✍️മുഹബത്തിന്റെ സുൽത്താൻ ✍️ ....... അവിഹിതം..... നിങ്ങൾ ഇത്ര പെട്ടെന്ന് ഒരുങ്ങിക്കഴിഞ്ഞോ..? ഇന്ന് എന്താണിത്ര തിടുക്കം..? പഴയ കാമുകിയെ കാണാനുള്ള തിടുക്കമാകും അല്ലേ...? സമീറാ....നീ വേണ്ടാത്തതൊന്നും പറയണ്ടട്ടോ.. ഞാനവളെ എന്നോ മറന്നതാണ്... പിന്നേ...എന്നോ മറന്നിട്ടാണോ നമ്മുടെ മോൾക്ക് മുൻകാമുകിയുടെ പേരായ ഹസ്ന എന്നിട്ടത്.. അവൾ ഗൾഫിൽനിന്നും തിരിച്ച് വന്നിട്ടുണ്ടെന്ന് ഞാനറിഞ്ഞു . അവളെ കാണാൻ വേണ്ടിയല്ലേ നിങ്ങൾക്കിത്ര തിടുക്കം.. കുടുംബത്തിലെ ഒരു കല്യാണത്തിനും തലേദിവസം പോകാത്ത നിങ്ങൾ ഇന്നു മാത്രം ഇത്ര ധൃതി കൂട്ടുന്നത് കല്യാണപ്പെണ്ണ് നിങ്ങളുടെ മാമന്റെ മോൾ ആയതുകൊണ്ടോ അതോ പഴയ കാമുകിയുടെ അനിയത്തി ആയതുകൊണ്ടോ..? സമീറാ.. എനിക്ക് നിന്നോട് തർക്കിച്ചു നിൽക്കാൻ താൽപര്യമില്ല . നീ വരുന്നുണ്ടെങ്കിൽ വാ... ഞാൻ വരാതിരുന്നാൽ നിങ്ങൾക്ക് കൂടുതൽ സൗകര്യം ആകുമല്ലോ.. അങ്ങനെ വേണ്ട .. ഞാൻ വരുന്നുണ്ട്.. എനിക്കവളെ ഒന്നു കാണണം.. കല്യാണ വീട്ടില്‍ സമീറയുടെ കണ്ണുകൾ സംശയത്തോടെ റഷീദിനെ പിന്തുടർന്നുകൊണ്ടേയിരുന്നു. ഹസ്നയെ ഒന്ന് തനിച്ചു കിട്ടാനും ചിലത് ചോദിക്കാനുമായി സമീറ തക്കം പാർത്തുനിന്നു.. സ്ത്രീകൾ ഭക്ഷണം കഴിക്കാൻ കൂട്ടത്തോടെ പന്തലിലേക്കു പോകുമ്പോൾ ഹസ്നയുടെ കൂടെ സമീറയും കൂടി. ഹസ്നയുടെ അടുത്തുള്ള കസേരയിൽ തന്നെ ചാടിക്കയറിയിരുന്ന് അവളെ നോക്കി വെളുക്കെ ഒന്ന് ചിരിച്ചു... ഹസ്നയല്ലേ ..? എന്നെ ഓർമയുണ്ടോ..? ഞാൻ റഷീദിന്റെ ഭാര്യയാണ് സമീറ... ഓർമ്മയുണ്ട് സമീറാ.... നിങ്ങളുടെ കല്യാണത്തിന് കണ്ടതാണ് . ശരിക്കൊന്ന് പരിചയപ്പെടാൻ കഴിഞ്ഞിട്ടില്ല.. നിങ്ങളുടെ കല്യാണം കഴിഞ്ഞ പിറ്റേദിവസം തന്നെയാണ് ഞാൻ ഭർത്താവിന്റെ കൂടെ ദുബായിലേക്ക് പോയത്.. മൂന്ന് വര്‍ഷങ്ങള്‍ക്ക് ശേഷം ഇപ്പോഴാണ് തിരിച്ചു വരുന്നത്... എന്തൊക്കെയുണ്ട് വിശേഷങ്ങൾ.. സുഖമല്ലേ.. സുഖം .