✍️മുഹബത്തിന്റെ സുൽത്താൻ ✍️👍 ❤️എന്റെ മാത്രം ❤️ ഭർത്താവിന്റെ അനുവാദം ചോദിച്ചു സ്വന്തം വീട്ടിലേക്കു പോകാൻ യാത്രയായി നിൽക്കുന്ന സ്ത്രീകളെ കണ്ടിട്ടോ?മുൻപില്ലാത്ത അത്ര ഉന്മേഷം ആയിരിക്കും അവരുടെ മുഖത്ത്.. ജോലിയുള്ള കാരണം വീട്ടിൽ കൊണ്ട് വിടാൻ സമയമില്ലാത്ത ഭർത്താവിനോട് നീരസം കാണിക്കാതെ കെട്ടിച്ചു വിട്ട വീട്ടിലെ പണി മുഴുവൻ ഒരുപ്രകാരത്തിൽ ചെയ്ത ശേഷം വീർത്ത മുഖവുമായി നിൽക്കുന്ന അമ്മായമ്മയെ കൂടി പ്രീതിപെടുത്തി കയ്യിൽ കിട്ടിയ സാരിയുമുടുത്തു വീട്ടിലേക്കുള്ള ബസിൽ ഒരുപ്രകാരത്തിൽ വലിഞ്ഞു കയറി കണ്ണിൽ കണ്ട ഏതെങ്കിലും സീറ്റിലേക്കമർന്നിരിക്കുമ്പോൾ എങ്ങനെയെങ്കിലും വീടെത്തിയ മതിയെന്ന ചിന്തയായിരിക്കും മനസ്സ് നിറയെ... ഒടുക്കം ബസിൽ നിന്നുമിറങ്ങി പാടവരമ്പിലൂടെയോ തോടിന്റെ സൈഡിലൂടെയോ തോളും ചെരിച്ചു ലാലേട്ടൻ ഓടുന്ന പോലെ ഒരോട്ടം ഉണ്ട് വീട്ടിലേക്കു അതിനിടക്ക് വഴിയിൽ കാണുന്നവരോടൊക്കെ കുശലം പറയും... ഒരു പ്രകാരത്തിൽ ഓടിക്കിതച്ചു വീട്ടുപടിക്കൽ എത്തുമ്പോൾ ഒരു പാവം പിടിച്ച അമ്മയും അച്ഛനും മകളുടെ വരവിനായി കണ്ണും നട്ടു കാത്തിരിക്കുന്നുണ്ടാകും...മകളെ കാണുമ്പോൾ തന്നെ നീയങ്ങു ക്ഷീണിച്ചു കൊരങ്ങു പോലായല്ലോ എന്ന അമ്മയുടെ ചോദ്യത്തിനുത്തരം ഒരു ചെറു ചിരിയിലൊതുക്കും... പിന്നെ നേരെ അടുക്കളയിലേക്കാണ് നടത്തം അവിടെ അടുക്കളകോലായിൽ ചെന്നിരുന്നു അമ്മയുടെ കൈ കൊണ്ടുണ്ടാക്കിയ തേങ്ങാ ചുട്ടരച്ച ചമ്മന്തിയും,കാന്താരി മുളകും തേങ്ങയും കുഞ്ഞുള്ളിയും ഇട്ടു ചതച്ചുണ്ടാക്കിയ വേലിച്ചീരയും,നാടൻ തൈരും പപ്പടവും ചൂട് ചോറിൽ കൂട്ടി കുഴച്ചൊരു തീറ്റയുണ്ട് അത് കാണുമ്പോൾ നീയെവിടെ പട്ടിണി ആയിരുന്നോ കൊച്ചെ എന്ന അർത്ഥത്തിൽ എളിക്കു കയ്യും കൊടുത്തു നിന്ന് അമ്മയുടെ ഒരു നോട്ടം ഉണ്ട്...അത് കണ്ടില്ല എന്ന് നടിച്ചു ഓരോ ഉരുളയും ആസ്വദിച്ചു കഴിക്കും.. നല്ലോണം കഴിച്ചോണ്ടിരിക്കുന്ന മകളെ അടിമുടി നോക്കി എത്രോസം ഉണ്ടിവിടെ എന്ന് ആകാംഷയോടെ ചോദിക്കുന്ന അമ്മയോട് "അഞ്ചൂസം" അത്രേ കിട്ടിയുള്ളൂ എന്ന് മറുപടി പറയുമ്പോളവർ ആ ഒരാഴ്ച തികച്ചില്ലാലെ എന്ന് സങ്കടത്തോടെ തലത്താഴ്ത്തി പറയുന്ന കാണുമ്പോ അറിയാതെയെങ്കിലും നെഞ്ചൊന്നു വിങ്ങും... പിന്നെ ഓരോ വിശേഷം പറച്ചിൽ ആണ് നാട്ടിൽ ആരൊക്കെ കല്യാണം കഴിച്ചു ആരൊക്കെ ഒളിച്ചോടി പോയി,അയലോക്കത്തെ പശുവിന്റെ പേറു കഴിഞ്ഞോ എന്നൊക്കെയറിയാതെ മനസ്സിന് ഒരു സമാധാനം ഉണ്ടാകില്ല. വൈകിട്ട് മകൾക്കിഷ്ടമുള്ള പലഹാരങ്ങളെല്ലാം ചായക്കടയിൽ നിന്നും ന്യൂസ് പേപ്പറിൽ പൊതിഞ്ഞു കൊണ്ടുവന്നു ഒന്നൊന്നായി മേശപ്പുറത്തു കൊണ്ടടുക്കി വെച്ചശേഷം ചൂടാറും മുന്നേ ഇഷ്ട്ടോള്ളതൊക്കെ എടുത്തു കഴിച്ചോളുട്ടോ എന്ന് പറഞ്ഞുമ്മറത്തേക്കു പോകുന്ന അച്ഛനെ സ്നേഹത്തോടെ ഒന്ന് നോക്കും പിന്നെ ഗ്രഹിണി പിടിച്ചു കിടക്കുന്ന പിള്ളേര് ചക്കക്കൂട്ടാൻ കണ്ട പോലെ അതിലേക്കൊരു വീഴ്ചയാണ്.. രാത്രി ഇരുന്നു കുറെയേറെ വർത്തമാനം പറഞ്ഞു കിടന്ന ശേഷം അമ്മയെ കെട്ടിപ്പിടിച്ചു സുഖമായുറങ്ങും...