ഒരു ക്രിസ്മസ്സ് രാത്രി.നാടും നഗരവും എങ്ങും അലങ്കര വിളക്കിൽ കുളിച്ചു നിൽക്കുന്നു.ഈ സമയത്ത് ആ പ്രദേശത്തെ ഒൻപത് കുട്ടികൾ ചേർന്ന് ഒളിച്ചു കളിക്കുകയായിരുന്നു.കുട്ടികൾ കളിക്കുന്നതിനിടയിൽ അവിടെയുള്ള സാധനങ്ങൾ തട്ടി താഴെ ഇട്ടു.അത് കണ്ട അവരുടെ രക്ഷിതാക്കൾ വഴക്ക് പറഞ്ഞു.നിങ്ങൾ എന്തിനാണ് ഇവിടെ നിന്ന് കളിക്കുന്നത്?നിങ്ങൾക്ക് ആ ഗ്രൗണ്ടിൽ പോയ്‌ കളിച്ചൂടെ.ഇത് കേട്ട കുട്ടികൾ ഗ്രൗണ്ടിൽ പോയി കളിക്കാൻ തീരുമാനിച്ചു.എന്നാൽ അതിൽ ഒരു കുട്ടി പറഞ്ഞു അവിടെ എങ്ങനെയാണ് ഒളിച്ചു കളിക്കുന്നത്? അവിടെ ഒളിച്ചിരിക്കാൻ ഒരു സ്ഥലവും ഇല്ല.നമ്മൾക്ക് ആ അരുവി കരയിൽ പോയി കളിക്കാം.അവിടെ ഒളിച്ചിരിക്കാൻ കുറ്റി കാടും മരങ്ങളും പാറകളും ഉണ്ട്.അവൻ പറഞ്ഞത് ശെരിയാണ് എന്ന് തോന്നിയ ബാക്കി എട്ടു പേരും യോജിച്ചു.ശെരി നമ്മൾക്ക് അവിടെ പോയി കളിക്കാം.എന്നാൽ അവർക്ക് അറിയില്ലലോ അവരെ അവിടെ കാത്തിരിക്കുന്നത് വലിയൊരു അപകടം ആണെന്ന്.അവർ ഇപ്പോഴുള്ള സ്ഥലത്ത് നിന്ന് അര കിലോമിറ്റർ അകെലെയാണ് ആ അരുവി ഉള്ളത്.അവർ അവിടെ ചെന്ന് കളിക്കാൻ തുടങ്ങി.അവരിൽ ഒരു ആൺകുട്ടി കണ്ണ് പോത്തി എണ്ണാൻ തുടങ്ങി.ഒന്ന് രണ്ട് മൂന്ന് ഈ സമയം ബാക്കി കുട്ടികൾ മരത്തിന്റെ പിറകിലും പാറയുടെ പിറകിലും ഒളിച്ചിരിക്കാൻ തുടങ്ങി. എന്നാൽ രണ്ട് കുട്ടികൾ അരുവിയുടെ അടുത്തുള്ള മണൽ കുന്നിന്റെ പിറകിൽ ആണ് ഒളിച്ചത്.അവർ പരസ്പരം സംസാരിക്കുന്നുണ്ട്.അവൻ എന്റെ ഭാഗത്തു കൂടി ആണ് വരുന്നത് എങ്കിൽ ഞാൻ നിനക്ക് സിഗ്നൽ തരും നിന്റെ ഭാഗത്ത് കൂടിയാണ് അവൻ വരുന്നെങ്കിൽ നിയും സിഗ്നൽ തരണം.ഒരു കാരണവശാലും അവൻ നമ്മളെ കാണരുത്.എണ്ണിയ അവൻ തിരിഞ്ഞു നോക്കി ഓരോരുത്തരെ അവൻ കണ്ടത്തി.വളരെ പെട്ടെന്ന് തന്നെ അവൻ ആറു പേരെയും കണ്ടത്തി.ഇനി കണ്ടെത്താൻ ഉള്ളത് അരുവിയുടെ അടുത്തു ഒളിച്ചിരിക്കുന്ന ആ രണ്ടു കുട്ടികളെ മാത്രം.അവൻ കണ്ടതിയ 6 പേരും ഉച്ചത്തിൽ വിളിച്ചു പറഞ്ഞു നിങ്ങൾ ഇവന്റെ മുന്നിൽ വരരുത് എന്ന് നിങ്ങൾ ഒളിച്ചിരിക്ക് ഇവൻ തോൽവി സമ്മതിക്കുമ്പോൾ പുറത്തു വാ ഇത് കേട്ട അവർക്ക് ഉത്സാഹമായി.പെട്ടെന്ന് അതിൽ ഒരുവൻ പറഞ്ഞു നിന്റെ ഭാഗത്തു കൂടിയാണ് അവൻ വരുന്നത്.കുറച്ചു ഉള്ളിലോട്ട് നി ഒളിച്ചിരിക്ക് .അത് കേട്ട് അവൻ അരുവിയുടെ അരികെ പോയി ഒളിച്ചിരുന്നു.അവന്റെ രണ്ട് കാലും അരുവിക്ക് അകത്തു ആണ്.അരുവിയിൽ നിന്ന് ആരോ ഒരാൾ തന്നെ തുറിച്ചു നോക്കുന്നത് ആയി അവന് തോന്നി.തിരിഞ്ഞു നോക്കിയപ്പോൾ അവിടെ ആരുമില്ല.എന്നാൽ വെള്ളത്തിന് കുറച്ചു ഇളക്കമുണ്ട് അവൻ കരുതി അവന്റെ കൂടെ ഉള്ളവനും വെള്ളത്തിൽ ഇറങ്ങി എന്നാണ്.ആരോ തന്റെ കാലിൽ പിടിച്ചു വലിക്കും പോലെ അവന് തോന്നി.ഒരു പക്ഷെ കൂടെ വന്ന ചങ്ങാതി എന്നെ പേടിപ്പിക്കൻ ശ്രമിക്കുന്നത് ആകും എന്ന് അവൻ കരുതി.പെട്ടെന്ന് കൂട്ടുകാരൻ ഒളിച്ചിരുന്ന അവിടെ നിന്നു സംഭാഷണം കേട്ട് ഞാൻ എല്ലാവരെയും കണ്ടത്തി ഇനി ഒരുത്തൻ മാത്രമേ കണ്ടെത്താൻ ഉള്ളു.ഇത് കേട്ടപ്പോൾ അവന് മനസിലായി കൂട്ടുകാരൻ അരുവിയിൽ ഇറങ്ങിട്ടില്ല.അപ്പോൾ എന്റെ കാലിൽ പിടിച്ചത് ആരാണ്?അവൻ വെള്ളത്തിൽ നിന്ന് കരയിൽ കയറാൻ നോക്കി.എന്നാൽ അവന്റെ രണ്ട് കാലും വെള്ളത്തിലെ ചളിയിൽ കുടുങ്ങി പോയി.അത് കൊണ്ട് അവന് കരയിൽ കയറാൻ കഴിഞ്ഞില്ല.ഈ സമയം വെള്ളത്തിലൂടെ ആരോ ഒരാൾ നീങ്ങി തന്റെ നേർക്ക് വരുന്നത് പോലെ അവന് തോന്നി.സൂക്ഷിച്ചു നോക്കിയപ്പോൾ അതൊരു സ്ത്രീയാണ്.കൂടാതെ വെള്ള വസ്ത്രവും ധരിച്ചിട്ടുണ്ട്.അവൻ ഉറപ്പിച്ചു ഇതൊരു സാധാരണ മനുഷ്യ സ്ത്രീ അല്ല.അവൻ അതിന്റെ മുഖത്തേക്ക് നോക്കിയപ്പോൾ മുഖം വികൃതമാണ് ആ സ്ത്രീ മോനെ മോനെ എന്ന് വിളിച്ചു കരയുന്നുമുണ്ട്.അവൻ പേടിച്ചു പോയി.ഉച്ചത്തിൽ നില വിളിക്കാൻ നോക്കി.എന്നാൽ ഒരു ശബ്ദവും അവനിൽ നിന്ന് പുറത്തേക്ക് വന്നില്ല.അവന്റെ ഉള്ളിലെ ഭയം കൂടി.