*అలసిన వానిని ఊరడించు మాటలు*
🍞🍞🍞🍞🍞🍞🍞🍞🍞
*సహోదరుడు భక్త సింగ్ గారి పరిచర్య నుండి సేకరించిన అనుదిన ధ్యానములు*
🍇🍇🍇🍇🍇🍇🍇🍇🍇
*🌷🌷ఫిబ్రవరి 15🌷🌷*
*ఆయన "తన శిష్యులవైపు చెయ్యి చాపి - ఇదిగో నా తల్లియు, నా సహోదరులును.. అనెను" ( మత్తయి 12:49)*
యోసేపు తన ఇద్దరు కుమారులను యాకోబు యొద్దకు తీసికొనివచ్చినప్పుడు, అతడు తన చేతులను వారి తలమీద ఉంచెను (ఆది 48:14) ఆలాగున చేయుట ద్వారా, అతడు ఆ బాలురను తన కుటుంబమంతటితో ఐక్య పరచుకొని ఇట్లు చెప్పుచున్నాడు, "మీరు ఐగుప్తులో జన్మించినప్పటికిని, మీరు నా కుమారులు. మీరు నా కుటుంబమునకు చెందినవారు. దేవుడు, అబ్రాహామునకును అతని సంతానమునకును ఇచ్చిన ఆశీర్వాదములలో ఇప్పుడు మీకు సమాన భాగము కలదు". అతడు వారి తల మీద తన చేతులుంచుట ద్వారా కూడా వారికీ ఈలాగున జ్ఞాపకము చేయుచున్నాడు, "నా కుమారులారా, (మనుమలారా), ఇప్పుడు మీరు ఐగుప్తు ఐశ్వర్యమును, మహిమను చూచి మోసపోకుడి, దేవుడు మీకు అబ్రాహాము యొక్క పిల్లలతోపాటు ఆత్మీయమైన, నిత్యమైన స్వాస్థ్యమును ఇచ్చెను", కావున తలమీద చేతులుంచుట (హస్త నిక్షేపణ) ద్వారా ప్రభువైన యేసు క్రీస్తు యొక్క ప్రశస్త రక్తముచే కొనబడిన దేవుని పిల్లలతో మన ఆత్మీయ ఏకత్వమును మరియు సంబంధమును బయలుపరచుచున్నాము. *నీ పట్టణములో అనేకమంది ఉండవచ్చును గాని, కేవలము యేసు క్రీస్తు ప్రభువును ఎరిగినవారే నీ సహోదరులు, నీ సహోదరీలు. మత్తయి 12: 50 లో మన ప్రభువు, "పరలోక మందున్న నా తండ్రి చిత్తము చొప్పున చేయువాడే నా సహోదరుడును, నా సహోదరియు, నా తల్లియుననెను". తల మీద చేతులుంచుటలో జాతి లేక సంస్కృతి లేక విద్య బేధము లేకుండా మనము ప్రభువును ప్రేమించువారికి చెందినవారమని వెల్లడి చేయుచున్నాము.* మనము ఒకే కుటుంబమునకు చెందినవారము. మనము లోకము మరియు దాని ఆకర్షణలచే ఎంత మాత్రమును మోసపోకూడదు. కావున హస్త నిక్షేపణ యొక్క మొదటి ప్రాముఖ్యత ఏమనగా, ఇతర విశ్వాసులతో మన ఆత్మీయ సంబంధమును తెలియజేయుచున్నది.
రెండవదిగా, హస్త నిక్షేపణ ద్వారా యేసు ప్రభువు యొక్క సమర్పణతో కూడిన మరణముతో మన ఐక్యతను వెల్లడి చేయుచున్నాము. "అతడు దహన బలిగా అర్పించు పశువు తల మీద తన చెయ్యి నుంచవలెను. అతని నిమిత్తము ప్రాయశ్చిత్తము కలుగునట్లు అది అతని పక్షముగా అంగీకరింపబడును"( లేవీయ. 1:4), ఎవరైనను ఎప్పుడైనను ప్రత్యక్ష గుడారము యొక్క ద్వారము నొద్దకు అర్పణను తెచ్చినప్పుడు, అతడు ఆ పశువు తలమీద తన చేతులుంచి, తన పాపములను ఒప్పుకొనును. తరువాత పశువు చంపబడి బలిపీఠముపై అర్పించబడును. ఆ పశువు యొక్క తలమీద తన చేతులుంచుట ద్వారా అతడు, "ఈ పశువు నా స్థానమున మరణించబోవు చున్నది" అని చెప్పుచున్నాడు. అతడు తనంతట తాను లోపలికి వెళ్ళలేడు . అతని స్థానములో పశువు వధించబడి, అర్పణగా లోపలికి తీసికొనిపోబడును . అదే రీతిగా విశ్వాసముద్వారా యేసు ప్రభువు మనకు బదులుగా మరణించెనని వెల్లడి చేయుచున్నాము. కావున హస్త నిక్షేపణ ద్వారా యేసు ప్రభువు యొక్క మరణములో మన ఆత్మీయ ఐక్యతను తెలియ జేయుచున్నాము.
Please share
🙏🏼Praise the LORD.🙏🏼
#📝అనుదిన వాక్యము #⛪దేవుని వాక్యము ✝
