ଆଜଠୁ ଲାଗୁହେବ ନୂଆ ନିୟମ । ଡିସେମ୍ୱର ପହିଲାରୁ ନୂଆ ନିମୟ ଲାଗୁ ହେବାକୁ ଯାଉଛି । ରନ୍ଧନ ଗ୍ୟାସ୍ ଦର ଏବଂ ବିମାନ ଯାତ୍ରା ଖର୍ଚ୍ଚ ବଦଳିପାରେ । ସରକାରୀ କର୍ମଚାରୀ, କରଦାତା ଓ ପେନସନଭୋଗୀ ପ୍ରଭାବିତ ହୋଇପାରନ୍ତି ।  ପ୍ରତିମାସରେ ଧାର୍ଯ୍ୟ କରାଯାଉଥିବା ରନ୍ଧନ ଗ୍ୟାସର ମୂଲ୍ୟ ଡିସେମ୍ବର ମାସରେ ବଦଳିବ । ଏହା ଅଧିକ ବା କମ୍ ହୋଇପାରେ । ଇପିଏଫ୍‌ ନିୟମରେ ପରିବର୍ତ୍ତନ । ନ୍ୟାସନାଲ ପେନସନ୍‌ ସ୍କିମ – ଏନପିଏସରୁ ୟୁନିଫାଏଡ୍ ପେନସନ୍‌ ସ୍କିମ ବା ୟୁପିଏସ୍କୁ ସ୍ଥାନାନ୍ତରର ଶେଷ ତାରିଖ ଥିଲା  ନଭେମ୍ବର ୩୦। ଏହା ପରେ ୟୁପିଏସ୍ ଆଉ ସ୍ଥାନାନ୍ତର  ହୋଇପାରିବ ନାହିଁ ।ପେନସନଭୋଗୀଙ୍କ ପାଇଁ ଜୀବିତ ପ୍ରମାଣପତ୍ର ଆଉ  ଗ୍ରହଣ କରାଯିବ ନାହିଁ । ପେନସନ ପାଇବାରେ ସମସ୍ୟା ସୃଷ୍ଟି ହୋଇପାରେ । କର ସମ୍ବନ୍ଧୀୟ ଫର୍ମ ଦାଖଲର ଶେଷ ତାରିଖ ନଭେମ୍ବର ୩୦ ଥିଲା । ଏହାପରେ ଦାଖଲ ହୋଇପାରିବ ନାହିଁ। ଫର୍ମ ଦାଖଲ କରି ନଥିଲେ ଦଣ୍ଡ ବା ନୋଟିସ୍ ଜାରି ହୋଇପାରେ । ଡିସେମ୍ବର ୧ ତାରିଖରୁ ବିମାନ ଟର୍ବାଇନ୍ ଇନ୍ଧନ ଦରରେ ପରିବର୍ତ୍ତନ ହୋଇପାରେ । ମୂଲ୍ୟ ବୃଦ୍ଧି ହେଲେ ବିମାନ ଟିକେଟ୍ ମହଙ୍ଗା ହେବ। ପିଏନଜି ଓ ସିଏନଜି ବଦଳିବା ସମ୍ଭାବନା ଅଛି । #📢ଆଜିଠୁ ବଦଳିବ ସବୁ ନିୟମ🔴

ଯଦି ଆପଣ ହ୍ୱାଟ୍ସଆପ୍, ଟେଲିଗ୍ରାମ ଏବଂ ସ୍ନାପଚଟ୍ ଭଳି ମେସେଜିଂ ଆପ୍ ବ୍ୟବହାର କରନ୍ତି ତେବେ ଏହି ଖବର ଆପଣଙ୍କ ପାଇଁ ସ୍ୱତନ୍ତ୍ର । ଭାରତ ସରକାର ସମ୍ପ୍ରତି ମେସେଜିଂ ଆପରେ ଏକ ବଡ଼ ପରିବର୍ତ୍ତନ ଆଣିବାକୁ ପ୍ରସ୍ତୁତ ହେଉଛନ୍ତି।ସରକାର ଏବେ ଟେଲିକମ୍ କମ୍ପାନୀଗୁଡ଼ିକ ଦ୍ୱାରା ଲାଗୁ କରାଯାଇଥିବା ଭଳି ମେସେଜିଂ ଆପ୍ ଉପରେ କଠୋର ନିୟମ ଲାଗୁ କରିବାକୁ ପ୍ରସ୍ତୁତ ହେଉଛନ୍ତି। ଏହା ସିଧାସଳଖ ହ୍ୱାଟ୍ସଆପ୍, ଟେଲିଗ୍ରାମ ଏବଂ ସିଗନାଲ ଭଳି ପ୍ଲାଟଫର୍ମର ବ୍ୟବହାରକାରୀଙ୍କୁ ପ୍ରଭାବିତ କରିପାରେ।