#📝 ഞാൻ എഴുതിയ വരികൾ #📋 കവിതകള്‍ #🖋 എൻ്റെ കവിതകൾ🧾 #🖋 എൻ്റെ കവിതകൾ🧾 #🖋 എൻ്റെ കവിതകൾ🧾 #🎻 കുട്ടിക്കവിതകൾ #✍️ ഇരുട്ടെഴുത്ത്

#📝 ഞാൻ എഴുതിയ വരികൾ #✍️ ഇരുട്ടെഴുത്ത് #✍️ വട്ടെഴുത്തുകൾ #💞 പ്രണയകഥകൾ

#📝 ഞാൻ എഴുതിയ വരികൾ #✍️ ഇരുട്ടെഴുത്ത് #✍️ വട്ടെഴുത്തുകൾ #💞 പ്രണയകഥകൾ

🌿F*R*I*E*N*D*S - ഹൃദയത്തോട് ചേർന്ന മനുഷ്യർ 🌿 ............................................................ ജീവിതത്തിന്റെ തിരക്കുകൾക്കിടയിൽ തിരിഞ്ഞു നോക്കാതെ ഒപ്പം നടക്കുന്നവർ… സംഭാഷണം ഇല്ലെങ്കിലും മനസിന്റെ ഭാരം മനസ്സിലാക്കുന്നവർ… ആരാണ് അവർ ? - സുഹൃത്തുക്കൾ. ഒരാളുടെ മൗനത്തിൽ മറ്റൊരാൾക്ക് കേൾവി ലഭിക്കുന്നത്, അവരുടെ സാന്നിദ്ധ്യത്തിലൂടെ ദിവസങ്ങൾ കരുത്ത് കണ്ടെത്തുന്നത്- ഇതൊന്നുമല്ല സാധാരണ ബന്ധം; ഹൃദയം സ്വീകരിച്ച ബന്ധമാണ്. സന്തോഷം ചെറുതായാലും അത് പങ്കിട്ടപ്പോൾ വിരിയുന്ന പുഞ്ചിരി, ദുഃഖം വലുതായാലും താങ്ങിനിന്നപ്പോൾ കിട്ടുന്ന ആത്മശാന്തി- ഇവയാണ് സുഹൃത്ബന്ധത്തിന്റെ ശുദ്ധമായ അളവുകൾ. സമയം കടന്നുപോയാലും വഴികൾ വേറിട്ടാലും ഒരിക്കൽ ഹൃദയത്തിൽ സ്ഥാനം കണ്ടെത്തിയവർ അവിടെ നിന്നൊഴിയാറില്ല- അതാണ് സുഹൃത്ത് എന്നൊരു മൂല്യത്തിന്റെ മഹത്വം. ഫിലോമീന #📝 ഞാൻ എഴുതിയ വരികൾ #പെണ്ണെഴുത്ത് ✍️ #✍️ ഇരുട്ടെഴുത്ത് #✍️ വട്ടെഴുത്തുകൾ #💞 പ്രണയകഥകൾ

കറുത്ത പക്ഷികൾ 🐦‍⬛ #✍️ വട്ടെഴുത്തുകൾ #✍️ ഇരുട്ടെഴുത്ത് #📝 ഞാൻ എഴുതിയ വരികൾ #💞 പ്രണയകഥകൾ #പെണ്ണെഴുത്ത് ✍️

ദഹനക്കേട്.. #✍️ വട്ടെഴുത്തുകൾ #പെണ്ണെഴുത്ത് ✍️ #✍️ ഇരുട്ടെഴുത്ത് #📝 ഞാൻ എഴുതിയ വരികൾ #💞 പ്രണയകഥകൾ

പാവകൾ....🎎 #✍️ ഇരുട്ടെഴുത്ത് #✍️ വട്ടെഴുത്തുകൾ #പെണ്ണെഴുത്ത് ✍️ #📝 ഞാൻ എഴുതിയ വരികൾ #💞 പ്രണയകഥകൾ

