* #🇮🇳💖💜 స్మృతి మందాన ❤💙💚 పెళ్లికి ఈ విఘ్నాల వెనుక అసలు మర్మమేమిటో..⁉️* November 25, 2025🏏 నిప్పు లేనిదే పొగరాదు… కానీ కొన్నిసార్లు నిప్పు లేకుండా కూడా పొగరావచ్చు… అసలు నిజం ఏదో తెలిసేవరకూ నిప్పు కనిపించదు, పొగ మాత్రమే కనిపిస్తుంది… ఎస్, స్మృతి మంధానా పెళ్లి వ్యవహారం గురించే… తను ఇండియన్ వుమెన్ జట్టు స్టార్ క్రికెటర్… అందంగా ఉంటుంది… కోట్లకుకోట్ల బ్రాండ్ వాల్యూ ఆమెది… ఆమెకూ పలాష్ ముచ్చల్‌కూ నడుమ ప్రేమ కొన్నాళ్లుగా… పలాష్ ఎవరో కాదు, ప్రముఖ బాలీవుడ్ గాయని పలాక్ ముచ్ఛల్ సోదరుడే… (పలాక్ సమాజసేవిక కూడా..) తను గాయకుడు, సంగీత దర్శకుడు, పిన్న వయస్కుడైన సంగీత దర్శకుడిగా తన పేరు గోల్డెన్ బుక్ ఆఫ్ వరల్డ్ రికార్డ్స్‌లో ఉంది… చిత్ర నిర్మాత కూడా..! సరే, ఎక్కడో కలిశారు, ప్రేమలో పడ్డారు… అది పెళ్లి దాకా ప్రయాణించింది… పలాష్‌ది ఇండోర్… ఉండేది ముంబైలోనే… ఇద్దరూ… వాళ్ల ప్రేమను పెద్దలూ అంగీకరించారు… పెళ్లి ఫిక్స్ చేశారు… ఎంగేజ్‌మెంట్, హల్దీ ఎట్సెట్రా వేడుకగా జరిగాయి… ఆమె కో-క్రికెటర్లు హాజరై సంబురంగా హంగామా చేశారు… అైసలే వరల్డ్ కప్ విజయం తాలూకు ఆనందంలో ఉన్నారు అందరూ… పెళ్లి మహారాష్ట్రలోని ఆమె స్వస్థలం సాంగ్లీలో ప్లాన్ చేశారు… సీన్ కట్ చేస్తే… హఠాత్తుగా స్మృతి తండ్రి హార్ట్ ఎటాక్ లక్షణాలతో హాస్పిటల్ చేరాడు… లక్షణాలే… దాంతో ఆమె పెళ్లిని వాయిదా వేయించింది… సహజం… తండ్రి చావుబతుకుల్లో హాస్పిటల్‌లో ఉంటే పెళ్లి వేడుకలు చేసుకోలేదు కదా… ఇక్కడ విశేషం ఏమిటంటే…? పలాష్ ముచ్చల్ కూడా హాస్పిటల్ పాలయ్యాడు… ఎసిడిటీ, ఒత్తిడి అని ఏవో కారణాలు చెప్పారు… తరువాత నాలుగైదు గంటలకు డిశ్ఛార్జ్ చేశారు… కానీ స్మృతి తన ప్రి-వెడ్ ఫోటోలు, వీడియోలన్నీ డిలిట్ చేసింది సోషల్ మీడియాలో… తనే కాదు… జెమీమ్ రోడ్రిగ్స్, శ్రేయాంక పాటిల్ తదితరులు కూడా తాము షూట్ చేసిన వీడియోలు, ఫోటోలు కూడా తమ సోషల్ మీడియా ఖాతాల నుంచి డిలిట్ కొట్టారు… ప్రస్తుతం సోషల్ మీడియాలో స్మృతి పెళ్లి, ప్రివెడ్, హల్దీ బాపతు ఫోటోలు, వీడియోలన్నీ డిలిట్ అయిపోయాయి… ఉంటే తప్పేముంది..? ఇక్కడే ఏదో తేడా కొడుతోంది… నో, నో, స్మృతి తండ్రి పలాష్‌కు కూడా బాగా సన్నిహితుడనీ, అందుకే ఒత్తిడి భరించలేక హాస్పిటల్ పాలయ్యాడు అని తన కుటుంబసభ్యులు ఏదో వివరణలు జారీ చేస్తున్నారు… కానీ తను మరోసారి ఈరోజు హాస్పిటల్‌లో చేరాడు… ఏం జరుగుతోంది..? బయటకు చెప్పబడని ఏదో మర్మం ఉంది అని మీడియా, సోషల్ మీడియా రాస్తోంది… సందేహాలు సహజమే… ఇంతకీ ఏమైంది స్మృతీ..? పోనీ, జెమీమ్ నువ్వయినా చెప్పమ్మా..!!