ଭାରତ ସରକାରଙ୍କ ଦୂରସଂଚାର ବିଭାଗ (DoT) ଏକ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶନାମା ଜାରି କରିଛି । DoT ସମସ୍ତ ମେସେଜିଂ ପ୍ଲାଟଫର୍ମକୁ ନିର୍ଦ୍ଦେଶ ଦେଇଛି ଯେ, ଉପଭୋକ୍ତାମାନେ ସେମାନଙ୍କ ଡିଭାଇସରେ ସକ୍ରିୟ ସିମ୍ କାର୍ଡ ବିନା ସେମାନଙ୍କର ସେବା ବ୍ୟବହାର ନକରିବା ପାଇଁ।ସରକାରଙ୍କ ନୂତନ ନିୟମ ଅନୁଯାୟୀ, ମେସେଜିଂ ଆପ୍ ଏବେ କେବଳ ସକ୍ରିୟ ସିମ୍ କାର୍ଡ ଥିବା ଡିଭାଇସରେ ଚାଲିପାରିବ। ଏହାର ଅର୍ଥ ହେଉଛି ଚାଟିଂ, କଲ୍ କରିବା କିମ୍ବା ସକ୍ରିୟ ସିମ୍ ବିନା ୱେବ୍ ସଂସ୍କରଣ ବ୍ୟବହାର କରିବା କଷ୍ଟକର ହେବ।ସରକାର ଦାବି କରୁଛନ୍ତି ଯେ, ଏହି ପଦକ୍ଷେପ ସାଇବର ଠକେଇକୁ ରୋକିବା ଏବଂ ବ୍ୟବହାରକାରୀଙ୍କ ପରିଚୟ ଟ୍ରେସିଂରେ ଏକ ବଡ଼ ପରିବର୍ତ୍ତନ ଆଣିବ। ଏହି ନିର୍ଦ୍ଦେଶ ଭାରତର ନୂତନ ଟେଲିକମ୍ ସାଇବର ସୁରକ୍ଷା ସଂଶୋଧନ ନିୟମ, ୨୦୨୫ର ଅଂଶ। ପ୍ରଥମ ଥର ପାଇଁ, ଆପ୍-ଆଧାରିତ ଯୋଗାଯୋଗ ସେବାଗୁଡ଼ିକୁ ଟେଲିକମ୍-ଶୈଳୀର ନିୟମାବଳୀ ଅଧୀନକୁ ଅଣାଯାଇଛି।ଭାରତ ସରକାରଙ୍କ ନୂତନ ନିୟମ ଅନୁଯାୟୀ, ଏହି ଆପ୍ ଗୁଡ଼ିକୁ ୯୦ ଦିନ ମଧ୍ୟରେ ନିଶ୍ଚିତ କରିବାକୁ ପଡିବ ଯେ ଉପଭୋକ୍ତାଙ୍କ ସିମ୍ କାର୍ଡଗୁଡ଼ିକ ସେମାନଙ୍କର ସେବା ସହିତ ନିରନ୍ତର ସଂଯୋଗିତ ରହିବ। ଆପ୍ ବ୍ୟବହାର କରିବା ପାଇଁ ସିମ୍ କାର୍ଡ ଆପଣଙ୍କ ଡିଭାଇସରେ ନିରନ୍ତର ସକ୍ରିୟ ରହିବା ଆବଶ୍ୟକ। #📞Whatsappରେ ଲାଗିବ ତାଲା!🔒

ଏଥର ନୂଆବର୍ଷରେ ଏକାଥରେ ମିଳିବ 2ଟି ଶୁଭଦ୍ରା କିସ୍ତି । ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା କଲେ ବଡ଼ ଘୋଷଣା । 21 ବର୍ଷ ହୋଇଥିଲେ ଆବେଦନ କରିପାରିବେ ।ତେବେ ଏବେ ପର୍ଯ୍ୟନ୍ତ ସୁଭଦ୍ରାରେ ଯୋଡ଼ି ହେଲେଣି 17 ଲକ୍ଷରୁ ଅଧିକ ମହିଳା ।