ബന്ധങ്ങൾ നശിക്കുന്നതിന്, അതിപ്പോൾ കുടുംബജീവിതത്തിൽ ആയാലും, റിലേഷൻഷിപ്പിൽ ആയാലും, സൗഹൃദത്തിലായാലും പ്രധാനമായും ആറ് കാരണങ്ങളാണുള്ളത്. നിങ്ങളുടെ ജീവിതത്തിൽ ഏതെങ്കിലും ബന്ധങ്ങൾ അറ്റുപോയിട്ടുണ്ടെങ്കിൽ ഇതിൽ ഏതെങ്കിലും കാരണങ്ങൾ നിങ്ങൾ ജീവിതത്തിൽ ഉണ്ടായിട്ടുണ്ടാകും 🙏 1. കള്ളം പറയൽ നിങ്ങൾ ഒരു വ്യക്തിയോട് കള്ളം പറഞ്ഞുവെന്ന് അവർക്ക് മനസ്സിലാകുമ്പോൾ, നിങ്ങൾ നുണ പറഞ്ഞു എന്നതിനേക്കാൾ അധികമായി അവരെ വേദനിപ്പിക്കുക അവർ പറ്റിക്കപ്പെട്ടു എന്ന തോന്നലാണ്. 2. അവഗണന നിങ്ങൾ ഓരോ തവണയും ആ വ്യക്തിയെ അവഗണിക്കുമ്പോൾ, ഓരോ തവണയും ആ വ്യക്തി നിങ്ങളില്ലാതെ ജീവിക്കാൻ പഠിക്കുകയാണ്. പതിയെ പതിയെ നിങ്ങൾ ഇല്ലാതെയും ജീവിക്കാൻ പറ്റും എന്നവർക്കു ബോധ്യമാകും. 3. മിണ്ടാതെയോ, മെസ്സേജ് അയക്കാതെയോ ഇരിക്കുന്നത് ഇതിന്റെ കാരണങ്ങൾ കേൾക്കാൻ ആർക്കും താല്പര്യം ഉണ്ടാവുകയില്ല. കമ്മ്യൂണിക്കേഷന്റെ കുറവ് വരുമ്പോൾ പതിയെ പതിയെ ആ വ്യക്തിയുടെ ഓർമ്മകളിൽ നിന്ന് നിങ്ങൾ അകന്നു പോകും. അതുമല്ലെങ്കിൽ നിങ്ങളുടെ ജീവിതത്തിൽ ആ വ്യക്തിക്ക് യാതൊരു സ്ഥാനവും ഇല്ല എന്ന് അവർക്ക് തോന്നിത്തുടങ്ങും 4. ബിസി ആയി നടിക്കുന്നത് ഒരാളും അത്ര തിരക്കുള്ളവരല്ല. ഒരു വ്യക്തി തിരക്കായിരിക്കുന്നതും തിരക്ക് അഭിനയിക്കുന്നത് തമ്മിൽ വലിയ വ്യത്യാസം ഉണ്ട്. അതുവരെ തങ്ങൾക്ക് വേണ്ടി സമയം മാറ്റി വെച്ചവർ പെട്ടെന്ന് തിരക്കുകളിലേക്ക് കടക്കുമ്പോൾ സ്വാഭാവികമായും ബന്ധങ്ങൾ അവിടെ അവസാനിക്കും. 5. മുൻഗണനകൾ മാറുന്നത് നിങ്ങളുടെ പെരുമാറ്റം മാറുന്നത് അവർ ശ്രദ്ധിക്കും. മുമ്പ് അവർക്ക് നൽകിയ പരിഗണനകൾ വീണ്ടും അതുപോലെ തന്നെ നിങ്ങൾ നൽകാതെ വരുമ്പോൾ അവർ കൂടുതൽ ഇമോഷനൽ ആകുവാൻ തുടങ്ങും 6. ഒരു Effort ഉം കാണിക്കാതെ പോകുന്നത്. സ്നേഹത്തിനു വേണ്ടി ഒരിക്കൽ യാചിക്കേണ്ടി വന്നാൽ പതിയെ അവർക്ക് അതിനോടുള്ള ആഗ്രഹം നശിച്ചു പോകും. ഓരോ ബന്ധങ്ങളും ഒറ്റ രാത്രി കൊണ്ട് അവസാനിക്കുന്നതല്ല. നമ്മുടെ ശ്രദ്ധക്കുറവുകൊണ്ടും, താല്പര്യമില്ലായ്മ കൊണ്ട് വന്നു പോകുന്നതാണ് #📝 ഞാൻ എഴുതിയ വരികൾ #പെണ്ണെഴുത്ത് ✍️ #✍️ ഇരുട്ടെഴുത്ത് #✍️ വട്ടെഴുത്തുകൾ

