♥️നിന്നിലലിയാൻ♥️ 63 മയക്കം വിട്ടുണർന്നതും അവൻ വേഗം വെപ്രാളത്തോടെ അവളുടെ മുറിയിലേക്ക് പാഞ്ഞു.. പുറത്തു നിന്ന് നോക്കി.. അകത്തിരിക്കുന്ന അവളെ കണ്ടപ്പോഴാണവന് ശ്വാസം നേരെ വീണത്... മനുവും പുറകെ തന്നെ വന്നു.. ""ഞാൻ...ഞാൻ...അവൾ പോയി കാണുമോന്ന് പേടിച്ചു പോയി മനു..."" അവളില്ലായ്മയെ അവൻ എത്രമാത്രം ഭയക്കുന്നുവെന്ന് ആ ഇടറിയ വാക്കുകളിൽ നിന്ന് തന്നെ വ്യക്തമായിരുന്നു... ""നാളെയാ സിദ്ധു ഫ്ലൈറ്റ്.."" അത് കേട്ട കാർത്തി പതിയെ പറഞ്ഞു.. അത് കേൾക്കുമ്പോൾ സിദ്ധുവിന്റെ ഭാവം എന്താവും എന്നറിയാവുന്നത് കൊണ്ട് തന്നെ അവന്റെ മുഖത്തു പോലും നോക്കാതെയാണ് കാർത്തിയത് പറഞ്ഞത്.. ""അപ്പോൾ ഇന്നൊരു രാത്രി മാത്രമേ എന്റെ കൊച്ചെന്റെയരികിൽ ഉള്ളൂ അല്ലേ...??"" അത്രയും പതിഞ്ഞ സ്വരം.. ആരും തിരികെ ഒന്നും പറഞ്ഞില്ല...ആരുടെ വാക്കുകൾക്കും അവനാശ്വാസം പകരാൻ കഴിയില്ലെന്ന് എല്ലാവർക്കും അറിയാമായിരുന്നു.. പിന്നെ ഉള്ള നിമിഷങ്ങൾ അവന്റെ കാത്തിരിപ്പിന്റേതായിരുന്നു... അവളുറങ്ങാനായുള്ള കാത്തിരിപ്പ്.. എന്നത്തേയും പോലെ ഇന്ജക്ഷന്റെ സഹായത്തോടെ അവൾ ഉറക്കമായതും സിദ്ധു അവൾക്കരികിലേക്ക് ചെന്നു.. എപ്പോഴെത്തേയും പോലെ അവൾക്കരികിൽ ഇരിക്കാനല്ല...മറിച്ചു അവളെ നെഞ്ചിലേക്ക് ഇറുകെ ചേർത്തു പിടിച്ചൊന്ന് കിടക്കാൻ തോന്നിയവന്. ഇനി അത് പോലൊരു ചേർത്തു പിടിക്കൽ ഉണ്ടാവണം എന്നില്ലല്ലോ....💔 അവൾ ചരിഞ്ഞു കിടപ്പുണ്ടായിരുന്നു.. അവനും പതിയെ അവൾക്കടുത്തു ചെന്ന് അവൾക്കഭിമുഖമായി അവളോട് ചേർന്ന് കിടന്നു.. ആ മുഖമാകെ കണ്ണോടിച്ചു... പാറിപറക്കുന്ന ആ മുടിയിഴകൾ ചെവിക്ക് പുറകിലേക്കൊതുക്കി വച്ചു കൊടുത്തു.. അവളിൽ അവൻ തിരയുകയായിരുന്നു അവന്റെ ദേവുവിനെ... ഉറക്കത്തിൽ പോലും മുഖത്തു കുസൃതി ഒളിപ്പിക്കുന്നവളെ... തന്നോടുള്ള കുശുമ്പാലും സ്വാർത്ഥതയാലും മുഖം ചുവപ്പിക്കുന്നവളെ.. എന്നാൽ വിഷാദം മാത്രം കളിയാടുന്ന ആ മുഖത്ത്‌ അവന്റെ ദേവുവിന്റെ ഒരംശം പോലും അവന് കാണാൻ കഴിഞ്ഞില്ല.. അടഞ്ഞു കിടക്കുന്ന അവളുടെ കൺപോളയിലേക്കൊന്ന് നോക്കി..