അങ്ങനെ പോകുന്നു.. ഇത് എന്റെ മോളാണ്. ഇവളുടെ പേരും ഹസ്നയാണ്.. നിങ്ങളുടെ അതേ പേര്.. സമീറ ഹസ്നയെ ഒന്ന് ഒളികണ്ണിട്ടു നോക്കി.. ഹസ്ന തലയും താഴ്ത്തി പിടിച്ച് നിന്ന് ഭക്ഷണത്തിലേക്ക് മാത്രം ശ്രദ്ധിച്ചു.. നിങ്ങളും റഷീദിക്കയും തമ്മിൽ സ്നേഹത്തിലായിരുന്നു അല്ലേ...? അതുകൊണ്ടാണല്ലോ നിങ്ങളുടെ പേര് തന്നെ ഇവൾക്ക് ഇട്ടത്.. എപ്പോഴും നിങ്ങളെ കുറിച്ച് പറയും.. ഇക്ക എന്ത് വിഷയം പറഞ്ഞ് തുടങ്ങിയാലും അത് നിങ്ങളിലേ അവസാനിക്കൂ.. ഞാനിപ്പോഴും ഒരു രണ്ടാം നംമ്പര്‍കാരിയാണ്.. നിങ്ങള്‍ കഴിഞ്ഞിട്ടേ ഇപ്പോഴും ആ മനസ്സില്‍ എനിക്ക് സ്ഥാനമൊള്ളൂ... നിങ്ങള്‍ക്ക് കല്ല്യാണം കഴിച്ചൂടായിരുന്നോ...? ഇതിന്റെ ഇടയിലേക്ക് എന്നെ വലിച്ചിടണമായിരുന്നോ...? സമീറയുടെ കണ്ഠമിടറി... എന്താണ് സമീറാ നീ പറയുന്നത്..? ഞാനും റഷീദിക്കയും തമ്മില്‍ പ്രേമമായിരുന്നെന്നോ...? ഒന്ന് പോ പെണ്ണേ തമാശ പറയാതെ.. അവര്‍ എന്റെ വീട്ടില്‍ കല്ല്യാണം ആലോചിച്ചിരുന്നു എന്നത് സത്യമാണ് .. കുടുംബത്തിലേക്ക് കല്ല്യാണം വേണ്ട എന്ന് പറഞ്ഞ് ഞാന്‍ തന്നെയാണ് അത് മുടക്കിയത്.. അല്ലാതെ നീ കരുതുന്ന പോലെ ഞങ്ങള്‍ തമ്മില്‍ പ്രേമവും സ്നേഹവും ഒന്നും ഉണ്ടായിരുന്നില്ല... സമീറ ഒന്ന് ദീർഘനിശ്വാസം എടുത്തു.. ഭക്ഷണം കഴിച്ചെന്ന് വരുത്തി വേഗം എഴുന്നേറ്റു. കല്ല്യാണപന്തലില്‍ ഒാരോ കാര്യങ്ങളും നോക്കി നടത്തി അങ്ങോട്ടുമിങ്ങോട്ടും ഒാടി നടക്കുന്ന റഷീദിനെ അവള്‍ കൈകാട്ടി മാടിവിളിച്ചു. രണ്ടുപേരും അല്പം മാറിനിന്നു.. നാണമില്ലേ ഇക്കാ നിങ്ങൾക്ക്.. പ്രേമമായിരുന്നു പോലും.. ഹസ്ന നിങ്ങളുടെപ്രേമം അറിഞ്ഞിട്ടുപോലുമില്ല.. നിങ്ങളുടെ ഒരു ദിവ്യപ്രേമം.. ഇനി എങ്ങാനും അവളുടെ ചിന്തയോ അവളെ പറ്റിയുള്ള സംസാരമോ നിങ്ങളുടെ അടുത്ത് നിന്നുണ്ടായാൽ കൊല്ലും ഞാൻ.. റഷീദ് തലയും താഴ്ത്തി നിന്നു.. നിങ്ങൾക്കെന്നോട് ദേഷ്യമുണ്ടോ ഇക്കാ.. ഭർത്താവിന് കല്യാണത്തിനു മുമ്പ് ഒരു പ്രേമം