#🖋 എൻ്റെ കവിതകൾ🧾 #📝 ഞാൻ എഴുതിയ വരികൾ #📋 കവിതകള്‍ #🙋‍♀️ എൻ്റെ സ്റ്റാറ്റസുകൾ ഉത്തരമില്ലാത്ത ചോദ്യങ്ങളുരുവാർന്ന പാമരൻ ഉത്കൃഷ്ടനെന്നഹംഭാവമാർന്നും അക്ഷരച്ചില്ലുകൾ വാരിയൊരു പിടി ഛന്ദോ നിരുക്ത വ്യാകരണവൃത്തങ്ങളില്ലാതെ യീമണൽത്തിട്ടയിൽ നിരത്തി വയ്ക്കുന്നു ഏതോ മഹാസൃഷ്ടിയെന്നഹങ്കാരബോധം സത്യത്തിലെന്താണരോചമല്ലാതെ കാണുവാൻ ചുറ്റിലുമെല്ലാവരുമാർത്തുചിരിക്കുമ്പോഴും ആത്മനിർവൃതിതന്നാഴക്കയങ്ങളിൽ മകരമത്സ്യംപോലെ ശരത്കാലമേഘങ്ങൾശംഖിന്റെവെണ്മയിൽ ആറാടി നിൽക്കും വാനിൽ ലോകത്തിൻ നെറുകയിൽ ശീതഹിമത്താൽഗംഗാജലം തുള്ളി തുള്ളിയായ്ജന്മം കൊളളും ഗോമുഖ ഹിമാനിയിലൊക്കെത്തന്റെ ചിന്ത തന്ന പാംഗനാം വാജിയെ തെളിച്ചെത്തി ലോകമൊന്നായ് ചിരിച്ചുകളിയാക്കുമ്പോ ഴൊട്ടുമേ തളരാതെ മുന്നോട്ടാണവൻ പരിഹാസ്യമെങ്കിലുവന്നുടെ ആത്മസംത്രാസങ്ങളല്ലോ വരച്ചിട്ടൂപാവം വേണ്ടെനിക്കുത്തരം മറു ചോദ്യങ്ങളും ഇല്ലെനിക്കൊട്ടും പരിദേവനങ്ങളും പോകട്ടെഞാന്റെയാത്മാവിൻ ആരണ്യത്തിൽ കാവ്യമുൻമാദമായ് പൂക്കുമവർണ്യ ചാരുത കാണാൻ മേധയിലുന്മാദമക്ഷികാജാലം മെയ്യിൽ ജീവസംത്രാസത്തിൻ ക്ഷതങ്ങൾ പ്രാണരക്തപ്രവാഹശൂന്യ ധമനികൾ കാലകാലമഹേശ്വര പ്രഭുവിൻസന്നിധി എത്തുവാനുള്ള വേള കാത്തു ഞാൻ രുദ്രചമകങ്ങൾ പഠിച്ചുo വേർതിരിവില്ലാത്തൊരഗ്നിതൻസത്യം ഗ്രഹിച്ചും വാരണാസിയിൽ ഭൈരവമഹാപ്രഭുനൃത്തം ചെയ്യുമരങ്ങിലവധൂതനായ് ...

#🙋‍♀️ എൻ്റെ സ്റ്റാറ്റസുകൾ #📋 കവിതകള്‍ #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 സ്മൃതി കോടരങ്ങൾ തീഷ്ണമാം യൗവ്വനംജ്വലിച്ചു നിൽക്കെ നിന്നുള്ളിലെരിയുന്ന കനലായി നീറ്റുന്ന തീക്കൊടുങ്കാറ്റിനും മുൻപേ നിന്മനോനീഢലാത്മസ്തന്യത്തിനാ ലൂട്ടി വളർത്തിയ കാവ്യശിശുവിന്നെവിടെ ഫുല്ലകുസുമ മുഖസ്ഥലം വിസ്തൃതം പാടലശോഭനിറയുന്നുവെങ്കിലും നീല സമുദ്രസമാന നേത്രങ്ങളിൽ സുപ്ത സുനാമികൾ കാണുന്നുവല്ലോ മധുരവാണിയ്ക്കിരിപ്പിടം നിൻജിഹ്വ ശോണാധരണങ്ങളാം വാതായനങ്ങളും ഒട്ടുയർന്നു വികസിച്ചഗ്രം കൂർത്ത തിലകുസുമ നാസിക കർണ്ണികാരസ്മിതമാം ശ്രവണികൾ വെൺ ശംഖുപോലെ യഗ്രീവ മതിന്നു മേൽഹേമസൂത്രവു മുജ്ജ്വലം