കെട്ടിച്ചു വിട്ട വീട്ടിൽ ദിവാകരൻ വരുന്നതിനു മുന്നേ എണീക്കുന്ന പെണ്ണുങ്ങൾ സ്വന്തം വീട്ടിൽ ചെന്നാൽ പിന്നെ പത്തുമണിയാണല്ലോ കണക്കു ആ പതിവ് മിക്കവരും തെറ്റിക്കാറില്ല...പിന്നെ രാവിലെ എണീറ്റ് ഇഡലിയും ചമ്മന്തിയും ചൂട് കാപ്പിയും കുടിച്ച ശേഷം ഉമ്മറത്ത് ചെന്ന് മുറ്റത്തു നടക്കുന്ന കോഴികളെ നോക്കിയങ്ങനെ ഇരിക്കും, അൽപ നേരം ടീവിയിൽ ഇഷ്ടമുള്ള പരിപാടി എന്തെങ്കിലും കണ്ട ശേഷം കുളിക്കാൻ പോകുമ്പോൾ അമ്മയുടെ വക തലയിൽ മുറ്റത്തു നിൽക്കുന്ന ചെമ്പരത്തി ഇലയും പൂവും പറിച്ചു കല്ലിൽ ഇട്ടുരച്ചു പാത്രത്തിൽ ആക്കി ഒരു താളിതേക്കൽ ഉണ്ട് എന്ത് മാത്രം മുടി ഇണ്ടാരുന്ന കൊച്ച മര്യാദക്ക് നോക്കാതെ ദേ ഇപ്പൊ എലിവാലു പോലെയായി എന്നൊരടക്കം പറച്ചിലും അതിനൊപ്പം കാണും... വൈകിട്ട് തൊടിയിലെ ചക്ക പറിച്ചുണ്ടാക്കിയ ചക്കപ്പുഴുക്കും ചൂട് ചായയും നിർബന്ധം ആണ് ചിലർക്ക് അതും കാലിന്മേൽ കാൽകയറ്റി വെച്ച് ടിവിയും കണ്ടു ആസ്വദിച്ചു തന്നെ അങ്ങ് തിന്നും.. അങ്ങനെ തിന്നും കുടിച്ചും അഞ്ചു ദിവസം പോകുന്നത് കെട്യോന്റെ കാറ് വീടിനു മുന്നിൽ വന്നു നിന്നു നീട്ടി ഹോൺ അടിക്കൊമ്പാഴാണറിയുന്നത്... അവള് രണ്ടൂസം കൂടി നിക്കട്ടെടാ കൂടെ നീയും നിക്ക് എന്ന് അച്ഛനും അമ്മയും ഒരേ സ്വരത്തിൽ മരുമോന്റെ മുഖത്ത് നോക്കി പറയുമ്പോൾ ഏയ് അതൊക്കെ ഇനിയൊരു ദിവസം ആവാം അവളില്ലാതെ വീടാകെ താറുമാറായികിടക്കുവാ എന്നു പറഞ്ഞ ശേഷം ഭാര്യയുടെ മുഖത്തേക്കൊരു നോട്ടമുണ്ട്.. "വാ പോകാം ബാഗെടുത്തോ" എന്നാണ് അതിനർത്ഥം. ഒടുക്കം മനസ്സില്ലാ മനസ്സോടെ പോയി റെഡിയാകും... പോകാൻ നേരം പറമ്പിലെ ചക്ക,കറിവേപ്പില,ചേന,ചേമ്പു,ഏത്തക്കായ ഭർത്താവിന്റെ വീട്ടിലെ പറമ്പിൽ നടാൻ ഉള്ള കപ്പക്കോൽ,മാങ്ങാ,കൂർക്ക,ചീര,പയർ എന്ന് തുടങ്ങി അത്യാവശ്യം പച്ചക്കറികൾ കാറിന്റെ ഡിക്കിയിൽ സ്ഥാനം പിടിക്കും കൂടെ ഇത് വെച്ചോ എന്ന് പറഞ്ഞു അച്ഛൻ കയ്യിൽ വെച്ച് തരുന്ന അന്പതിന്റെ ചില നോട്ടുകളും.. ഒടുക്കം അച്ഛനോടും അമ്മയോടും യാത്ര പറഞ്ഞു കാറിൽ കയറുമ്പോൾ മകളെ കണ്ടു കൊതിതീരാത്ത പോലെ അവരുടെ ഒരു നോട്ടമുണ്ട്..ഒടുക്കം കണ്ണിൽ നിന്ന് മറയുന്ന വരെ കാറിനു വെളിയിൽ തലയിട്ടു അവരെ നോക്കി കൈ വീശി കാണിച്ചു പോകുമ്പോൾ അറിയാതെ തന്നെ ആ മകളുടെ കണ്ണുകളും നിറഞ്ഞൊഴുകും.... ✍️മുഹബത്തിന്റെ സുൽത്താൻ ✍️ #📔 കഥ #🕵️‍♀️ കുറ്റാന്വേഷണ കഥകൾ #💞 പ്രണയകഥകൾ #🧟 പ്രേതകഥകൾ! #📙 നോവൽ

