కొందరికి ఎందుకు అంత స్వార్థం? ఎందుకు మనసులో అంత కపటం? సాటి మనుషులంటే ఎందుకంత చిన్నచూపు? అవసరంలో ఆదుకున్న వారిని అలుసుగా చూస్తారు? ఆపదలో అండగా నిలిచిన వారిని హేళన చేస్తారు! అవసరం కోసం,కాళ్ళదగ్గర కుక్కలా చేరి,అక్కర తీరాక, ఆ కాళ్ళనే కరిచేస్తారు!వెనకెనకే ఉండి,వెన్నుపోటు పొడుస్తారు! లోకంలో తమంత మంచివారు లేరంటారు!జగమంతా నీతిమాలిన వాళ్లేనని నిందిస్తారు!గురివింద తామని గుర్తించరు! అహంతో గుడ్డివాళ్ళం అయ్యామని తెలుసుకోరు! తప్పు తమదేనని ఒప్పుకోరు! చితిలో పడి కాలినా, నీచపు బుద్ధి మార్చుకోరు! #💗నా మనస్సు లోని మాట #నేటి ప్రపంచం 😠 #నేటి ప్రపంచంలో జరుగుతుంది ఇదే...😇 #నేటి లోకం తీరు...!!

షుగర్ ఉన్నవాళ్లు మామిడి పండ్లు తినొచ్చా? డాక్టర్లు చెబుతున్న అసలు నిజం ఇదీ.! మామిడి పండు అనగానే అది కేవలం తీపి మాత్రమే కాదు, అందులో విటమిన్-సి, ఫైబర్, యాంటీ ఆక్సిడెంట్స్ పుష్కలంగా ఉంటాయి. షుగర్ ఉన్నవారు ఏదైనా ఆహారం తీసుకునే ముందు గ్లైసమిక్ ఇండెక్స్(GI) గురించి తెలుసుకోవాలి. ఒక ఆహారం రక్తంలో చక్కెర స్థాయిలను ఎంత వేగంగా పెంచుతుందో ఇది చెబుతుంది. మామిడి పండు గ్లైసమిక్ ఇండెక్స్ సుమారు 51 ఉంటుంది. ఇది తక్కువ కేటగిరీ కిందకే వస్తుంది, అంటే ఇది రక్తంలో షుగర్‌ను మరీ వేగంగా పెంచదు. మనం మామిడి పండును ఎలా తింటున్నాం అన్నదే ముఖ్యం. విదేశాల్లో పండ్లను భోజనంలో ఒక భాగంగా తీసుకుంటారు. కానీ మన దగ్గర భోజనం అంతా ముగించి, కడుపు నిండా తిన్న తర్వాత అదనంగా మామిడి పండు ముక్కలను తింటాం. దీనివల్ల శరీరానికి అందాల్సిన క్యాలరీల కంటే ఎక్కువ అందుతాయి. ఫలితంగా బరువు పెరగడం, షుగర్ లెవల్స్ అదుపు తప్పడం జరుగుతుంది. మధుమేహ బాధితులు మామిడి పండ్లను ఆస్వాదించాలంటే కొన్ని చిన్న జాగ్రత్తలు తప్పనిసరి. మొదటిది, మామిడి పండును జ్యూస్ రూపంలో అస్సలు తీసుకోకూడదు. జ్యూస్‌గా చేసినప్పుడు అందులోని పీచు పదార్థం (ఫైబర్) పోయి, షుగర్ నేరుగా రక్తంలో కలిసిపోతుంది. ఎప్పుడైనా సరే పండును ముక్కలుగా కోసుకుని తినడమే శ్రేయస్కరం. రెండోది, మీరు మామిడి పండు తినాలనుకున్న రోజున, అన్నం లేదా ఇతర కార్బోహైడ్రేట్లు ఉన్న ఆహారాన్ని కొంచెం తగ్గించాలి. అంటే, ఒక పూట తీసుకునే పిండి పదార్థాలకు బదులుగా మామిడి పండును తినాలి. అలాగే, మామిడి పండును ఉదయం పూట వ్యాయామానికి ముందు తీసుకోవడం మంచిది. దీనివల్ల అందులోని క్యాలరీలు ఖర్చయిపోతాయి. మామిడి పండు ముక్కలతో పాటు కొన్ని నట్స్ (బాదం, వాల్‌నట్స్) వంటి ప్రోటీన్ ఆహారాన్ని కలిపి తీసుకుంటే చక్కెరను కంట్రోల్ అవుతుంది. మొత్తానికి చెప్పాలంటే, షుగర్ ఉన్నవారు మామిడి పండ్లకు పూర్తిగా దూరంగా ఉండాల్సిన అవసరం లేదు. మితంగా, సరైన పద్ధతిలో తింటే ఈ వేసవి తీపిని మీరు కూడా నిశ్చింతగా ఆస్వాదించవచ్చు. #తెలుసుకుందాం #😃మంచి మాటలు #🩺ఆరోగ్య జాగ్రత్తలు #👨🏻‍⚕️ఆరోగ్య చిట్కాలు #🏋️‍♀️హెల్త్ టిప్స్

*"వృక్షాలు ఇంకా గ్రామాల్లోనే ఉన్నాయి, ఫలాలు మాత్రమే పట్టణాలకు వెళ్లాయి". అర్థమైనోళ్ళకు అర్థమైనంత!* ఆ ప్రదేశాన్ని వదిలి ఎక్కడకూ పోలేవు పోతే మనలేవు... చావో రేవో ఈ మట్టి లోనే 🙏 #yes it's true 💯% #💗నా మనస్సు లోని మాట #sad reality of life😔 #😊ఎమోషనల్ ఫీలింగ్స్

#💗నా మనస్సు లోని మాట #🗣️జీవిత సత్యం #sad reality of life😔

🙏#అమ్మ_ఏం_చ‌దివింది? 🙏 నాన్న పేరు ప‌క్క‌న డిగ్రీలు చూసిన‌ప్పుడ‌ల్లా అమ్మ ఏం చ‌దివిందో తెలుసుకోవాల‌నిపిస్తుంది. వంటింట్లో త‌న ఒంటిచేతి విన్యాసం చూస్తే... గిన్నెలూ, గ‌రిటెల‌తో కూర ప‌ట్టు యుద్ధం చేస్తే.. హోటెల్ మేనేజ్‌మెంట్‌లో వంద డిగ్రీలైనా హోల్‌సేల్‌గా క‌ట్ట‌బెట్టార‌నిపిస్తుంది. ఇద్ద‌రికే స‌రిప‌డా కూర‌ న‌లుగురుకి తృప్తిగా వ‌డ్డించిన‌ప్పుడు మ‌రో డిగ్రీ నెత్తిమీద పెట్టాల‌నిపిస్తుంది. సింగిల్ బెడ్ రూమ్ ఇంటిని ఇంద్ర‌భ‌వ‌నంలా స‌ర్దిన‌ప్పుడు పెర‌ట్లో పూసిన పిచ్చి పూల‌ను ఖాళీ సీసాల్లో పేర్చి ఫ్ల‌వ‌ర్ వాజ్ గా మార్చిన‌ప్పుడు ఇంటీరియ‌ర్ కోర్సేదో త‌న కొంగున‌ ముడివేసుకొందా అనే అనుమానం వేస్తుంది. చాలీ చాల‌ని జీతంతో నెలంతా స‌ర్దుకోలేక‌ నాన్న స‌త‌మ‌త‌మ‌వుతుంటే.. చిటికెలో ప‌ద్దులేసి చిల్ల‌ర మిగిల్చిన అమ్మ‌ క‌చ్చితంగా ఎక‌నామిక్స్ లో మాస్ట‌ర్ డిగ్రీ కొట్టేసుంటుంది. నాన్న చేసే త‌ప్పుల్ని క‌నిపెడుతూ నా అల్ల‌రిని అదుపు చేస్తూ అమ్మ జడ్జిమెంట్ల‌ని పాస్ చేస్తున్న‌ప్పుడు 'లా' కూడా ఆమె ముందు బ‌లాదూర్ కాకుండా ఎందుకు ఉంటుంది? అమ్మ ద‌గ్గు చూడ‌లేక‌ డాక్ట‌ర్ ఖ‌రీదైన మందులు రాసిస్తే.. న‌వ్వుతూ ఆ చీటి డ‌స్ట్ బిన్ లో వేసేసి పంటికింద లవంగాన్ని ప‌డేసిన అమ్మ‌... ఎంబీబీఎస్‌ల‌కు అంద‌ని చ‌దువేదో చ‌దివేసింద‌నే నా న‌మ్మ‌కం. బ్యాంకు ఎకౌంటు ఖాళీ అయినప్పుడు నాన్న జేబులు నిండుకొన్న‌ప్పుడు అమ్మ మెడ‌లో న‌గ‌లు మాయం అయిపోవ‌డం చూస్తే.. తాంత్రిక విద్య‌లోనూ పీహెచ్‌డీ క‌ట్ట‌బెట్టార‌న్న భ‌యమూ వేస్తుంది. ఇన్ని చేసినా నీకేం తెలీదెహె.. ఊరుకో అన్న‌ప్పుడు ముసిముసిగా న‌వ్వుకొంటూ, అల‌వాటు ప్ర‌కారం మ‌మ్మ‌ల్ని క్ష‌మించేస్తూ మ‌ళ్లీ అమ్మ‌లా మారిపోతుంటే.. త‌త్వ‌శాస్త్ర‌మేదో ఔపోసన ప‌ట్టిన‌ట్టే ఉంటుంది. ఇంతా చూసి ఉండ‌బ‌ట్ట‌లేక‌ ఓసారి అడిగేశా.. ఏం చ‌దివావ్ అని?! ఆరో గ‌ళాసు.. అని ముసిముసిగా న‌వ్వేసింది. త‌న‌కేం తెలుసు..? ఎవ‌రికీ అంతుప‌ట్ట‌ని మ‌ధ్య‌త‌ర‌గతి జీవితాన్ని అంద‌రికీ అర్థం కాని పేద‌రిక‌పు ప‌రిమ‌ళాన్నీ పూర్తిగా చ‌దివేసింద‌న్న నిజం.. అమ్మ‌కు కూడా తెలీదు. 🙏🙏🙏 #💗నా మనస్సు లోని మాట

వంశాన్ని వృద్ధి చేసే తిరునాగేశ్వరం నాగనాథ స్వామి ఆలయం.........!! నవగ్రహ రాహు క్షేత్రం, నవగ్రహాలలో వంశవృద్ధికీ, కుటుంబ అభివృద్ధికి కారకుడిగా వెలుగొందే రాహు భగవానుడు, తన నాగ దోష నివారణ కోసం పరమశివుడిని పూజించి అనుగ్రహం పొందిన మహా పుణ్యక్షేత్రమే ఈ తిరునాగేశ్వరం. కుంభకోణం సమీపంలో ఉన్న ఈ క్షేత్రం యొక్క ఆధ్యాత్మిక విశేషాలు....... రాహు భగవానుని ప్రత్యేక క్షేత్రం ఇక్కడ రాహు భగవానుడు తన ఇద్దరు దేవేరులైన నాగవల్లి మరియు నాగకన్నిలతో కలిసి 'మంగళ రాహువు'గా, అనుగ్రహ మూర్తిగా కొలువై ఉన్నాడు. అందువల్ల, నాగ దోషాల కారణంగా వంశవృద్ది ఆలస్యమవుతున్న దంపతులకు ఇది అత్యంత విశిష్టమైన పరిహార క్షేత్రం. క్షీరసాగరాన్ని తలపించే క్షీరాభిషేకం ఈ ఆలయంలోని ఒక గొప్ప అద్భుతం ఏమిటంటే... రాహుకాలంలో రాహు భగవానునికి నిర్వహించే పాలాభిషేకం సమయంలో, విగ్రహం పైనుండి క్రిందికి జారే పాలు నీలి రంగులోకి మారుతాయి. ఈ దైవిక అద్భుతాన్ని కండ్లారా వీక్షించడమే ఒక గొప్ప పుణ్యం. వంశవృద్ది అడ్డంకులు తొలగుతాయి జాతకంలో పుత్ర దోషం లేదా వంశవృద్దికి అడ్డుగా ఉండే సర్ప దోషాలు ఉన్నవారు ఇక్కడికి వచ్చి, రాహుకాలంలో పాలాభిషేకం చేసి, నాగనాథ స్వామిని మరియు గిరివరాంబికా దేవిని మనస్ఫూర్తిగా ప్రార్థిస్తే అడ్డంకులన్నీ మంచులా వీడిపోతాయి. పూజా ఫలం రాహు భగవానుని అనుగ్రహంతో వివాహ అడ్డంకులు తొలగుతాయి, సంతాన భాగ్యం కలుగుతుంది, కుటుంబంలో సంతానం వర్ధిల్లి వంశానికి కీర్తి ప్రతిష్టలు లభిస్తాయి. మీ ఇళ్లలో పిల్లల కిలకిలరావాలు, సంతోషాలు వెల్లివిరియాలని, ఆ తిరునాగేశ్వరం నాగనాథ స్వామి అనుగ్రహం మీకు ఎల్లప్పుడూ తోడుండాలని కోరుకుంటున్నాము! ఆలయ లొకేషన్.... తిరునాగేశ్వరం (కుంభకోణం సమీపంలో), తంజావూరు జిల్లా, తమిళనాడు. #తెలుసుకుందాం #గుళ్ళు #హిందూ దేవుళ్ళు * దేవాలయాలు #హిందూ దేవాలయాలు💐🎂 #hindu temples

కంటి ఆరోగ్యం కోసం ఈ క్రింది జాగ్రత్తలు తీసుకోవాలి. 1. ఉదయం లేవగానే ముఖ్యం కడుక్కోవడానికి ముందు నోటిలోని పాచిని కంటికి కలికం లాగా పెట్టుకోవాలి. 2. ముఖం కడుక్కునే టపుడు జలనేతి, సూత్రనేతి చేయడం వలన చూపు మెరుగు అవుతుంది 3. ప్రతి రోజు ఉదయం త్రిఫల నీటితో కళ్ళను కడుక్కొంటే కళలు బాగా పనిచేస్తాయి 4. బుగ్గలనిండా నీళ్ళను ఉంచుకుని కళ్ళపై నీటిని చల్లుకుంటూ నోరు పుక్కిలించండి 5. ప్రతి రోజూ ఉదయం గానీ , సాయంత్రం గానీ సూర్య త్రాటకము, దీప త్రాటకము, బిందు త్రాటకము లలో మీకు ఏది వీలు అయితే అది చేయండి 6. కంటికి సంబంధించిన సూక్ష్మ వ్యాయామాలు చేయండి 7. ఉదయం పూట చెప్పులు వేసుకోకుండా పచ్చగడ్డి మీద నడవండి 8. కన్ను ఎర్రబడితే కంటిలో “సౌమ్య” ఐ డ్రాప్స్ వేసుకోండి. ఇవి మండవు. చల్లగా ఉంటాయి 9. కన్ను గ్లకోమా, కేటరాక్ట్ వంటి సమస్యలతో ఇబ్బంది పడుతూ ఉంటే “దృష్టి” ఐ డ్రాప్స్ వాడండి . జాగ్రత్త కళ్లు బాగా మండుతాయి 10. ప్రతిరోజు అనులోమ విలోమ ప్రాణాయామం ఎక్కువ సేపు చేయండి. దృష్టి దోష సవరణకు ఇది రామ బాణం లా పని చేస్తుంది 11. కాంతి దోషాలకు తిరుగులేని మందు “ ఐ గ్రీట్ గోల్డ్” ఇది మాత్రల రూపం లో లభించే అద్భుత ఔషధం మొదట్లో డోసుకు రెండు చొప్పున రోజుకు మూడు సార్లు వేసుకోవాలి. తరువాత రెండు సార్లు చొప్పున వేసుకుంటే చాలు 12. ఆసనాలు లో కంటి ఆరోగ్యానికి శీర్షాసనం, సర్వాంగాసనం చేయడం మంచిది 13. కంటి ఆరోగ్యం చేసే ఆక్యుప్రెషర్ లో అరిచేతుల్లోనూ, అరికాళ్ళల్లోనూ చూపుడు వేలు, మధ్య వేలు దిగువన ఉండే అరచేతి భాగంలో కపాల భాతి చేస్తున్నంత సేపు బొటన వేలుతొ నొక్కుతూ ఆక్యు ప్రెషర్ ఇస్తే కంటి చూపు మెరుగు అవుతుంది 14. పతంజలి యోగాగ్రామం లో వెల్ నెస్ సెంటర్ లలో కాంతి ఆరోగ్యం కోసం ఒక ప్రత్యేకమైన చికిత్సా విధానం అమలు చేస్తున్నారు. దాని పేరు “అక్షి తర్పణము” మహా త్రిఫలాగృతం అనే మందును బాహ్య బస్తి ద్వారా రెండు కళ్ళల్లోనూ వేసి కాంతి చూపు మెరుగు పరుస్తారు అలాగే “ ఐ గ్రీట్ గోల్డ్” మందును అంతర బస్తి ద్వారా ( ఎనీమా) ఇస్తారు. ఇది ఎక్కువ ప్రభావ వంతంగా పని చేస్తుంది. అలాగే మహా త్రిఫలాగృతం పాలలో వేసుకొని తాగడం ద్వారా కాంతి ఆరోగ్యాన్ని తీర్చి దిద్దుతారు శీర్షాసనము లేదా సర్వాంగాసనము చేయండి త్రాటకం చేయండి అనులోమ విలోమ ప్రాణయామన్ చేయండి ఉదయాన్నే లేచి త్రిపలా నీటితో కళ్ళను కడగండి పచ్చ గడ్డి మీద చెప్పులు లేకుండా నడవండి కపాల భాతి ప్రాణాయామం చేస్తూ చూపుడువేలు బొటనవేలు మధ్యభాగాన్ని అరచేతిలో నొక్కుతూ ఉండండి ఇలా చేయడం