Odia Trend Buzz
321 views • 1 hours ago
ଖୁସି ମନରେ ରସଗୋଲା ଖାଇବା କାଳ ହେଲା। ବିନା ଅନୁମତିରେ ଗୋଟିଏ ମିଠା ଖାଇବାରୁ ମିଳିଲା ଭୟଙ୍କର ଦଣ୍ଡ। ସାମାନ୍ୟ ମିଠାଟିଏ ଖାଇଦେଇଥିବା ନାବାଳକଙ୍କୁ ଜଣେ କାଗିଗର ଜଳନ୍ତା ତନ୍ଦୁର ମଧ୍ୟକୁ ଫୋପାଡ଼ି ଦେଲେ। ଏବେ ସେ ମରଣ ସହ ସଂଘର୍ଷ କରୁଥିବା ବେଳେ ମୁଣ୍ଡ ପିଟୁଛନ୍ତି ପରିବାର ଲୋକ । ଏପରି ଏକ ଭୟଙ୍କର କାଣ୍ଡ ଉତ୍ତରପ୍ରଦେଶର ବସ୍ତୀ ଜିଲ୍ଲାରେ ଘଟିଛି। ଏକ ବିବାହ ଉତ୍ସବରେ ଯୋଗ ଦେବାକୁ ୧୧ ବର୍ଷୀୟ ନାବାଳକଜଣକ ନିଜ ଜେଜେମା’ଙ୍କ ସହ ଯାଇଥିଲେ। ସେଠାରେ ଭଳିକି ଭଳି ସୁଆଦିଆ ଖାଦ୍ୟ ଖାଇବା ନିମନ୍ତେ ସେ ବେଶ୍ ଖୁସି ଥିଲେ। ବିବାହ ଉତ୍ସବରେ ପହଞ୍ଚିବା ପରେ ସେଠାରେ କାରିଗରମାନେ ରସଗୋଲ କରି ରଖିଥିଲେ। ଏହାଦେଖି ଲୋଭରେ ପଡ଼ି ଯାଇଥିଲେ ନାବାଳକଜଣକ । ଏପରିକି ସେ ବିନା ଅନୁମତିରେ ଗୋଟିଏ ରସଗୋଲା ଖାଇଦେଇଥିଲେ।ଏହାଦେଖି ରସଗୋଲା ପ୍ରସ୍ତୁତ କରୁଥିବା ମିସ୍ତ୍ରୀଙ୍କ ରାଗ ପଞ୍ଚମ ହୋଇ ଯାଇଥିଲା। ସେ ନିଜ ହିତାହିତ ଜ୍ଞାନ ଭୁଲି ଯାଇଥିଲେ। ଏହାପରେ ନାବାଳକଙ୍କୁ ପାନେ ଦେବାକୁ ତାଙ୍କୁ ଜଳନ୍ତା ଭାଟିକୁ ଠେଲି ଦେଇଥିଲେ। ପିଲାଟି ଚିତ୍କାର କରିବାରୁ ଅନ୍ୟମାନେ ପହଞ୍ଚି ତୁରନ୍ତ ତାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ। ସେଠାରେ ତାଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି। #🍨ରସଗୋଲା ପାଇଁ ମରଣ ମୁହଁରେ ନାବାଳକ👦😱
6 likes
7 shares