✍️മുഹബത്തിന്റെ സുൽത്താൻ ✍️ ❤️ബാല്യകാലസഖി❤️ "അമ്മായി...... അമ്മായി....ആരുല്ലെ ഇവിടെ..." ആരെയും പുറത്ത് കാണാതായപ്പോൾ ഉണ്ണി പുറക് വശത്തേക്ക് ചെന്നു. പുറത്ത് കുളിമുറിയിൽ വെള്ളം വീഴുന്ന ശബ്ദം ആരോ കുളിക്കുന്നുണ്ട്. അമ്മിക്കല്ലിനരികിൽ നല്ല മൂവാണ്ടൻ മാങ്ങ പൊട്ടിച്ച് വെച്ചിട്ടുണ്ട്. ഉണ്ണി അതെടുത്ത് അമ്മിക്കല്ലിൽ വെച്ച് ചതച്ചു.... അടുക്കളയിൽ കയറി ഉപ്പും മുളകും ചേർത്ത് മാങ്ങ ചതച്ചതിൽ തൂകി... ഒരു കഷ്ണം വായിലേക്ക് ഇട്ടു... കുളിമുറിയുടെ വാതിൽ തുറന്ന് ശാരിക പുറത്തിറങ്ങി. "അല്ല ആരിത് ശാരിയോ.?...... എപ്പോൾ വന്നു.... നിന്റെ കെട്ട്യോൻ എവിടെ.? ..." " അങ്ങേരെ കാര്യമൊന്നും പറയാതിരിക്കുന്നതാ ഭേതം.. ഒരു താന്തോന്നിയെ അല്ലെ എന്റെ തലയിൽ വെച്ചത്.... ഞാൻ പെട്ട് പോയതല്ലെ...." കുളിച്ച് ഈറനണിഞ്ഞ് നിൽക്കുന്ന ശാരികയെ കണ്ട് ഉണ്ണി അമ്പരന്ന് നിന്നു പോയി... എന്ത് ഭംഗി വെച്ച് ഈ പെണ്ണ്. മുടിയിഴകളിലൂടെ വെള്ളം ഇറ്റ് വീഴുന്നുണ്ടായിരുന്നു.... തുടുത്ത കവിളുകളിൽ വെള്ളത്തുള്ളികൾ മുത്തുകളെ പോലെ ചിരിക്കുന്നു.ശരീരത്തിലേക്ക് ഒട്ടികിടക്കുന്ന മാമ്പഴ മഞ്ഞ നിറത്തിലുള്ള ബ്ലൗസും പട്ടുപാവാടയും അണിഞ്ഞ ശാരികയെ കണ്ടാൽ ആരും നോക്കി നിന്ന് പോകും... എല്ലാം സൗന്ദര്യവും ഒത്തിണങ്ങിയ പെണ്ണ് തന്നെ ശാരിക. "എന്താ ഉണ്ണിയേട്ടാ എന്നെ ആദ്യമായി കാണുന്ന പോലെ നോക്കുന്നത്..... " "ഏയ് ഒന്നൂല്ല.... ശാരി... നിന്നെയിങ്ങനെ നോക്കുമ്പോൾ എപ്പോഴും ആദ്യമായി കാണുന്ന ഒരു.... ഒരു...... ഇതാണ്..." അവളുടെ പവിഴ ചുണ്ട് വിടർന്നു... മുല്ലമൊട്ടുകൾ തിളങ്ങി....... "ഏത്.... ഒരു.. ഇത്......?..... ഈ ഉണ്ണിയേട്ടന് എന്തൂട്ടാ പറ്റ്യേ.." " അതൊക്കെ പോട്ടെ ശാരീ ഇന്നാ ഇത് കഴിക്ക്...... പണ്ട് കുറേ നമ്മൾ ഒന്നിച്ച് ഇങ്ങനെ പുളി മാങ്ങ കഴിച്ചത് ഇന്നലെ കഴിഞ്ഞത് പോലെ...." " അമ്മ കറിയിലിടാൻ പൊട്ടിച്ച് കൊണ്ട് വന്നതാ... ഞാനെടുത്ത് തിന്നൂന്നും പറഞ്ഞ്... ഇവിടെ ഒളിപ്പിച്ച് വെച്ചതാ.. അമ്മക്കള്ളി....ഈ ഉണ്ണിയേട്ടൻ പഴയ പോലെ തന്നെയാണല്ലെ ഒരു മാറ്റവും ഇല്ല ടൗസറിട്ട് നടക്കുന്ന ഉണ്ണി ചെക്കൻ ... ഞാനും അങ്ങിനെ തന്നെയാട്ടൊ.... ആ കാലമായിരുന്നു അല്ലെ രസം.. നമുക്ക് വലുതാവണ്ടായിരുന്നു..." അവൾ ഒരു കഷ്ണം മാങ്ങ വായിലിട്ട് അരികിലൂടെ അകത്തേക്ക് നടന്നു പോയി.... നല്ല കാച്ചിയ എണ്ണയുടെയും ചന്ദ്രിക സോപ്പിന്റെയും മണം അവൾ പോയപ്പോൾ തഴുകിയ തെന്നലിൽ ശ്വാസത്തിലൂടെ ഉണ്ണിയുടെ ശരീരത്തിലൂടെ പടർന്നു..... ഉണ്ണിയും അവളുടെ പുറകെ അകത്തേക്ക് കയറി.... "അമ്മായീം മാമനും എവിടെ പോയി ".... "അവർ ബാങ്കിലേക്ക് പോയതാണ്.. " ഹാളിലെ അലമാരയിൽ നിറച്ചും വലിയ പുസ്തകങ്ങൾ അടുക്കി വെച്ചിരിക്കുന്നു... " ശാരീ ഇതെല്ലാം നീ പടിച്ച് തള്ളിയതാണൊ...? കണ്ടിട്ട് തന്നെഎനിക്ക് പേടിയാവുന്നു... വെറുതെ അല്ല നിന്റെ അച്ഛന് എന്നെ കണ്ടൂടാത്തത്.. വല്ല്യ പടിപ്പിസ്റ്റിന്റെ ഫാദറല്ലെ......