അവൻ ശക്തമായി കൈകൾ കൊണ്ട് വെള്ളത്തിൽ അടിച്ചു ശബ്ദം ഉണ്ടാക്കി കൂട്ടുകാരെ അറിയിക്കാൻ നോക്കി.എന്നാൽ അങ്ങനെ ചെയ്യും മുന്നേ ആ സ്ത്രീ അവനെ വലിച്ചു അരുവിയുടെ ആഴങ്ങളിലേക്ക് കൊണ്ട് പോയി.ഈ കാര്യങ്ങൾ ഒന്നും കരയിൽ ഉള്ള കൂട്ടുകാർക്ക് അറിയില്ലായിരുന്നു.അവർ കളി മതിയാക്കി സമയം ഏഴ് മണി ആയി ഇനിയും ഇവിടെ നിന്നാൽ മതാപിതാക്കൾ വഴക്ക് പറയും.അത് കൊണ്ട് നി എവിടെയാണ് ഒളിച്ചിരിക്കുന്നത് വേഗം പുറത്തേക്ക് വാ ഞാൻ തോൽവി സമ്മതിച്ചു അവർ ഇങ്ങനെ വിളിച്ചു പറഞ്ഞു.എന്നാൽ അവിടെ നിന്ന് അവന്റെ ഒരു ഉത്തരവും കിട്ടിയില്ല.നിങ്ങൾ രണ്ട് പേരും അല്ലേ ഒരുമിച്ചു ഒളിച്ചത് എന്നിട്ട് നിനക്ക് അറിയില്ലേ.അവൻ പറഞ്ഞു നി കുറച്ഛ് നീങ്ങി നിൽക്കാൻ ഞാൻ അവനോട് പറഞ്ഞു ഒരു പക്ഷെ അവൻ ആ അരുവിയിൽ കാണും നമ്മള്ക്ക് അവിടെ പോയി നോക്കാം.അവരെല്ലാം അരുവി കരയിൽ എത്തി.എന്നാൽ അവനെ അവിടെ കണ്ടില്ല.അതിൽ രണ്ട് പേര് അരുവിയിൽ ഇറങ്ങി നോക്കി അവനെ കണ്ടില്ല.അരുവിയുടെ ഒരു വശത്തു വെള്ള വസ്ത്രം ധരിച്ച ആരോ ഒരാൾ നിൽക്കുന്നത് പോലെ അവരിൽ ഒരാൾ കണ്ടു.എന്നാൽ അത് അവൻ ആകാം സാധ്യത എന്ന് പറഞ്ഞപ്പോൾ മറ്റുള്ളവർ പറഞ്ഞു അവൻ ഇന്ന് ഇട്ടത് നീല വസ്ത്രം ആണ് അത് അവൻ ആകാൻ സാധ്യത ഇല്ല.പെട്ടെന്ന് അരുവിയിലെ വെള്ളത്തിന് വലിയ രീതിയിൽ ഇളക്കം സംഭവിക്കുന്നത് അവർ കണ്ടു.അത് അവൻ ആകാം അവൻ അപകടത്തിൽ പെട്ടെന്ന് സംശയമുണ്ട് നമ്മൾക്ക് അവനെ രക്ഷിക്കണം.അതിൽ രണ്ട് കുട്ടികൾ ഓടി പോയി രക്ഷിതാക്കളെ നാട്ടുകാരെയും വിളിച്ചു കൊണ്ട് വന്നു.അവർ അവിടെ വന്നു കുട്ടികളെ വഴക് പറഞ്ഞു നിങ്ങൾ എന്തിനാണ് ഈ സമയത്തു ഇവിടെ വന്ന് കളിച്ചത്.ഇവിടെ അവളുടെ ശല്യം ആണെന്ന് അറിയില്ലേ?എത്ര പേരാണ് ഇവിടെ മുങ്ങി മരിച്ചത്?നാട്ടുകാരും രക്ഷിതാക്കളും അരുവി അരിച്ചു പെറുക്കി എന്നാൽ അവനെ മാത്രം കണ്ടെത്താൻ കഴിഞ്ഞില്ല.അത് അങ്ങനെ ആണല്ലോ ആത്മാവിന്റെ കയ്യിൽ അകപെട്ട മനുഷ്യ ജീവൻ എങ്ങനെ രക്ഷപെടനാണ്.ഇത് പോലെ എത്രയോ കുട്ടികളയാണ് അവൾ കൊണ്ട് പോയത് ആ കരയുന്ന പെണ്ണ്..... #പ്രേത കഥകളിൽ

