Odia Trend Buzz
1K views • 9 hours ago
ରାଜଧାନୀ ଭୁବନେଶ୍ୱରରେ ରୋଷେଇ ଗ୍ୟାସକୁ ନେଇ ସଙ୍କଟଜନକ ସ୍ଥିତି ସୃଷ୍ଟି ହୋଇଛି। ପଶ୍ଚିମ ଏସିଆରେ ଚାଲିଥିବା ୟୁଦ୍ଧ ଓ ଆନ୍ତର୍ଜାତୀୟ ବଜାରରେ ଅସ୍ଥିରତା ଯୋଗୁଁ ଯୋଗାଣ ବାଧାପ୍ରାପ୍ତ ହେବାରୁ ସାଧାରଣ ଲୋକେ ନାହିଁ ନଥିବା ଦହଗଞ୍ଜ ହେଉଛନ୍ତି।ବିଶେଷ କରି ଖଣ୍ଡଗିରି ସ୍ଥିତ ଲିଙ୍ଗରାଜ HP ଗ୍ୟାସ ଷ୍ଟେସନ ସାମ୍ନାରେ ଶହ ଶହ ଗ୍ରାହକ ରାତି ଅଧରୁ ନିଜର ଗ୍ୟାସ ଖାତା ଧରି ଲମ୍ବା ଲାଇନରେ ଛିଡ଼ା ହୋଇଥିବା ଦେଖିବାକୁ ମିଳିଛି। ଅଭିଯୋଗ ଅନୁଯାୟୀ, ଗତ ୨୦ ରୁ ୨୫ ଦିନ ହେବ ବୁକିଂ ହୋଇଥିଲେ ମଧ୍ୟ ହୋମ୍ ଡେଲିଭରୀ ମିଳୁନାହିଁ, ଯାହାଫଳରେ ଲୋକେ ବାଧ୍ୟ ହୋଇ ନିଜେ ସିଲିଣ୍ଡର ନେବାକୁ ବିତରଣ କେନ୍ଦ୍ରରେ ଭିଡ଼ ଜମାଉଛନ୍ତି।ୟୁଦ୍ଧ ପ୍ରଭାବ ଯୋଗୁଁ ବିଶ୍ୱସ୍ତରରେ ଗ୍ୟାସର ଅଭାବ ଓ ଦର ବୃଦ୍ଧି ହୋଇଛି। ଗତ ୭ ମାର୍ଚ୍ଚରୁ ଘରୋଇ ସିଲିଣ୍ଡର ପିଛା ୬୦ ଟଙ୍କା ବୃଦ୍ଧି ପାଇବା ପରେ ଭୁବନେଶ୍ୱରରେ ଏହାର ଦାମ ୯୩୯ ଟଙ୍କାରେ ପହଞ୍ଚିଛି।ହୋଡିଂ ରୋକିବା ପାଇଁ ବୁକିଂ ମଧ୍ୟରେ ୨୫ ଦିନର ବ୍ୟବଧାନ ରଖିବାକୁ ନିୟମ କରାଯାଇଛି, ଯାହା ଗ୍ରାହକଙ୍କ ଚିନ୍ତାକୁ ଆହୁରି ବଢ଼ାଇ ଦେଇଛି।ସରକାର ଓ ତୈଳ କମ୍ପାନୀଗୁଡ଼ିକ ସପ୍ଲାଇ ସ୍ୱାଭାବିକ କରିବାକୁ ଆଶ୍ୱାସନା ଦେଉଥିଲେ ମଧ୍ୟ, ଗ୍ରାଉଣ୍ଡ ଜିରୋରେ ପରିସ୍ଥିତି ଏବେ ବି ଜଟିଳ ରହିଛି ଏବଂ ଲୋକେ କଳାବଜାରୀର ଭୟରେ ଆତଙ୍କିତ ଅଛନ୍ତି। #🔴ରାଜଧାନୀରେ LPG କୁ ନେଇ ସଙ୍କଟଜନକ ସ୍ଥିତି🆘
26 likes
40 shares