ସେପଟେ ସୁଭଦ୍ରା ଯୋଜନାର ତୃତୀୟ କିସ୍ତି ପାଇ ନାହାନ୍ତି ୪,୩୮,୮୯୮ ଜଣ ମହିଳା। ସେମାନେ ପ୍ରଥମ ଓ ଦ୍ଵିତୀୟ କିସ୍ତି ପାଇଲା ପରେ ପରବର୍ତ୍ତୀ କିସ୍ତିର ସହାୟତା ରାଶି ପାଇନାହାନ୍ତି । ସୁଭଦ୍ରା ଯୋଜନାରେ ପ୍ରଥମ ଓ ଦ୍ଵିତୀୟ କିସ୍ତି ଯଥାକ୍ରମେ ୧,୦୩,୭୫,୯୪୧ (୧ କୋଟି ୩ ଲକ୍ଷ ୭୫ ହଜାର ୯୪୧ ) ଜଣ ମହିଳା ଓ ୧,୦୧,୯୨,୭୨୪ (୧ କୋଟି ୧ ଲକ୍ଷ ୯୨ ହଜାର ୭୨୪) ଜଣ ମହିଳା ପାଇଛନ୍ତି । ସୁଭଦ୍ରା ଯୋଜନାରେ ସାମିଲ ହେବାପାଇଁ ନୂତନ ଭାବେ ୨,୨୭,୪୧୦ ଜଣ ମହିଳା (୨୦.୧୧.୨୦୨୫ ସୁଦ୍ଧା) ଆବେଦନ କରିଛନ୍ତି ।ଯେଉଁ ଛାତ୍ରୀ ମାନେ ସୁଭଦ୍ରା ହିତାଧିକାରୀ ହେବାପାଇଁ ସମସ୍ତ ଯୋଗ୍ୟତା ମାନଦଣ୍ଡକୁ ପୂରଣ କରିବେ, ସେହି ଛାତ୍ରୀମାନେ ସୁଭଦ୍ରା ଯୋଜନାର ଲାଭଉଠାଇପାରିବେ । ଗୃହରେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା ଲିଖିତ ଭାବରେ ଉତ୍ତର ରଖିଛନ୍ତି । #🥳ନୂଆବର୍ଷରେ ମହିଳାଙ୍କୁ ମିଳିବ 2 ଥର ଟଙ୍କା💵

ପୃଥିବୀ ଆଡ଼କୁ ମାଡ଼ି ଆସୁଛି ରହସ୍ୟମୟ ଧୂମକେତୁ 3I/ATLAS । ଏହାକୁ ରୋକିବାକୁ ପୃଥିବୀର ଗ୍ରହ ସୁରକ୍ଷା ବ୍ୟବସ୍ଥାକୁ ସକ୍ରିୟ କରିଛି ମିଳିତ ଜାତିସଂଘ । ପୃଥିବୀ ନିଜର ରକ୍ଷାତ୍ମକ ଉପାୟକୁ ପରୀକ୍ଷଣ ପାଇଁ ପ୍ରସ୍ତୁତ ହୋଇଛି । ଏହାର ଆଶ୍ଚର୍ଯ୍ୟଚକିତ କଲା ଭଳି ଫଟୋ ଜାରି ହୋଇଛି । ମାଡ଼ି ଆସୁଥିବା 3I/ATLASକୁ ଏକ ଧୁମକେତୁ ବୋଲି ବିବେଚନା କରାଯାଇଥିବା ବେଳେ ରହସ୍ୟମୟ ଏଲିଅନ ନେଇ ଆଉ କିଛି ଦାବି କରୁଥିବା କହିଛନ୍ତି ଜାତିସଂଘ ଅଧିକାରୀ । ଏଥିପାଇଁ ବୈଜ୍ଞାନିକମାନଙ୍କ ଏକ ବୈଶ୍ବିକ ଟିମ ଦୁଇମାସିଆ ଅଭିଯାନ ଆରମ୍ଭ କରିଛନ୍ତି । ସନ୍ଦେହ କରାଯାଉଥିବା ଧୂମକେତୁ ପୃଥିବୀର ନିକଟକୁ ଆସିବା ପରେ ଏହା ସଂପର୍କରେ ବିସ୍ତୃତ ତଥ୍ୟ ଜଣାପଡ଼ିପାରିବ ।