ഒരാളെ ഇല്ലാതാക്കാനുള്ള ഏറ്റവും എളുപ്പമായ മാർഗം എന്താണെന്നറിയോ..? ആദ്യം നിങ്ങൾ അവരെ സ്നേഹിക്കുന്നു എന്ന തോന്നൽ ജനിപ്പിക്കുക... എന്നും ഒപ്പം കാണും എന്ന വിശ്വാസം അവരിൽ ഉണ്ടാക്കിയെടുക്കുക... അങ്ങനെ അന്ധമായി അവർ നിങ്ങളെ സ്നേഹിക്കുകയും വിശ്വസിക്കുകയും ചെയ്യുന്നു എന്ന് ഉറപ്പായാൽ..... പതിയെ.....നിങ്ങൾ അവരിൽ നിന്നും മുന്നോട്ട് നടക്കണം..... മുന്നിൽ നിങ്ങൾ ഉണ്ടെന്ന ധൈര്യത്തിൽ അവർ അവർ നിങ്ങൾക് പിറകെ ഉണ്ടാകും ഇടക്കൊന്ന് ഒളിഞ്ഞു നിൽക്കുക.. അവരപ്പോ നിങ്ങളെ തിരയുന്നത് കാണാം... അവരുടെ വെപ്രാളത്തിനിടയിൽ വീണ്ടും നിങ്ങൾ അവർക്കുമുൻപിൽ പ്രത്യക്ഷപ്പെടുക... ഞാനെവിടെയും പോയിട്ടില്ല. നിനക്കൊപ്പം തന്നെയുണ്ടെന്ന് വെറുതെ പറയുക.. അവരുടെ കൺകളിൽ അപ്പോ ഒരായിരം സൂര്യൻ ഉദിക്കുന്നത് നിങ്ങൾക് കാണാം... വീണ്ടും സ്നേഹം കൊണ്ട് നിങ്ങളവരെ വീർപ്പു മുട്ടിക്കുക.... ഒടുവിൽ അവർപോലുമറിയാതെ അവരിൽ നിന്നും പിൻവാങ്ങുക... വീണ്ടും അവർ നിങ്ങളെ തിരഞ്ഞു ഇറങ്ങും കൂക്കി വിളിക്കും... വിളി കേൾക്കരുത്.. അലറിക്കരയും.. കണ്ടതായ് നടിക്കേണ്ട.. ചുറ്റുമുള്ളതൊന്നും കാണാൻ കഴിയാത്ത വിധമൊരു അന്ധത അവരെ ബാധിക്കും.... ഭ്രാന്തമായ് അവർ നിങ്ങൾക് വേണ്ടി അലഞ്ഞു തിരിയും ഇടറി വീഴും... മുറിവ് പറ്റും.. രക്തം ചീന്തും. അവർക്ക് നോവില്ല, ഹൃദയത്തിനേറ്റ മുറിവോളം വരില്ലല്ലോ ശരീരത്തിന്റെ മുറിവ് വീണിടത്തുനിന്നവർ പിടിഞ്ഞെണീക്കും.. വീണ്ടുമവർ അലയും ഉറക്കെയുറക്കെ കരയും നിലവിളിക്കും..... പിന്നീടാ നിലവിളി തേങ്ങലുകളായി മാറും...ഒടുവിൽ ആത്മാവ് നഷ്ടപെട്ട ഒരു ശരീരം മാത്രമായി അവർ അന്വേഷിക്കും.... #✍️ ഇരുട്ടെഴുത്ത് #✍️ വട്ടെഴുത്തുകൾ #പെണ്ണെഴുത്ത് ✍️ #📝 ഞാൻ എഴുതിയ വരികൾ