ചുറ്റും കറുപ്പ് പടർന്നിരിക്കുന്നു... അവിടെ ചുണ്ടുകൾ ചേർത്തൊന്ന് ചുംബിച്ചു.. തന്നെ കാണുമ്പോൾ തിളങ്ങാറുള്ള ആ മിഴികൾ ഇനി തനിക്ക് ഒരുപാട് അകലേക്ക്  പോവുകയാണെന്നോർക്കും തോറും അവന് ശ്വാസം വിലങ്ങുന്നത്  പോലെ തോന്നി... അവൻ അവളുടെ മുറിവനങ്ങാതെ അവളെ വലിച്ചു നെഞ്ചിലേക്ക് ചേർത്തു... ആ നിമിഷം അവൾ മയക്കത്തിലും നെറ്റിചുളിച്ചൊന്നു മൂളി..പിന്നെ കുറുകി കൊണ്ട് അവനിലേക്ക് തന്നെ പറ്റിചേർന്ന് കിടന്നു.. അപ്പോൾ മാത്രം അവളിൽ അവനവന്റെ പഴയ ദേവുവിനെ കാണാനായി... അവളും ഇങ്ങനെ തന്നെയായിരുന്നല്ലോ... ഉറക്കത്തിൽ ഒന്നനങ്ങിയാൽ പോലും ഇത് പോലെ മൂളിയും കുറുകിയും അവനിലേക്ക് പതുങ്ങും... അവനവളെ അത്രയും ഇറുകെ നെഞ്ചിലേക്ക് ചേർത്തണച്ചു.. അവന്റെ കൈകൾ അവളെ വരിഞ്ഞു മുറുക്കുന്നതിനനുസരിച്ചു അവളവനിലേക്ക് ചുരുണ്ടു കൂടി... ഇനി ഇത് പോലൊരു പുണരൽ പോലും തനിക്കന്യമാണെന്നോർക്കും തോറും അവന്റെ കണ്ണീർ അവളുടെ മുടിയിഴകളെ നനച്ചൊഴുകി കൊണ്ടിരുന്നു... തന്നെ മാത്രം ചുറ്റിപറ്റി ജീവിച്ചവൾ... ഇന്നവളുടെ ഓർമകളിൽ പോലും താനില്ലെന്ന വസ്തുത വീണ്ടും വീണ്ടും അവനെ ചുട്ടു പൊള്ളിക്കുകയായിരുന്നു.. പുലരുവോളം അവളിൽ നിന്ന് കൈ അൽപ്പം പോലും അയക്കാതെ...ഇമകൾ വെറുതെ പോലും ഒന്ന് ചിമ്മാതെ അവൻ കിടന്നു.. അവന്റെ കണ്ണീരിനൊപ്പം കണ്ണീരിൽ ചാലിച്ച ചുംബനങ്ങളും അവളുടെ നെറുകയെ ഇടയ്ക്കിടെ പുണർന്നു കൊണ്ടിരുന്നു... ആ രാത്രിക്ക് ദൈർഘ്യം പോരെന്നവന് തോന്നി...ആ രാത്രി അവസാനിക്കാതിരുന്നെങ്കിൽ എന്ന് പോലും തോന്നിപോയി.. അവൾക്ക് മയക്കം തെളിയാനായതും മനസ്സില്ലാമനസ്സോടെ അവളെ തന്നിൽ നിന്നടർത്തി മാറ്റി അവൻ എഴുന്നേറ്റു.. നേരെ കിടത്തി..ആ മുഖം കൈ കുമ്പിളിൽ എടുത്തു ഭ്രാന്തമായി തന്നെ ചുംബിച്ചു... ഇനി ഒരവസരം ഇല്ലല്ലോ....💔 ആ മുറിവുകളിൽ കൂടി അധരങ്ങൾ പതിപ്പിച്ചു പിൻവാങ്ങാൻ തുടങ്ങിയതും അവളുടെ താലിയും അവന്റെ കയ്യിൽ കിടന്ന കണ്ണന്റെ ചെയിനുമായി കൊരുത്തു വലിച്ചതും ഒരുമിച്ചായിരുന്നു... അവൻ പതിയെ അവ തമ്മിൽ അടർത്തി മാറ്റി.. ഓർമ തിരികെ വന്ന ഈ ദിവസങ്ങൾക്കിടയിൽ സ്വന്തം കഴുത്തിൽ കിടക്കുന്ന ഈ താലി അവളുടെ ശ്രദ്ധയിൽ പെട്ടില്ലേ എന്നവനോർത്തു... കണ്ട് കാണില്ല....