ಹಾವು ದೇವರೇ? ದೇವರ ಹಾವೇ?? ನಾನು ಸನಾತನ ಧರ್ಮದವ. ಧರ್ಮ, ಆಚಾರ - ವಿಚಾರ, ಸಂಸ್ಕೃತಿ, ವೇದ - ಪುರಾಣ ಇವೆಲ್ಲವನ್ನೂ ಅನುಸರಿಸುವವ..... ನಮ್ಮ ಮನೆಯ ಸುತ್ತಮುತ್ತಾ ಎರಡು ಬೇರೆ ವಿಧದ ಹಾವುಗಳು ಓಡಾಡುವುದು ಉಂಟು. ಎರಡು ಕೂಡ ಒಮ್ಮೆಲೆ ಕಾಣಿಸುವುದಿಲ್ಲ, ಅಮಾವಾಸ್ಯೆ ಹುಣ್ಣಿಮೆ ತರಹ ಯಾವಾಗಲೋ ಕಾಣಿಸಿಕೊಳ್ಳುತ್ತವೆ. ಈ ಎರಡು ಹಾವುಗಳು ಸುತ್ತಮುತ್ತ ಗಿಡ ಮರಗಳು ಕೂಡಿರುವುದರಿಂದ ಕಾಣಿಸಿಗಬಹುದು ಎಂದು ವೈಜ್ಞಾನಿಕವಾಗಿ ಹೇಳುವುದರಲ್ಲಿ ಸಂದೇಹವಿಲ್ಲ, ಆದರೆ ಕಾಲಕಾಲ ಕಳೆದರೂ ಆ ಎರಡು ಹಾವುಗಳು ಮಾತ್ರವೇ ಏಕೆ ಬರುತ್ತವೆ...? ಇರಲಿ ಇಲ್ಲಿಗೆ ನಿಲ್ಲಿಸೋಣ... ಈ ಎರಡು ಬೇರೆ ಜಾತಿಯ ಹಾವುಗಳು ಕಾಣಿಸಿಕೊಂಡಾಗಲು ಒಂದೊಂದು ಸೂಚನೆ ಎಂದು ನಾವು ಭಾವಿಸುತ್ತೇವೆ ಕಾರಣ ಅನುಭವದ ಉದಾಹರಣೆಗಳು ಸಾಕಷ್ಟಿವೆ. ಒಂದು ಹಾವು ಕಾಣಿಸಿಕೊಂಡರೆ ಒಳ್ಳೆಯದಾಗಬಹುದೆಂಬ ಭರವಸೆ ನೀಡುತ್ತದೆ. ಹಾಗೂ ಮತ್ತೊಂದು ಹಾವು ಕಾಣಿಸಿದಾಗ ಸ್ವಲ್ಪ ಎಚ್ಚರವಾಗಿರಬೇಕು ಹಾಗೂ ನಾನಿರುವೆ ಜೊತೆಯಲ್ಲಿ ಯಾವುದೇ ತೊಂದರೆಯಾಗುವುದಿಲ್ಲ ಎಂಬ ಸೂಚನೆಗೆ ಸಾಕಷ್ಟು ಬಾರಿ ಸಾಕ್ಷಿಯಾಗಿದ್ದು ಉಂಟು... ಅವಾಗವಾಗ ಕಾಣಿಸಿಕೊಳ್ಳುವ ಈ ಎರಡು ಜೀವಿಗಳು ಸುಮಾರು 6 ರಿಂದ ಒಂದು ವರ್ಷವೇ ಆಗುತ್ತಾ ಬಂದಿತ್ತು ಕಾಣಿಸಿಕೊಂಡು. ನಮ್ಮ ವಾತಾವರಣದಲ್ಲಿಯೂ ಕೂಡ ಬಹಳ ಏರು ಪೇರುಗಳು ಆಗ ತೊಡಗಿದ್ದವು... ಕೆಲಸ ಕಾರ್ಯಗಳು ಕಾರ್ಯಗತವಾಗದೆ ತುಂಬಾ ದಿನಗಳಿಂದ ನಿಂತು ಹೋಗಿದ್ದವು...