దీపాల వెలుగులో నిలబడ్డ ఆ విగ్రహాన్ని చూసి చేతులు జోడించడం సులువు… కానీ ఆయన గుణాలను జీవితంలో పెట్టడం కష్టం. హనుమాన్ అంటే కేవలం శక్తి కాదు. అది నియంత్రణలో ఉన్న శక్తి. అది అహంకారం లేని సామర్థ్యం. అది మాట ఇచ్చి వెనక్కి తగ్గని ధైర్యం. సముద్రం దాటే ముందు ఆయనకి కూడా తన శక్తి గుర్తు చేయాల్సి వచ్చింది. అంటే భయం ఆయనకూ వచ్చింది. తేడా ఏంటంటే — ఆయన భయానికి లొంగలేదు. మనమేం చేస్తున్నాం? మనకు శక్తి ఉన్నా, ముందడుగు వేయడానికి కారణాలు వెతుకుతున్నాం. లంక దహనం చేశాడు… కానీ లక్ష్యం మర్చిపోలేదు. మనిషి అయితే చిన్న కోపం వచ్చినా దారి తప్పిపోతాడు. హనుమాన్ నేర్పింది ఒక్కటే — లక్ష్యం ముందుంటే భావోద్వేగాలు వెనక్కి పోవాలి. అంత శక్తి ఉన్నా స్వార్థానికి వాడలేదు. సేవలో గర్వపడ్డాడు. ఇప్పటి మనిషి? చిన్న సహాయం చేసినా సోషల్ మీడియాలో ప్రకటించాలి. కఠిన నిజం ఏమిటంటే — హనుమాన్‌ను పూజించడం సులువు. హనుమాన్‌లా ఉండటం కష్టం. నువ్వు నిజంగా భక్తుడివైతే నీ బలహీనతలతో యుద్ధం చేయి. నీ మాటకు నిలబడు. నీ కోపాన్ని నియంత్రించు. నీ లక్ష్యాన్ని వదలొద్దు. దీపం వెలిగించడం భక్తి కాదు… లోపలున్న చీకటిని కాల్చేయడం భక్తి. అదే నిజమైన ఆంజనేయ భక్తి. శ్రీ ఆంజనేయం. ...🧡🧡🧡🧡🧡 #😃మంచి మాటలు #🙆 Feel Good Status #తెలుసుకుందాం #🚩🌺జై హనుమాన్🌺🚩 #🕉️🚩జై హనుమాన్🕉️🚩

వివాహం ఆలస్యమవుతోందా..? సంతానం కలగడం లేదా..? ఆర్థిక ఇబ్బందులు ఎదుర్కొంటున్నారా? . మీ సమస్యలకు చక్కని పరిష్కారం సుబ్రహ్మణ్య స్వామి షష్టి పూజ. ప్రతి మాసం లోనూ వచ్చే శుద్ధ షష్టి నాడు మాస షష్టి వ్రతం చేయడం అత్యంత శుభకరం. 🌼మాస షష్టి వ్రతం ఎలా చేయాలి ? సుబ్రహ్మణ్య స్వామి జన్మతిథి షష్టి. షష్టి తిథి స్వామికి అత్యంత ప్రీతికరమైనది. ఆరోజున సూర్యోదయానికి ముందే లేచి అభ్యంగన స్నానం చేయాలి. నువ్వుల నూనె తో దీపారాధన చేయాలి. సుబ్రహ్మణ్యాష్టకాన్ని పఠించాలి.స్వామికి శాస్త్ర యుక్తంగా షోడశోపచార పూజ చేసి నైవేద్యం సమర్పించాలి. ఆరోజున ఉపవసించడం అత్యంత శ్రేయస్కరం. సమీపం లో ఉన్న సుబ్రహ్మణ్య స్వామి ఆలయాన్ని దర్శించి, స్వామికి పదకొండు ప్రదక్షిణలు చేయాలి. #తెలుసుకుందాం #🙏🦚MURUGA🦚🙏 #సుబ్రహ్మణ్య స్వామి💐 #🔯దోష పరిహారాలు🔯