#🏏క్రికెట్ 🏏 #🇮🇳💖💜 స్మృతి మందాన ❤💙💚 *స్మృతి మంధాన..! కప్ గెలుపు ప్రచారంలో ఎందుకో దక్కని ప్రాధాన్యత ..‼️* November 4, 2025🏏 వుమెన్ వరల్డ్ కప్ ఇండియన్ టీమ్ సాధించింది… నిన్న మొత్తం అదే హంగామా… మీడియాలో, సోషల్ మీడియాలో… గెలిచిన అర్ధరాత్రి దేశంలోని అనేకచోట్ల యువత రోడ్ల మీదకు వచ్చి ఉత్సవాలు చేసుకుంది… డాన్సులు, బాణాసంచా, కేకులు, స్వీట్లు ఎట్సెట్రా… ఫైనల్ తరువాత ఎవరెవరు హైలట్ అయ్యారు..? దీప్తి శర్మ… మంచి బౌలింగ్‌తో (ఫైనల్‌లో 5/39) చరిత్ర సృష్టించి, భారత్ విజయంలో ప్రధాన పాత్ర పోషించింది… 215 పరుగులు (మూడు హాఫ్ సెంచరీలు), 22 వికెట్లు… మంచి ఆల్‌రౌండర్, ప్లేయర్ ఆఫ్ టోర్నమెంట్… షఫాలీ వర్మ.,. అనుకోకుండా జట్టులోకి వచ్చి, వేగవంతమైన అర్ధ సెంచరీతో (87 పరుగులు) ఇన్నింగ్స్ వేగాన్ని పెంచింది… రెండు వికెట్లు తీసుకుంది… హర్మన్‌ప్రీత్ కౌర్… కెప్టెన్‌గా జట్టును నడిపించిన తీరు, ఆమె వ్యూహాలు చర్చనీయాంశమయ్యాయి… ఎక్కువ క్రెడిట్ కెప్టెన్‌గా ఆమెకే దక్కుతుంది… సహజం… జెమీమా రోడ్రిగ్స్… సెమీ ఫైనల్‌లో 127 పరుగులు చేసి, బలంగా ప్రచార తెర మీదకు వచ్చింది… అమన్‌జోత్ కౌర్… దక్షిణాఫ్రికా కెప్టెన్ లారా వోల్వార్ట్ క్యాచ్‌ను బౌండరీ లైన్ వద్ద పట్టిన క్యాచుతో ఈమెకు కూడా మంచి ప్రశంసలు దక్కాయి… మరి స్మృతి మంధాన..? ఎస్… నిజంగా ఆమెకు దక్కాల్సినంత ప్రచారం మాత్రం పెద్దగా కనిపించలేదు మీడయాలో, సోషల్ మీడియాలో… ఈ ఫైనల్‌లో 45 పరుగులు చేయడమే కాదు, ఫస్ట్ వికెట్‌కు షఫాలీతో కలిసి సెంచరీ భాగస్వామ్యం ఆమెది… ఈ నిశ్శబ్ద పునాది మీదే మిగతా ప్లేయర్లు బాగా ఆడి 298 పరుగుల దాకా చేయగలిగారు… దీప్తి శర్మ బౌలింగు, బ్యాటింగ్ మెరుపుల ఎదుట స్మృతి ఇన్నింగ్స్ మరుగునపడిపోయింది… నిజానికి స్మృతిది స్థిరమైన ఆటతీరు… ఈ వరల్డ్ కప్‌లో ఆమె 434 పరుగులు చేసింది… ఈ టోర్నీలో అత్యధిక పరుగులు ఆమెవే… ఇవే కాదు… ఆమె కెరీర్ మొత్తం ఇంప్రెసివ్ గణాంకాలే… 114 వన్డేల్లో 14 సెంచరీలు, 34 హాఫ్ సెంచరీలు… 5219 పరుగులు మొత్తం… చివరకు టీ20లలో కూడా మెరుగైన ప్రతిభే… ఈ పొట్టి ఫార్మాట్‌లో కూడా 147 మ్యాచుల్లో ఒక సెంచరీ, 31 హాఫ్ సెంచరీలు… ఇంప్రెసివ్ పర్‌ఫార్మర్… 2024లో ఆమె అద్భుతమైన ODI ప్రదర్శనలకు ICC మహిళల ODI క్రికెటర్ ఆఫ్ ది ఇయర్ అవార్డు గెలుచుకుంది… రాయల్ ఛాలెంజర్స్ బెంగళూరు తరపున ఆడుతూ, 2024లో తొలి ఉమెన్స్ ప్రీమియర్ లీగ్ టైటిల్‌ను గెలుచుకుంది… వ్యక్తిగతానికి వస్తే… ముంబైలో పుట్టుక… తండ్రి, సోదరుడికి క్రికెట్ నేపథ్యం ఉంది… కోచ్ అమోల్ మజుందార్ పికప్ చేసిన ప్లేయర్ ఈమె… త్వరలో పలాష్ ముచ్చల్ అనే బాలీవుడ్ సింగర్, కంపోజర్, డైరెక్టర్‌ను పెళ్లి చేసుకోబోతోంది… 2019 నుంచీ రిలేషన్‌షిప్‌లో ఉన్నారు… పలాష్‌ది ఇండోర్… (*పై ఫోటోలో చేయి ఎవరిదో కాదు, స్మృతి కాబోయే భర్తదే… ఆమె పేరు ప్లస్ ఆమె జెర్సీ నంబర్ టాటూ వేయించుకున్నాడు… వరల్డ్ కప్ పట్టుకుని ఇలా సెల్ఫీలు దిగారు మురిపెంగా…*) అన్నట్టు… అందమైంది కదా, పైగా పాపులర్ వుమెన్ క్రికెటర్… అందుకే బ్రాండ్ వాల్యూ ఎక్కువ… హ్యూందాయ్, నైక్, రెడ్ బుల్, మాస్టర్ కార్డ్, హెచ్‌పీ, అమెజాన్, బోట్, అమూల్, గుడ్ డాట్, హీరో మోటోకార్ప్ ఉత్పత్తులకు మోడలింగ్ చేసింది… అన్నట్టు… హర్మన్ ప్రీత్ ను తప్పించేసి, ఇక స్మృతిని అన్ని ఫార్మాట్లకూ కెప్టెన్ చేయాలనే డిమాండ్లు పెరుగుతున్నాయి…! మాజీ కెప్టెన్ శాంత రంగ స్వామి వంటి క్రికెటర్లు ఆల్రెడీ గళం విప్పారు…

AD #bjpindia