ഉണ്ടായിരുന്നു എന്നത് ഒരു തെറ്റല്ല.. പക്ഷേ കല്യാണം കഴിഞ്ഞും അവളെ ഒാര്‍ത്തു കൊണ്ടിരിക്കുകയും സംസാരത്തിൽ ഇടക്കിടക്ക് കാമുകിയുടെ പേര് കയറിവരുകയും ചെയ്താൽ ഒരു ഭാര്യക്ക് അത് എത്രത്തോളം സങ്കടം ഉണ്ടാക്കുമെന്ന് നിങ്ങൾക്കറിയാമോ ഇക്കാ... നിങ്ങൾ അവളെ കുറിച്ച് സംസാരിക്കുന്ന ഓരോ നിമിഷവും എന്റെ മനസ്സിന്റെ ഉള്ളിലെ നീറ്റൽ എത്രയായിരുന്നു എന്ന് നിങ്ങൾക്കറിയാമോ.. ? അത് പറഞ്ഞറിയിക്കാന്‍ കഴിയില്ല.. എനിക്ക് കിട്ടേണ്ട സ്നേഹം ഇപ്പോഴും മറ്റെരാള്‍ പങ്കു വെക്കുന്നല്ലോ എന്നാലോചിച്ച് ഞാനെത്ര കരഞ്ഞിട്ടുണ്ടെന്ന് നിങ്ങള്‍ക്കറിയാമോ..? സമീറയുടെ കണ്ണുകൾ നിറഞ്ഞൊഴുകി.. സമീറാ...ഞാൻ... നീ കരയല്ലേ..... ആളുകള്‍ കാണും.... സാരമില്ല ഇക്കാ... ഇപ്പോൾ എനിക്ക് സന്തോഷമായി.. അവളുടെ മനസ്സിൽ നിങ്ങളില്ല എന്ന് അറിഞ്ഞല്ലോ..... അതുമതി. സമീറ തിരിഞ്ഞുനടക്കുമ്പോൾ ഇനിയൊരിക്കലും ഹസ്നയെ ഓർക്കുകപോലും ഇല്ലെന്നും അവളെക്കുറിച്ച് ഇനി ഒരിക്കലും സംസാരിക്കുക ഇല്ലെന്നും മനസ്സിൽ ശപഥം ചെയ്യുകയായിരുന്നു റഷീദ്.. ഈ സമയം ഒന്ന് ആർത്തലച്ചു കരയാൻ ഒരു ഇടം തേടുകയായിരുന്നു ഹസ്ന.. തന്റെ പിതാവിന്റെ പിടിവാശിമൂലം തനിക്ക് നഷ്ടപ്പെട്ടുപോയ, താൻ ജീവനെക്കാളും സ്നേഹിച്ചിരുന്ന, തന്റെ എല്ലാമെല്ലാമാക്കാൻ കൊതിച്ചിരുന്ന റഷീദിക്കയെ കുറിച്ചുള്ള ഓർമ്മകളെ കണ്ണീർ പുഴകളിലൂടെ ഒഴുക്കിക്കളഞ്ഞ് മനസ്സൊന്ന് ശുദ്ധമാക്കാൻ പറ്റിയ ആരുമില്ലാത്ത ഒരിടം... ✍️മുഹബത്തിന്റെ സുൽത്താൻ ✍️ #💞 പ്രണയകഥകൾ #🧟 പ്രേതകഥകൾ! #📔 കഥ #🕵️‍♀️ കുറ്റാന്വേഷണ കഥകൾ #📙 നോവൽ

✍️മുഹബത്തിന്റെ സുൽത്താൻ ✍️ ........ അവിടെ ആരും ഇല്ലായിരുന്നു....... ഇത് തമാശയോ കളിയോ അല്ല ആദ്യമെ പറഞ്ഞുകൊള്ളുന്നു ലോല ഹൃദയമെങ്കിൽ നിങ്ങൾ ഇത് വായിക്കരുത് ... ഇല്ലാ കഥയല്ല ഒരു റിയൽ പ്രേത കഥ എന്റെ 12 വയസിൽ ഞാൻ നേരിട്ട് കണ്ട് അനുഭവിച്ചത് കുട്ടിക്കാലം തൊട്ടെ വല്യുമ്മ പറയുന്നത് കേൾകാറുള്ളതാണ് ആ കുളത്തിൽ രാത്രി ജിന്നുകൾ കുളിക്കാനും വുളു എടുക്കാനും (നമസ്കാരത്തിന് മുമ്പുള്ള വൃത്തിയാവൽ) എന്നും വരാറുണ്ടെന്ന് അത് കൊണ്ട് തന്നെ പകലും അത് വഴിപോകാനൊരു പേടിയായിരുന്നു കാരണം അവിടെ എത്തുമ്പോ എന്തോ ഭയം മനസിൽ എപ്പോഴും തോന്നും കുണ്ടും കുഴിയും നിറഞ്ഞ പഴയൊരു ടാർ ചെയ്ത റോഡ് ഒരു വശത്ത് നീണ്ടു കിടക്കുന്ന നെൽപ്പാടത്തിനപ്പുറം മലവെള്ളമൊഴുകുന്ന പാറക്കല്ലുകൾ തിങ്ങിയ തോട് തോട് കടന്നാൽ കണ്ണെത്താ ദൂരം പരന്ന് കിടക്കുന്ന നിലംബൂർ ഫോറസ്റ്റ് മറുവശത്ത് തിങ്ങി നിൽക്കുന്ന കവുങ്ങ് തോട്ടം റോഡിനോട് ചേർന്ന് പഴയൊരു മൺകട്ടയാൽ പണിത ഇടിഞ്ഞ് വീഴാറായ വീട് പോലെയൊന്ന് അതിനടുത്താണീ കാട് മൂടിയ ജിന്ന് കുളം... അന്ന് മദ്രസയിൽ ആറിൽ പഠിക്കുന്ന കാലം നബിദിനത്തിന്റെ ആഘോഷ രാത്രി പാട്ടുകളും പ്രസംഗങ്ങളുമായ് നേരം പുലരുവോളം പരുപാടികൾ പാട്ട് പാടി സമ്മാനങ്ങളൊക്കെ വാങ്ങി ഉമ്മാടെ അടുത്ത് പോയി കൊടുത്തു ഉമ്മ വാങ്ങി വെച്ച് പറഞ്ഞു ന്നാ ഞങ്ങള് നടക്കാണ് ജ് ആരേലുമൊപ്പം വരില്ലെ രാവിലെ ഉപ്പാക്ക് പണിക്ക് പോവണ്ടെ സർട്ടിഫികറ്റ് കൊടുക്കുമ്പോഴേക്ക് കുറെ നേരംആവൂലെ.. ഉം ന്നാ ങ്ങള് പൊയ്കോളി ഞാൻ വരാം ഒറ്റക്ക് വരരുത് ട്ടോ ...... ആ ഇല്ല ഓരോരുത്തരുടെ പേര് വിളിച്ച് കൂട്ടത്തിൽ എന്നെയും പരുപാടികൾ അവസാനിച്ച് സർട്ടിഫിക്കറ്റും വാങ്ങി പള്ളിക്കു പുറത്ത് ഇറങ്ങി ഒരു രണ്ട് മണി കഴിഞ്ഞ് കാണും ദൂരെ രണ്ട് പേർ പോവുന്നത് കണ്ടു നിലാവിന്റെ വെളിച്ചം നല്ലവണ്ണം ഉണ്ട് അവരുടെ അടുത്തേക്ക് റോഡിലെ കുഴകളിൽ ചാടാതെ സ്പീഡിൽ നടന്നു ഏകദേശം അടുത്തെത്തിയപ്പോൾ ഒന്ന് പതറി ആകെ തകർന്നു അത് നിലംബൂർ ഫോറസ്റ്റിലെ ഗാഡ് മാരായിരുന്നു അവർ ഇടവഴിയിലൂടെ ഫോറസ്റ്റിലേക്ക് തിരിഞ്ഞു പിന്നെയാ പരിസരത്ത് പാതിരാത്രി ഞാനൊറ്റക്ക് പുറകിലേക്ക് തിരിഞ്ഞ് നോക്കി ആരും വരുന്നില്ല കുറച്ച് കൂടി