వల్ల మీ కంటి చూపు మెరుగవుతుంది కళ్ళజోడు తొలగిపోతుంది కంటికి సంబంధించి అన్ని వ్యాధుల్ని తొలగించుకోవచ్చు ఐగ్రిట్ చిన్నపిల్లల కైతే ఒక్కొక్క మాత్ర వాడండి కంటి చూపు ఎందుకు తగ్గిపోతుంది అని వివరాలు చెప్పారు చాలాకాలం జలుబు చేయడం వల్ల కూడా కళ్ళు పాడవుతాయి. జుట్టు తెల్లబడిపోతుంది అలాగే వాతం వల్ల కూడా కంటి ఆరోగ్యం పాడవుతుంది #తెలుసుకుందాం #🩺ఆరోగ్య జాగ్రత్తలు #👨🏻‍⚕️ఆరోగ్య చిట్కాలు #🏋️‍♀️హెల్త్ టిప్స్

ఈ సోషల్ మీడియా వచ్చాక మనుషులు దగ్గరయ్యారో లేదో తెలియదు కానీ మాటలు మాత్రం చాలా దిగజారిపోయాయి ఒకప్పుడు సరదా చిలిపి మాటలు ఉండేవి ఆ సరదా మధ్యనే పరిచయాలు పెరిగేవి స్నేహాలు మొదలయ్యేవి ఎవరో ఒకరు కామెంట్ చేస్తే మరొకరు నవ్వుతూ రిప్లై ఇచ్చేవారు అలా తెలియకుండానే మనుషుల మధ్య బంధాలు ఏర్పడేవి ఆ మాటల్లో హద్దు ఉండేది మర్యాద ఉండేది మనసులు గెలిచే అమాయకత్వం ఉండేది 🥺 కానీ ఇప్పుడు అదే కామెంట్స్ లో చెత్త మాటలు అసభ్యమైన పదాలు అవమానాలు మాత్రమే ఎక్కువ కనిపిస్తున్నాయి వంగటం మింగటం దే***** ఇలాంటివి నేను రాయగలిగిన కొన్ని మాత్రమే నిజం చెప్పాలంటే ఒక ఆడపిల్లగా ఇంకా చాలామంది వాడే కొన్ని పదాలు నేను పలకలేను, రాయలేను కూడా ఇప్పుడు రాతలు, కామెంట్, మాటలు వీటి చుట్టూ నే తిరుగుతున్నాయి, జనాలు కూడా ఇలా పెట్టేవారి ని చాలా ఎంకరేజ్ చేస్తున్నారు, ఇప్పుడు చాలామందికి ఎంత చెత్తగా మాట్లాడితే అంత ఫన్ ఎంత అసభ్యంగా ఉంటే అంత ట్రెండ్ కానీ వాళ్లు మర్చిపోతున్న విషయం ఒక్కటే ఒకప్పుడు మాటలు మనుషుల్ని దగ్గర చేసేవి ఇప్పుడు అదే మాటలు మనుషుల్ని శత్రువులుగా మారుస్తున్నాయి చిన్న చిన్న కామెంట్స్ తో మొదలైన గొడవలు ఇప్పుడు కొట్లాటలు అవుతున్నాయి స్నేహాలు విరిగిపోతున్నాయి కుటుంబాలు బాధపడుతున్నాయి కేసులు దాకా కూడా వెళ్తున్నాయి ఒక కామెంట్ కోసం ఒక సరదా కోసం మనిషి తన సంస్కారం మొత్తాన్ని కోల్పోతున్నాడు బాధ ఏంటంటే ఇవన్నీ చూస్తూ పెరుగుతున్న పిల్లలు రేపటి సమాజం వాళ్లు మంచి మాటలు కాదు మన కామెంట్స్ లోని చెత్త భాష నేర్చుకుంటున్నారు తర్వాత ఈ తరం పాడైపోయింది అని చెప్పేముందు ఒక్కసారి మనమే మన సోషల్ మీడియా భాష చూసుకోవాలి ఎందుకంటే భాష చనిపోవడం ఒక్కరోజులో జరగదు ఇలాగే చిన్న చిన్న చెత్త మాటలతో మొదలవుతుంది #💗నా మనస్సు లోని మాట #నేటి లోకం తీరు...!! #నేటి ప్రపంచంలో జరుగుతుంది ఇదే...😇 #నేటి ప్రపంచం 😠 #sad reality of life😔

#తెలుసుకుందాం 🫂🫂 WOMAN HELPLINE NUMBERS 🫂🫂