#പ്രേത കഥകളിൽ 16 വയസ്സുള്ള അവൾ ഒരു സ്കൂൾ കുട്ടിയാണ്.രണ്ട് സഹോദരിയും ഒരു സഹോദരും ആണ് അവൾക്ക് ഉള്ളത്.അച്ഛൻ ചെറുപ്പത്തിൽ മരിച്ചു പോയി.അമ്മ അടുത്തുള്ള വീട്ടിൽ ജോലിക്ക് പോയാണ് അവരെ വളർത്തുന്നത്.അത് കൊണ്ട് സഹോദരങ്ങളുടെ എല്ലാം കാര്യങ്ങളും നോക്കുന്നത് മൂത്ത മകളായ അവളാണ്.ഒരു ദിവസം സൂര്യഗ്രഹണതെ കുറിച്ചു ടീച്ചർ ക്ലാസ് എടുക്കുകയാണ്.അന്ന് സൂര്യഗ്രഹണം ആയിരുന്നു.സൂര്യഗ്രഹണ സമയത്തു പിശാശുക്കൾക്ക് ശക്തി വർധിക്കും എന്നും ഇതിനെ കുറിച്ചു പല മതങ്ങളിലും പറഞ്ഞിട്ട് ഉണ്ടെന്നും ടീച്ചർ പറഞ്ഞു.ശേഷം സൂര്യഗ്രഹണം കാണാൻ മുകളിൽ അവസരം ഒരുക്കിട്ടുണ്ട് എന്നും എല്ലാ കുട്ടികളും മുകളിൽ ചെല്ലാൻ അറിയിപ്പ് വന്നു.ക്ലാസ്സിലെ കുട്ടികൾ എല്ലാം മുകളിലേക്ക് പോയി.എന്നാൽ അവളും വേറെ രണ്ട് കുട്ടികളും കൂടി മറ്റൊരു റൂമിലേക്ക് പോയി.ബാഗിൽ ഉണ്ടായിരുന്ന ഓജോ ബോർഡ് എടുത്തു ടേബിളിൽ വെച്ചു കയ്യിൽ കരുതിരുന്ന മെഴുകു തിരി കത്തിച്ചു വെച്ചു.എന്നിട്ട് അവർ നിലത്തിരുന്നു.അവരുടെ ഉദ്ദേശം മൂന്ന് മാസങ്ങൾക്ക് മുൻപ് ബൈക്ക് അപകടത്തിൽ മരിച്ചു പോയ അവരുടെ കൂട്ടുകാരനെ അല്ലങ്കിൽ അവളുടെ അച്ഛനോടോ സംസാരിക്കാൻ ആയിരുന്നു.ഇതൊന്നും നടക്കുമോ എന്നറിയില്ല എന്നാൽ എങ്ങനെ ഓജോ ബോർഡിൽ കൂടി ആത്മാവിനോട് സംസാരിക്കാൻ പറ്റും എന്നുള്ള ഒരു ബുക്ക് അവരുടെ കയ്യിലുണ്ടായിരുന്നു.അതിൽ പറഞ്ഞത് പോലെ അവർ ചെയ്തു.ഓജോ ബോർഡിന് മുന്നിൽ ഒരു ഗ്ലാസ്സ് കമിഴ്ത്തി വെച്ചു.മൂന്ന് പേരും അതിൽ കൈ വെച്ചു.മന്ത്രങ്ങൾ ഉരുവിട്ടു.പെട്ടെന്ന് ആ ഗ്ലാസ്സ് നീങ്ങാൻ തുടങ്ങി അവർ ഭയപ്പെട്ടു.എന്നാലും ധൈര്യം സംഭരിച്ചു അവർ ചോദിച്ചു.ആരാ നിങ്ങൾ ?പേര് പറയു നിങ്ങൾ ഇവിടെ ഉണ്ടെന്ന് അറിയാം.പേര് മാത്രം പറഞ്ഞാൽ മതി.