മുന്നിലേക്ക് നടന്നാൽ ജിന്ന് കുളവും ആകെ തലയിൽ എന്തോ വന്നടിച്ച പോലെ അവിടെ നിന്നു അറിയാവുന്ന ദിഖ്റും പ്രാർത്ഥനകളും ചൊല്ലി രണ്ടും കൽപ്പിച്ച് നടക്കാൻ തീരുമാനിച്ചു ദൂരേക്ക് നോക്കാതെ താഴെ നോക്കി നടന്നു വളവു തിരിഞ്ഞാൽ ജിന്ന് കുളം ചങ്കിടിപ്പ് കൂടി കൂടി വന്നു പതിയെ നടന്ന് വളവിലേക്കെത്തി കാലടി മുൻപോട്ട് നീങ്ങാൻ മടിച്ചു ഉള്ള ധൈര്യമൊക്കെയെടുത്ത് ദൂരേക്ക് നോക്കി ഇടി മിന്നിയത് പോലെ തരിച്ചവിടെ നിന്നു ചെവിയിലൂടെ എന്തോ ഒരലർച്ച പോലെ തോന്നി ദൂരെ ഒരു വെള്ള വസ്ത്രം അണിഞ്ഞ ഒരു രൂപം മുടി മുന്നിലേക്ക് തൂക്കി തല മെല്ലെ ആട്ടുന്നത് പോലെ തോന്നി കരയാൻ ആഗ്രഹമുണ്ട് ഒച്ച പുറത്തേക്ക് വരുന്നില്ല തിരിഞ്ഞോടണമെന്ന് തോന്നി കഴിഞ്ഞില്ല കയ്യും കാലും മരവിച്ച പോലെ തോന്നി കൈ പൊത്തിപ്പിടിച്ച് കണ്ണടച്ച് അനങ്ങാതെ പ്രാർത്ഥനയിൽ മുഴുകി നിന്നു അൽപ സമയം കഴിഞ്ഞ് പുറകിൽ നിന്ന് എന്തോ ശബ്ദം കേട്ട് ഞെട്ടിത്തരിച്ച് തിരിഞ്ഞ് പടച്ചോൻ കാത്ത് ഒരു ബൈക്കിൽ ആരോ വരുന്നു ബൈക്ക് അടുത്തെത്തി ഞാൻ കൈ കാണിച്ച് നിർത്തിയില്ല ഞാൻ ലിഫ്റ്റ് ചോദിക്കാൻ ആവുമെന്ന് കരുതി പുറകിൽ ആളുണ്ടെന്ന് പറഞ്ഞ് അവർ പോയി അങ്ങട്ട് പോവല്ലി ജിന്നുണ്ടെന്ന് പറഞ്ഞത് അവർ കേട്ടതും ഇല്ല ബൈക്കിന്റെ വെളിച്ചത്തിൽ ജിന്നിനെ ഒന്നൂടെ നോക്കി... കണ്ണ് തിരുമ്മി ആ കാഴ്ച്ച ഒന്നു കൂടെ ഉറപ്പ് വരുത്തി എന്താ ന്റെ കഥ പഞ്ചായത്ത് തിരഞ്ഞെടുപ്പ് വരുന്നുണ്ട് കരന്റ് പോസ്റ്റിൽ ഒരാളെകാൾ ഉയരത്തിൽ വെള്ള പൂശി ഇങ്ങനെ എഴുതിയിരിക്കുന്നു UDF സ്ഥാനാർത്തിയെ കൈപത്തി അടയാളത്തിൽ വോട്ട് ചെയ്ത് വിചയിപ്പിക്കുക എന്ന് സമാധാനത്തോടെ അടുത്തു പോയി ഒന്നുടെ വായിച്ച് അപ്പോ തലയാട്ടിയത് ആരാന്ന് ലെ കുളിർ കാറ്റടിക്കുന്ന നിലാവിൽ കവുങ്ങിന്റെ ഓലയുടെ നിഴൽ മെല്ലെ ആടിയതാണ്... ഞാൻ അവിടുന്ന് എങ്ങാനും തിരിച്ച് ഓടിയിരുന്നേൽ കാണായിരുന്നു ഫസല് ജിന്നിനെ കണ്ടെ ഫസല് ജിന്നിനെ കണ്ടെന്ന് നാട്ടിലാകെ പട്ടായേനെ നമ്മൾ കേൾക്കുന്ന മിക്കവാറും ജിന്ന് പ്രേത കഥ ഇങ്ങനെയൊക്കെ തന്നെയാണ് കണ്ടത് എന്തെന്ന് ഉറപ്പിക്കും മുൻപ് നിലവിളിച്ചോടും.......! എന്നെ ഒന്ന് പേടിപ്പിച്ചാ മതി തല്ലണ്ട ഇനി ഞാൻ നന്നായിക്കൊള്ളാം ✍️മുഹബത്തിന്റെ സുൽത്താൻ ✍️ #📔 കഥ #💞 പ്രണയകഥകൾ #🧟 പ്രേതകഥകൾ! #📙 നോവൽ #🕵️‍♀️ കുറ്റാന്വേഷണ കഥകൾ

✍️മുഹബത്തിന്റെ സുൽത്താൻ ✍️ ❤️അവൻ.............. ഒരു മകൻ മാത്രമുള്ള അമ്മമാർക്ക് ആ മകനോട് സ്വാർത്ഥത കൂടുമെന്നും അങ്ങനെയുള്ള വിട്ടിലേക്ക് കയറിചെന്നാൽ ഭർത്താവിൽ നിന്നും പൂർണ്ണമായ സ്നേഹം അനുഭവിക്കാൻ പറ്റില്ലെന്നും ബന്ധുവായ രാജിചേച്ചി പറഞ്ഞപ്പോൾ അവളിത്രയും പ്രതീക്ഷിച്ചില്ലായിരുന്നു.. അന്ന് ചേച്ചി പറഞ്ഞതൊക്കെ ഹരിയോടുള്ള ഇഷ്ടക്കൂടുതൽ കാരണം തള്ളിക്കളയുകയാ യിരുന്നു അവൾ.. ഹരി അവളെ എത്രമാത്രം സ്നേഹിക്കുന്നുണ്ടെ ന്നതും അമ്മയോടുള്ള ഹരിയുടെ സ്നേഹത്തെ ക്കുറിച്ച് അവൾക്ക് നന്നായി അറിയാവുന്നതു കൊണ്ടും അവൾക്ക് അത് ഉൾക്കൊള്ളാനാവും എന്നവൾ ഉറച്ചു വിശ്വസിച്ചിരുന്നു... തന്നെയുമല്ല ഭർത്താവിന്റെ അമ്മയെ സ്വന്തം അമ്മയെപ്പോലെ കാണണമെന്നാണ് അവളുടെ അമ്മ പോലും അവളെ ഉപദേശിച്ചിട്ടുണ്ടായിരു ന്നത്... പക്ഷെ ഇതിപ്പോ അവളെ ആകെ ധർമ്മ സങ്കടത്തിലാക്കിയിരിക്കുകയാണ്... അതിന് തക്ക കാരണവും ഉണ്ടായിരുന്നു... കല്ല്യാണം കഴിഞ്ഞ അന്ന് മുതൽ അവൾ ശ്രദ്ധി ക്കുന്നതാണ് അമ്മ അവളെ ഹരിയിൽ നിന്നും അകറ്റാൻ ശ്രമിക്കുന്നത്... ആദ്യമൊക്കെ തന്റെ തോന്നലാവും എന്നവൾ കരുതിയിരുന്നെങ്കിലും പിന്നീട് അവൾക്ക് അതിലെന്തോ അസ്വസ്ഥത തോന്നിതുടങ്ങി.. മിക്ക സമയങ്ങളിലും രണ്ട് പേരും കൂടെ കതകടച്ചിരുന്നു സംസാരിക്കുന്നത് കാണാം.. അവന് ഒരു ചായ ഇട്ട് കൊടുക്കാൻ പോലും അവൾക്ക് അവകാശമില്ലായിരുന്നു... ഒരിക്കൽ ക്ഷമ നശിച്ച് അവൾ അതിനെക്കുറിച്ച് ചോദിച്ചപ്പോൾ അവൻ പറഞ്ഞത് ഇങ്ങനെയാ യിരുന്നു... " താനതൊന്നും കാര്യമാക്കണ്ടടോ... ചെറുപ്പം മുതൽ അമ്മയാണ് എന്റെ കാര്യങ്ങളൊക്കെ ചെയ്തുകൊണ്ടിരുന്നത്... അതിൽ ആരും ഇടപെടുന്നത് അമ്മയ്ക്കിഷ്ടമല്ല.. സ്നേഹം കൊണ്ടല്ലേ? വിട്ട് കള...." ഹരിയുടെ ആ സംസാരം പക്ഷെ അവൾക്കിഷ്ടപെട്ടില്ലായിരുന്നു... അവൾക്ക് അതിനെ എതിർക്കണമെന്നുണ്ടായിരു ന്നെങ്കിലും അവൻ ചിലപ്പോൾ തെറ്റിധരിച്ചേക്കാം എന്ന ഭയം അവളെ അതിൽ നിന്നും പിന്തിരിപ്പിച്ചു.. പക്ഷെ ദിവസങ്ങൾ കടന്നുപോകും തോറും അവളുടെ ടെൻഷൻ കൂടി കൊണ്ടിരുന്നു.. അവനുമായി ഒരു സിനിമയ്ക്ക് പോകാനോ ബന്ധുവീടുകളിലേക്ക് പോകാനാ എന്തിന്ന് മര്യാദയ്ക്ക് ഒന്ന് സംസാരിച്ചിരിക്കാൻ പോലും അവൾക്ക് കഴിയുന്നില്ലായിരുന്നു... അവസാനം ക്ഷമകെട്ട് അവൾ പ്രതികരിക്കാൻ തന്നെ തീരുമാനിച്ചു... "ഹരിയേട്ടാ എനിക്ക് സീരിയസ്സ് ആയി ഒരു കാര്യം പറയാനുണ്ട്?" അവളുടെ ചോദ്യം കേട്ട് കണ്ണാടിയിൽ നോക്കി മുടി ചീകുകയായിരുന്ന അവൻ അവൻ ചീർപ്പ് താഴെ വച്ച് അവളുടെ അടുത്തേക്ക് വന്നു.. "എന്താ ദിവ്യ? പറയൂ" " വിവാഹം കഴിഞ്ഞാ ഏതൊരു പെണ്ണിന്റെയും ആഗ്രമാണ് ഭർത്താവിനെ പരിചരിക്കുക എന്നുള്ളത്.. അത് അവരുടെ അവകാശവും ആണ്.. അത് മനസ്സിലാക്കി അമ്മമാർ ഒഴിഞ്ഞു കൊടുക്കുകയാണ് പതിവ്.. ഒരു പരിധി വരെ അമ്മമാരുടെ സ്നേഹപ്രകടനം അംഗീകരിക്കാം വളർത്തിയ അമ്മയുടെ അവകാശം ആണെന്ന് കരുതി.. പക്ഷെ ഇവിടെ ഇപ്പോൾ എന്താണ് സംഭവിക്കുന്നത്? എനിക്കൊന്ന് ഏട്ടന്റെ കൂടെ ഇരിക്കാൻ പോലും അവകാശമില്ലേ ഈ വീട്ടിൽ? എത്രയായി ഞാൻ ക്ഷമിക്കുന്നു... ഏട്ടനാണെ ങ്കിൽ കണ്ട ഭാവം പോലും നടിക്കുന്നില്ല... ഇനി ഇങ്ങനെ പോയാൽ ശരിയാവില്ല... ഏട്ടനമ്മയോട് ഒന്ന് സംസാരിക്കണം.. ഇല്ലെങ്കിൽ എനിക്ക് സംസാരിക്കേണ്ടി വരും" അവളുടെ ആവശ്യം കേട്ട് അവനൊന്ന് അമ്പരെന്നെങ്കിലും അത് പുറത്തുകാട്ടാതെ അവൻ പറഞ്ഞു... "നീ എന്താ ഈ പറഞ്ഞ് വരുന്നത്? എന്റെ അമ്മയാണ് അത്... അവർക്കും