*అలసిన వానిని ఊరడించు మాటలు*
🍞🍞🍞🍞🍞🍞🍞🍞🍞
*సహోదరుడు భక్త సింగ్ గారి పరిచర్య నుండి సేకరించిన*
*అనుదిన ధ్యానములు*
🍇🍇🍇🍇🍇🍇🍇🍇🍇
*🌷🌷మార్చి 6🌷🌷*
*"నశించుపోవు సువర్ణము అగ్ని పరీక్ష వలన శుద్ధపరచ బడుచున్నది గదా? దానికంటే అమూల్యమైన మీ విశ్వాసము ఈ శోధనలచేత పరీక్షకు నిలిచినదై, యేసు క్రీస్తు ప్రత్యక్షమైనప్పుడు మీకు మెప్పును మహిమయు ఘనతయు కలుగుటకు కారణమగును" (1 పేతురు 1:7)*
ఏఫోదు, బంగారు తీగెలతో (దారంతో) నేయబడును. మొట్టమొదటిగా, బంగారము కరిగింపబడి ఏడుసార్లు శుద్ధి చేయు అగ్ని ద్వారా వెళ్లవలెను. క్రిందనున్న అగ్ని బంగారమును కరిగించును. దాని పైని అగ్ని బంగారములోని కల్మషమును తొలగించును. అదే విధముగా శ్రమలు, హింసలు అను అగ్ని విశ్వాసి జీవితమును శుద్ధి చేసి, దేవుని మహిమ కనబడునట్లుగా చేయును. కాబట్టి *లోకముచేత నీవు తృణీకరించబడి, ద్వేషించబడి, హింసించబడిన యెడల ఆశ్చర్య పడకుము. నిన్ను స్వచ్ఛమైన బంగారంగా చేయగోరి దేవుడు నీ జీవితములో అగ్ని వంటి అనుభవములను అనుమతించును.*
పోత పోయబడిన బంగారము సుత్తెతో కొట్టబడి, బంగారపు పళ్ళెముగా చేయబడును. తరువాత అది సన్నని తునకలుగా చేయబడును. ప్రతి సన్నని తునక మొదట ఇనుప పళ్లెములోని పెద్ద రంధ్రముద్వారా దూర్చబడును. తరువాత దానికంటే చిన్నదైన రంధ్రము ద్వారా దూర్చబడును. ఈ విధముగా అది ఆ ఇనుప పళ్లెములోని అన్ని రంధ్రముల ద్వారా దూర్చబడి చిట్టచివరకు అతి చిన్న రంధ్రముద్వారా దూర్చబడి బంగారు దారముగా బయటకు వచ్చును. ఆ దారమే ఏఫోదు నేయుటకు ఉపయోగపడును. మనము బంగారు కడ్డీతో నేయలేము. గనుకనే అది అనేక విధములైన చర్యల ద్వారా వెళ్ళవలసి వచ్చును. ఆ బంగారము అగ్నిలో కరిగించబడవలెను, సుత్తెతో కొట్టబడవలెను, ముక్కలుగా కోయబడవలెను, అనేక రంధ్రముల ద్వారా దూర్చబడవలెను. ఆ తరువాతనే చిట్టచివరకు అది సన్నని బంగారపు దారముగా అగును.
దీనినంతటి నుండి విశ్వాసులముగా మనము నేర్చుకొనునదేమనగా, *మనము శ్రమల ద్వారా వెళితేనే గాని క్రీస్తువలె కాజాలము. ఎవరికైతే కఠిన అనుభవములు, కష్టములు ఉండవో వారు కఠినాత్ములుగా, దయలేని వారుగా నుందురు. వారి సాత్వికులుగా, దీనులుగా, దయగలవారిగా ఉండరు గనుకనే వారు యేసుక్రీస్తు ప్రభువు యొక్క సుగుణములను కనబరచలేరు. వారు కష్టముల ద్వారా వెళ్లిన తరువాత, సాత్వికులుగా, దీనులుగా నగుదురు.* బహుశా నీవు గమనించి ఉండవచ్చును, ఏ వ్యక్తియైతే అధికమైన శ్రమానుభవము ద్వారా వెళ్ళునో అతడు దూషించబడినను ఏ మాత్రము కోపమును కనబరచడు. ఎవరైనను అతనిని ద్వేషించినను, శపించినను అతడు లక్ష్యపెట్టడు గాని ఎవరైతే సుఖముగా జీవించిరో అట్టివారు చిన్నమాటకే ఎంతో మనస్సు నొప్పించుకొందురు. క్రీస్తువలె మనము కూడా దయ, సాత్వికము, జాలి గలవారముగా అగుటకే దేవుడు మనలను కష్టములు, పరీక్షలు అను శుద్ధిచేయు అగ్ని ద్వారా తీసికొని వెళ్ళును.
Please share
🙏🏼Praise the LORD.🙏🏼
#📝అనుదిన వాక్యము #⛪దేవుని వాక్యము ✝