ശേഷം ആ ഗ്ലാസ്സ് അതിലുള്ള അക്ഷരങ്ങളിൽ ചലിച്ചു.എന്നിട്ട് സൂര്യന്റെ പടമുള്ള അവിടെ നിന്നു.പെട്ടെന്ന് ഗ്ലാസ്സ് ചൂടായി കൂട്ടുകാരികൾ പേടിച്ചു കൈ വലിച്ചു എന്നാൽ അവൾ മാത്രം കൈ വലിച്ചില്ല.ആ ഗ്ലാസ്സ് ചൂടായി അത് പൊട്ടി തെറിച്ചു.അവളുടെ കയ്യിൽ നിന്നും രക്തം വന്നു.എന്നാൽ അവൾ ഒന്നും അറിയുന്നുണ്ടായിരുന്നില്ല.അടുത്തിരുന്ന മെഴുകു തിരി മറിഞ്ഞു ആ ബുക്ക് കത്തി.ഇപ്പോൾ ആ മുറി മുഴുവനും ഇരുട്ട് ആണ്.കൂട്ടുകാരികൾ നോക്കുമ്പോൾ അവൾ ബോധം പോയി നിലത്തു കിടക്കയാണ്.അതിൽ ഒരുവൾ ടീച്ചറെ വിളിക്കാൻ പോയി അവൾക്ക് കൂട്ടായി ഒരു കൂട്ടുകാരി മാത്രം.നിലത്തു കിടന്ന് കൊണ്ട് അവൾ എന്തൊക്കെയോ പറയുന്നുണ്ട്.കൂട്ടുകാരി ചെവി അവളുടെ ചുണ്ടുകളിലേക്ക് ചേർത്തു അവൾ പറയുന്നത് കേട്ട് കൂട്ടുകാരി ഭയന്നു. കാരണം മൂന്ന് ദിവസങ്ങൾക്കുള്ളിൽ അവൾ മരണപ്പെടും എന്നാണ്.പെട്ടെന്ന് അവൾ ഉറക്കെ കരഞ്ഞു കൊണ്ട് എഴുന്നേൽക്കുകയും പെട്ടെന്ന് ബോധം പോകുകയും ചെയ്തു.പിന്നെ അവൾ കണ്ണ് തുറക്കുന്നത് ഡോക്ടറുടെ മുന്നിലാണ് പേടിക്കേണ്ട ബ്ലഡ്‌ പ്രെഷർ കുറഞ്ഞത് കൊണ്ടാണ് ബോധം പോയത് വീട്ടിൽ എത്തിയതിന് ശേഷം അവൽ തന്റെ ഓജോ ബോർഡ് അടങ്ങിയ ബാഗ് സുരക്ഷിതമായി റൂമിലെ തട്ടിൽ കയറ്റി വെച്ചു എന്നിട്ട് ഹാളിലേക്ക് അവൾ പോയി.അപ്പോഴാണ് അവൾ റൂമിൽ നിന്ന് ശബ്ദം കേട്ടത്. തിരിച്ചു വന്നു നോക്കുമ്പോൾ ആ ബാഗ് നിലത്തു കിടക്കുന്നത് ആണ് അവൾ കണ്ടത്.അവൾ ആ ബാഗ് എടുത്തു തട്ടിൽ വെച്ചു അത് വീണ്ടും നിലത്തു വീണ്.അപ്പോഴാണ് അവൾ മനസ്സിലായത് ആ ആത്മാവ് ഇപ്പോഴും തന്നോടൊപ്പം ഉണ്ടെന്ന്.ആ ബാഗ് ആരും കാണാതിരിക്കാൻ അവളുടെ കിടക്കയുടെ അടിയിൽ വെച്ചു.അതിന് ശേഷം ഭക്ഷണം കഴിക്കാൻ ഹളിലേക്ക് ചെന്നു.അവിടെ സഹോദരനും സഹോദരിമാരും ഭക്ഷണം കഴിക്കുന്നു.എന്നാൽ അവൾ കഴിക്കാൻ നേരം അവളുടെ കൈകൾ വിറക്കുന്നു.അത് കണ്ട് അവർ ഭയന്ന്.തനിക്ക് എന്തോ സംഭവിച്ചിരിക്കുന്നു.