ഇമോഷണൽ സ്റ്റാറ്റസ് 😍

ഇനിയെന്ത് ഇനിയെന്തു ചെയ്യണമ്മെന്നറിയാ പ്രണയകാലത്തിനെന്തു നീ ചൊല്ലിടുന്നു ഇനിയും പുലരാ പുലരിക്കു കാതോർത്ത ജന്മമിന്നെന്തെന്നു നീയറിഞ്ഞോ... ഇന്നലെയിലിന്നിൻ ചിത്രം വരച്ചയാ സന്ധ്യ നിർവാണമായ് തേങ്ങിടുന്നോ! ഇല്ലാ വെളിച്ചത്തിൽ തിങ്കളിൻ കണ്ണുനീർ നിന്നളികം നനക്കും മുലപ്പാലോ...! ഇടതൂർന്ന നിൻ വാക്കിന്നസ്ഥിയിൽ വാടി തളർന്നുവോ നീലാംബരം, പിന്നെ ഇഴ ചേർത്ത് മേയ്ക്കുന്ന ചിന്തയിൻ തൊട്ടിലിലാടി തീർന്നുവോ പ്രണയാംബരം! ഇന്നു നീയെന്ന കപോല കിലുക്കത്തിലന്നു വേരറുത്തിട്ടുയെൻ സരോവരം...! ഇണ മാറാനറിയാത്തയെൻ ചിത്തത്തിലെന്തിനായ് കാലമേയൊരു കൂടൊരുക്കി! ഇന്നെന്നസ്ഥി പുറകോട്ടു നൽകി ബലിയിലും നിന്നാസക്തി ചിരിച്ചീടവേ... ഇലയില്ലാ പന്തലിലെന്തിനായന്നു നീ രണമൂറും സദ്യ വിളമ്പുവാനെത്തി? ഇനിയൊരു നഖക്ഷതം ഭൂമിയിൻ പൊക്കിളിലന്നു നൽകാമെന്നോർത്തിരുന്നോ ഇല്ല, യെന്നിട്ടുമെന്നാൽ കഴിയില്ല നിന്നെ മറന്നിടാന്നീ ജനി തന്നിൽ...! false. #🖋 എൻ്റെ കവിതകൾ🧾 #💞 നിനക്കായ് #💑 സ്നേഹം #😔 ഇമോഷണൽ സ്റ്റാറ്റസ് 😍 #🙋‍♀️ എൻ്റെ സ്റ്റാറ്റസുകൾ

സ്മൃതി നീയന്നു നൽകിയ യാത്രയിൻ സൗരഭ്യമിന്നുമെൻ ഹൃദയം തേടിടുന്നു നീയന്നു വാർത്തൊരാ പുഞ്ചിരി മലരുകളെന്നിൽ ശൈത്യം പകർന്നിടുന്നു നീയെന്നയോർമ്മകൾ തിരകളായ് മനസ്സിലിന്നും ചിത്രം വരച്ചിടുന്നു നീ ചിരിക്കാ രാത്രികൾ വ്യാധിയായെൻ ഞരമ്പിന്നും തുളച്ചിടുന്നു... നീയെന്ന മഴവില്ലിൽ നിറമേകാൻ മാത്രമായെൻ സ്വപ്നം ചായം തേച്ചിടുന്നു നിയ്യാം മഴയിൽ കുതിരുവാനെത്രയോ വെയിലിൽ ഞാനിന്നുരുകിടുന്നു നിൻ സ്പർശമേകിടും കുളിരിലലിയുവാൻ പൂവ്വെത്ര പൂത്തു കരിഞ്ഞിടുന്നു നിൻ മഴക്കാറിൽ പീലിവിടർത്തുവാൻ നിഴലായി ഞാനിന്നും കാത്തിടുന്നു! നീയകലെ താരങ്ങളോടൊത്തു ചന്ദ്രഹാസം മതിലാക്കി മാറ്റുന്നു നിന്നിൽ വിരിഞ്ഞയെന്നുഷസ്സിനെ സന്ധ്യയിൻ ചുമപ്പിൽ നീ തള്ളിടുന്നു നീലാംബരം മിഴി പൊത്തി കേഴവേയെന്നധരമാ മധുരം കൊതിച്ചിടുന്നു നിലവിളക്കിൻ തിരി തെളിയാതെ നിൻ ജ്വാല ദീപമായപ്പോൾ നുകർന്നിടുന്നു. false. #💑 സ്നേഹം #💞 നിനക്കായ് #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #സ്പെഷ്യൽ സ്റ്റോറീസ് ✍

#സ്പെഷ്യൽ സ്റ്റോറീസ് ✍ #😔 ഇമോഷണൽ സ്റ്റാറ്റസ് 😍 #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം

പാതി പലകുറി പറയാതെ പറഞ്ഞൊരായക്ഷരം പകലു പോലേന്തുന്നു നിന്നളികമിനിയും പറയാൻ മറന്നൊരാ മൊഴി നിൻ കപോലങ്ങൾ പുഞ്ചിരിയാക്കി നുണഞ്ഞു നുണക്കുഴിയിൽ! പകലിൻ സിന്ദൂരം നിന്നിലണിഞ്ഞുണരാൻ പ്രിയമേ പുലരിക്കായെത്ര ഞാൻ കാത്തിരുന്നു പുടവയിൻ ഞൊറികളെന്നെ മാടിവിളിക്കേ പാദമക്കന്നകലെയുയർന്ന ശംഖൊലിയിൽ! പ്രിയേ, പ്രിയംവദേ നിന്നരുകിലെത്താനിനിയെത്ര പിറവിക്കു ഞാനിനി നോമ്പേറ്റു ചിതയാകണം! പൂർണ്ണമല്ലായീ ജനിയിലിനിയെത്ര ചെമ്പരത്തി പുണ്യമാക്കീടുവാനർച്ചനയേകി പ്രസാദമായീടണം! പൂവൊത്ത രദം വിരിഞ്ഞീടുവാൻ തപസ്സായ ജന്മം പൂങ്കുയിൽ പാട്ടായിരവിലും നിദ്ര മറന്നു പോയ്‌ പയ്യേ നിൻ ചാരത്തു വന്നാ മിഴികളിൽ ചുംബനം പകരുവാൻ പുതുമഴയായിടാൻ വെയിലായിടാം. പിന്നെയാ മിന്നും ചെന്തളിരധരത്തിൽ കാന്തിയായ്‌ പൂത്തിടുമെന്നോഷ്ടത്തിൻ നിഴലുകൾ കാലമേറെ പുതുനാമ്പായ് തളിർത്തിടും ആലില വശ്യമായി പുത്തൻ ഋതുവായ് ചിരിച്ചിടാം നിന്നഴകിൻ വനവും പെണ്ണാമ്പലേ വിരിയുമോയെന്നസ്തമയത്തിലെങ്കിലും പൂത്തുലഞ്ഞൊന്നു ചെമ്പട്ടലയാൽ നൃത്തമാടാൻ പകരമില്ലാ പൂക്കളിനിയുമീ ദേവന്റെയത്താഴ പൂജക്ക്‌ പതിവു മന്ത്രങ്ങളാം പ്രണയ നിവേദ്യമായ് വന്നിടൂ... falde. #🖋 എൻ്റെ കവിതകൾ🧾 #😔 ഇമോഷണൽ സ്റ്റാറ്റസ് 😍 #സ്പെഷ്യൽ സ്റ്റോറീസ് ✍ #💞 നിനക്കായ് #💑 സ്നേഹം