Odia Trend Buzz
677 views • 1 hours ago
ଝାଡ଼ଖଣ୍ଡର ବାଜଟୋ ଗ୍ରାମରେ ଜଣେ ଗୁପ୍ଚୁପ୍ ବିକ୍ରେତାଙ୍କଠାରୁ ଖାଇବା ପରେ ବିଷାକ୍ତ ଖାଦ୍ୟ (Food Poisoning) ଯୋଗୁଁ ଜଣେ ଶିଶୁର ମୃତ୍ୟୁ ହୋଇଥିବା ବେଳେ ପ୍ରାୟ ୨୦ ଜଣ ଗୁରୁତର ହୋଇ ମାନସିକ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ଯୋଗୁଁ ଲୋକେ ଅସୁସ୍ଥ ହେଉଥିବା ବେଳେ ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳାଇ ଦେଇଛି। ଏହି ଘଟଣା ପରେ ପ୍ରଶାସନ ପକ୍ଷରୁ ସମ୍ପୃକ୍ତ ଗୁପ୍ଚୁପ୍ ବିକ୍ରେତାଙ୍କ ବିରୋଧରେ ତଦନ୍ତ ଆରମ୍ଭ ହୋଇଛି।ଗ୍ରାମକୁ ଜଣେ ଗୁପ୍ଚୁପ୍ ବିକ୍ରେତା ଆସିଥିଲେ ଏବଂ ଗ୍ରାମର ଅନେକ ପିଲା ତାଙ୍କଠାରୁ ଗୁପ୍ଚୁପ୍ ଖାଇବାକୁ ରୁଣ୍ଡ ହୋଇଥିଲେ। ଗୁପ୍ଚୁପ୍ ଖାଇବାର କିଛି ଘଣ୍ଟା ମଧ୍ୟରେ ପିଲାମାନେ ଅସହଜ ଅନୁଭବ କରିବା ସହ ଅସୁସ୍ଥ ହୋଇପଡ଼ିଥିଲେ। ଦେଖୁ ଦେଖୁ ୧୮ ଜଣ ଶିଶୁ ଏବଂ ୨ ଜଣ ବୟସ୍କ ବ୍ୟକ୍ତି ଗୁରୁତର ହୋଇପଡ଼ିଲେ।ପରିବାର ଲୋକେ ପ୍ରଥମେ ସ୍ଥାନୀୟ ଭାବେ ଚିକିତ୍ସା କରାଇବାକୁ ଚେଷ୍ଟା କରିଥିଲେ, କିନ୍ତୁ ଅବସ୍ଥା ବିଗିଡ଼ିବାରୁ ସମସ୍ତଙ୍କୁ ସଦର ହସପିଟାଲ ଏବଂ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ଡାକ୍ତରମାନଙ୍କ ଅନେକ ଚେଷ୍ଟା ସତ୍ତ୍ୱେ ଜଣେ ଶିଶୁକୁ ବଞ୍ଚାଯାଇ ପାରିନାହିଁ। #🤢ଗୁପ୍ଚୁପ୍ ଖାଇ ଚାଲିଗଲା ଜୀବନ :20 ଗୁରୁତର🚑
11 likes
15 shares