പത്തിൽ രണ്ട് വട്ടം പൊട്ടിയ എന്നെ എങ്ങനെ ഇഷ്ടാവും.... അന്നേ പറയാറുണ്ട് " നീ കണ്ട് പടിച്ചോടാ.... എന്റെ മോളെ ഞാൻ ഡോക്ടറാക്കൂന്ന്.. "ഇനി ഒരു കൊല്ലവും കൂടി അല്ലെ ഉള്ളൂ ശാരീ നീ ഡോക്ടറാവാൻ...... അതും കൂടി കഴിഞ്ഞാൽ ഈ പാവം ഡ്രൈവറെ നിന്റെ അച്ഛൻ ഈ വീട്ടിൽ കയറ്റോ...?" " ഒന്ന് നിറുത്തോ...... ഉണ്ണിയേട്ടാ....." ശാരിക തലയിൽ കെട്ടിയ തോർത്ത് മുണ്ട് ഊരി മുയിഴകളിലെ അവശേഷിച്ച ഈറനും ഒപ്പിയെടുത്തു... തോർത്ത് മുണ്ട് ഒന്ന് കുടഞ്ഞു... വെള്ളത്തുള്ളികൾ ഉണ്ണിയുടെ മുഖത്തേക്ക് തെറിച്ചു..... "സോറി ഉണ്ണിയേട്ടാ....." "സോറിയൊന്നും വേണ്ട... ഇപ്പോഴാ നമ്മുടെ പഴയ ഒരു കാര്യം ഓർമ്മ വന്നു.... പേരിക്കുളത്തിൽ നമ്മൾ ഒന്നിച്ച് കുളിക്കാൻ പോയിരുന്ന കാലം.. അന്ന് നിന്നെ നീന്തല് പടിപ്പിക്കുന്നതിനിടയിൽ നില തെറ്റി പോയ നിന്നെ ഒരു കണക്കിനാ ഞാൻ കരയിലെത്തിച്ചത്... എന്നിട്ടെന്താ... മാമന്റെ കയ്യീനും എന്റെ അച്ചന്റെ കയ്യീന്നും കണക്കിന് എനിക്ക് കിട്ടി..... അന്നാണ് നമ്മൾ വെച്ചുണ്ടാക്കിയ കഞ്ഞിപ്പുരയിൽ കരഞ്ഞ് ഇരുന്ന എനിക്ക് നീ ആദ്യമായി ഒരു മുത്തം തന്നത്..... നിനക്ക് അതെല്ലാം ഓർമ്മയുണ്ടോ ശാരീ.... " "പിന്നെ അന്ന് ഉണ്ണിയേട്ടൻ ഒന്ന് പേടിച്ച് പോയിരുന്നെങ്കിൽ ഈ ഞാനുണ്ടാവുമോ.പേരിക്കുളത്തിന്റെ അടിത്തട്ടിൽ ഞാൻ മരവിച്ച് കിടന്നേനെ.?" " ശാരീ..ഇന്ന് നിന്നെ കാണാൻ നല്ല ഭംഗിയുണ്ട്ട്ടാ.... ഒരു പ്രത്യേക സൗന്ദര്യം...." " വെറുതെ എന്നെ കളിയാക്കാണ്ട് പോ ഉണ്ണിയേട്ടാ.... " " ഞാൻ വെറുതെ പറഞ്ഞതല്ല.. നിന്നെ കണ്ടിട്ട് എനിക്ക് എന്തൊക്കെയോ തോനുന്നുണ്ട്... " ഉണ്ണി അവളുടെ കൈകളിൽ കയറിപ്പിടിച്ചു.. " ഉണ്ണിയേട്ടാ ഒന്ന് വിട്ടേ അവര് ഇപ്പാൾ വരും .. ഒന്നു പോയേ കളിക്കാണ്ട്..." അവൾ ഓടി മുറിക്കുള്ളിലേക്ക് കയറി.... ഉണ്ണിയും അവളെ പിന്തുടർന്നു... ഉണ്ണി വേഗം വാതിലടച്ചു കുറ്റിയിട്ടു... "വേണ്ടട്ടാ ഉണ്ണിയേട്ടാ... വേണ്ട... ഞാൻ ഒച്ച വെക്കും... " ഉണ്ണി അവളെ അവനിലേക്ക് ചേർത്ത് പിടിച്ചു... അവന്റെ കരുത്ത കൈകളിൽ അവൾ അമർന്നു.... വാതിലിൽ തട്ട് കേട്ടു... " ശാരീ കതക് തുറന്നെ..... ശാരീ.... " അവൾ കതക് തുറന്നു... " പുറക് വശത്തെ വാതിലെല്ലാം തുറന്നിട്ട് മുറിക്കുള്ളിൽ കയറി കതക് അടച്ച് ഇരിക്കേണോ...?