അല്ലെങ്കിലും അവൾ ഇപ്പോൾ സ്വയം പോലും ശ്രദ്ധിക്കാറില്ലല്ലോ.... ഇനിയെപ്പോഴെങ്കിലും ശ്രദ്ധയിൽ പെടുമ്പോൾ  അതെങ്ങനെ തന്നിൽ എത്തി ചേർന്നെന്ന് തിരക്കുമായിരിക്കും...പിന്നെ ദേഷ്യത്തോടെ തന്നെയത് പൊട്ടിച്ചെറിയുമായിരിക്കും...💔 അതോർത്തപ്പോൾ തന്നെ അവനിൽ വല്ലാത്ത നോവ്‌ തോന്നി... ആ ചുണ്ടിൽ നേർമയായൊന്നുകൂടി മുത്തികൊണ്ട് അവൻ ആ മുറിവിട്ട് പുറത്തേക്ക് നടന്നു..... ❤️അല്ലെങ്കിലും നിന്റെ അധരങ്ങളിലെ ചൂടെനിക്കെന്നും കുളിരു മാത്രമേ പകർന്നിട്ടുള്ളൂ....❤️ 🔵🔸🔵🔸🔵🔸🔵🔸🔵🔸🔵🔸🔵🔸🔵 മുറിവ് നേരെവണ്ണം മാറിയില്ലായിരുന്നു.. മാത്രമല്ല..ഇനിയും ചില ടെസ്റ്റുകളുടെ റിസൾട്ട് വരാനുണ്ട് എന്നൊക്കെ പറഞ്ഞു നോക്കിയിട്ടും അവൾ ഡൽഹിയിലേക്ക് തിരികെ പോവണം എന്ന തീരുമാനത്തിൽ നിന്ന് പിന്മാറിയില്ല.. അവളെ സംബന്ധിച്ചിടത്തോളം ഇനിയിവിടെ നിൽക്കേണ്ട ഒരാവശ്യവും ഇല്ലായിരുന്നു... മഹേശ്വർ ഉൾപ്പെടെ എല്ലാവരും സിദ്ധുവിനോട്  അവളോട് എല്ലാം പറയട്ടെ എന്ന് ചോദിച്ചെങ്കിലും അവനത് തടഞ്ഞു.. അതവളുടെ മാനസികാവസ്ഥയെ എങ്ങനെ ബാധിക്കുമെന്നവന് നന്നായി അറിയാമായിരുന്നു... പോവാൻ സമയമായപ്പോൾ കൃതി അവനെ ചുറ്റിപിടിച്ചു നിന്ന് കരയാൻ തുടങ്ങി.. ""ഞാൻ സിദ്ധുവേട്ടന്റെ കൂടെ നിന്നോട്ടെ...??"" അവൾ വിതുമ്പലോടെ തിരക്കി.. അവൻ പതിയെ അവളുടെ തലയിൽ തലോടി..... ""ഒരു ഉറക്കത്തിൽ ഞാൻ കണ്ട മനോഹര സ്വപ്നം മാത്രമായിരുന്നു എനിക്കെന്റെ ദേവൂ...ആ സ്വപ്നത്തിന് മാറ്റേകാൻ അതിലേക്ക് കടന്ന് വന്നവരാണ് നിങ്ങൾ.. ഇന്ന് ഞാൻ ആ ഉറക്കത്തിൽ നിന്നുണരുമ്പോൾ എന്റെ സ്വപ്നത്തോടൊപ്പം നിങ്ങളും മാഞ്ഞു പോയേ പറ്റൂ..."" അത് കേട്ടതും പിന്നെ ആരും ഒന്നും പറയാൻ നിന്നില്ല...അവരുടെ വാക്കുകൾ അവനിലെ പഴയ ഓർമകളെ ഉണർത്തി അതവനെ കൂടുതൽ കൂടുതൽ കുത്തി നോവിക്കുകയേ ഉള്ളൂ എന്നവർക്കും തോന്നി... അവൻ ഒരു വട്ടം കൂടി പുറത്തു നിന്ന് കൊണ്ട് തന്നെ അവളെ നോക്കി... അവൾ എങ്ങോ നോക്കി നിർവികാരതയോടെ നിൽപ്പുണ്ടായിരുന്നു.. എല്ലാവരും പാർക്കിങിലേക്ക് പോവാനായി മുറിവിട്ട് പുറത്തേക്കിറങ്ങി... കണ്ണുകൾ കൊണ്ട് തന്നെ കാർത്തിയും മറ്റും സിദ്ധുവിനോടും മനുവിനോടും യാത്ര ചോദിച്ചു.. അവൾ എയർപോർട്ടിലേക്ക് പോവാനായി അവർക്ക് പുറകെ തന്നെ മുറിവിട്ട് പുറത്തേക്കിറങ്ങുമ്പോൾ സിദ്ധു പുറത്തു തന്നെ അവളിൽ നോട്ടമെയ്തു നിൽപ്പുണ്ടായിരുന്നു... അവളുടെ ഒരു നോട്ടമെങ്കിലും തനിക്ക് നേരെ വന്നിരുന്നുവെങ്കിൽ എന്നവൻ വെറുതെ ആശിച്ചു പോയി.. പക്ഷേ...