കവി അയ്യപ്പനെ സ്മരിക്കുമ്പോൾ ----------------- "സുഹൃത്തെ, മരണത്തിനുമപ്പുറം ഞാൻ ജീവിക്കും അവിടെ ഒരു പൂക്കാലമുണ്ടായിരിക്കും..." 'ജീവിതമെന്നാൽ സ്വാതന്ത്ര്യ'മെന്നാണെന്ന് കവിതകളിലൂടെയും സ്വജീവിതത്തിലൂടെയും നിർവചിച്ച കവിയാണ് അയ്യപ്പൻ. ജീവിതവും രതിയും പ്രണയവും കാമവും കണ്ണുനീരും ഒക്കെ നമുക്ക് മുന്നിൽ തുറന്നുവെച്ച് രഹസ്യങ്ങളുടെ ഭാണ്ഡം ചുമക്കാതെ, വിധേയത്വത്തിന്റെ അടയാളമോ വേഷമോ ഇല്ലാതെ, ഒരു മനുഷ്യനായി ജീവിച്ചു കടന്നുപോയി. അയ്യപ്പനെ ഒഴിവാക്കിക്കൊണ്ട് മാറിയ മലയാള കവിതയെകുറിച്ച് സംസാരിക്കുക സാധ്യമേയല്ല. എൻ.വി. കൃഷ്ണവാര്യർ കാല്പനിക കവിതകളെ ജീവിതത്തിന്റെ പൊള്ളുന്ന യാഥാർഥ്യങ്ങളിലേക്ക് കൈപിടിച്ചാനായിച്ചെങ്കിലും, അയ്യപ്പനെപ്പോലുള്ളവരാണ് ആധുനികതയ്ക്കുശേഷം മലയാള കവിതയ്ക്ക് ഗതിതിരിച്ചതെന്ന് വിലയിരുത്താവുന്നതാണ്. അനാഥനായ തന്നെ കവിത സനാഥനാക്കിയെന്ന് ആവർത്തിച്ചു പറഞ്ഞുവച്ച കവിയായിരുന്നു അയ്യപ്പൻ. കവിതകളിൽ വിരിഞ്ഞ പ്രണയലോകങ്ങളൊക്കെയും മലയാളത്തിലെ വൃത്തങ്ങളുടെയും കാല്പനിക സുന്ദരഭാവങ്ങളുടെയും വാർപ്പുമാതൃകകളെ തെരുവിൽ പൊളിച്ചടുക്കുകയായിരുന്നുവെന്ന് പറയാം. തെരുവിൽ ചിതറിവീണ ജീവിതങ്ങളുടെ പകർത്തെഴുതായിരുന്നു അദ്ദേഹത്തിന്റെ കവിതകൾ. എഴുത്തിലും ജീവിതത്തിലും സ്വാതന്ത്ര്യം വേണ്ടുവോളം ആഘോഷിച്ചു എന്നതുകൂടിയാണ്, അയ്യപ്പനെ സമാനതകളില്ലാത്തവനാക്കിമാറ്റിയതും. ചേർത്തുവച്ച ഓരോ അക്ഷരങ്ങളിലും അനുഭവങ്ങളുടെ വേദനയും പ്രതിഷേധവും ഓരോ അയ്യപ്പൻ കവിതകളിലും നിഴലിച്ചു കിടക്കുന്നുണ്ട്. പ്രണയത്തിന്റെ ക്യാമ്പസ് രൂപങ്ങളിൽ, വിരഹത്തിന്റെ യവ്വനങ്ങളിൽ, മധ്യവയസ്സിന്റെ പൊള്ളുന്ന ജീവിതയാത്രകളിൽ.., അങ്ങനെ അയ്യപ്പൻ കവിതകൾ ഉരുവിട്ടിട്ടില്ലാത്ത ചുണ്ടുകൾ മലയാളത്തിൽ വിരളമായിരിക്കും. പ്രണയത്തിന്റെ വർണ്ണത്തുരുത്തുകളെയും നഷ്ടപ്പെടലുകളുടെ അഗാധഗർത്തങ്ങളെയും ആത്മാവുകൊണ്ട് വരച്ചുവച്ച കവിതകൾക്ക് മരണമില്ല. 'കരളുപങ്കിടാൻ വയ്യെന്റെ പ്രണയമേ പകുതിയും കൊണ്ടുപോയ് ലഹരിയുടെ പക്ഷികൾ' എന്ന് പാടിയ കവി, പ്രണയമെന്ന ലഹരിയേയും മരണമെന്ന യാഥാർഥ്യത്തേയും ചേർത്തുവച്ചുകൊണ്ടാണ് നമുക്കിടയിലൂടെ (തെരുവിലൂടെ) നടന്നുപോയത്... വീട്ടിലെ ഒരു ദിവസത്തെ അത്താഴത്തിന്‌, റോഡിൽ അപകടത്തിൽ മരിച്ചുകിടക്കുന്നവന്റെ പോക്കറ്റിലെ പണം ആഗ്രഹിക്കുന്ന അങ്ങേയറ്റം അധമവും അതോടൊപ്പം അതിദയനീയവുമായ ഒരു മനുഷ്യനെ നമ്മുക്കുമുന്നിൽ വരച്ചുവയ്ക്കുന്നുണ്ട് അയ്യപ്പൻ. കണ്ണുനീരിന്റെ കയ്പ്പും രക്തത്തിന്റെ ചുവപ്പും കലർന്ന കവിതകളായിരുന്നു അയ്യപ്പന്റേത്. ഹൃദയം കൊണ്ടു എഴുതുകയും പാടുകയും ചെയ്തപ്പോഴും ശരീരത്തെ വാറ്റുചാരായത്തിലലക്കിയെടുത്ത്, തെരുവുകളിലൂടെ നടന്നു.., കാലത്തോട് കവിയും കവിതയും ഒരുപോലെ, ഒരുമിച്ച് തെരുവിൽ കലഹിച്ചുകൊണ്ടിരുന്നു. അത്, വ്യവസ്ഥിതിയോടുള്ള നിലയ്ക്കാത്ത യുദ്ധം തന്നെയായിരുന്നു. "എന്റെ ശവപ്പെട്ടി ചുമക്കുന്നവരോട് ഒസ്യത്തിലില്ലാത്ത ഒരു രഹസ്യം പറയാനുണ്ട് എന്റെ ഹൃദയത്തിന്റെ സ്ഥാനത്ത് ഒരു പൂവുണ്ടായിരിക്കും ജിജ്ഞാസയുടെ ദിവസങ്ങളിൽ പ്രേമത്തിന്റെ ആത്മതത്വം പറഞ്ഞുതന്നവളുടെ ഉപഹാരം." (എന്റെ ശവപ്പെട്ടി ചുമക്കുന്നവരോട്) വസ്‌തുതകളെ സ്വഭാവികമായ ചുറ്റുപാടുകളില്‍ നിന്ന്‌ മാറ്റി അയഥാര്‍ത്ഥമായ ചുറ്റുപാടുകളിലേക്ക്‌ സന്നിവേശിപ്പിചെടുക്കുന്ന ചില പ്രത്യേക രീതികളും അയ്യപ്പൻ കവിതകളിൽ കാണാൻ സാധിക്കും. അതി ശക്തമായ ബിംബങ്ങൾ അവതരിപ്പിക്കുമ്പോഴും അയ്യപ്പന്റെ കാവ്യഭാഷ ആത്മനിവേദനമായിക്കൂടി