ଇଣ୍ଟରନ୍ୟାସନାଲ ଆଷ୍ଟ୍ରଏଡ ୱାର୍ଣ୍ଣିଂ ନେଟୱର୍କ ଏହାକୁ ଭବିଷ୍ୟତରେ ପୃଥିବୀକୁ କ୍ଷତି ପହଞ୍ଚାଇବାକୁ ଆସୁଥିବା ସମ୍ଭାବିତ କ୍ଷୁଦ୍ରଗ୍ରହଙ୍କୁ ରୋକିବାକୁ ପ୍ରସ୍ତୁତିର ଏକ ପ୍ରମୁଖ ଅଭ୍ୟାସ ବୋଲି ବିବେଚନା କରିଛି । ଡିସେମ୍ବର ୧୯ରେ 3I/ATLAS ପୃଥିବୀର ସବୁଠାରୁ ନିକଟତମ ସ୍ଥାନରେ ପହଞ୍ଚିବ । ତେବେ ଏହା ଦ୍ବାରା କୌଣସି କ୍ଷତି ହେବ ନାହିଁ ବୋଲି ଜାତିସଂଘ ଅଧିକାରୀ ଯୁକ୍ତି ବାଢିଛନ୍ତି । 3I/ATLASର ଆକାର ମାନହଟ୍ଟନ ସହର ସହ ସମାନ। ଏହାର ଓଜନ ୩୩ ବିଲିୟନ ଟନରୁ ଅଧିକ । ୭ବିଲିୟନ ବର୍ଷ ପୁରୁଣା ଏହି ଧୂମକେତୁ ଘଣ୍ଟାକୁ ୧୨୫ହଜାର ମାଇଲ ବେଗରେ ଗତି କରୁଛି । ଆଶ୍ଚର୍ଯ୍ୟଜନକ ଫଟୋରେ ଏହାର ଏକ ଉଜ୍ବଳ ମୁଣ୍ଡ ଦେଖାଯାଉଛି ଯାହାକୁ କୋମା ନାମରେ ନାମିତ କରାଯାଇଛି । ଏହା ସହ ଏହାର ଲାଞ୍ଜ ବି ଦୃଶ୍ୟମାନ ହେଉଛି ଯାହା ୬ଲକ୍ଷ ମାଇଲରୁ ଅଧିକ ଦୂର ପର୍ଯ୍ୟନ୍ତ ବ୍ୟାପି ରହିଛି । ଏହି ଫଟୋକୁ ହାର୍ଭାଡର ପ୍ରଫେସର ଆଭି ଲୋଏଭ ନଭେମ୍ବର ୨୨ ଓ ୨୪ ତାରିଖରେ ଉତ୍ତୋଳନ କରିଛନ୍ତି । କୋନ ଆକୃତିର ଏହି ଧୂମକେତୁର ରଙ୍ଗ ଝାପସା ଉଜ୍ବଳ ସବୁଜ । କିଛି ଦୂର୍ଲଭ ଫଟୋକୁ ଜାପାନ, ସ୍ପେନ ଓ ଚିଲି ସହ ବିଶ୍ବର ସୈଖୀନ ଅନ୍ତରୀକ୍ଷ ବୈଜ୍ଞାନିକଙ୍କ ଛୋଟ ଦୁରବୀନ ସହାୟତାରେ ଉତ୍ତୋଳନ କରାଯାଇଛି । #🌍ପୃଥିବୀ ଆଡ଼କୁ ମାଡ଼ି ଆସୁଛି ରହସ୍ୟମୟ ଧୂମକେତୁ☄️

ରାଜସ୍ଥାନର ଏକମାତ୍ର ବ୍ରହ୍ମା ମନ୍ଦିର। ବିବାହିତ ପୁରୁଷମାନେ ବ୍ରହ୍ମାଙ୍କୁ ପୂଜା କରିବା ପାଇଁ ଏହି ପ୍ରସିଦ୍ଧ ମନ୍ଦିରର ଗର୍ଭଗୃହରେ ପ୍ରବେଶ କରିପାରିବେ ନାହିଁ। ଏହି ମନ୍ଦିରର ଅନନ୍ୟ ବୈଶିଷ୍ଟ୍ୟ ହେଉଛି ଯେ ପୁରୁଷ ଦେବତାଙ୍କ ପ୍ରତି ସମର୍ପିତ ହେବା ସତ୍ତ୍ୱେ, ପୁରୁଷମାନଙ୍କୁ ପ୍ରବେଶ କରିବାକୁ ଅନୁମତି ନାହିଁ।