അവൾ ആരെയും നോക്കാതെ കാർത്തിക്ക് പുറകെ നടന്നു... (ഇപ്പോൾ ടെഡി മൂവിയിലെ ഈ സോങ്ങും സീനും നിങ്ങളുടെ മൈന്റിൽ ഉണ്ടായിരിക്കണം..ഓരോ ലൈനും വായിക്കണേ...) 🎵(male)🎵 🎶🎶Marandhaaye marandhaaye penne ennai yen maranthaaii.. Kadanthe thaan nadanthaaye yaaro entru yen kadanthaaii..!! Ninaivukal yaavum neenghi ponaal naan yaar... Marathiyaa...?? Avathiyaa..??sagathiyaa..?? Nigazhnthavai ellaam poiyaai aanaal nee yaar... Jananamaa..?salanamaa..?maranamaa..?? Thaniyaai naan vaazhtheney vaanai nee aanaai... unnil era partheney kaanaamal ponaaii.... Yaaaradii...yaaaradii...nan ine yaaradi..?? Nan ine vaazha vor kaaranam kooradi... Yaaradi...yaaradi...paavi nee yaaradii...?? Oruthuli nyaabagam oorutha paaradi.....!! Marandhaaye marandhaaye penne ennai yen maranthaaii.. Kadanthe thaan nadanthaaye yaaro entru yen kadanthaaii..!!🎶🎶 അത്രയും നേരം അടക്കി വെച്ച കണ്ണീരെല്ലാം അണപൊട്ടി പുറത്തേക്കൊഴുകി... സംഭരിച്ച ധൈര്യമെല്ലാം ചോർന്നൊലിച്ചു പോയി... അവൾക്ക് പുറകെ ഓടി ചെന്നവളെ പിടിച്ചു വയ്ക്കാൻ തോന്നി... നീ എന്റേതാണ്...നിന്നെ എന്നിൽ നിന്നകലാൻ വിടില്ലെന്ന് അലറിവിളിച്ചു പറയാൻ തോന്നി... പ്രാണൻ പറിഞ്ഞു പോവുന്ന വേദന...💔💔 ഒരു കാലത്തവൾക്ക് തോന്നിയ വെറുമൊരു ഭ്രാന്ത് മാത്രമായിരുന്നു തന്നോടുള്ള സ്നേഹമെന്ന് ഒരാവർത്തി മനസ്സിനെ പറഞ്ഞു പഠിപ്പിച്ചിട്ടും അതുൾക്കൊള്ളാൻ കഴിയാത്ത വണ്ണം അവളോടുള്ള പ്രണയം പേറിയ ഹൃദയം അലറി വിളിക്കുകയായിരുന്നു.. അവളിൽ നിന്നവളുടെ ഭ്രാന്ത് മറഞ്ഞപ്പോഴേക്കും തന്നിൽ അവളൊരു ഭ്രാന്ത് സൃഷ്ടിച്ചിരിക്കുന്നു.. ❤️ചില ബന്ധങ്ങൾ അങ്ങനെയാണ്.. ആത്മാവിലേക്കാഴ്ന്നിറങ്ങിയാൽ പിന്നെ പറിച്ചെറിയാൻ പ്രയാസമാണ്...