നാളെയിൻ സിന്ദൂരം നിറയുമെൻ മിഴികളിൽ നിൻ ചിത്രം മറന്നുവെന്നോ നീരണിയും കവിളിൽ നിന്നോഷ്ഠ കവിതകൾ ലഹരിയെന്നോ! നീ തുരുമ്പിച്ച പാത്രമായെന്നെ, യകലെ കുടിയിരുത്തിയെന്നോ! നിന്നാത്മഹർഷം തുളുമ്പും മിഴിയെന്നസ്തമയം കണ്ടുവെന്നോ! നിള നീളുന്നുവരുകിലില്ലാ തീരമതു തേടുവാൻ നീളെ നാളെകൾ നിൻ പദമെൻ സിരകളിലുറക്കുന്നു നിന്നിൽ വിരിഞ്ഞയാ പൂക്കൾ വാടുന്നുയെന്നിൽ നിൻ മൊഴികളൊരു ചാപമായെൻ നെഞ്ചു പിളർക്കുന്നു നകട്ടുക നീയെന്നാത്മാവിൻ കാണമങ്ങോളം നിന്നവതാര പുഷ്പമായ് വിരിഞ്ഞിടൂ നിനക്കായ് നാണിച്ചിടുന്നു, യിന്നെൻ ജനിയിൽ നിന്നിൽ വിരിഞ്ഞതിനായ് നാളെയിൻ സിന്ദൂരമാരുടെ നെറ്റിയിക്കു ചുവപ്പായിടാം...! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💞 നിനക്കായ് ##നാളെയിൻസിന്ദൂരം

മറഞ്ഞു പോയ ചിന്തകൾക്ക് മധുരം നൽകാം, മനസ്സിന്റെ പൂന്തോപ്പിൽ ഒരു പൂ വിരിയിച്ചെടുക്കാം, മറന്ന സന്ധ്യകളുടെ രശ്മികൾ ഇന്നിന്റെ പൊലിമ കൂട്ടാം, മിടിക്കും ഹൃദയത്തിനൊരു ചെല്ലമാകാം പ്രണയവും... ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💞 നിനക്കായ് ##ശുഭരാത്രി

നീയെന്ന നിണം നിഴലിൻ മുഖം കണ്ടാൽ നമ്മൾ തിരിച്ചറിയുമോ നീയെന്ന വാക്കിൽ നമ്മൾ ഉരുവാകുമോ! നിന്നിടം കൈകൊണ്ട ജീവനം തിരിച്ചേകുമോ! നീ മറന്ന നാളുകളെനിക്കായ് തിരിച്ചേകിടുമോ നാമെന്ന നിണം മയിൽപ്പീലിയാക്കി സന്ധ്യയെയൊന്നു മുത്തിടുമോ! നമ്മളെന്നോതിയ നമ്മളിൽ നിന്നെന്നെ നാരായം കൊണ്ടൊന്നു പിരിച്ചെഴുതീടാമോ നീ പെറ്റ വാക്കുകൾ സന്ധ്യയില്ലായംബരം നിൻ ചിരിയെന്നെ കൊഞ്ഞനം കുത്തുന്നുവിന്നും. നാളൊരു പേമാരിയായ് ജീവനം മുറുക്കവേ നീ തന്ന ബാഷ്പമെന്നോർമ്മയായലയവേ നിന്നിൽ തളിർക്കും പൂക്കളെല്ലാമിന്നുമെൻ നാമെന്ന ചിന്തയിൻ മോഹങ്ങളിൻ വേരല്ലേ! നിറമില്ലായെൻ മനസ്സിൻ മുഖം നിന്നരികില്ലെന്ന് നിറമുള്ള പൂക്കളെത്ര ചൊല്ലി തവിച്ചുവെന്നോ നീയൊന്നു ചൊന്നാൽ മതിക്കുവാനല്ലാതെ നമ്മളിൻ നമ്മളിന്നാർക്കു വേണ്ടിയലയുന്നു നിന്നെയറിഞ്ഞയെൻ മൂഢമനസ്സിനാൽ നന്നായിന്നു ഞാനെന്നെ തിരിച്ചറിഞ്ഞീടവേ നന്മയെന്നുമാ ജീവനിലേകട്ടെ നമ്മളെയറുത്തു നീയെന്ന ബിംബമെന്നിൽ കറുക പൊലിക്കവേ! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💞 നിനക്കായ് #💌 പ്രണയം #💑 സ്നേഹം

പ്രണയത്തിനൊരു താളമുണ്ട്, രണ്ടു മനസ്സുകളുടെ നെഞ്ചിടിപ്പിന്റെ താളം... ശുഭരാത്രി... false. #🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #💌 പ്രണയം #💞 നിനക്കായ് ##പ്രണയതാളം

വേനൽ കൊന്ന വിണ്ണിറങ്ങി മണ്ണു പുൽകും പോലെയാ വിരിയും കപോലങ്ങളിൽ കണ്ണനുറങ്ങുന്നോ! വിതാനിച്ച സ്നേഹസ്പർശത്തിലിന്നും വിലപിക്കുമെന്നിലമൃതു ചൊരിയുന്നോ! വിട്ടുപോയ പിതൃക്കളിൻ വരമായിയിന്നും വാരിളം കൈകളാലനുഗ്രഹിച്ചീടുന്നോ...! വേനലിൽ തളിർക്കുമാ വിഷുവിൻ കരങ്ങളിൽ വാരിധിയായ് നീളെ ഹിരണ്യം പരത്തുന്നോ! വരും നാളെയെ വരവേൽക്കുമൂരിനൊന്നായ് വംശജയായ് കണ്ണിനു കണിയായ് നിൽപ്പൂ വല്യമ്മ പൊത്തിയ മിഴികളിൽ നിറയുമാ വിഷുക്കണി, നീ കണ്ണനിൻ ചിരിയായിടുന്നോ വേനലുരുക്കുമീ ജീവന്റെയാശ തുടികളിൽ വന്നിറങ്ങിയെന്നിൽ തളിർക്കുന്നു ഭവാനൊപ്പം വിഷുവകലെ മായാതെയെന്നുമാ പീതഹാസം വർഷിക്കുവെങ്ങളിൽ കണ്ണനിൻ സ്മേരമായ്. false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #😇 വിഷു ആശംസകൾ 🧨 #😇 വിഷുക്കണിയും കൈനീട്ടവും 🤑

ഒഴുക്കിനവസാനം ഓളങ്ങൾ ഒറ്റപ്പെടും, ഓർമ്മകൾക്കു നടുവിൽ പ്രാണൻ പിടയും, ഒറ്റക്ക് വന്നവർ ഹർഷഭേരിയിൽ ഒറ്റപ്പെടും, ഒന്നു ചിരിക്കാൻ കൊതിച്ച മനസ്സ് കരയും, ഒടുവിലൊരിറ്റു വെള്ളത്തിലൊടുങ്ങും ഗർവും! ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💞 നിനക്കായ് #💑 സ്നേഹം ###ശുഭരാത്രി

പ്രിയവസന്തം ഒരു വസന്തമുണ്ടായിരുന്നുയീ ഭൂവിൽ പക്ഷേ, ൠതുക്കളവളെ കൊന്നൊടുക്കി വാഴ് വിന്റെ പച്ചച്ച ശീലയിൽ പൊതിഞ്ഞ് വാനമറിയാതെ മെല്ലെ കൊന്നൊടുക്കി ******************************************* പൂക്കാനറിയാത്ത പൂമൊട്ടായിരുന്നു പൂത്തുമ്പികളിനധരം മധുരം പകർന്നു ഇരുട്ടിനെ പേടിയായെന്നിലമർന്നു ഇരുളുകൾ മറകളായെന്നെ പുണർന്നു ഒരു രാവിലുമവൾ തിളങ്ങാതെ നിന്നില്ല ഓളങ്ങളേറ്റിയെൻ തീരം കവർന്നു ഉച്ചക്കും സന്ധ്യക്കും രാവിലുമുണർന്നപ്പോൾ ഉച്ചത്തിലായ് തൂകി മധുര മന്ദഹാസം എൻ മെയ്യ് തണുത്താലവളറിയുമെന്ന് എത്രയോ വട്ടം വെറുതെ പതം പറഞ്ഞു എന്നെയൊളിച്ചിടാനെത്രയോ വിദ്യകൾ എല്ലാ രാവിലുമവൾ പുറത്തെടുത്തു എന്നിട്ടുമെന്നിലശേഷം മുള പൊട്ടിയില്ല എന്നിൽ ചിരിപ്പവളെന്നെ ചതിപ്പതെന്ന് ന്യായങ്ങളോരോന്നായെന്നും നിരത്തിടും നാണമില്ലാതെ ഞാനെന്നും പിറകെ പിറകെ വീണ്ടുമെത്തുമവൾ കുശലം പറഞ്ഞ് വിണ്ണിനെ തോൽപ്പിക്കും നുണയിൻ മാരിയായ് വിത്തിട്ടു പോയ് മനസ്സിലാ പ്രണയം വേറിടാത്തൊരു കൂട്ടിനായ് കൊതിക്കവേ ഓതി തെളിഞ്ഞെന്നിലോളം മെനഞ്ഞു ഓമനിക്കാതെന്നിൽ വിഷം പകർന്നു ഓർമ്മകൾക്കൊരു വാക്കിനാൽ പുത്തിരിയായി ഓളങ്ങളേന്തി ചിരി തൂകി വന്നവൾ ഓർമ്മക്കറുപ്പിനു നാളം തെളിക്കുവാൻ ഒരു മാത്ര മാത്രമായെന്നിലേക്കെത്തി നോക്കും ഓരടിയീരടി താളത്തിലെന്നും ചൊല്ലി ഓമനിക്കാത്തൊരെൻ മെയ്യും കവർന്നു ജന്മം പുണരാത്ത,അവളിൻ മോഹങ്ങളെയെല്ലാം ജനിപ്പിക്കുവാനായ് തീരത്തൊരീ ആയുധം മാത്രം ഇല്ലില്ല, പകലുകളിനി രാവുകളാവില്ല ഈറൻ തുടിക്കുമീ ശ്വേതരേണുക്കളിൽ വന്നില്ല, രാവിലും പകലിലുമൊരിക്കൽ പോലും പിന്നെയവളെന്നിലേക്കെത്തി നോക്കാനായ് പിണ്ഠം നിറച്ചൊരായിലയുമായിന്നു ഞാൻ പടി കടത്തുവാനെത്തുന്നൊരാളെ കൊതിക്കുന്നു പറയാതെ വയ്യ രുധിരമാം കണ്ണീരിൽ പറഞ്ഞവളെത്ര, യെന്തേ നേടിയതെന്ന് പോര ഞാനെ, ന്നൊരിക്കലായോതാതെ പോയിട്ടു നീയ്യിന്നെന്തിത്ര നേടി പുലരികൾ നിനക്കായ് തുടിക്കട്ടെയെന്നും പൂണ്ടിടൂ നീയ്യെന്നുമോരോരവതാരമായി പ്രിയേ, ഞാനൊന്നു മാത്രം നിനക്കായ് ചൊല്ലുന്നു പ്രിയമാക്കരുതേ,യൊരുവനിൽ തുടിക്കുന്നുള്ളം പ്രണയമായ് ചെന്നു നീ പ്രാണനായ് പോകുമ്പോൾ പകരമറിയാതടർന്നിടും മനസ്സുകൾ പ്രിയയായല്ലേ നീ, വന്നതന്നെന്നിലും പ്രിയമോടറുത്തതെൻ പിണ്ഠമവശേഷിപ്പു ***************************************** ഒരു വസന്തമുണ്ടായിരുന്നുയീ ഭൂവിൽ പക്ഷേ, ൠതുക്കളവളെ കൊന്നൊടുക്കി വാഴ് വിന്റെ പച്ചച്ച ശീലയിൽ പൊതിഞ്ഞ് വാനമറിയാതെ മെല്ലെ കൊന്നൊടുക്കി! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💞 നിനക്കായ് ##പ്രിയവസന്തം

