😥Tips to avoid stroke

#🏋🏼‍♂️ஆரோக்கியம் #😷சுகாதார ஹெல்த் டிப்ஸ் #ஆரோகிய குறிப்புகள்🚹 #😥Tips to avoid stroke #💪ஆரோக்கிய தகவல்கள்🩺

தற்போதைய அவசரமான வாழ்க்கை முறையில் உணவை விரைவாகச் சமைக்க உதவுவதால், பல குடும்பங்களில் பாக்கெட்டில் அடைக்கப்பட்ட ரெடிமேட் சப்பாத்தி மற்றும் பரோட்டாக்களின் பயன்பாடு கணிசமாக அதிகரித்துள்ளது..... இருப்பினும், இதுபோன்ற பதப்படுத்தப்பட்ட உணவுகளைத் தொடர்ந்து உட்கொள்வது இதய ஆரோக்கியத்திற்குப் பாதிப்பை ஏற்படுத்துமா என்ற கேள்வியும், உலக சுகாதார அமைப்பின் எச்சரிக்கை குறித்த விவாதங்களும் மக்கள் மத்தியில் எழுந்துள்ளன. ரெடிமேட் சப்பாத்தி மற்றும் பரோட்டாக்கள் நீண்ட நாட்கள் கெட்டுப்போகாமல் இருப்பதற்காக, தயாரிப்பு நிறுவனங்கள் மலிவான பாமாயில் அல்லது ஹைட்ரஜனேற்றப்பட்ட செயற்கை வெண்ணெயைப் பயன்படுத்துகின்றன. இவற்றில் உடலுக்கு ஆபத்தை விளைவிக்கக்கூடிய 'டிரான்ஸ் ஃபேட்' அதிகளவில் உள்ளது. உணவில் தினமும் சிறிதளவு டிரான்ஸ் ஃபேட் சேர்ந்தால் கூட, இதய ரத்தக்குழாய்களில் அடைப்பு ஏற்பட்டு மாரடைப்பு வரும் அபாயம் 23 சதவீதம் அதிகரிப்பதாக உலக சுகாதார அமைப்பு எச்சரிக்கிறது.... பொதுவாக பாக்கெட் உணவுகளில் சேர்க்கப்படும் 'சோர்விக் அமிலம்' போன்ற கெடாமல் தடுக்கும் வேதிப்பொருட்களை (Preservatives) விட, அதில் பயன்படுத்தப்படும் எண்ணெயில் உள்ள ஆபத்தான கொழுப்பே அதிகக் கவலைக்குரிய விஷயமாகும். தொழில்முறை டிரான்ஸ் கொழுப்பானது, உடலின் நல்ல கொழுப்பைக் (HDL) குறைத்து கெட்ட கொழுப்பை (LDL) உயர்த்துகிறது. இதனால் காலப்போக்கில் ரத்தக்குழாய் சுவர்களில் கொழுப்பு படிந்து சுருக்கம் அல்லது அடைப்பு ஏற்பட வழிவகுக்கிறது. இந்திய உணவுப் பாதுகாப்பு மற்றும் தர நிர்ணய ஆணையத்தின் (FSSAI) விதிகளின்படி, அனுமதிக்கப்பட்ட அளவிலேயே சேர்க்கைப் பொருட்கள் பயன்படுத்தப்படுகின்றன. எனவே, "பாக்கெட் சப்பாத்தி சாப்பிட்டாலே மாரடைப்பு வரும்" என்ற கூற்று முழுமையாகச் சரியானது அல்ல என்றாலும், அதிகக் கொழுப்பு மற்றும் உப்பு நிறைந்த இந்த உணவுகளைத் தினசரி வழக்கமாக உட்கொள்வதைத் தவிர்க்க வேண்டும் என்று உணவு சுகாதார நிபுணர்கள் வலியுறுத்துகின்றனர்..... எனவே ரெடிமேட் சப்பாத்தி அல்லது பரோட்டா வாங்கும்போது, அதில் 'ஹைட்ரஜனேற்றப்பட்ட எண்ணெய்' மற்றும் 'டிரான்ஸ் ஃபேட்' எந்த அளவில் உள்ளது என்பதைச் சரிபார்ப்பது அவசியம். மேலும் தயாரிப்பு தேதி, காலாவதி தேதி மற்றும் சேமிப்பு வழிமுறைகளைக் கவனித்து வாங்க வேண்டும். எப்போதாவது அவசரத்திற்குப் பயன்படுத்துவது தவறில்லை என்றாலும், வீடே தயார் செய்யும் ஆரோக்கியமான உணவுக்கு மாற்றாக இதைப் பயன்படுத்தாமல் இருப்பதே இதய நலனுக்குச் சிறந்தது. #😷சுகாதார ஹெல்த் டிப்ஸ் #😥Tips to avoid stroke #🩸இரத்த அழுத்தத்தைக் குறைப்பதற்கான குறிப்புகள் #💪Health டிப்ஸ் #விழிப்புணர்வு எச்சரிக்கை பதிவு

#😷சுகாதார ஹெல்த் டிப்ஸ் #😥Tips to avoid stroke #🩸இரத்த அழுத்தத்தைக் குறைப்பதற்கான குறிப்புகள் #💪Health டிப்ஸ்