❤️ മരിച്ചു പോയിരുന്നെങ്കിൽ എന്ന് പോലും അവന് തോന്നിപ്പോയി... അവൾ കാറിനടുത്തേക്ക് എത്തുന്നത് വരെയും അവൻ അവൾക്ക് പുറകെ തന്നെ ഉണ്ടായിരുന്നു.. വെറുതെ എങ്കിലും ഒന്ന് തിരിഞ്ഞു നോക്കിയിരുന്നെങ്കിൽ....💔 അവളുടെ കുറുമ്പും കുസൃതിയും മാത്രമല്ല...!! ഈ നിമിഷം മുതൽ അവളും തനിക്കന്യമാവുകയാണെന്നോർക്കും തോറും അവനൊന്നലറി കരയാൻ തോന്നി.. 🖤ഉണ്ടായിരിക്കുമോ..നിന്റെ മനസ്സിലും നമ്മൾ ജീവിക്കാതെ പോയൊരാ ജീവിതം..!! ഇല്ലാതിരിക്കട്ടെ...നിന്റെ കണ്ണിൽ നിന്നെന്റെ വെന്ത നിഴലിനെ പിൻവലിക്കുന്നു ഞാൻ..🖤 (കടപ്പാട്) അവൾ കാറിലേക്ക് കയറുന്നതിന് മുൻപ് ഒരുവട്ടം തിരിഞ്ഞൊന്ന് നോക്കി... അപ്പോഴേക്കും സിദ്ധു അവൾ പോവുന്നത് കാണാൻ ത്രാണിയില്ലാതെ തിരിഞ്ഞു നിന്നിരുന്നു...💔 അവളുടെ കണ്ണുകൾ കാരണമേതുമില്ലാതെ ചുറ്റും പാഞ്ഞു നടന്നു.. മനസ്സ് മാത്രം അത്രമേൽ പ്രിയപ്പെട്ടതെന്തോ അരികിൽ ഉണ്ടെന്നലറി വിളിച്ചു... 🎵(female)🎵 🎶🎶 mugilumillai...puyalumillai...mazhai varumaa....?? Idhaythiley  inam puriyaa kalavaramaa....?? Vithayumillai uramumillai..maram varumaa..?? Ninaivugalil kilaivirithen sugam tharumaa..??🎶🎶 കാർത്തി വിളിച്ചപ്പോഴാണ് അവൾ സ്വബോധത്തിലേക്ക് വന്നത്.. കാറിൽ കയറി അവൾ പോയെന്ന് മനസിലായതും സിദ്ധു അതേ പടി നിലത്തു മുട്ട് കുത്തിയിരുന്നു... സ്വന്തം മുടിയിൽ ഇറുകെ പിടിച്ചു വലിച്ചു അത്രയും ഉറക്കെ അലറി വിളിച്ചു...💔💔 🔵🔸🔵🔸🔵🔸🔵🔸🔵🔸🔵🔸🔵🔸🔵 മനുവിന്റെ കണ്ണുകളും നിറഞ്ഞിരുന്നു.. അവൾ പോയതിനേക്കാൾ ഏറെ.. സിദ്ധുവിന്റെ അവസ്ഥയാണവനിൽ നോവ്‌ തീർത്തത്.. മനു അവനെ ഒരുവിധം പിടിച്ചെഴുന്നേല്പിച്ചു കാറിൽ കയറ്റി... കാറിൽ കയറിയതും അവൻ പുറത്തേക്ക് തന്നെ നോക്കിയിരുന്നു.. പിന്നെ എന്തോ ഓർമ വന്നപോലെ ഫോൺ എടുത്തു എന്തോ ചെയ്തു.. വീടെത്തുന്നതിന് മുൻപ് ഒരു വണ്ടി അവരുടെ കാറിന് മുമ്പിൽ വന്ന് നിന്നു.. ഓഫീസിലെ സ്റ്റാഫ്‌ ആയിരുന്നു.. സിദ്ധുവിന്റെ കയ്യിൽ ഒരു ബോക്സ് ഏല്പിച്ചതിന് ശേഷം തിരികെ പോയി... മനു നോക്കിയപ്പോൾ അതിൽ മുഴുവൻ മദ്യകുപ്പികളായിരുന്നു.. ഫോണിൽ നേരത്തെ ഇത് കൊണ്ട് വരാൻ ആയിരിക്കും മെസ്സേജ് അയച്ചതെന്നു മനുവിന് മനസിലായി.. മനു അവനെ രൂക്ഷമായൊന്ന് നോക്കി കൊണ്ട് ആ ബോക്സ് അവനിൽ നിന്ന് മാറ്റാൻ നോക്കിയതും സിദ്ധു മനുവിന്റെ കൈകൾ തട്ടിമാറ്റി അതിൽ നിന്ന് ബോട്ടിൽ എടുത്തു കുടി തുടങ്ങി.... മനുവിനതെടുത്തു പുറത്തു കളയാൻ തോന്നി.