Kiran Gosavi
809 views • 3 days ago
#!! जय सप्तश्रुंगी माता !! 🔱 #आई तुळजाभवानी 🛕🚩🔱
प्रचंड चंडाबाई सप्तशृंग निवासिनी हो |
ओवाळू आरती आदिशक्ती अंबाबाई हो ||धृ||
सिंहारुढ होऊनी रुप धरीले महाचंड हो |
वधुनी महिषासुर मर्दियेले चंडमुंड हो |
थोर गर्जना केले कंपित झाले हे ब्रह्मांड हो |
पसरुनी वितंड दाढा वदनी केले अग्नीकुंड हो ||१||
भृकुटी वृकटी केल्या नेत्री वन्हीचे स्फुल्लिंग हो |
धडधड वमसी ज्वाळा करिसी असुरांचा मुळभंग हो |
घणघण वाजती घंटा सणसण सोडीशी शर ओघ हो |
दणदण डंका नादे दणाणिले अवनी अंग हो ||२||
कडकत धडकत त्रिशूळ कोधे फिरविशी दिग्मंडळी हो|
गडगड मुद्गल नादें तव तूं हाणशी धनुष्या वरी हो |
भडभड शोणीत वाहे तटतट मुंडे उडविसी नभी हो |
खदखद हासती भूतें घटघट करिती शोणीत पान हो ||३||
अष्टदश भुजदंड माथा बाबर पिंगट हो |
पितांबर परिधान शोभे कासोटा परि कटा हो |
चंदन चर्चित अंगी भाळी मृगनाभीचा टिळा हो |
तारांकी श्रवणी शोभे तेज पत्रके गंडस्थळा हो ||४||
ऐशी तुझी ख्याती महिमा न कळे ब्रह्मादिका हो |
अमर दुर्लभ रमणे करिसी सप्तशृंग निवास हो |
अंनंतकर वरदायक अंबे भवसिंधू तारक हो |
बाळकृष्ण स्वामी विनवी अंबे पतितासी सांभाळ हो ||५||
10 likes
7 shares
