బుగ్గన మధుసూదనరెడ్డి, ఎం.బి.ఏ
459 views • 1 months ago
విప్లవ జ్వాల,అగ్ని శిఖరం బ్రిటిష్ వారి గుండెల్లో రైళ్లు పరిగెత్తించిన గొప్ప సాహస వీరుడు,ప్రముఖ స్వాతంత్ర్య సమరయోధుడు అల్లూరి సీతారామరాజు గారి 129వ జయంతి నేడు! ( 4 - 7 - 2026)!
లేదా
భారతదేశ స్వాతంత్ర్య సంగ్రామ ఉద్యమ చరిత్రలోనే అల్లూరి సీతారామరాజుగారిది ఓ ప్రత్యేక స్థానం!
మన్యం ప్రజల గుండెల్లో అయన కొలువై వున్న దేవుడు.ఆయన నైజం జరుగుతున్న అన్యాయంపై తిరగుబాటు పంథా అవలంభించడం.అయన జీవిత అధ్యంతం మడమ తిప్పని పంథాలో సాహసమే ఊపిరిగా జీవించిన ఓక మహా పరాక్రమశాలి.ఓక విధంగా చెప్పాలంటే అయన నమ్మిన సిద్ధాంతాలపై ఏ మాత్రం రాజీ పడకుండా అయన తుది కంట వరకు కూడా పోరుబాటు సల్పిన మహోన్నతుడు,ఓక అగ్ని శిఖరం,మహా నాయకుడు.యుద్ధతంత్ర విద్యల్లో, ఆయుర్వేద వైద్యంలో చెయ్యి తిరిగిన,అరితేరిన వ్యక్తి ఈ అల్లూరి.అదేవిధంగా అల్లూరి సీతారామరాజు ఈ భారతదేశ గడ్డపై జీవించింది కేవలం 27 సంవత్సరాలే అయిన ఆయన కోట్లాది మంది ప్రజానీకం హృదయాలలో చెరగని ముద్ర వేసిన అపారశక్తిసంపన్నుడు,బలశాలి.అటు పొద్దు ఇటు పొడిచిన రవి అస్తమించని బ్రిటిష్ సామ్రాజ్యంపై తన విప్లవ,తిరుగుబాటు దొరణిని తాను మరణ అంచుల వరకు వెళ్లేంతవరకు కూడా ఏ మాత్రం పట్టు సడలించని దీశాలీ,మేరుగ రణధీరుడు,ప్రముఖ స్వాతంత్ర్య సమరయోధుడు ఈ అల్లూరి.కేవలం నిరుపేదలు,నిరక్షరాస్యులు,అమాయకులు అయిన అతి కొద్ది మంది మన్యం ప్రజల అండదండలతో భారతదేశానికి స్వాతంత్య్రం అపాదించి పెట్టాలనే ఏకైక ఆశయం,లక్ష్యంతో ఏకంగా అరవీర భయంకరమైన బ్రిటిష్ మహా సామ్రాజ్యాన్నే డీ అంటే డీ అనే స్థాయిలో ఎదుర్కొని ఆ వీరోచిత పోరాటంలో చివరకు తన ప్రాణాలను సైతం త్యాగం చేసి అమరుడు అయిన ఓక స్ఫూర్తిప్రదాత అసలు సిసలు అయిన దేశభక్తుడు ఈ అల్లూరి అనడంలో ఎలాంటి సందేహం లేదు.ఓక విధంగా ఎన్ని తరాలు,యుగాలు మారిన అల్లూరి సీతారామరాజు గారి ఆశయాలు,బ్రిటిష్ వారి ఆగడాలపై,వారు చేసిన అన్యాయాలపై,ఆరాచకాలపై,అధిపత్య దొరణిపై అయన అనుసరించిన తిరుగుబాటు పంథా,ఆయన
అడుగుజాడలు,అత్యంత సాహసోపేతమైన అయన జీవనయానం సదా అనుసరణీయం.పైగా నేటి,రాబోయే తరాల వారికీ కూడా అయన ఓ ఆదర్శ, స్ఫూర్తిదాయకమైన పోరాట యోధుడు అనడంలో ఎలాంటి సందేహానికి తావు లేదు.
ఏదిఏమైనా నెత్తురు మండే,అడుగడుగునా యువరక్తం ఊరకలు వేసే,ఓక చిరుత లాగా,పిడుగుల్లాగా ముందుకు దూకే యువతకు ఆయన ఓక ఆదర్శప్రాయుడు.అణగారిన,పేద,బడుగు బలహీనవర్గాలకు సదా ఆరాధ్యనీయుడు బ్రిటిష్ వారి వెన్నులో వణుకు పుట్టించిన,వారి ఆగడాలపై సింహ గర్జన చేసిన సమర శంఖం ఈ అల్లూరి.ఏమైనా నేటి యువత ఈ అల్లూరి సీతారామరాజు గారు భారతదేశానికి స్వాంతంత్య్రం అపాధించిపెట్టడానికి అయన చేసిన త్యాగాలను,ఆయన చూపిన తెగువను అంచెలంచెల దృఢ ఉక్కు సంకల్పాన్ని,నేటి యువత అనుసరిస్తే వారు సైతం అసాధ్యాన్ని సుసాధ్యం చేయవచ్చని,కొండల్ని సైతం పిండి చేయవచ్చని అక్షరాలా నిరూపించి చూపిన భయమంటే ఏంటో ఎరుగని అత్యంత ధైర్య,సాహసాలను అడుగడుగున చూపిన ప్రముఖ స్వాతంత్ర్య సమరయోధుడు అయిన అల్లూరిని నిత్యం స్ఫూరణకు తెచ్చుకొంటూ,ఆయన ఆశయాలకు ఊపిరి పోస్తూ మన యువత వారి వారి రంగాలలో అవిరళ కృషి సల్పితే మన యావత్తు భారతదేశం గర్వించే వ్యక్తులుగా మారడం ఏ మాత్రం అసంభవం కాదు అనే మాట అక్షర సత్యం.అందుకే నేటి యువత తక్షణమే మేలుకొని అల్లూరిలా గొప్ప అంకితభావాన్ని,పట్టుదలను,దృడచిత్తాన్ని అలవరచుకుంటే ఓ బంగారు భవిష్యత్ మీ గుప్పెట్లో వున్నట్లే.అన్యాయమైన పంథాలో సాగుతున్న బ్రిటిష్ సామ్రాజ్యంపై కాలు దువ్విన ధైర్యశాలి,సాహస వీరుడు అయిన అల్లూరి సీతారామరాజు గారిలా ఓక వజ్ర సంకల్పంతో ముందడుగు వేస్తే మన భారతదేశ యువత ఓక తిరుగులేని శక్తిగా మున్ముందు ఆవిర్బవించడం తథ్యం.అమర్ రహే,అమర్ రహే,జోహార్ మన్యం వీరుడు,విప్లవ,సమర శంఖం అల్లూరి సీతారామరాజు గారు.జైహింద్! బోలో భారతమాతాకీ జై! మేరా హిందూస్తాన్ మహాన్!🇮🇳🇮🇳🇮🇳✍️✍️✍️✍️
- బుగ్గన మధుసూదనరెడ్డి,వైస్సార్సీపీ పార్టీ నాయకుడు & సామాజిక విశ్లేషకుడు,బేతంచెర్ల,నంద్యాల జిల్లా! #అల్లూరి సీతారామరాజు జయంతి నా స్టెటష్
14 likes
10 shares