പക്ഷേ....ഇപ്പോഴത്തെ അവസ്ഥയിൽ അത് പുറത്തു കളഞ്ഞാൽ സിദ്ധുവും പുറകെ ചാടും എന്നറിയാവുന്നത് കൊണ്ട് തന്നെ അവൻ സംയമനം പാലിച്ചു.. വീടെത്തി കാറിൽ നിന്നിറങ്ങിയതും അവന്റെ കണ്ണുകൾ ഉമ്മറത്തേക്ക് പാഞ്ഞു ചെന്നു.. തന്റെ കാറിന്റെ ശബ്ദം കേട്ടാൽ ഉള്ളിൽ നിന്ന് വിടർന്ന മുഖത്തോടെ ആവേശത്തോടെ ഓടി വരുന്നവളെ ഓർമവന്നു.. അവളെ ഓർക്കാതിരിക്കാൻ കുടിച്ച ലഹരിയൊക്കെ അവളുടെയാ ആ ചെറിയ ഓർമയിൽ തന്നെ ഇറങ്ങിപോയത് പോലെ തോന്നി.. അകത്തേക്ക് കയറിയതും ബ്രൗണി ഓടി അവനടുത്തേക്ക് വന്നു..അവന്റെ ചുറ്റും നടന്നെന്തോ തേടി കൊണ്ടിരുന്നു.. അവൻ കുനിഞ്ഞു ബ്രൗണിയെ കയ്യിലെടുത്തു.. ""നീ തിരയുന്നതാരെയാണെന്നെനിക്കറിയാം... പക്ഷേ...തിരഞ്ഞിട്ട് ഒരു കാര്യവും ഇല്ല.. അവൾ പോയി......."" കുഴഞ്ഞു കൊണ്ടാണ് പറഞ്ഞതത്രയും... ബ്രൗണിയെ താഴെ വയ്ച്ച ശേഷം ഹാളിൽ ചുറ്റും നോക്കി... ചുവരിൽ ആകെ അവൾ ക്ളർപെൻസിൽ കൊണ്ട് എഴുതിയതും വരച്ചതും ആയിരുന്നു.. ആ ചിത്രങ്ങൾ പോലും അവനുള്ളിലെ മുറിവിന് ആഴം കൂട്ടുകയായിരുന്നു.. ഡൈനിങ് റൂമിലേക്ക് കണ്ണെത്തി.. അതിന് മുകളിൽ ചമ്രം പടിഞ്ഞിരുന്നു കൊഞ്ചലോടെ വാരി താ സിദ്ധു...എന്ന് പറയുന്നവളെ ഓർമ വന്നു.. അവന് സ്വയം നിയന്ത്രിക്കാൻ കഴിയുന്നില്ലായിരുന്നു.. വേച്ചു വേച്ചു മുകളിലേക്ക് കയറി പോവുന്ന അവനെ പിടിക്കാൻ മനു ചെന്നതും അവനാ കൈകൾ തട്ടി മാറ്റി... ""എന്റെ പുറകെ ആരെങ്കിലും കയറി വന്നാൽ ഉണ്ടല്ലോ..."" അതും പറഞ്ഞവൻ മുകളിലേക്ക് കയറി പോയി.. മുറിയിലേക്ക് കയറി..അവസാനം അവർ ഒരുമിച്ചുണ്ടായിരുന്നത് പോലെ തന്നെ... ഒരു മാറ്റവും ഇല്ല...