നമുക്ക് അനുഭവപ്പെടുന്നു എന്നതാണ് മറ്റുകവിതകളിൽനിന്നും ഈ കവിതകളെ വേറിട്ടുനിർത്തുന്ന പ്രധാന സംഗതി. വെയില്‍ തിന്നുന്ന പക്ഷിയും, തണലില്ലാത്ത മരച്ചുവട്ടിലെ പൊള്ളുന്ന ചൂടുമൊക്കെ കവിതയായി മാറുന്നത് മനസ്സിന്റെ ചില പ്രത്യേക ഭാവങ്ങളുടെ അടയാളപ്പെടുത്താൽകൂടിയാണ്. ആള്‍ക്കൂട്ടത്തിലെ ഏകാകിയായും ആഘോഷങ്ങളിലെ ഒറ്റയാനായും ആരവങ്ങളിലെ നിശ്ശബ്‌ദനമായും ഒക്കെയാണ് അയ്യപ്പനെ പ്രതിഷ്ഠിക്കാൻ സാധിക്കുക. കുപ്പായത്തിന്റെ കൈമടക്കുകളിൽ മരണത്തിനുള്ള ഒസ്യത്തുമായി തെരുവിലൂടെ നടന്നരൂപമായിരുന്നു. സിനിമാലോകത്ത് ജോൺ എബ്രഹാമിനെപ്പോലെ, നാടകവഴികളിൽ സുരാസുവിനെപ്പോലെ.., കവിതകൾക്കകത്തും പുറത്തും അതിരുകളില്ലാത്ത ലോകമായിരുന്നു അയ്യപ്പന്റേത്; മരണത്തിനുമപ്പുറത്തേക്കുള്ള ലോകം..! "അമ്പ് ഏതു നിമിഷവും മുതുകിൽ തറയ്ക്കാം പ്രാണനും കൊണ്ട് ഓടുകയാണ് വേടന്റെ കൂര കഴിഞ്ഞ് റാന്തൽ വിളക്കുകൾ ചുറ്റും എന്റെ രുചിയോർത്ത് അഞ്ചെട്ടു പേർ കൊതിയോടെ ഒരു മരവും മറ തന്നില്ല ഒരു പാറയുടെ വാതിൽ തുറന്ന് ഒരു ഗർജ്ജനം സ്വീകരിച്ചു അവന്റെ വായ്ക്ക് ഞാനിരയായി..." (പല്ല്) ജീവിതം ദൂർത്തടിച്ചവൻ എന്ന് മരണശേഷം ചങ്ങമ്പുഴയെ ചിലർ വിമർശനവിധേയമായി വിലയിരുത്തിയിട്ടുണ്ട്. സമൂഹത്തിന്റെ സദാചാര ബോധമോ, സാംസ്കാരിക അച്ചടക്കമോ കാട്ടി അയ്യപ്പനെയും വിമർശനവിധേയമായി സമീപിക്കാവുന്നതാണ്. കവിയുടെ വ്യക്തിജീവിതത്തോട് വിയോജിപ്പും കണ്ടേക്കാം, പക്ഷേ, കവിതകളോട് അത് അതേ രീതിയിൽ ഉണ്ടായേകില്ല. പൊള്ളുന്ന ജീവിത യാഥാർഥ്യങ്ങളിൽ ഊതിക്കാച്ചിയ കനലുകളാണ് അയ്യപ്പൻ കവിതകൾ. വാക്കുകൾക്ക് മൂർച്ചയും തിളക്കവും പകർന്ന എഴുത്തുകൾ കാലത്തിന്റെ പഴക്കം തട്ടുന്നവയേ അല്ല. -------------------- #📝 ഞാൻ എഴുതിയ വരികൾ #✍️ ഇരുട്ടെഴുത്ത് #✍️ വട്ടെഴുത്തുകൾ #💞 പ്രണയകഥകൾ #പെണ്ണെഴുത്ത് ✍️