അഴകിയന്നൊരാകേശഭാരത്തിനെ യുത്തരീയത്താൽമറച്ചും ആർദ്രമാനസമൃദുഭാഷിയാമെന്റെ ശിക്ഷികാ മിത്ര മേ പ്രാണനാം പുത്രിതന്നാതുരശയ്യയിൽ നിരാലംബയൗവ്വനപ്പൂന്തോപ്പിലഗ്നി മേഘങ്ങൾ പെയ്തിറങ്ങുമ്പോൾഒരു നിമേഷംനിയന്ത്രണംവിട്ടുപോയൊരാ പാവം കുഞ്ഞിൻമുഖംനോക്കി നീയിരിക്കുമ്പോൾ പരവശമാം നിന്റെ പൂമുഖംകണ്ടിട്ടെൻ സപ്തനാഡികളുംസ്തംഭിച്ചു.പോയ് ഉണരുക ഉണർത്തുക ഉള്ളിന്നുള്ളിൽ രണ്ടുപതിറ്റാണ്ടായ്നീ സുഷുപ്തിതൻ കൊട്ടിലിലുപേക്ഷിച്ചൊരാകാവ്യ കിശോരത്തെ കരളിൻദളങ്ങൾകൊണ്ടുമറച്ചുനീ കാത്തുസൂക്ഷിച്ചൊരാ കാവ്യ ഭ്രൂണത്തിനെ വീണ്ടെടുക്കുക അവളാണു നിന്നുടെ കാനീനസന്തതി ആനയിക്കുക കുടിയിരുത്തുകയീകാവ്യ സൗധത്തിൻ മണിമേടയിൽ മധുരമുഗ്ധക്ഷീരകുംഭത്തിൽ വീണ കാരസ്കരരസത്തുള്ളികൾസ്മൃതി തൻ ധാരയെമലീമസമാക്കാതെ അന്ധകാരഹൃദ്കോടരം ഭേദിച്ചു വീണ്ടു മാപ്പക്ഷിയെ നീലവാനിൽ സ്വതന്ത്രയാക്കീടുക ബോധമൂലമോക്രോധമതിന്നാലോ ഹിംസ നമ്മൾ ചെയ്യാതിരിക്കുക കാൽശതകപൂർവ്വേയുപേക്ഷിച്ചതൂലിക എൻകരങ്ങളിൽവച്ചുതന്നൊരാ സ്നേഹഗംഗേ നമസ്കരിക്കുന്നുഞാൻ വീണ്ടെടുക്കുക നിൻ സർഗ്ഗശക്തിയെ ജീവരക്തത്താലിന്ധനംനൽകുക അമ്ലകാരപ്രവാഹത്തിനാൽഞാനെന്റെ പ്രാണവായുവെ ശ്വാസമായ് നൽകിടാം പ്രിയ രാജപുത്രി നിൻചരണകമലങ്ങളി ലർപ്പിച്ചതാണീ കാവ്യ കുസുമങ്ങൾ കഠിനഹൃദയയായ് നീരസം കാട്ടാതെ മാർചുരന്നൊരമ്മയായ് മാറുക നിൻ ബോധമണ്ഡലത്തിങ്കലൊരുബോധി വൃക്ഷമാകാൻ ഗുരുത്വമില്ലെങ്കിലും നിന്റെ പാദം പതിക്കുന്ന ഭൂമിയിൽ തൃണവിരിപ്പിലെ പുൽക്കൊടിയായിടാം 🪷🪷🪷

#🖋 എൻ്റെ കവിതകൾ🧾 #📝 ഞാൻ എഴുതിയ വരികൾ #📋 കവിതകള്‍ #🙋‍♀️ എൻ്റെ സ്റ്റാറ്റസുകൾ .. 🪷🪷സുരഭി 🪷🪷.. ശ്യാമനേത്രങ്ങളിൽകടലിരമ്പം മുഖകമലശ്രീയിൽ ഭവാനിയും ശ്രീവാണിരസനയിൽ വീണയും കൊണ്ട് കുടിയിരിപ്പൂ കാർത്തിക നക്ഷത്രമുച്ചരാശിയിൽ ജ്വലിച്ച വേളയിലാദ്യത്തെക്കരച്ചിൽകേട്ടു പിന്നെ ക്കുഞ്ഞായിരുന്നനാളാരംഭിച്ച സംത്രാസത്തിന്റെയലകളെന്നവസാനിക്കുമെന്നോമലേ താതനിരാസമനാഥത്വത്തിൻകരിന്തേളു കുത്തിവ്രണതപ്തബാല്യം പേലവകരങ്ങളാൽജീവിതായോധനം വിടനേത്രദംശനമസഹ്യ സംജ്ഞ പാതിമെയ്പങ്കിട്ട പുരുഷൻ നിന്റെ പാനപാത്രത്തിൽ വിഷത്തുള്ളിയിറ്റിച്ചു മറ്റൊരു നീഢത്തിൽ വാസമായി കണ്ണീർക്കണമായ്ക്കവിപണ്ടുപമിച്ചസ്ത്രീയല്ല ചെങ്കുങ്കുമംവീണുതുടുത്തൊരുശ്വേത പത്മദളമല്ല കാലത്തിന്റെകരതാഡനമേറ്റകലയെ യല്ലോ നിൻകവിളിൽ കാണുന്നു ഞാൻ ധമനികൾ നിറയുന്ന ലോഹരുധിരം മേധയിൽ ജ്വലിത ജ്വാലാമുഖി ജീവിത രജനിയിലഹസ്സിൻപൂരിതസമുദ്രം ഉറയൂരിനാഗങ്ങളായ് പരസ്പരം മാറാട്ടമാടാൻകൊതിക്കുന്നകാമനകളുടലാഴയജ്ഞകുണ്ഠങ്ങളിൽ സമർപ്പിച്ചു മീശിലാതല്പത്തിൽസ്വർഗ്ഗകവാടങ്ങൾബന്ധിച്ചു മരുവുന്നു. വിന്ധ്യാചലംപോൽ ഇന്ദ്രനീലത്തിൽപണിതീർത്തുശില്പിനിൻ തനുവിന്ദ്രജാലസമംമാസ്മരംസുന്ദരം അജ്ഞാതവിദൂരവനവാടിയിൽചെങ്കുറിഞ്ഞിപ്പൂക്കൾ വിരിച്ചമൺമെത്തയിൽ കലികയായ്പിന്നെമന്ദസ്മേരകുസുമമായ് ഇന്നീമഹാനഗരവീഥിയിൽശബ്ദചക്രവാതങ്ങൾ സ്വസ്ഥത കെടുത്തുമ്പോൾ ശുദ്ധസംഗീതധാരപോൽഹൃദയകോടരങ്ങൾ നിറഞ്ഞു സമൃദ്ധിയാകുന്നുനീ സുരഭീപ്രിയപ്പെട്ട ശൈലപുത്രീ ♥️♥️🪷🪷🪷🪷♥️♥️

#📋 കവിതകള്‍ #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 വൈഖരി മൃതമായ കണ്ഠനാളത്തിനാൽ എന്തുപാടുവാൻ മനസ്സേ മടങ്ങുക തൂവലൊക്കെ കൊഴിഞ്ഞുമുണ്ഠിതഗാത്രനായ് മണ്ണിൽ മേവും ഖഗരാജനെന്നപോൽ ഖിന്നതപ്തനായ് ധരയിൽ വസിക്കുന്നു എത്രപാറിപ്പറന്നു ഞാൻ വിണ്ണിന്റെ വിസ്തൃതമായ ചക്രവാളങ്ങളിൽ ശ്വേത മേഘങ്ങളോടിവള്ളങ്ങളാൽ ക്രീഢ ചെയ്യുന്നനീലവിണ്ണിന്റെ ഗംഗാസരസ്സലും ഇല്ല നേടിയില്ലൊരു മാത്രയുമാത്മാവിൽ ദ്യുതി പരത്തുന്നമിത്ര ദീപങ്ങളെ മന്വന്തരങ്ങൾതൻതിരതാണ്ടിയെത്തിയ കാളസർപ്പത്തിൻ പുനർജ്ജന്മമാണുഞാൻ വാളെടുത്തെന്റെ കണ്ഠം മുറിക്കുക ചോരമണ്ണിൽവീഴാതെ കാക്കുക നിണ കണങ്ങളിൽ നിന്നുമിനിയൊരു ശപ്തജന്മംപിറക്കാതിരിക്കട്ടെ വേണ്ടിനിയൊരുസൗഭഗച്ചോപ്പുചാർത്തിയൊരധര കപോലങ്ങളും വിസ്മൃതിതന്നന്ധകൂപങ്ങളിലുപേക്ഷിച്ചുപോകയീ ജഡം ജീർണ്ണമായ്ത്തീരട്ടെ അന്ധകാരത്തിന്റെ അഗാധതലങ്ങളിൽ 🙏🙏🪷🪷🪷🪷🙏🙏