സെറ്റിയിൽ ആ ബ്ലാങ്കെറ്റുപോലും അതേ പടി കിടപ്പുണ്ടായിരുന്നു... മുറിയാകെ അവളുടെ ഗന്ധം മാത്രം നിറഞ്ഞിരിക്കുന്നത് പോലെ... ആ കുറുമ്പ് നിറഞ്ഞ ചിരിയും സ്വരവും അലയടിക്കുന്നത് പോലെ... അവന്റെ നോട്ടം മുറിയിലെ ബെഡിനെതിരെ ഉള്ള ചുവരിൽ പതിഞ്ഞു.. അവളോടൊത്തുള്ള ഒരുപാട് ഫോട്ടോ ഫ്രെയിംസ് അവിടം മുഴുവനും നിറച്ചു വച്ചിരുന്നു.. അന്ന് ഈ ഫോട്ടോസ് എല്ലാം വാളിൽ സെറ്റ് ചെയ്ത ദിവസം അവനോർമ വന്നു.. അവളെ കണ്ണ് പൊത്തി മുറിയിലേക്ക് കൊണ്ട് വന്ന് കൈ മാറ്റി ഇതവളെ കാണിച്ചപ്പോൾ അത്രയും സന്തോഷത്തോടെ അവൾ അലറി വിളിച്ചിരുന്നു... തന്നെ കെട്ടിപിടിച്ചു തന്റെ മുഖമാകെ ചുംബനങ്ങളാൽ മൂടിയിരുന്നു... അന്ന് മുഴുവനും അവൾ തന്നെയും ചുറ്റിപിടിച്ചു ഈ ഫോട്ടോസിൽ തന്നെ നോക്കി  സമയം ചിലവഴിച്ചിരുന്നു..... ഓർമകൾ എത്തി നോക്കുംമ്പോൾ എത്ര ശ്രമിച്ചിട്ടും തടയാൻ കഴിയാതെ അവന്റെ കണ്ണുകൾ പെയ്തുകൊണ്ടിരുന്നു... അവൻ ആ ഫോട്ടോസിലൂടെ പതിയെ വിരലോടിച്ചു... ആ ഓരോ ചിത്രങ്ങൾക്കും ഓരോ കഥ പറയാനുണ്ടെന്ന് തോന്നി... അവളുടെ കുറുമ്പും കുസൃതിയും നിറഞ്ഞ ഒരായിരം കഥകൾ.. അവളോടൊത്തുള്ള ഓരോ നിമിഷവും ഒരു തിരശീലയിൽ എന്ന പോലെ മുന്നിൽ മിന്നിമാഞ്ഞു... 🖤അപരിചിതയായി കടന്ന് വന്ന് അത്രമേൽ സ്നേഹത്തിലാഴ്ത്തി ഒരുപിടി ഓർമകൾ സമ്മാനിച്ചതിന് ഒരു നന്ദി വാക്ക് പോലും കേൾക്കാതെ... ഒരു യാത്ര പോലും പറയാതെ.. പോയതിലാണ് എനിക്ക് നിന്നോട് ഇത്രമേൽ പരിഭവം..🖤 (കടപ്പാട്) അവനറിയുകയായിരുന്നു...അവന്റെ പൂർണ്ണത അവളിലാണെന്ന്...❤️ സെറ്റിയിൽ നിന്ന് അവൻ ആ ബ്ലാങ്കെറ്റ് വലിച്ചെടുത്തു.. ബെഡിലേക്കൊന്നു നോക്കി...അന്ന് അവൾ കേറി കളിച്ചതിന്റെയാവാം..ചുളിവുകൾ വീണിരിക്കുന്നു... അവനാ...ബെഡ്ഷീറ്റും വലിച്ചെടുത്തു.. പിന്നെയാ ബ്ലാങ്കെറ്റും ഷീറ്റും കൂടി ചുരുട്ടി അതിലേക്ക് മുഖം പൂഴ്ത്തി ബെഡിലേക്ക് വീണു... ആർത്തുലച്ചു പൊട്ടിക്കരഞ്ഞു.....💔 ഒരു മദ്യത്തിന്റെ ലഹരിക്കും അവളുടെ ഓർമകളെ അല്പനേരത്തേക്ക് പോലും അവനിൽ നിന്ന് മായ്ക്കാൻ കഴിഞ്ഞിരുന്നില്ല... 🖤ഓർമകളിൽ നോവുന്നത് മറക്കാൻ കഴിഞ്ഞെങ്കിൽ...ഓർമകളിനിമേലിൽ പിറക്കാതിരുന്നെങ്കിൽ...🖤 (കടപ്പാട്) 🔵🔸🔵🔸🔵🔸🔵🔸🔵🔸🔵🔸🔵🔸🔵 തുടരും......♥️ പ്രതിലിപിയില്‍ എന്നെ ഫോളോ ചെയ്യൂ, https://pratilipi.app.link/kTHejrzSh3b #📔 കഥ #📙 നോവൽ #💞 പ്രണയകഥകൾ ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി!