*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 🌷🌷ఏప్రిల్ 26🌷🌷 *“నీవు నాకుండగా లోకములోనిది ఏదియు నాకక్కర లేదు”(కీర్తనలు 73:25)* ప్రభువు ఏలాగున ఉన్నాడో ఆలాగున మనమాయనను చూచుట లేదు గనుకనే ఓడిపోయిన జీవితము జీవించుదుము. మన కన్నులు స్థిరముగా ఒక వైపు చూడక ఒక కన్ను ప్రభువు మీద, ఒక కన్ను లోకము మీద ఉంచుదుము. చాలా సంవత్సరముల క్రిందట అలహబాదులో నేనొక దుకాణదారుని చూచితిని. అతడు దుకాణములో ఒక ప్రక్కన విగ్రహములను ఉంచెను. ఇంకొక ప్రక్క తాను అమ్ము వస్తువులైన పంచదార, బియ్యము, మొదలగు వాటి నుంచెను. ఎవరైనను కొనుటకు వచ్చిన యెడల వారి పని చూచెడివాడు, మరల అటు ప్రక్కకు పోయి విగ్రహములను పూజించుటకు వచ్చిన వారి పని చూచెడివాడు. తెలివిగా రెండు పనులు చేసెడివాడు. అతనికి ఖాతాదారులను ఏ విధముగా మోసగించవలెనో తెలియును, అదే సమయములో ఎట్లు విగ్రహములను పూజించవలెనో కూడ తెలియును. కొంతమంది విశ్వాసుల విషయము కూడా అంతే. వారు ఒక కన్ను ప్రభువు మీద, ఇంకొకటి వేరొక దాని మీద ఉంచుదురు. అందుచేతనే వారు ఆత్మీయముగా గ్రుడ్డివారగుదురు. నీవు నిజముగా ఆయనను చూడగోరిన యెడల, నీ కన్నులు ఆయన మీదనే ఉంచవలెను. మనతో ఏ సంబంధము లేని వ్యక్తుల వైపు, వస్తువుల వైపు చూచుచు మన సమయమును వ్యర్ధపుచ్చుదుము. అందుచేతనే మన జీవితము గొడ్డుబారి యుండును. అపొస్తులడైన పౌలు వంటి వారు కూడ మోసగించబడిరి. మన ప్రభువు యోహానును ప్రేమించెను. అతనికి చూపించవలసినది, ఇవ్వవలసినది ఎంతో వున్నది. ఏ గ్రంధములో లేని మర్మములను మనము ప్రకటనలో కనుగొనగలము, గాని అవన్నియు ఎంతో నిరుత్సాహముతో చెరసాలలో ఉన్న యోహానుకు అతని వృద్దాప్యమందు బయలుపరచబడెను. అప్పుడే అతడు ఎవరు చూడని విషయములను చూడగలిగెను. దేవుడు అతనికి పరలోకమంతటిని, ఆయన రాజ్యమంతటిని చూపించగలిగెను. ఇట్టి ఆధిక్యత మనకును గలదు. మన ప్రభువు తానే మత్తయి 13:17 లో ఈ మర్మములు మీకు బయలుపరచబడుచున్నవి అని చెప్పెను. కంటికి కనబడనివి, చెవికి వినబడనివి, మనుష్య హృదయమునకు గోచరము కానివి, 1 కొరింతి. 2:9,10 ప్రకారము మనకు బయలుపరచ బడుచున్నవి, గాని చూచు కన్నులను, విను చెవులను మనము కలిగియుండవలెను. అయితే ముఖ్య విషయమేమనగా, మన కన్నులు మోసగించబడి అనేకమైన వాటివైపు త్రిప్పబడుచున్నవి. నిన్ను ఆకర్షించు వస్తువులేవి? నీవు నీ భార్య, బిడ్డలతో బజారుకు వెళ్లితివి అనుకొనుము. నీవు అనేక దుకాణములు దాటి వెళ్లుచుండవచ్చును. నీవు ఎప్పుడైతే మిఠాయి దుకాణమును, బొమ్మల దుకాణమును సమీపించుదువో నీ బిడ్డ గట్టిగా “నాన్నా” అని పిలచి ఆ మిఠాయి దుకాణమును, బొమ్మల దుకాణమును చూపించును. ఆ బిడ్డకు ఆ వస్తువులయందే ఆసక్తి. మీరు చీరల దుకాణమును దాటి వెళ్ళుచుండగా నీ భార్య “ఆ అందమైన చీరను చూడుము” అని నీతో చెప్పును. ఆ విధముగా మనమందరము ఎక్కువ ఇష్టపడు వస్తువుల ద్వారా ఆకర్షించబడుదుము. ఆయన వైపుకు మాత్రమే ఆకర్షింపబడు కన్నులు ప్రభువు నీకిచ్చెనని చెప్పగలవా? లేనియెడల కీర్తనాకారునివలె కీర్తన 119:18 లో ఉన్నట్లు “నేను చూచునట్లు నీవు నా కన్నులు తెరువుము” అని ప్రార్ధించ వలెను. చూచు కన్నుల నిమ్మని నీవు ప్రభువు నడుగవలెను. అప్పుడు నీవు యెన్నడును చూడని విధముగా యేసుప్రభువు యొక్క మహిమా సౌందర్యములను చూచుదవు. యేసు వైపు చూదుము, ఆయన వైపే చూచుచుండుము మరియు ఏ స్త్రీ గాని, పురుషుడు గాని, మరి ఏదైనను నీ దృష్టిని ఆయన నుండి తొలగించనీయకుము. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝

*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఏప్రిల్ 25🌷🌷* *“ మనలను ప్రేమించిన వాని ద్వారా మనము వీటన్నిటిలో అత్యధిక విజయము పొందుచున్నాము ” (రోమ 8: 37)* ఆయనను, ఆయన మహిమను మనము స్పష్టముగా చూడవలెనని ప్రభువు కోరుచున్నాడు. ఆయన ఉన్నట్లుగా ఆయనను చూడక, ఆయనను తెలిసి కొనవలసినంతగా తెలిసికొనక పోవుటచేతనే మనము అనేక కష్టముల నెదుర్కొనుచున్నాము. మనము ఎప్పుడు నిరుత్సాహము, నిరాశ, ఓటమిలో నున్నట్లు భావించుదుమో, అపుడు మనకు సరియైన పరిష్కారము ఒకటి కలదు. అది, యేసు క్రీస్తు ప్రభువు వైపు తిరిగి, ఆయన నూతన ప్రత్యక్షతను పొందుటయే. ప్రపంచమంతటి లోని క్రైస్తవ ప్రజలందరూ తమలో పరిశుద్ధత లేదను విషయమును ఎరుగుదురు. దేవుని ప్రజలలో జీవమునుగాని, శక్తినిగాని, మనము చూడలేక పోవుచున్నాము. అయినప్పటికిని మన ప్రభువిట్లు చెప్పుచున్నాడు, “నేను చేయు క్రియలు, నా యందు విశ్వాసముంచు వాడును చేయును వాటి కంటె మరి గొప్పవియు అతడు చేయును” (యోహాను 14:12) మరల ఆయనిట్లనెను, “ఇదిగో నేను యుగ సమాప్తి వరకు సదాకాలము మీతో కూడా ఉన్నాను”. యేసు క్రీస్తు నిన్న, నేడు, ఒక్కటే రీతిగా నున్నాడు” అని హెబ్రి. 13:8 లో చదువుచున్నాము. దేవుని వాక్యములోని ఈ వచనములు దాదాపు ప్రతి క్రైస్తవుడు ఎరిగినవే అనియు మన దేవుడు ఎన్నడును తప్పిపోడనియు చూపించుచున్నవి. అయితే మనము తప్పిపోయిన వారము గనుక ఆయన శక్తిని పొందలేకున్నాము. తన ప్రజలపై సాతాను చేయు ప్రతిదాడిని మన ప్రభువు ముందుగానే ఎరిగి యున్నాడు. అందుచేతనే ఆయన మనకు అనేక హెచ్చరిక మాటలు చెప్పెను. శత్రువు బలవంతుడు గనుక నేను ఓడించబడుదునని మనము తలంచరాదు. మన ప్రభువు, “ధైర్యము తెచ్చుకొనుడి, నేను లోకమును జయించి యున్నాను” అని స్పష్టముగా చెప్పుచున్నాడు. కేవలము ఆయన వలననే, ఆయన ద్వారానే విజయమును పొందగలము. విజయవంతమైన క్రైస్తవ జీవితమును అనుభవించక మునుపు ఆయన విషయమైన స్పష్టమైన దృష్టి మనకవసరమై యున్నది. అత్యధిక విజయము పొందునట్లు మనము ఏ విధముగా ప్రభువైన యేసుక్రీస్తు యొద్దకు రావలెనో దానిని ప్రకటన గ్రంధములో చూచుచున్నాము. ఈ గ్రంధములోని వర్తమానము, సంపూర్ణ విజయమును గూర్చిన వర్తమానమే. నూతన సృష్టిలోని సమస్తమును పొందుటకు, మనము పొందిన ప్రతి నష్టమును తిరిగి సమకూర్చుకొనుటకు ఈ విజయము మనలను అర్హులనుగా చేయును. మనము దేనిని పోగొట్టుకొనుటకు ఇష్టపడము, అయినప్పటికిని మనము పోగొట్టుకొనుట అనునది తప్పక జరుగును. మనము నిర్లక్ష్యము వలన, దొంగిలించబడుట వలన, మరచిపోవుట వలన పోగొట్టుకొందుము. మనము పోగొట్టుకొనినవి అనేకములు. ఒక దినమున ఎవరో నీ యెద్దకు వచ్చి “ అయ్యా, నీవు నాతో వచ్చి, నీవు పోగొట్టుకొనిన వాటన్నిటిని చూడుము” అని నీతో చెప్పిరి అనుకొందుము. అప్పుడు నీవు అతనితో వెళ్లి, నీవు పోగొట్టుకొనిన వన్నియు కనుగొని తిరిగి అవి క్రొత్తగా అగుటను చూచితివి అనుకొనుము. అప్పుడు నీవు అధికముగా సంతోషించవా? “ప్రభువుకు స్తోత్రము, నేను పోగొట్టుకొనిన వన్నియు సంపాదించు కొంటిని” అని అందువు. అదే వర్తమానమును నీవు ప్రకటన గ్రంధములో చూచెదవు. ఆదాము, హవ్వలు ఏదేను తోటలో చేసిన పాపము మొదలుకొని, సమస్త నష్టము సమకూర్చబడుటను నీవు చూచెదవు. పాపము యొక్క శాపమును బట్టి మానవ జాతి సమస్తమును కోల్పోయెను. మనము నష్టపడిన దానినంతటిని సమకుర్చుటకే యేసుక్రీస్తు ప్రభువు ఈ లోకమునకు వచ్చెను. మన ప్రభువు అద్భుతములు చేయును. పాపము చేత పతనమైన మన జీవితములను ఆయన పరిపూర్ణమైనవిగా చేయును. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