#🙋‍♀️ എൻ്റെ സ്റ്റാറ്റസുകൾ #🖋 എൻ്റെ കവിതകൾ🧾 #📝 ഞാൻ എഴുതിയ വരികൾ #📋 കവിതകള്‍ 🪷🪷🪷ആരുനീപാടലവർണ്ണപുഷ്പമേയെന്നുമാത്മാവിന്റെപൂവാടിയിൽവിടർന്നുദ്ദീപ്തമായ് ഉണരാനുയർത്തെഴുന്നേൽക്കാനെന്നും പിന്നെ സുഷുപ്തിതൻ രത്നകമ്പളം ചാർത്തിശയ്യയിൽസ്വർഗ്ഗത്തിന്റെ പരിമള സൗഭഗമദ്ധ്യേ യുറങ്ങീടാനുംനീയെന്റെയാത്മവിന്റെ വീണതൻ തന്ത്രിയായ് മേധയിലുന്മാദത്തിന്റെഘോരകാന്താരങ്ങളിൽസിദ്ധ പത്രികൾ വിളഞ്ഞു പൂത്തീടുമ്പോഴും ചിന്തയിൽ വിരസതനക്രമായ് ഇഴഞ്ഞെത്തി നിദ്രതൻശ്ലേഷ്‌മസ്തരം കടിച്ചുകീറുമ്പോഴും ഞെട്ടിയുണർത്താൻപോന്നസ്വപ്നങ്ങൾമനീഷയിൽ അന്ധകാരത്തിൻ കൂപങ്ങൾതീർക്കുമ്പോഴും നിൻ ദളസൗന്ദര്യത്തെ മനസ്സാ സ്പർശിക്കുന്നു... ആദിമാതാവാമുമയ്ക്കും പിതാവാംമഹേശ്വരനും സമർപ്പണം നിഷ്ക്രമിക്കട്ടെയീ പാവമവധൂതൻ🪷🪷🪷

#📝 ഞാൻ എഴുതിയ വരികൾ #🖋 എൻ്റെ കവിതകൾ🧾 സുയോധനാന്ത്യം വിപരീതസംജ്ഞകളാൽമഹാമുനി പിതാമഹൻപേർ ചൊല്ലി സുയോധനൻ പിന്നെ ദുര്യോധനൻ നാമദ്വയങ്ങൾ തൻ പൊരുൾ പോൽരജസ്സും തമസ്സും സമമായ്പിറന്നകുരു കുമാരൻ ക്ഷാത്രബലത്തിനാൽ ധരയിൽ പ്രചണ്ഡ നായ് വിരാജിക്കവേ യുദ്ധങ്ങളൊട്ടുജയിച്ചവസാനമെന്നന്ത്യരണ ഭൂമിയാം പ്രഭാസ തീർത്ഥേ ദ്വിതീയ കൗന്തേയന്റെ ചതിയിലെൻവാമഭാഗേ കാൽത്തുടയിൽ യുദ്ധനീതിക്കു നിരക്കാത്ത കൗടില്യ താഡനം കാരുരുക്കിൻഗദയാൽ വീണുഞാനെന്റെ അസ്ഥി ബന്ധങ്ങൾ തകർന്നു പോയ് യുദ്ധ നീതിക്ക് നിരക്കാത്തകർമ്മത്താൽ വീണു പോയ് ഞാനുമീ മൺതലത്തിൽ ആദ്യത്തെശംഖിന്റെനാദംമുതൽ എന്റെ പ്രാണൻ ഗമിക്കുന്നവേളവരെ നീതിബോധംവിട്ടു ചെയ്തില്ല ഒന്നുമേ വിജയിയായ് സിംഹാസനം നേടുവാൻ... ശാന്തനായുറങ്ങാം എനിക്കെന്റെ രാജ സിംഹാസനം പോയെങ്കിലും..... ........

#🖋 എൻ്റെ കവിതകൾ🧾 #📝 ഞാൻ എഴുതിയ വരികൾ ഉഷ്ണവാതംപോലസഹ്യനായ്മധ്യധരണ്യാഴിമധ്യത്തിലൊരുലോഹയാനത്തിൽ വിഭ്രാന്ത മാനസനധോമുഖനക്ഷരച്ചിമിഴുമായ് മേധയിലഗ്‌നിശലാകകളുദ്ദീപ്തമാക്കിയ വിഭ്രാന്തസ്വപ്നത്തിൻ ഭാണ്ഡമേറ്റി ക്ഷീണിതദേഹവും പരിക്ഷീണദേഹിയും വിഹ്വല മനസ്സിന്റെ തേങ്ങലുമായ് ലുപ്തനാമനായ് അവധൂതനായ് എവിടെയോ കാതങ്ങളൊരുപാടു കാലമായ് നടന്നലഞ്ഞീടവേ നിൻ മന: വൃക്ഷഛായയിലൊട്ടു കിതപ്പാറ്റി നിന്നു ഞാൻ ചണ്ഡഭാസ്കരജ്യോതിനാളങ്ങളിൽനിന്നെന്റെ പ്രാണനെ അമ്മ കുഞ്ഞിനെയെന്ന പോൽ കാത്തുനീ നൂറു ജന്മം ജനിച്ചു മരിക്കിലും നുളളി നോവിക്കില്ലൊരിക്കലും പ്രജ്ഞയിൽ പൂത്ത പാടലപുഷ്പമേ നിന്നെ ഞാൻ🌹