എങ്ങനത്തെ ജാതി കള്ളൻമാർ ഉള്ള കാലമാണ് ഇത്.... ഉണ്ണി പുറത്ത് പോയിട്ട്.. വന്നല്ലെ..." " ഉണ്ണിയേട്ടൻ ഇവിടെ ഉണ്ട് അമ്മെ...." അവൾ ഒരു കള്ളച്ചിരിയോടെ കട്ടിലിൽ കിടക്കുന്ന ഉണ്ണിയെ നോക്കി... അവർ രണ്ടാളും ഒരുങ്ങി റെഡിയായി പുറത്തിറങ്ങി.... "അമ്മേ... പോയിട്ട് വരാട്ടൊ... അച്ചാ .... ശരീട്ടാ.... " "ഇടക്കിടക്ക് വരണട്ടാ മക്കളെ... " ശാരിയും ഉണ്ണിയും അവരോട് യാത്ര പറഞ്ഞ് ഇറങ്ങി ബൈക്കിൽ കയറി... " ശാരീ.... നിന്നെ ആദ്യമായി പെണ്ണ് കാണാൻ വന്ന ലണ്ടൻകാരന്റെ മൂക്ക് ഇടിച്ച് ഞാൻ പരത്തുന്നത് കണ്ട മാമന്റെ മുഖത്ത് വന്ന എന്നെ കൊന്ന് തിന്നാനുള്ള ആ വളിഞ്ഞ ഭാവം നമ്മുടെ കല്ല്യാണം കഴിഞ്ഞിട്ടും മാറിയിട്ടില്ല അല്ലെ..." "ഒന്ന് പോയെ ചെക്കാ എന്റെ അച്ഛനെ കളിയാക്കാതെ .. " ബൈക്കിന്റെ പുറകിലിരുന്ന അവൾ ഉണ്ണിയെ കെട്ടിപ്പിടിച്ച് കഴുത്തിൽ മെല്ലെ ഒന്ന് കടിച്ചപ്പോൾ ബൈക്കിന്റെ ആക്സിലേറ്ററിൽ ഉണ്ണിയുടെ കൈ അമർന്നു.... ✍️മുഹബത്തിന്റെ സുൽത്താൻ ✍️ , #📙 നോവൽ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ #📔 കഥ #💞 പ്രണയകഥകൾ

✍️മുഹബത്തിന്റെ സുൽത്താൻ ✍️ .………ഉറക്കം………. “ആമി… ആമി… എഴുന്നേൽക്ക്…” “ഒരു 5 മിനിറ്റ് കൂടി അമ്മേ… നല്ല ഉറക്കമായിരുന്നു അത് പൊക്കല്ലേ… പ്ലീസ്…” “മ്മ് ഉറക്ക്… പുലരും വരെ ഫോണിൽ കുത്തിയാൽ രാവിലെ എഴുന്നേൽക്കാൻ പറ്റില്ല…” “ഓഹ് തുടങ്ങി… എന്റെ ഫോണിനെ കുറ്റം പറയാൻ…” “എപ്പോഴാ ഞാൻ നിന്റെ ഫോൺ എടുത്ത് കളയുന്നത് എന്ന് എനിക്ക് പോലും അറിയില്ല…” “ഓഹ്… രാവിലെ തന്നെ തുടങ്ങികോളും മൂഡ് കളയാൻ ആയിട്ട്…” “നീ വീണ്ടും പുതച്ചു മൂടി ഉറങ്ങുകയാണോ?? ഡി എഴുന്നേൽക്ക്…” എല്ലാ ദിവസവും എന്റെ സുഖസുന്ദരമായ ഉറക്കം തല്ലി കെടുത്തുന്നത് അമ്മയാണ്… “ഓഹ് എന്റെ മോൾ പോവാൻ ഒരുങ്ങിയോ??” “ആ വീണ എന്നെയും കാത്തു നിൽക്കുന്നണ്ട്…” “മ്മ്… അല്ല നീ ഇന്ന് കുളിച്ചോ?? അറ്റ്ലീസ്റ്റ് പല്ല് തേപ്പ് എങ്കിലും??” “അമ്മേ… വേണ്ട.. വേണ്ട…” “അല്ല നീ മടി കാരണം അതൊന്നും ചെയ്യാതെ ആണോ പോകുന്നേ എന്ന് അറിയാൻ വേണ്ടി ചോദിച്ചതാ…” “കിണിക്കല്ലേ… ഞാൻ അത്രയ്ക്ക് മടിച്ചി അല്ല… അയ്യോ ലേറ്റ് ആയി… ബാക്കി വൈകുന്നേരം വന്നിട്ട് തരാം…” “വല്ലതും കഴിച്ചിട്ട് പോ….” “ക്യാന്റീനിൽ നിന്ന് കഴിച്ചോളാം…” “ഈ പെണ്ണിന്റെ ഒരു കാര്യം…” എന്റെ ഏറ്റവും വലിയ വീക്ക്നെസ് ഉറക്കം ആയിരുന്നു… ഒരു 5 മിനിറ്റ് കിട്ടിയാൽ പോലും ഞാൻ ഉറങ്ങും… അതും ഉറങ്ങിയാൽ പിന്നെ ആന കുത്തിയാൽ പോലും അറിയില്ല… എനിക്ക് ഉറങ്ങാൻ ബെഡ്ന്റെ ആവിശ്യം പോലും വരാറില്ല… കാരണം ഉറക്കം വന്നാൽ സ്ഥലം എനിക്ക് ഒരു പ്രശ്നം അല്ല… എവിടെയാണെലും ചുരുണ്ടു കൂടി കിടന്നുറങ്ങി