എന്റെ മേൽ അവകാശങ്ങളില്ലേ? അമ്മയാണ് എനിക്കെല്ലാം അമ്മയ്ക്കും അങ്ങനെ തന്നെയാണ്.. ആ സ്നേഹം നിനക്ക് പറഞ്ഞാൽ മനസ്സിലാവാത്തതി നാലാണ് നീ ഇങ്ങനെ ഒക്കെ സംസാരിക്കുന്നത്.." അത് കേട്ടതും അവൾക്ക് ദേഷ്യം കൂടുകയാണ് ചെയ്തത്... "അങ്ങനെയായിരുന്നെങ്കിൽ പിന്നെ എന്തിനാണ് എന്നെ കല്ല്യാണം കഴിച്ചത്.. ഒരു ഭാര്യയ്ക്ക് അവളുടെ ഭർത്താവിന്റെ മേൽ അവകാശം ഇല്ലേ? " "അങ്ങനെ ഞാൻ പറഞ്ഞില്ലല്ലോ ദിവ്യ? നിനക്കും അവകാശമുണ്ട്... പക്ഷെ അത് അമ്മ കഴിഞ്ഞേ ഉള്ളൂ.. അതിന് വേണ്ടി നീ വാശിപിടിക്കണ്ട... ഈ വിഷയം ഇവിടെ അവസാനിച്ചു.." അതും പറഞ്ഞ് അവൻ അവിടന്ന് ദേഷ്യത്തിൽ പുറത്തേക്ക് നടന്നു... അവൾക്ക് പക്ഷെ സങ്കടമാണ് വന്നത്... അവൾ കിടക്കയിൽ കമിഴ്ന്ന് കിടന്ന് അല്പനേരം കരഞ്ഞു... അങ്ങനെ അവൾ ആ തീരുമാനത്തിലെത്തി... എന്താണ് അവൾ തീരുമാനിച്ചത്... ?ആ അമ്മയുടെ സ്നേഹത്തിന്റെ നീരാളിപിടു ത്തത്തിൽ നിന്ന് തന്റെ ഭർത്താവിനെ മോചിപ്പിച്ച് തന്റെ വരുതിയിലാക്കാൻ അവൾക്ക് ആവുമോ? ഉദ്യോഗജനകമായ നിമിഷങ്ങൾക്കായ് കാത്തിരിക്കുക... "നീരാളി..." തുടരും.... എങ്ങനുണ്ട് സർ ഈ ആഴ്ച്ചത്തെ എപ്പിസോഡിനു ള്ള ഡോസ് ആയില്ലേ?.. ഊശാൻ താടി ഉഴിഞ്ഞുകൊണ്ട് അയാൾ സംവിധായകയകനോട് കഥ പറഞ്ഞു... കഥകേട്ടതും വല്ലാത്തൊരു സംതൃപ്തിയോടെ അയാൾ പറഞ്ഞു... "ഫെന്റാസ്റ്റിക്ക്... ഇത് നമ്മൾ ഒരു രണ്ട് വർഷം ഓടിക്കും... " "താങ്ക്യൂ സർ... " കഥാകൃത്ത് വിനീതനായി പറഞ്ഞു... "അല്ലാ ഞാനൊരു കാര്യം ചോദിക്കട്ടെ.. എന്താണ് അവൾ തീരുമാനിച്ചത്? ബാക്കി കഥ ഒന്ന് പറഞ്ഞു തരോ? ആ ഉദ്യോഗജനക സംഭവം എനിക്കും ഉണ്ടേ.. അല്ലേല് എനിക്ക് ഉറക്കം വരില്ല അതാ.." സംവിധായകൻ പറഞ്ഞത് കേട്ട് കഥാകൃത്തിന് കൈ മലർത്തുകയേ തൽക്കാലം നിവൃത്തിയുണ്ടായിരുന്നുള്ളൂ... ✍️മുഹബത്തിന്റെ സുൽത്താൻ ✍️ #📙 നോവൽ #📔 കഥ #💞 പ്രണയകഥകൾ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