AD #bjpindia

శివుని ఆభరణాలు, ఆయుధాలకి సంబం ధించి ఏదైనా అంతరార్థం ఉందా..........!! దానికి ధర్మగుప్తులు వారు ఈ వివరణ ఇచ్చారు: “గణపతికి పాశాంకుశాలు, విష్ణువుకి సుదర్శన చక్రం ఎలాంటి ముఖ్య ఆయుధాలో.. శివునికి త్రిశూలం అలాంటి ముఖ్య ఆయుధం. త్రిశూలానికి మూడు కొనలుండి అడుగున వాటిని కలుపుతూ శూలహస్తం ఉంటుంది. మూడు కొనలు సత్వ, రజస్, తమో గుణాలను సూచిస్తే ఆ శూలహస్తం వాటి ఏకత్వాన్ని.సూచిస్తుంది. ఇక్కడ త్రిగుణాల ఏకత్వం అంటే వాటికి అతీతమైన తత్త్వం అని అర్థం. అంతేకాకుండా ఇడ, పింగళ, సుషుమ్ననాడులు మూడూ శిరస్సులోని జ్ఞాన కేంద్రం దగ్గర కలుస్తాయి. దీన్నే త్రివేణి సంగమం అంటారు. ఆ మూడు నాడులు మూడు కొనలని సూచిస్తే జ్ఞానకేంద్రం శూలహస్తాన్ని.. వాటి ఏకత్వం త్రిగుణ సంగమాన్ని సూచిస్తుంది. ఆకాశం శబ్ద గుణంతో కూడుకొని ఉంది. ఆకాశంలో ధ్వనుల ప్రకంపనలు ప్రయాణం చేస్తుంటాయి. మనం పవిత్ర మైన మంత్రాలను శ్రద్ధాసక్తులతో చదివేటప్పుడు కాని, వినేటప్పుడు కాని వాటినుండి మధురమైన ఢమరుక నాదం వినిపిస్తుంది. యోగులకు ఇది మహదానందాన్ని కలిగిస్తుంది. దీన్ని సూచిస్తూ శివుని త్రిశూలానికి ఢమరుకం కట్టి ఉంటుంది. సర్పిలాకారంలో ఉండే కుండలినీశక్తిని సూచిస్తూ శివుడు సర్పాలను మెడలో ధరిస్తారు. అందుకే నాగాభరణుడు అనే పేరు ఉంది. ఈ కుండలినీ శక్తి విజృభించినపుడు అష్ట సిద్ధులు కలుగుతాయి. ఈ అష్టసిద్ధులు శివుని నియంత్రణలో ఉండటం వల్ల, వారు అష్టసిద్ధులకు ప్రభువు అవడం వల్ల ఆయన్ని ఈశ్వరుడు అని పిలుస్తారు. ఈశ్వరుడు అనే పదానికి ప్రభువు అని అర్థం. జ్ఞానికి యోగదృష్టి కలగడానికి, భూత, భవిష్యత్, వర్తమానాలు గ్రహించడానికి ఆజ్ఞాచక్రం వికసించాలి, అది వికసించిన దన్న సంకేతమే శివుని మూడోకన్ను. తాంత్రిక సిద్ధులు పులిలా భయంకరమైనవి. వాటిని పూర్తిగా లొంగదీసి తమ అధీనంలో పెట్టుకున్నానని తెలుపుతూ శివుడు వ్యాఘ్రచర్మం ధరిస్తారు. నిర్మలమైన బ్రహ్మ జ్ఞానానికి, అమృతత్త్వ సిద్ధికి పరమ పావని గంగ సంకేత మయితే నిత్య ప్రసన్నత్వంవల్ల కలిగే ప్రశాంత ఆనందాన్ని నెలవంక సూచిస్తుంది. స్త్రీ పురుషులు ఇద్దరిలోను స్త్రీ, పురుష తత్త్వాలు రెండూ కలిసే ఉంటాయి. శరీరం కుడిభాగంలో ఉండే శక్తి పురుష శక్తి, ఎడమభాగంలో ఉండే శక్తి స్త్రీశక్తి. ఈ శక్తుల అవిచ్ఛిన్న సంయోగమే అర్థనారీశ్వరత్వం. ఇంతేకాక కాలచక్రం కూడా అర్థనారీశ్వర తత్త్వమని, ఎన్నడూ విడదీయరాని జంట అని తెలుసుకోగలగాలి. రాత్రి-పగలు, పౌర్ణమి-అమావాస్యల వంటివి అన్నీ ఒక దానిమీద ఒకటి ఆధార పడి ఉంటాయి. ఒకటి లేనిదే మరొకటి లేదు. శివుడు సంహారకారకుడు అంటే పాతసృష్టిని తీసి కొత్త సృష్టిని కల్పించేవాడని అర్థం. ధనుస్సు ధరించి ఆర్ద్రా నక్షత్రంలో గోచరమయ్యే రుద్రుడు పరుగులు తీస్తూ పారిపోతున్న జింకను వెన్నంటి వేటాడే వేటగానిలా కనిపిస్తారు. ఇది ఆకాశంలో మిథున కర్కాటక రాసులకు అడ్డంగా ఐమూలగా ఉంటుంది. ఈ నక్షత్ర మండలానికి దగ్గరగా క్రూరగ్రహాలైన శని, కుజ, రాహు, కేతువులు సంచారం చేసినట్లయితే ప్రపంచ యుద్ధాలు, ప్రళయాలు జరుగుతాయి. యోగాగ్ని వల్ల అన్ని కోరికలు భస్మమైనట్లయితే ఏ కోరికలూ లేని వైరాగ్యస్థితి కలిగి, ఆ వైరాగ్య స్థితిలో చక్కటి ప్రశాంతతతో కూడిన నిర్వాణస్థితి అనుభవంలోకి వస్తుంది. దీన్ని సూచిస్తూ శివున్ని స్మశానవాసి అంటారు. విభూతి పవిత్రమైన తెల్లటి జ్ఞానానికి గుర్తు. అధిభౌతిక, అధిదైవిక, ఆధ్యాత్మిక, ఈ మూడు స్థాయిలలోను జ్ఞానప్రాప్తి లభిస్తుంది. పైన చెప్పిన బాధలను శరీరం అనుభవిస్తూ ఉన్నా నిజమైన సాధకుడు ఆత్మను పరిశుద్ధంగా ఉంచుతూ దైవ సాన్నిధ్యాన్ని పొందవచ్చును అనే విషయాన్ని సూచిస్తూ శివభక్తులు మూడు విభూతి రేఖలను (త్రిపుండ్రాలు) ధరిస్తారు. #తెలుసుకుందాం #హర హర మహాదేవ 🙏 #🕉️హర హర మహాదేవ 🔱 #హర హర మహాదేవ శంభో శంకర #hara hara mahadeva