എന്താണ് എന്ന് അറിയില്ല ഏതോ ഒരു അദൃശ്യ ശക്തി തന്നോടൊപ്പം ഉണ്ട്.പിന്നീട് അവൾ ഉറങ്ങാൻ കിടന്നു.എന്തോ ഒരു ശബ്ദം കേട്ടു അവൾ ഉണർന്നു.നോക്കുമ്പോൾ അപ്പുറത്തെ മുറിയിൽ കിടന്നിരുന്ന തന്റെ സഹോദരങ്ങൾ തന്റെ മുറിയിലെ ഒരു മൂലയിൽ ഭയന്ന് വിറച്ചു ഇരിക്കുന്നു.നി എന്താണ് അവിടെ ഇരിക്കുന്നത് അവൾ ചോദിച്ചു.എന്നാൽ അവൻ ചോദ്യം കേട്ട മട്ടില്ല.അവൻ മറ്റൊരു മൂലയിലേക്ക് നോക്കി പേടിച്ചിരിക്കുന്നു.അവൾ മൂലയിൽ നോക്കിയപ്പോൾ മുഖം ഇല്ലാത്ത ഒരു ഇരുണ്ട രൂപം തന്റെ നേർക്ക് നീങ്ങി വരുന്നുണ്ട്.അത് അവളുടെ പേര് വിളിക്കുന്നുണ്ട്.കൈ കാലുകൾ കണ്ടപ്പോൾ അവൾക്ക് തോന്നി മരിച്ചു പോയ അച്ഛൻ ആണെന്ന്.അച്ചാ എന്താ ഇവിടെ എന്നു ചോദിച്ചതും ആ രൂപം അവൾക്ക് നേരെ ചാടി വീണ്.എന്നിട്ട് അവളെ കഴുത്തു ഞെരിച്ചു ആ സമയം അവൾ ഉറപ്പിച്ചു ഓജോ ബോർഡ് ഉപയോഗിച്ചു ഞങ്ങൾ വിളിച്ചു വരുത്തിയ ആത്മാവ് തിരിച്ചു പോയിട്ടില്ല.പിറ്റേ ദിവസം അവൾ സ്കൂളിലേക്ക് പോയി .അ ഇരുണ്ട മുറിയിലേക്ക് ചെന്നു.അവിടെ അച്ഛന്റെ ഫോട്ടോ മറന്നു വെച്ചിരുന്നു.അത് എടുത്തു തിരിച്ചു വരാൻ നേരം പിറകെ നിന്ന് അന്ധായായ ഒരു സ്ത്രീ അവളെ വിളിച്ചു.നിങ്ങൾക്ക് കണ്ണ് കാണില്ലല്ലോ പിന്നെ എങ്ങനെയാ എന്നെ വിളിച്ചത്?അവൾ ചോദിച്ചു.എനിക്ക് നിന്നെ കാണം. നി അപകടത്തിലാണ്.നിന്റെ സഹോദരങ്ങളും ആപത്തിലാണ്.അവരെ നി രക്ഷിക്കണം നിന്നോടൊപ്പം ഉള്ള ആത്മാവ് നിന്റെ അച്ഛന്റെ അല്ല.നി എന്താണോ ചെയ്തത് അത് ശെരിയായി ചെയ്യുക ഇത്രയും പറഞ്ഞി കൊണ്ട് ആ സ്ത്രീ എവിടേയ്ക്കോ മാഞ്ഞു പോയി.ആ സ്ത്രീ അവസാനം പറഞ്ഞത് അവൾക്ക് മനസ്സിലായില്ല.അന്നെ ദിവസം രാത്രി തന്റെ സഹോദരങ്ങളുടെ റൂമിലേക്ക് ഒരു ഇരുണ്ട രൂപം പോകുന്നതായി കണ്ടു.അതിന്റെ പിന്നാലെ അവളും പോയി നോക്കുമ്പോൾ സഹോദരങ്ങളുടെ കഴുത്തിൽ പിടിച്ചു ഞെരിക്കുന്നത് ആണ് അവൾ കണ്ടത്.അവൾ അതിന്റെ കൈകൾ പിടിച്ചു മാറ്റാൻ നോക്കി.