(ಸನಾತನಿಗಳಾದ ನಾವು ಈ ತರಹದ ಪರಿಸ್ಥಿತಿಗಳಲ್ಲಿ ದೇವರ ಮೊರೆ ಹೋಗುವುದುಂಟು, ಆಶೀರ್ವಾದ ಹರಕೆ ಇತ್ಯಾದಿಗಳಿಂದ ಧೈರ್ಯ ತಂದುಕೊಳ್ಳುವುದುಂಟು.) ಸುಮಾರು 20 ದಿನಗಳ ಹಿಂದೆಷ್ಟೇ ನಾನು ಅಂದುಕೊಳ್ಳುತ್ತಿದ್ದೆ, ಕೆಲಸ ಕಾರ್ಯಗಳಾಗದೆ ಇರುವುದರಿಂದ, ಈ ಹಾವು ಕಾಣಿಸಿಕೊಂಡಿದ್ದರೆ ಎಷ್ಟೋ ಧೈರ್ಯ ಅನುಕೂಲವಾಗುತ್ತಿದ್ದೆಂದು ಹಾಗೂ ಮನೆಯವರ ಜೊತೆಗೂ ಕೂಡ "ತುಂಬಾ ದಿನವೇ ಆಯ್ತು ಎಲ್ಲೋಯ್ತು? ಕಾಣಿಸುತ್ತಿಲ್ಲವಲ್ಲ.. ಬಂದಿದ್ರೆ ಸಮಾದಾನವಾದ್ರೂ ಆಗೋದು" ಎಂದು ಹೇಳ್ತಾ ಇರುತ್ತಿದ್ದೆ... ಅದಾದ ಬಳಿಕ ಕೆಲವೇ ದಿನಗಳಲ್ಲಿ ಕುಟುಂಬ ಸಮೇತ ಕಾರಿನಲ್ಲಿ ಹೋಗುವಾಗ ಪುಟ್ಟದಾದ ಮೊಂಡು ಬಾಲದ ಹಾವೊಂದು ಬಲದಿಂದ ಎಡಕ್ಕೆ ಸಾಗಲು ಅಡ್ಡ ಬಂದಿತು, ನಾವು ಸ್ವಲ್ಪ ಸಮಾಧಾನವಾಗಿ ರಸ್ತೆ ದಾಟಲು ಬಿಟ್ಟೆವು.. ಅದಾಗಿ 3-4 ದಿನಗಳಲ್ಲಿ ಪುನಃ ಕಾರಿಗೆ ಅದೇ ಬಣ್ಣ ಅದೇ ಮೊಂಡುಬಾಲ, ಅಯ್ಯೋ ಅದೇ ಹಾವು ಅನ್ನುವ ಹಾಗೆ ಇದ್ದ ಮತ್ತೊಂದು ಹಾವು ಮತ್ತೆ ಬಲದಿಂದ ಎಡಕ್ಕೆ ಸಾಗಲು ನಮ್ಮನ್ನು ನಿಲ್ಲಿಸಿತ್ತು... ನನಗೆ ಅಲ್ಲೇ ಆಶ್ಚರ್ಯವಾಗಿ ಪದೇ ಅದೇ ಯೋಚನೆ ಮಾಡಿ ಸಾಕಾಗಿತ್ತು, ಕಾರಣ ಅದು ಅದೇ ಹಾವ ಇಲ್ಲ ಬೇರೆನಾ? ಎಂದು... ಇದಾದ ನಂತರದಲ್ಲಿ ಆಗಿದ ಅನುಭವ ಹೇಳಿ ಅತಿರೇಖವಾಗಬಹುದು, ಆದರೂ ಒಮ್ಮೆ ಹೇಳಿಬಿಡುವೆ..."ಕಳೆದ ಒಂದು ತಿಂಗಳಿಂದ ಅಮ್ಮನಿಗೆ ಹೊಟ್ಟೆನೋವು ಇದ್ದ ಕಾರಣ ವಿಪರೀತವಾಗಿತ್ತು ದವಾಖಾನೆ ಸುತ್ತಾಡಿ ಸಾಕಾಗಿತ್ತು ಹಾಗೂ ಮತ್ತಿತರ ಪರೀಕ್ಷೆಗಳು ಜರುಗಿಸಬೇಕಾದ ಅನಿವಾರ್ಯತೆ ಬಂದು ಒದಗಿತ್ತು.." ಹಾಗೆ ಅಪ್ಪನಿಗೆ ಒಂದು ವಾರದಿಂದ ಜ್ವರ ಸುಸ್ತು ಹೆಚ್ಚಾಗಿ ಮಾತನಾಡಲು ಕಷ್ಟವಾದ ಸಂದರ್ಭಕ್ಕೆ ತಲುಪಿತ್ತು.. ಅವರನ್ನು ನೋಡಿದ ಡಾಕ್ಟರ್ ಕೂಡ ಕೆಲವೊಂದು ಪರೀಕ್ಷೆ ಮಾಡಲು ತಿಳಿಸಿದ್ದರು... ಇದೆಲ್ಲ ಆಗಿ ಮತ್ತೆರಡು ದಿನಗಳಲ್ಲಿ ರಕ್ತ ಪರೀಕ್ಷೆಗೆಂದು ನಾನು ಅಪ್ಪ ಹೊರಟಾಗ ಸುಮಾರು ಒಂದು ಮಾರು ಪಳಪಳ ಹೊಳೆಯುವ ಹಾವು ಎಡದಿಂದ ಬಲಕ್ಕೆ ರಸ್ತೆಯ ಅಂಚಿನಿಂದ ಮಧ್ಯ ರಸ್ತೆಯವರೆಗೂ ತಲುಪಿತ್ತು.. ನನಗೆ ಸ್ವಲ್ಪ ಆತಂಕವಾಗಿ ನಿಧಾನ ಮಾಡಿದೆ ಆದರೆ ನಮ್ಮನ್ನು ನೋಡಿದ ಹಾವು ಪುನಹ ರಸ್ತೆ ಬಲಕ್ಕೆ ದಾಟದೆ ಹಿಂದಿರುಗಿ ಎಡಕ್ಕೆ ಬಂದಿದ್ದ ಜಾಗಕ್ಕೆ ಮರಳಿತ್ತು. ಬಹುಶಃ ಇದು ಒಳ್ಳೆಯ ಸಂಕೇತ ಇರಬಹುದೆಂಬ ಆಲೋಚನೆಯಿಂದ ಮುಂದೆ ಹೋದೆವು... ಶುಗರ್ ಇರಬಹುದೆ ಎಂಬ ಡಾಕ್ಟರ್ ನ ಊಹೆಗೆ ರಕ್ತ ಪರೀಕ್ಷೆಗೆ ಹೋಗಿದ್ದವು ಈ ಪರೀಕ್ಷೆಯಿಂದ ಆತರಹದ ಯಾವುದೇ ಲಕ್ಷಣವಿಲ್ಲ ಎಂಬ ರಿಪೋರ್ಟ್ ನಿಂದ ತಿಳಿದು ಬಂದಿತ್ತು... ಇದೆಲ್ಲ ಆಗಿ ಸುಮಾರು ಒಂದು ವಾರದ ನಂತರ ಅಂದರೆ ಇಂದು ನಾನು ಪಟ್ಟಣಕ್ಕೆಂದು ಬೈಕ್ ನಲ್ಲಿ ತೆರಳುತ್ತಿದ್ದೆ.... ಯಾವುದೋ ಯೋಚನೆಯಲ್ಲಿದ್ದ ನನಗೆ ಕಣ್ಣು ಮುಂದೆ ಮಂಜಾಗಿ ಎಡದಿಂದ ಬಲಕ್ಕೆ ಅದೇ ತರಹದ ಹಾವು (ಆದರೆ ಸ್ವಲ್ಪ ಚಿಕ್ಕದು) ದಾಟುತ್ತಾ ಇತ್ತು... ಆದರೂ ನಾನು ವೇಗ ತಗ್ಗಿಸದೇ ಹೋದ ಕಾರಣ ಅದರ ಕೆಲವು ಇಂಚಿನಷ್ಟು ಹತ್ತಿರವಾದಾಗ ನನ್ನ ಮೆದುಳು ಎದ್ದು, ಹಾವು ಎಂದು ಸೂಚನೆ ಕೊಡುವಷ್ಟರಲ್ಲಿ ಅದರ ಹಿಂದಿನ ಶರೀರವನ್ನು ಬೈಕ್ ಏರಿ ಬಿಟ್ಟಿತ್ತು... ಇಷ್ಟು ದಿನ ಹುಷಾರಾಗಿ ಚಲಾಯಿಸುತ್ತಿದ್ದ ನಾನು ಇಂದು ಅದರ ಮೇಲೆ ಹೋಗಿಯೇಬಿಟ್ಟೆ..... ಅದರ ಮೇಲೆ ಹತ್ತಿಸಿದಾಗ ಅದರಲ್ಲಿ ಉಂಟಾಗುವ ನೋವು ನನ್ನ ಮನಸ್ಸಲ್ಲಿ ಉಂಟಾಗಿ ನಿಟ್ಟಿಸಿರು ಬಿಡುತ್ತಾ ಮುಂದೆಸಾಗಿ ಕನ್ನಡಿ ನೋಡಿದಾಗ ಮೊನ್ನೆ ಮೊನ್ನೆ ಕಾಣಿಸಿಕೊಂಡ ಹಾವಿನಂತೆ ಪುನಃ ಮತ್ತದೇ ದಾರಿ ಹಿಡಿದು ಬಲಕ್ಕೆ ಹೋಗುವ ಬದಲು ಎಡಕ್ಕೆ ಯಾವುದೇ ಹಾನಿಯಾಗದೆ ಮರಳಿತ್ತು.... ಯಾಕೆ ಇದನ್ನೆಲ್ಲ ಹೇಳಿದೆ ಎಂದರೆ ಸುಮಾರು 15 ವರ್ಷಗಳ ಹಿಂದೆ ಒಂದು ಹಾವನ್ನು ನಮ್ಮಿಂದ ಸಾಯಿಸಲ್ಪಟ್ಟಿದ್ದು, ಅದಾದ ಸುಮಾರು ವರ್ಷಗಳ ನಂತರ ಪ್ರತಿದಿನ ಹೆಜ್ಜೆ ಇಟ್ಟಲ್ಲೆಲ್ಲಾ ಹಾವುಗಳು ಕಾಣಿಸತೊಡಗಿ ಪೂಜೆಯನ್ನು ಏರ್ಪಡಿಸಿ ಪರಿಹಾರ ಮಾಡಿಕೊಂಡಿದ್ದರಿಂದ ಮತ್ತದೇ ರೀತಿಯಲ್ಲಿ (ಕೇವಲ 15 ದಿನಗಳಲ್ಲಿ 4 ಬಾರಿ ಕಾಣಿಸದ ಕಾರಣ…) ಕಾಣಿಸುತ್ತಿರುವ ಹಾಗೆ ಇದೆಯಲ್ಲ ಎಂದು ಆಲೋಚನೆಯೊಂದಿಗೆ ಸುಮ್ಮನಾಗಿರುವೆ.... ಇಲ್ಲಿ ಯಾವುದೇ ಪ್ರಚೋದನೆಗಾಗಲಿ ನಂಬಿಸುವುದಕ್ಕಾಗಲಿ ಹೇಳಿರುವುದಿಲ್ಲ.. ಇದೊಂದು ಅನುಭವ ಆಲೋಚನೆ ಭಯ ಭಕ್ತಿ ಧರ್ಮ ಆಚರಣೆಗಳಿಂದ ಕೂಡಿದ್ದು ಇದು ಅನುಭವಕ್ಕೆ ಬಂದವರಿಗೆಲ್ಲದೆ ಮತ್ಯಾರಿಗೂ ಇದು ಹೌದು ಅನಿಸುವುದಿಲ್ಲ...(ವೈಜ್ಞಾನಿಕವಾದ ವಾದ: ಬೇಸಿಗೆಯ ಅವಧಿಯಲ್ಲಿ ಕಾಣಸಿಗುವುದು ಸಹಜ) ದಯವಿಟ್ಟು ನಿಮ್ಮ ಅನಿಸಿಕೆ ನನಗೆ ಇನ್ನಷ್ಟು ಬರೆಯುವುದಕ್ಕೆ, ವಿಚಾರ ವ್ಯಕ್ತಪಡಿಸುವುದಕ್ಕೆ , ನನ್ನ ಬರವಣಿಗೆಯ ಬೆಳವಣಿಗೆಗೆ ಅನುಕೂಲವಾಗುತ್ತದೆ…ದಯವಿಟ್ಟು ಕಾಮೆಂಟ್ ನಲ್ಲಿ ತಿಳಿಸಿ ಹೋಗಿ…🙏🙏 ನಾನು ಸ್ಪಂದಿಸುವೆ…🤗 #🔱 ಭಕ್ತಿ ಲೋಕ #🕺ಭಾನುವಾರದ ಶುಭಾಶಯಗಳು #🖋️ ನನ್ನ ಬರಹ #📚ನೀತಿ ಕಥೆಗಳು #📖 ನನ್ನ ಓದು