കൊള്ളും… ഉറക്കം ഇടയ്ക്ക് വലിയ പ്രേശ്നങ്ങൾ സൃഷ്ടിക്കാറുമുണ്ട്…. പ്രേത്യേകിച്ചു ക്ലാസ്സിൽ ശങ്കർ സർ ക്ലാസ്സ്‌ എടുക്കുമ്പോൾ ഉറങ്ങിയാൽ… “ഡി… നീ ഇന്നും ക്ലാസ്സിൽ നിന്ന് ഉറങ്ങരുത്…” “വീണേ… ഞാൻ ആയിട്ട് ഉറങ്ങുന്നത് അല്ലലോ… എന്നെ ഉറക്കുന്നത് അല്ലേ…” “ആര്??” “ശങ്കർ സർന്റെ ദുരന്തം ക്ലാസ്സ്‌…” “ഹഹഹഹ…. അധികം ചിരിക്കേണ്ട… ചിലപ്പോൾ കരയാൻ ഉണ്ടാകും…” “മ്മ്… നീ പെട്ടന്ന് അനങ്ങി നടക്ക്…” നടന്നു പോകേണ്ട അത്ര ദൂരം മാത്രമേ സ്കൂളിലേക്ക് ഉള്ളുയെങ്കിലും സ്കൂളിന് അടുത്ത് വീട് ഉള്ള എല്ലാ കുട്ടികളെയും പോലെ നമ്മളും ലേറ്റ് ആയെ ക്ലാസ്സിൽ എത്താറുള്ളു…. ശങ്കർ സർ തിയറി പേപ്പർ ആണ് എടുക്കുന്നത്… അതും ഡിസാസ്റ്റർ മാനേജ്മെന്റ് ദുരന്തം എങ്ങനെ മാനേജ് ചെയ്യാം എന്ന്… വേറെ എന്ത് വേണം ഉറങ്ങാൻ കാരണം ആയിട്ട്… എന്താ എന്ന് അറിയില്ല സർ ക്ലാസ്സിൽ കയറുമ്പോൾ ഞാൻ ആവിയിടാൻ തുടങ്ങും… സർന് ക്ലാസ്സിൽ കുട്ടികൾ ഉറങ്ങുന്നത് ഇഷ്ടമേ അല്ല… സാറുടെ ക്ലാസ്സിൽ മാത്രം ഞാൻ ഉറക്കം കടിച്ചുപിടിക്കും…. അങ്ങനെ ഇന്ന് ഉച്ചക്ക് ശേഷം ഉള്ള ആദ്യ പീരീഡ് സർ ആയിരുന്നു… “ഈശ്വരാ….” “എന്താ ആമി???” “ഇയാൾ എന്തിനാ ഉച്ചക്ക് കയറി വന്നത്… എനിക്ക് ആണേൽ ഉറക്ക് വന്നിട്ട് സഹിക്കാൻ പറ്റുന്നില്ല…” “ഡി… നീ ഉറങ്ങരുത്… പ്ലീസ്…” “ഇല്ല വീണ ഞാൻ ഉറങ്ങില്ല… പിടിച്ചു നിൽക്കും….” “ഗുഡ്ആഫ്റ്റർനൂൺ സർ…” “ആഹ് ഗുഡ്ആഫ്റ്റർനൂൺ… എല്ലാവരും നോട്ട് എടുത്തോളൂ… കുറച്ചു നോട്ട്സ് ക്ലാസ്സ്‌ എടുക്കുന്നതിന് ഇടയിൽ എഴുതാം…” സർ ക്ലാസ്സ്‌ എടുക്കാൻ തുടങ്ങി… എന്നത്തേയും പോലെ എനിക്ക് ഉറക്ക് വരാനും… “ഇനി ഒരു അരമണിക്കൂർ കൂടി… പ്ലീസ് കണ്ണേ ഉറങ്ങല്ലേ…” “ഡി ആമി… നീ ഉറങ്ങിയോ??” “ഇല്ല… നീ ഉറക്കം എന്ന് ഓർമിപ്പിക്കല്ലേ പ്ലീസ്…” “പിന്നെ നീ ഡോക്ടർ ഭാഗം പഠിക്കുകയാണോ???” “മ്മ് അതെന്താ നീ അങ്ങനെ ചോദിച്ചേ??” “അല്ല നിന്റെ നോട്ട് മുഴുവൻ ഇസിജി കാണുന്ന പോലെ ഉണ്ട്… ഹഹഹ…” “കിണിക്കല്ലേ… സർ ശ്രെദ്ധിക്കുന്നുണ്ട്… നീ നിന്റെ നോട്ട് എഴുതാൻ നോക്ക്… എനിക്ക് കംപ്ലീറ്റ് ആക്കാൻ വേണ്ടതാ…” “ഓഹ് ആയിക്കോട്ടെ സ്ലീപ്പിങ് ബ്യൂട്ടി…” “പോടീ…” “എന്താ ബാക്ക്ബെഞ്ചിൽ നിന്ന് ശബ്ദം…” “ഒന്നുമില്ല സർ…” അങ്ങനെ 15 മിനിറ്റ് കൂടി എങ്ങനെയോ തള്ളി നീക്കി…. ഇനി ഒരു 15 മിനിറ്റ് കൂടി… അപ്പോൾ ഈ ക്ലാസ്സ്‌ കഴിയും… എന്റെ പൊന്നു കൺപീലികളെ നിങ്ങളുടെ പ്രണയ സംഗമത്തിന് ബലിയാട് ആകുന്നത് ഞാൻ ആണ്… സോ പ്ലീസ് കണ്ട്രോൾ… ഉറങ്ങാതെ ഇരിക്കാൻ നുള്ളി നുള്ളി കൈ ഒരു വഴിയായി… “ഇനി അവശേഷിക്കുന്ന 5 മിനിറ്റ്… അതെ നീ സാധിച്ചു ആമി… നീ ഉറങ്ങാതെ പിടിച്ചു നിന്നു…” സത്യത്തിൽ ബെൽന്റെ ശബ്ദം