ଏହା ପଛରେ ଏକ ପୌରାଣିକ କାହାଣୀ ଅଛି, ଯାହା ଅନୁସାରେ ବ୍ରହ୍ମା ତାଙ୍କ ପତ୍ନୀ ଦେବୀ ସରସ୍ୱତୀଙ୍କ ସହିତ ଏକ ଯଜ୍ଞ କରିବାକୁ ସଂକଳ୍ପ ନେଇଥିଲେ। କିନ୍ତୁ, ଦେବୀ ସରସ୍ୱତୀ ଯଜ୍ଞ ପାଇଁ ସମୟ ମଧ୍ୟରେ ପହଞ୍ଚି ପାରିନଥିଲେ, ତେଣୁ ଦେବୀ ଗାୟତ୍ରୀଙ୍କୁ ତାଙ୍କ ସ୍ଥାନରେ ବସାଇ ଏହି ପୂଜା ସମାପ୍ତ ହୋଇଥିଲା।ଯେତେବେଳେ ଦେବୀ ସରସ୍ୱତୀ ଯଜ୍ଞ ସ୍ଥଳରେ ପହଞ୍ଚିଲେ, ସେ କ୍ରୋଧିତ ହୋଇ ଅଭିଶାପ ଦେଲେ ଯେ ବିବାହିତ ପୁରୁଷମାନଙ୍କୁ ଗର୍ଭଗୃହରେ ପ୍ରବେଶ କରିବାକୁ ଅନୁମତି ଦିଆଯିବ ନାହିଁ। ଏହି ମନ୍ଦିରର ଗର୍ଭଗୃହରେ ଯେଉଁମାନେ ପୂଜା କରିବେ ସେମାନଙ୍କର ବୈବାହିକ ଜୀବନରେ ଅସୁବିଧାର ସମ୍ମୁଖୀନ ହେବେ। #🙅‍♂️ପୁରୁଷଙ୍କ ପାଇଁ ଅଭିଶାପ ଏହି ମନ୍ଦିର !🛕

ଲଘୁଚାପରେ ପରିଣତ ହେଲା ଘୂର୍ଣ୍ଣିବଳୟ। ସକ୍ରିୟ ଘୂର୍ଣ୍ଣିବଳୟ ପ୍ରଭାବରେ ଆଜି ମାଲାକ୍କା ସମୁଦ୍ର ସନ୍ଧି ପାର୍ଶ୍ୱବର୍ତ୍ତୀ ଦକ୍ଷିଣ ଆଣ୍ଡାମାନ ସାଗର ଉପରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇଛି। ଯାହାର ବ୍ୟାପ୍ତି ସମୁଦ୍ର ପତ୍ତନଠାରୁ ବାୟୁମଣ୍ଡଳରେ ୫.୮ କିମି ଉଚ୍ଚତା ପର୍ଯ୍ୟନ୍ତ ରହିଛି। ଆସନ୍ତା ୨୪ ତାରିଖ ବେଳକୁ ଏହା ଆହୁରି ଘନୀଭୂତ ହୋଇ ଦକ୍ଷିଣପୂର୍ବ ବଙ୍ଗୋପସାଗର ଉପରେ ଏକ ଅବପାତରେ ପରିଣତ ହେବାର ସମ୍ଭାବନା ରହିଥିବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଛି। ଏହାର ପ୍ରଭାବରେ ଆଣ୍ଡାମାନ, ନିକୋବର ଦୀପପୁଞ୍ଜରେ ବର୍ଷା ଆରମ୍ଭ ହୋଇଗଲାଣି । ୨୭ବେଳକୁ ଆନ୍ଧ୍ର ଓ ଓଡ଼ିଶା ଉପକୂଳରେ ବର୍ଷା ସମ୍ଭାବନା ରହିଛି । ବିଶେଷ କରି ଦକ୍ଷିଣଓଡ଼ିଶାର ବିଭିନ୍ନ ଜିଲ୍ଲାରେ ବଡ ବର୍ଷା ଭୟ ରହିଛି । ଏବେଠାରୁ ଏ ସଂକ୍ରାନ୍ତରେ ସତର୍କ କରିଛନ୍ତି ପାଣିପାଗ ବିଜ୍ଞାନୀ । ଏହି ସମୟରେ ସମୁଦ୍ର ଅଶାନ୍ତ ରହିବ। ଏଣୁ ସମୁଦ୍ର ଭିତରକୁ ନଯିବାକୁ ମତ୍ସ୍ୟଜୀବୀଙ୍କୁ ପରାମର୍ଶ ଦିଆଯାଇଛି । #⏰48 ଘଣ୍ଟାରେ ଓଡ଼ିଶାକୁ ଆସିବ ଭୟଙ୍କର ବାତ୍ୟା 🌀