ഉറക്കം ഉണർന്ന സഹോദരങ്ങൾ കണ്ടത് സ്വന്തം ചേച്ചി ഞങ്ങളുടെ കഴുത്തിൽ പിടിച്ചു ഞെരിക്കുന്നതാണ്.അവൾ പറഞ്ഞു ഞാൻ അല്ല ഒരു ഇരുണ്ട രൂപം നിന്നെ അപായപ്പെടുത്താൻ നോക്കി ഞാൻ നിന്നെ രക്ഷിച്ചതാണ്.അതിന് ശേഷം അവൾ അവരെ കൂട്ടി തന്റെ റൂമിൽ കിടത്തി.അപ്പോഴാ അവൾ ആ അന്ധായ സ്ത്രീ പറഞ്ഞ അവസാന വാക്ക് ഓർത്തത്.എന്താണോ നി ചെയ്തത് അത് ശെരിയായി ചെയ്യുക.അവൾ പിറ്റേന്ന് ഒരു ഓജോ ബോർഡ് ബുക്ക് വാങ്ങി വായിച്ചു പഠിച്ചു.ചെയ്തത് എല്ലാം ശെരിയാണ് എന്നാൽ അവസാന ഭാഗത്തു തെറ്റു പറ്റി.ആത്മാവിനെ ഓജോ ബോർഡ് ഉപയോഗിച്ചു വിളിച്ചു വരുത്തി അത് തിരിച്ചു പോകാൻ നമ്മൾ ഗുഡ് ബൈ എന്നു പറയണം.ഇവിടെ ഞാൻ ഗുഡ് ബൈ പറഞ്ഞില്ല.ഗുഡ് ബൈ എന്ന് പറഞ്ഞു ആ ആത്മാവിനെ തിരിച്ചു അയക്കാത്തത് കൊണ്ട് അത് ഇന്നും എന്നോടൊപ്പം ഉള്ളത്.അവൾ മനസ്സിലാക്കി.അവൾ തന്റെ രണ്ട് കൂട്ടുകാരികളോട് പോയി കാര്യം പറഞ്ഞു.നമ്മൾ ഇത് വീണ്ടും ചെയ്യണം എന്നിട്ട് ആത്മാവിനെ ഗുഡ് ബൈ പറഞ്ഞു തിരിച്ചു വിടണം.എന്നാൽ ആദ്യ സംഭവത്തിൽ പേടിച്ചു പോയ അവർ അതിന് ധൈര്യപ്പെട്ടില്ല.അവർ അവളെ മടക്കി അയച്ചു.അവൾക്ക് എങ്ങനെ എങ്കിലും ഇത് ചെയ്തേ പറ്റൂ.കാരണം എന്നോടൊപ്പം അത് ഉണ്ട് അത് എനിക്കും സഹോദരങ്ങൾക്കും ആപത്തു ആണ്.അങ്ങനെ അവൾ ഒറ്റക്ക് ഓജോ ബോർഡ് ഉപയോഗിച്ചു ചെയ്യാൻ ആരംഭിച്ചു.അന്ന് തന്നോട് ഒപ്പം രണ്ട് പേരുണ്ടായിരുന്നു.ഇന്ന് ഞാൻ ഒറ്റക്ക് അത് കൊണ്ട് അവൾ തന്റെ സഹോദരിമാരെ കൂടെ പിടിച്ചു അടുത്തു ഇരുത്തി.ആ ഗ്ലാസിനു മുകളിൽ അവർ മൂന്ന് പേരും കൈ വെച്ചു എന്നിട്ട് മന്ത്രങ്ങൾ ഉരുവിട്ടു.ഭയത്തോടെ അവൾ ചോദിച്ചു ആരാണ് ഇവിടെ ഉള്ളത്?ആരായാലും ഇത് ഞങ്ങളുടെ വീടാണ്.ഇവിടെ നിന്ന് പുറത് പോകുക.പെട്ടെന്ന് അവിടെ ഉണ്ടായിരുന്ന സാധനങ്ങൾ നിലത്തു വീഴാൻ തുടങ്ങി(തുടരും)

#🤩 എന്റെ ആദ്യ പോസ്റ്റ് #🙋‍♀️ എൻ്റെ സ്റ്റാറ്റസുകൾ #🌞 ഗുഡ് മോണിംഗ്