എന്റെ കാതുകൾക്ക് മരുഭൂമിയിൽ പേയുന്ന മഴ പോലെ തോന്നി… അങ്ങനെ ബെൽ അടിച്ചു… “ഓഹ് സമാധാനം… ഞാൻ ഉറങ്ങി വീണേനെ…” “ആരും എഴുന്നേൽക്കേണ്ട… അടുത്ത പീരിയഡും ഞാൻ ആണ്…” “ഏഹ്… സർ ഇത് കൊല ചതിയാണ്… ഇനി എനിക്ക് പിടിച്ചു നിൽക്കാൻ കഴിയില്ല…” “ആമി നീ എന്തെങ്കിലും പറഞ്ഞോ…” “ഏയ്‌ ഇല്ല… നിനക്ക് തോന്നിയതാ…” എനിക്കും എന്റെ കണ്ണുകൾക്കും വീണ്ടും ഒരു മണിക്കൂർ കൂടി പിടിച്ചു നിൽക്കാൻ ഉള്ള ശേഷി ഉണ്ടായിരുന്നില്ല… പതിയെ എന്റെ കണ്ണുകൾ അടഞ്ഞു… ഞാൻ ആഗാതമായ ഉറക്കത്തിലേക്ക് വീണു… ഞാനും സ്വപ്നവും മാത്രം… ക്ലാസ്സിൽ ആണെന്ന് പോലും മറന്നു പോയി… “അതാരാ ബാക്ക്ബെഞ്ചിൽ കിടന്നു ഉറങ്ങുന്നത്…” “ആമി… ആമി എഴുന്നേൽക്ക്… സർ വിളിക്കുന്നു… ആമി…” വീണയുടെ ഒരു വിളിക്കും എന്നെ ഉറക്കത്തിൽ നിന്നും ഉണർത്താൻ കഴിഞ്ഞില്ല… “സർ ആമി…” “എന്താ വീണ…” “ആമി വിളിച്ചിട്ട് എഴുന്നേൽക്കുന്നില്ല…” “ആമി… ആമി… സർ ആ വിളിക്കുന്നത് ആമി….” ആരു വിളിച്ചിട്ടും ഞാൻ എഴുന്നേറ്റില്ല… ഗാടമായ നിദ്രയിൽ എപ്പോഴോ എന്റെ കൈ ബെഞ്ചിൽ നിന്നും വഴുതി താഴേക്കു വീണു… പിന്നെ ഒന്നും പറയേണ്ട… ബിന്ദു ടീച്ചർ, രവി സർ എല്ലാരും വരുന്നു… കുലുക്കി വിളിച്ചിട്ടും ഞാൻ എഴുന്നേൽക്കുന്നില്ല… അങ്ങനെ മുഖത്തു വെള്ളം കുടഞ്ഞു അപ്പോഴാണ് എന്റെ കണ്ണ് തുറന്നത്… കണ്ണ് തുറന്നു നോക്കിയപ്പോൾ എനിക്ക് ചുറ്റും ടീച്ചേർസ്, സർ, ക്ലാസ്സിലെ പിള്ളേർ എല്ലാരും… കരഞ്ഞു നഞ്ഞ മിഴികളുമായി വീണയും…. “എല്ല… ഇവിടെ എന്താ പറ്റിയെ?? എല്ലാരും എന്താ എന്നെ ഇങ്ങനെ നോക്കുന്നത്??” “മോളെ നിനക്ക് എന്താ പറ്റിയത്… നിനക്ക് സുഖമില്ലേ???” “ഉറങ്ങി പോയതാണ് എന്ന് പറഞ്ഞാൽ ഇവിടെ ഉള്ള എല്ലാരും കൂടി എന്നെ തല്ലി കൊല്ലും…” “മോളെ നിനക്ക് വയ്യേ?? തല കറങ്ങുന്നുണ്ടോ??” “അപ്പോൾ അത് തന്നെ മാർഗം… തല കറങ്ങുന്നു എന്ന് പറയാം… ആഹ് ടീച്ചർ എനിക്ക് തല കറങ്ങുന്ന പോലെ…” “എന്നാൽ വാ നമുക്ക് ഡോക്ടറെ കാണാൻ പോകാം…” “ഈശ്വര… ഡോക്ടറെ കണ്ടാൽ സകല കള്ളത്തരം പൊളിയുമല്ലോ… എന്താ ചെയുക??” “മോളു വാ എഴുന്നേൽക്ക്…” “വേണ്ട മിസ്സ്‌… ഞാൻ അമ്മയെ കൂട്ടി നാളെ പോയി കൊള്ളാം…” “ഏയ്‌ അതൊന്നും പറഞ്ഞാൽ പറ്റില്ല… വാ ഡോക്ടറെ കാണിച്ചിട്ട് വരാം…” എല്ലാവരും കൂടി എന്നെ തൂകി എടുത്തു ഹോസ്പിറ്റലിൽ കൊണ്ടു പോയി… ഡോക്ടറോട് എന്ത് പറയും എന്ന് എനിക്ക് ഒരു എത്തും പിടിയും കിട്ടിയില്ല… “ആമി…” “ഈശ്വര… നേഴ്സ് എന്റെ പേര് വിളിച്ചല്ലോ… ഡോക്ടർ കള്ളത്തരം പിടിച്ചാൽ…” “വാ മോളെ എഴുന്നേൽക്ക്…” “എന്താ ആമിക്ക് പറ്റിയത്??” “അത് ഡോക്ടർ ഇവൾ പെട്ടന്ന് ബോധം കെട്ട പോലെ ആയി… എത്ര വിളിച്ചിട്ടും എഴുന്നേറ്റില്ല… ഞാൻ ഇവളുടെ ടീച്ചർ ആണ്…” “ആമിക്ക് തലചുറ്റുന്നുണ്ടോ??” “ആഹ് ഉണ്ട്…” “എന്നാൽ നമുക്ക് ബിപി ഒന്ന് ചെക്ക് ചെയ്യാം…” ആദ്യമായിട്ട് ഞാൻ അവിടെ നിന്ന് ബിപി ചെക്ക് ചെയ്തു…. “മ്മ്… ബിപി കുറച്ചു ലോ ആണ്… ആമി രാവിലെ ഭക്ഷണം കഴിക്കാറുണ്ടോ??” ഞാൻ നിസങ്ക ഭാവത്തിൽ ചിരിച്ചു… “ഇല്ല അല്ലേ… അപ്പോൾ ഉച്ചക്കോ??” “മ്മ് കുറച്ചു കഴിക്കും… വിശപ്പ് കുറവാ…” “അത് കാണാൻ ഉണ്ട്… ബ്ലഡ്‌ കുറവാ… വിളറച്ച ഉണ്ട്… നമുക്ക് ബ്ലഡ്‌ ഒന്ന് ചെക്ക് ചെയ്യാം… എന്നിട്ട് വരു…” അങ്ങനെ അവിടെ ഉള്ള നേഴ്സ് എന്റെ രക്തം പരിശോധനക്ക് വേണ്ടി ഊറ്റി എടുത്തു… കുറെ നേരം റിസൾട്ട്‌ കിട്ടാൻ കാത്തു നിന്നു...അപ്പോഴേക്കും അമ്മയും ഹോസ്പിറ്റലിൽ എത്തി… “ടീച്ചർ എന്താ ആമിക്ക് പറ്റിയത്…” “ഏയ്‌ പേടിക്കാൻ ഒന്നുമില്ല പാർവതി… ബ്ലഡ്‌ ടെസ്റ്റ്‌ നടത്തിയിട്ട് ഉണ്ട്… റിസൾട്ട്‌ വരാൻ കാത്തു നിൽക്കുകയാണ്…” “റിസൾട്ടും എടുത്ത് ഡോക്ടറുടെ അടുത്ത് ചെന്നപ്പോൾ ആണ് ആ ഞെട്ടിക്കുന്ന വിവരം ഞാൻ അറിയുന്നത്…” “എന്താ ഡോക്ടർ ആമിക്ക് എന്തെങ്കിലും…” “താങ്കൾ ആമിടെ??…” “ആമിടെ അമ്മ…” “ഓക്കേ… പേടിക്കാൻ ഒന്നുമില്ല…. ആമിക്ക് ബ്ലഡ്‌ കുറവാണ്… പിന്നെ ക്യാൽഷിയം കുറവുണ്ട്… വിറ്റാമിൻ D3 കുറവും ഉണ്ട്…” “ആഹാ കൊള്ളാലോ… ആദ്യമായിട്ട് ഒരു ചെക്ക്അപ്പ്‌ നടത്തിയാതാ… അത് ഇങ്ങനെ ആയല്ലോ… എന്തായാലും ഒന്നും കൂടുതൽ ഇല്ലാലോ… ഭാഗ്യം….” “ബിപി കുറച്ചു കുറവാണ്… അത് കൊണ്ട് ശരീരത്തിന് ക്ഷീണം തോന്നും… ഉറക്കം വരും… ഒന്നിനും ഉന്മേഷം ഇല്ലാതെ ആകും…” “ഇതിലും വലിയ ദുരന്തം സ്വപ്‌നങ്ങളിൽ മാത്രം… എല്ലാം ഞാൻ മനസ്സിൽ പറഞ്ഞു ചിരിച്ചു…” “അതിന് എന്താ ചെയുക…” “പാൽ, മുട്ട ഒക്കെ കൊടുക്കുക… നല്ലവണ്ണം വെള്ളം കുടിക്കാൻ ശ്രെമിക്കുക.. പിന്നെ പച്ചക്കറി കൂടുതൽ ഉള്ള ഭക്ഷണം കഴിക്കുക… ഹോട്ടൽ ഭക്ഷണം ഒഴിവാക്കുക… കൃത്യമായി സമയത്തിന് ഭക്ഷണം കഴിക്കുക… ഞാൻ കുറച്ചു ടാബ്ലറ്റ് എഴുതിട്ടുണ്ട്… ഒരാഴ്ച കഴിഞ്ഞു ഒന്നുടെ കാണിക്കുക… നല്ലവണ്ണം റസ്റ്റ്‌ എടുക്കുക…” “എല്ലാത്തിനും ഞാൻ തല ആട്ടി…” പിന്നെ എന്റെ സുവര്ണ കാലഘട്ടം ആയിരുന്നു… ഒരാഴ്ച സ്കൂളിൽ പോകാതെ വീട്ടിൽ റസ്റ്റ്‌… അമ്മ എനിക്ക് ഏറ്റവും ഇഷ്ട്ടപ്പെട്ട എല്ലാ ഭക്ഷണവും ഉണ്ടാക്കി തന്നു… സ്കൂളിൽ പോകാൻ തുടങ്ങിയപ്പോൾ ലേറ്റ് ആയി എത്തുന്നത് പ്രശ്നം അല്ലാതെ ആയി… അങ്ങനെ ശരീരത്തിന്റെ ക്ഷീണം മാറി എന്റെ ഉറക്കവും… “ആമി… ആമി… എഴുന്നേൽക്ക് പെണ്ണെ…” സോറി… അവസാനം പറഞ്ഞത് ഒന്നു തിരുത്തുന്നു… എന്റെ ഉറക്കം അത് ഒരിക്കലും മാറില്ല… “ആ അമ്മേ ഒരു 5 മിനിറ്റ് കൂടി…” ❤️E N D❤️ #💞 പ്രണയകഥകൾ #📙 നോവൽ #🕵️‍♀️ കുറ്റാന്വേഷണ കഥകൾ #📔 കഥ #🧟 പ്രേതകഥകൾ!