മറവിയുടെ പൂന്തോപ്പിലാണ് പ്രണയത്തിന്റെ ചിതയെരിയുന്നത്, മരണത്തിന്റെ കൈത്തൊട്ടിലിലാണ് ജീവിതത്തിന്റെ ഗർവം മതിക്കുന്നത്, മൊഴിയുടെ വശ്യസുഗന്ധത്തിലാണ് ജീവനം മനുഷ്യൻ മറക്കുന്നത്, മറ്റാരുമില്ലെന്ന തോന്നലിനവസാനത്തിലാണ് ഒറ്റപ്പെട്ടവന്റെ ഹൃദയം വിലപിക്കുന്നത്. ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #💌 പ്രണയം ###ശുഭരാത്രി

ചേതന പറയാൻ മറന്നതിൽ പാതിയുരുകി പിറക്കാതെ പോയൊരു വിത്തിന്നാത്മാവിനെ പകയെന്നു ചൊല്ലിയഗ്നിയിൽ നേദിക്കെ പടരാൻ കൊതിച്ച മനസ്സിൻ താളമണഞ്ഞു പതിരോഴുകും പുഴയിലശ്രു ലയിക്കേ പദമാറിയാതക്ഷരം വരി ചേർത്തു തുന്നവേ പറയാനാകാതെ കണ്ഠമുമിനീരിറക്കേ പറയി പെറ്റ പന്തിരുകുലമാർത്തു ചിരിച്ചു പുറകിലാം നിഴലിൽ ജനിച്ചന്നു മുന്നിൽ പകലിലിരുട്ടാക്കിയകലെ പറന്ന ചിത്രമേ പക്ഷേകളെല്ലാം കൂട്ടിൽ ചിരിച്ചാർത്തു നിൽക്കേ പാതിയതിലെൻ നിണം നിന്നശ്രുവോ പഴിയിന്നാഴിയിൽ ജനിയെയലങ്കാരമാക്കെ പുറത്തെരിയും വെയിലും പുതുമഴയാകെ പടർന്നെരിയുന്ന പുണ്യമിഹ ശാപമാകെ പകരാനിനിയലയും മാംസപിണ്ഡമതു മാത്രം! false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💌 പ്രണയം #💞 നിനക്കായ് ##ചേതന

മനുഷ്യൻ കോമാളിയാണ്, കാലം നിരൂപകനും... ജനിക്കുന്നത് മരിക്കാനാണ്, ജീവിതം വെറും യാത്രയും... ഓർമ്മകൾ വഴികാട്ടികളാണ്, പ്രണയം തലതല്ലുന്ന തിരയും... ജനനമൊരു ഹേതുവാണ്, അനുഭവിച്ചറിയാനുള്ള തിരിച്ചറിവും. ശുഭരാത്രി... false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #💞 നിനക്കായ് ##ശുഭരാത്രി