#Deen ki Baten #💖💖islamic post💖💖 #अल्लाहु अकबर #🕋Quran Aur Hadees ( قرآن اور حدیث ) 🕋 #قرآن و احادیث کی باتیں *✴️ قرآنی تحریری کورس* *🌟 انبیاء علیہ السلام کی دعوت و جدوجہد قرآنِ مجید کی آیات کی روشنی میں 🌟* *سبق: پہلا وآخری حضرت ادریس علیہ السلام* *✴️ تمہید* انسانی تاریخ کے ابتدائی دور میں جب توحید کی روشنی کمزور پڑنے لگی، اور دنیا میں فکری و اخلاقی انحراف کے آثار ظاہر ہونے لگے، اللہ تعالیٰ نے حضرت ادریس علیہ السلام کو مبعوث فرمایا۔ یہ وہ زمانہ تھا جب حق اور باطل کے درمیان حد فاصل واضح کرنا، اور انسان کو اس کے رب سے جوڑنا دعوتِ ایمان کی بنیادی ضرورت بن چکا تھا۔ حضرت ادریس علیہ السلام اسی ضرورت کے تحت ایک عظیم داعی، نبی اور رہنما کے طور پر سامنے آئے۔ قرآن میں حضرت ادریس علیہ السلام کا ذکر *﴿وَاذْكُرْ فِي الْكِتَابِ إِدْرِيسَ ۚ إِنَّهُ كَانَ صِدِّيقًا نَّبِيًّا﴾* اور کتاب میں ادریس کا ذکر کرو، بے شک وہ بہت سچے نبی تھے۔ یہ آیت حضرت ادریس علیہ السلام کی اصل پہچان واضح کرتی ہے کہ دعوتِ ایمان کی بنیاد سچائی، صدق اور نبوت پر قائم ہوتی ہے، نہ کہ کسی ظاہری طاقت یا دنیاوی حیثیت پر۔ *﴿وَرَفَعْنَاهُ مَكَانًا عَلِيًّا﴾* اور ہم نے انہیں بلند مقام عطا فرمایا۔ یہ بلندی صرف جسمانی یا مکانی نہیں بلکہ روحانی، ایمانی اور دعوتی مقام کی بلندی ہے، جو صرف اللہ کے خالص بندوں کو نصیب ہوتی ہے۔ ✴️*حضرت ادریس علیہ السلام کی دعوت کا مرکزی پیغام* حضرت ادریس علیہ السلام نے اپنی قوم کو اللہ کی واحدانیت، اطاعتِ رب، اور عملی تقویٰ کی طرف بلایا۔ ان کی دعوت کا امتیاز یہ تھا کہ وہ قول کے ساتھ عمل، اور علم کے ساتھ کردار کو لازم سمجھتے تھے۔ اسی لیے روایات میں آتا ہے کہ وہ پہلے نبی تھے جنہوں نے تحریر، حساب اور نظمِ زندگی کی تعلیم دی، تاکہ انسان کی دنیا اور دین دونوں درست ہوں۔ قوم کی فکری حالت معتبر تاریخی روایات کے مطابق حضرت ادریس علیہ السلام کے زمانے میں دنیا میں اخلاقی بگاڑ، دنیا پرستی اور غفلت بڑھنے لگی تھی۔ لوگ عبادت کو چھوڑ کر خواہشات کے پیچھے چلنے لگے تھے، اور اللہ کی ہدایت کو نظرانداز کیا جا رہا تھا۔ ایسے ماحول میں حضرت ادریس علیہ السلام کی دعوت حق اور باطل کے درمیان واضح لکیر تھی۔ ✴️*دعوتِ ایمان کا اسلوب* حضرت ادریس علیہ السلام نے اپنی دعوت میں نرمی، حکمت اور مسلسل محنت کو اختیار کیا۔ وہ صرف زبان سے نہیں بلکہ اپنے عمل سے اللہ کی بندگی کا نمونہ پیش کرتے تھے، تاکہ حق بات دلوں میں اتر جائے۔ یہی اسلوب ہر دور کے داعی کے لیے رہنما اصول ہے۔ ✴️*غور و فکر اور عمل کے نکات* *1۔* دعوتِ ایمان کی بنیاد صدق، اخلاص اور اللہ سے مضبوط تعلق پر ہوتی ہے، یہی اصل قوت ہے۔ *2۔* بلند مقام وہی حاصل کرتا ہے جو دنیا میں اللہ کے دین کے لیے جھک جاتا ہے۔ *3۔* علم اگر عمل کے بغیر ہو تو دعوت اثر کھو دیتی ہے، اور عمل اگر علم کے بغیر ہو تو گمراہی بن جاتا ہے۔ *4۔* ابتدائی انبیاء کی سیرت یہ سکھاتی ہے کہ معاشرتی بگاڑ کے دور میں بھی اصلاح ممکن ہے، بشرطیکہ دعوت مسلسل ہو۔ *5۔* ہر انسان، خواہ کسی بھی حال میں ہو، قرآن کے پیغام پر غور کر کے اپنے رب کی طرف رجوع کر سکتا ہے، یہی دعوتِ ایمان کا مقصد ہے۔ ✴️ *اختتامی خلاصہ* حضرت ادریس علیہ السلام کا سبق ہمیں یہ یاد دلاتا ہے کہ دعوتِ ایمان صرف زبان کا عمل نہیں بلکہ کردار، صبر اور مسلسل جدوجہد کا نام ہے۔ جو شخص اللہ کے دین کے لیے کھڑا ہوتا ہے، اللہ اس کا مقام بلند فرما دیتا ہے، اور یہی کامیابی دنیا و آخرت کی اصل کامیابی ہے۔ *👆🏻پیغام کو عام کریں، اور تمام اسباق اپنے پاس لکھ کر محفوظ کرتے جائیں*

#अल्लाहु अकबर #Deen ki Baten #💖💖islamic post💖💖 #🌻🕌🤲 दुरुद शरीफ की फजीलत🤲🕌🌻 #durood un pr salam un pr *۔۔۔۔ایک درود پچاس انعام۔۔۔۔* *💫 یوم الجمعہ یاد دہانی دورود پاک کی کثرت 💫* 🌹🌹🌹🌹🌹 ❤️❤️❤️❤️❤️ اللَّهُمَّ صَلِّ عَلَى سَيِّدِنَا مُحَمَّدٍ وَآلِهِ وَسَلَّمُ تَسلیما.. ایک بار درود و سلام پڑھنے پر کم از کم پچاس انعامات ملتے ہیں شاہی انعامات بلکہ شہنشاہی انعامات, دس خصوصی رحمتیں ، دس نیکیاں، دس درجے، دس گنا ہوں کی معافی اور دس غلام آزاد کرنے کا اجر درود و سلام ایک " دعاء ہے جو حضرت آقا مدنی صلی اللہ علیہ وسلم کے لئے اللہ تعالیٰ سے مانگی جاتی ہے، یہ عبادت ہے جو خالص اللہ تعالیٰ کی رضا کے لئے کی جاتی ہے، دینے والا صرف اللہ تعالی ہے فرشتوں کو بھی وہی دیتا ہے اور پیغمبروں کو بھی وہی۔ مانگنا صرف اللہ تعالی سے جائز اور کسی سے نہیں واياك نَعْبُدُ وَإِيَّاكَ نَسْتَعِينُ) درود و سلام اللہ تعالی کی وہ عبادت ہے جس میں حق شناسی بھی ہے اور احسان شناسی بھی۔ سب سے بڑھ کر یہ کہ اس میں عشق بھی ہے اور وفا بھی کہ ہم اللہ تعالیٰ کے بندے اور اس کے آخری نبی حضرت محمد ﷺ کے حق کو مانتے ہیں، احسان کو مانتے ہیں ان سے عشق و وفا رکھتے ہیں، ان کے لئے اللہ تعالی سے رحمت اور سلام مانگتے ہیں۔ ہمارے اوپر حضرت آقا مدنی ﷺ کے احسانات بے شمار ہیں۔ ہم حضرت آقا سے جس قدر قریب ہوں گے ہمیں اسی قدر اللہ تعالیٰ کا زیادہ قرب ملے گا اور والہانہ درود و سلام اس قرب کا ایک بہترین ذریعہ ہے۔۔ *صَلَّى اللهُ عَلَيْهِ وَسَلَّمَ صَلَّى اللهُ عَلَيْهِ وَسَلَّمَ صَلَّى اللهُ عَلَيْهِ وَسَلَّمَ۔* *السلام عليك ايها النبي ورحمه الله وبركاته 🫀* 👆🏻💐*مقابلہ حسن شروع ہو چکا ہے جمعہ کی رات اور جمعہ کے دن کثرت سے درود وسلام اور سورۃ الکہف کی تلاوت کرنا ہرگز نہ پھولیں۔ شکریہ🫀جزاک اللہ خیرا*🌹

#💖💖islamic post💖💖 #ramazan #Deen ki Baten #अल्लाहु अकबर #Ramazan mubarak *رمضان المبارک کے 03 گھنٹے بہت قیمتی ہیں، پس اگر آپ انکی حفاظت کریں تو یہ 03 گھنٹے ماہ رمضان کے آخر تک 90 گھنٹے ہوجائیں گے* *یہ تین گھنٹے:* *۱ افطار کا گھنٹہ:* افطاری جلدی تیار کیجئے اور دعا کیلئے وقت نکالئے کیونکہ روزه دار کی دعا اسوقت رد نہیں ہوتی لہذا خود اپنے لئے، عزیزوں اور مرحومین کیلئے دعا کریں- *۲ دوسرا گھنٹہ :* رات کا آخری گهنٹہ پس خداوندعالم سے خلوت کریں کہ اللہ آواز دیتا ہے کیا کوئی درخواست کرنے والا ہے کہ میں قبول کروں ، کیا کوئی استغفار کرنے والا ہے کہ میں اسکو معاف کردوں پس اسوقت تم استغفار کرو- *۳ تیسرا گھنٹہ:* صبح کی نماز کے بعد سے سورج نکلنے تک مصلے پر بیٹھے رہنا اور ذکر خدا کرنا- یہ 90 گھنٹے ہیں ان اوقات کا قیمتی بنائیں , ذکر خدا کریں اور غیبت سے دوری ... نماز پنجگانہ اور نافلہ بجا لائیں کہ صرف 30 دن ہیں اور بہت جلدی گزر جائیں گے- تین دعائیں  پڑهنے کیلئے ابھی سے یاد کر لیں: 1- *اللهم إنی أسألك حسن الخاتمة* 2- *اللهم ارزقني توبة نصوحه قبل الموت* 3- *ياالله یارحمن یارحیم یا مقلب القلوب ثبّت قلبي علي دينك*

#Ramazan mubarak #💖💖islamic post💖💖 #Deen ki Baten #अल्लाहु अकबर 🌙🌹*❤️‍🩹 ماہِ رمضان المبارک تقویٰ کے حصول کا بہترین ذریعہ*✨ *قسط نمبر 11.* *(۸) "گناہوں سے پرہیز.."* رمضان المبارک میں خاص طور پر گناہوں سے پرہیز کرنا نہایت ضروری ہے، ہر *موٴمن* کو یہ طے کر لینا چاہیے کہ اس برکت ورحمت اور مغفرت کے مہینے میں آنکھ، کان اور زبان غلط استعمال نہیں ہوگی، جھوٹ، غیبت، چغل خوری اور فضول باتوں سے مکمل پرہیز کرے، یہ کیا روزہ ہوا کہ روزہ رکھ کر فون وٹیلی ویژن کھول کر بیٹھ گئے اور فحش وگندی فلموں سے وقت گزاری ہو رہی ہے، کھانا، پینا اور جماع جو حلال تھیں ان سے تو اجتناب کر لیا لیکن مجلسوں میں بیٹھ کر کسی کی غیبت ہو رہی ہے، چغل خوری ہو رہی ہے، جھوٹے لطیفے بیان ہو رہے ہیں، اس طرح روزے کی برکات جاتی رہتی ہیں۔۔ حضرت ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: *مَنْ لَمْ یَدَعْ قَوْلَ الزُّوْرِ وَالْعَمَلَ بِہٖ فَلَیْسَ لِلہِ حَاجَةٌ فِیْ اَن یَّدَعَ طَعَامَہ وَشَرَابَہ۔ (صحیح بخاری ۱/۲۵۵) ترجمہ: جو آدمی روزہ رکھتے ہوئے باطل کام اور باطل کلام نہ چھوڑے تو اللہ تعالیٰ کو اس کے بھوکا پیاسا رہنے کی کوئی ضرورت نہیں۔* یعنی روزے کے مقبول ہونے کے لیے ضروری ہے کہ آدمی کھانا پینا چھوڑنے کے علاوہ معصیات ومنکرات سے بھی زبان ودہن اور دوسرے اعضاء کی حفاظت کرے، اگر کوئی شخص روزہ رکھے اور گناہ کی باتیں اور گناہ والے اعمال کرتا رہے تو اللہ تعالیٰ کو اس کے روزے کی کوئی پروا نہیں۔ (معارف الحدیث۴/۰۰۰۰) *ایک اور حدیث شریف میں حضرت ابوہریرہ رضی اللہ تعالیٰ عنہ سے مروی ہے کہ رسول اللہ صلی اللہ علیہ وسلم نے ارشاد فرمایا: رُبَّ صَائِمٍ لَیْسَ لَہ مِنْ صِیَامِہ اِلَّا الْجُوْعُ وَرُبَّ قَائِمٍ لَیْسَ لَہ مِنْ قِیَامِہ اِلَّا السَّھْرُ۔ (سنن ابن ماجہ حدیث ۱۶۹۰۔ سنن نسائی حدیث ۳۳۳۳) ترجمہ: بہت سے روزہ رکھنے والے ایسے ہیں کہ ان کو روزے کے ثمرات میں سے بھوکا رہنے کے علاوہ کچھ بھی حاصل نہیں ہوتا، اور بہت سے شب بیدار ایسے ہیں کہ ان کو رات کے جاگنے (کی مشقت) کے سوا کچھ بھی حاصل نہیں ہوتا۔* مطلب یہ ہے کہ آدمی اگر گناہوں (غیبت وریا وغیرہ) سے نہ بچے تو روزہ، تراویح اور تہجد وغیرہ سب بیکار ہے۔ حضرت ابوعبیدہ بن الجراح رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: *اَلصَّوْمُ جُنَّةٌ مَالَمْ یَخْرِقْھَا۔ (نسائی شریف حدیث ۲۲۳۳، مسند احمد حدیث ۱۶۹۰) ترجمہ: روزہ آدمی کے لیے ڈھال ہے جب تک اس کو پھاڑ نہ ڈالے۔* یعنی روزہ آدمی کے لیے شیطان سے، جہنم سے اور اللہ کے عذاب سے حفاظت کا ذریعہ ہے، جب تک گناہوں (جھوٹ وغیبت وغیرہ) کا ارتکاب کرکے روزے کو خراب نہ کرے۔. حضرت عائشہ صدیقہ رضی اللہ تعالیٰ عنہا سے مروی ایک حدیث شریف میں ہے کہ اگر روزے دار سے کوئی شخص بدکلامی اور جھگڑا وغیرہ کرنے کی کوشش کرے تو روزے دار کہہ دے کہ میرا روزہ ہے۔ یعنی میں ایسی لغویات میں پڑ کر روزے کی برکات سے محروم ہونا نہیں چاہتا۔ (صحیح بخاری ۱/۲۵۴، حدیث ۱۸۹۴، صحیح مسلم حدیث ۱۱۵۱) ان تمام احادیث شریفہ کا مدعا یہ ہے کہ روزے کے مقصد (تقویٰ) اور رمضان المبارک کی برکتوں اور رحمتوں کے حصول کے لیے معصیات ومنکرات سے پرہیز نہایت ضروری ہے، اس کے بغیر تقوے کی سعادت سے متمتع نہیں ہو سکتا۔ *دُعا ہے اللہ تعالیٰ ہم سب کو اپنی رحمت سے ان تمام باتوں پر عمل کرنے کی توفیق عطا فرمائے، رمضان المبارک کی قدردانی کی توفیق بخشے اور اس بابرکت مہینے کے اوقات کو صحیح طور پر خرچ کرنے کی توفیق نصیب فرمائے، آمین ثم آمین یا رب العالمین!*

#Ramazan mubarak #💖💖islamic post💖💖 #Deen ki Baten #अल्लाहु अकबर #mah-e-ramazan ki fazilat *💫 رمضان کی عظمت، حرمت اور فضیلت!! 💫* *سلسلہ پوسٹ آخری 11.* ماہ رمضان المبارک میں غریبوں، یتیموں ، بیواؤں اور مسکینوں کے ساتھ ایثار اور ہمدردی کا معاملہ کیا جائے، ان پر سخاوت کی جائے، یہ اس لیے کہ ایک تو ان کا حق ہے اور دوسرا اس لیے کہ صدقہ وخیرات کرنے سے ممکن ہے کہ اللہ کے کسی بندے کا دل خوش ہو جائے تو اللہ تعالیٰ اس کو قبول فرمائے اور ہمارا مقصد پورا ہو جائے۔ یا ہو سکتا ہے ہماری عبادت، ہماری تلاوت، ہماری نمازوں میں کوئی کمی رہ گئی ہو یا اس قابل نہ ہوں کہ وہ قبولیت کامقام حاصل کر سکیں تو اللہ تعالیٰ کی راہ میں خرچ کرنے سے ممکن ہے کہ اللہ تعالیٰ انہیں قبول فرمالیں۔ اس لیے اس ماہ میں ہمیں پوری طرح خیرات وصدقات کی طرف متوجہ ہونا چاہیے۔ بہرحال اس کی عظمتوں، برکتوں اور خصوصیتوں کا تقاضا یہ ہے کہ اس کی حرمت کا پورا لحاظ رکھے کہ رمضان اللہ تعالیٰ کا شاہی مہمان ہے، جو ہمارے پاس بوجھ بن کر نہیں، رحمت کی موج بن کر آتا ہے، اس لیے اس کے منافی کوئی کام نہ کریں۔ علماء نے لکھا ہے کہ:’’ ایک یہودی نے اپنے بیٹے کو رمضان کے دن میں کھاتے دیکھا تو اُسے مارا کہ تونے اس کی حرمت کو باقی نہ رکھا، کہتے ہیں کہ پھر اسی ہفتہ اس کا انتقال ہو گیا تو شہر کے کسی عالم نے خواب میں دیکھا کہ وہ جنت میں ہے، تعجب سے پوچھا: ’’میاں! تم یہاں کیسے؟ ‘‘ تو اس نے کہا: ’’جب میری موت کا وقت آیا تو حرمتِ رمضان کی وجہ سے مجھے کلمہ پڑھا کر مشرف باسلام کر دیا گیا، اور الحمد للہ! میرا خاتمہ ایمان پر ہوا۔‘‘ (نزہۃ المجالس ، مترجم: ۳۲۵۱) اللہ تبارک وتعالیٰ ہمیں رمضان المبارک کی قدر کرنے کی توفیق عطا فرمائے، ہماری تمام عبادات کو قبول فرمائے اور آخرت میں حضور اکرم صلی اللہ علیہ وسلم کی شفاعت کے طفیل جنت الفردوس نصیب فرمائے۔ آمین وصلّٰی اللّٰہ تعالٰی علٰی خیر خلقہٖ سیدنا محمد وعلٰی آلہٖ وصحبہٖ أجمعین