హైదరాబాద్‌లో భారీ 'డిజిటల్ అరెస్ట్' ముఠా గుట్టురట్టు: ముగ్గురు కీలక నిందితుల అరెస్ట్. Hyd: దేశవ్యాప్తంగా సంచలనం సృష్టిస్తున్న 'డిజిటల్ అరెస్ట్' మోసాలకు పాల్పడుతున్న అంతర్రాష్ట్ర సైబర్ నేరగాళ్ల ముఠాను హైదరాబాద్ సిటీ సైబర్ క్రైమ్ పోలీసులు పట్టుకున్నారు. రూ. 1.07 కోట్ల భారీ సైబర్ మోసానికి పాల్పడిన కేసులో ఢిల్లీకి చెందిన ముగ్గురు కీలక నిందితులను అరెస్ట్ చేసినట్లు సైబర్ క్రైమ్స్ డిప్యూటీ కమిషనర్ ఆఫ్ పోలీస్ శ్రీ వి. అరవింద్ బాబు వెల్లడించారు. *అరెస్టయిన నిందితుల వివరాలు:* • A-2: గుర్దీప్ సింగ్ అలియాస్ లక్కీ నారంగ్ (42) – మనీ ఎక్స్ఛేంజ్ మరియు ట్రావెల్ వ్యాపారి. • A-3: హర్ ప్రీత్ సింగ్ అలియాస్ కరణ్ కౌశిక్ (36) – RO టెక్నీషియన్. • A-4: కుమార్ మోహిత్ అలియాస్ మోహిత్ కౌశిక్ (30) – వ్యాపారి.(ఈ కేసులో ఖాతాదారుడైన దీపక్, ఖాతా సరఫరాదారు ప్రశాంత్ కుమార్‌లను గతంలోనే అరెస్ట్ చేసి రిమాండ్‌కు తరలించారు). *కేసు వివరాలు:* హైదరాబాద్‌కు చెందిన 62 ఏళ్ల బాధితుడికి అక్టోబర్ 16, 2025న ఒక ఫోన్ కాల్ వచ్చింది. తాము ముంబై క్రైమ్ బ్రాంచ్ అధికారులమని, బాధితుడి ఆధార్ కార్డు మరియు ఫోన్ నంబర్ అక్రమ కార్యకలాపాల్లో వినియోగించబడ్డాయని నిందితులు భయపెట్టారు. మనీ లాండరింగ్ విచారణ పేరుతో బాధితుడిని మానసిక ఒత్తిడికి గురిచేసి, అరెస్ట్ చేస్తామని బెదిరించి రూ. 1,07,00,000 (కోటి ఏడు లక్షలు) వివిధ బ్యాంకు ఖాతాల్లో జమ చేయించుకున్నారు. *నేర విధానం (Modus Operandi):* 1. నకిలీ అధికారులు: సీబీఐ, కస్టమ్స్, ముంబై క్రైమ్ బ్రాంచ్ అధికారులమని పరిచయం చేసుకుంటారు. 2. డిజిటల్ అరెస్ట్: బాధితుడు డ్రగ్స్ లేదా టెర్రరిజం కేసుల్లో చిక్కుకున్నారని నమ్మిస్తారు. వారంటు ఉందంటూ వీడియో కాల్ ద్వారా 'డిజిటల్ అరెస్ట్' చేసి గంటగంటకూ నివేదించాలని ఆదేశిస్తారు. 3. డబ్బు వసూలు: అమాయకత్వాన్ని నిరూపించుకోవడానికి ఆస్తులను నగదుగా మార్చి సుప్రీంకోర్టుకు సమర్పించాలని చెప్పి తమ ఖాతాలకు బదిలీ చేయించుకుంటారు. పోలీసుల దర్యాప్తు: నిందితులు ఢిల్లీ, జైపూర్ వంటి నగరాల్లోని హోటళ్లలో బస చేస్తూ, కమీషన్ ఆశ చూపి ఇతరుల బ్యాంకు ఖాతాలను సేకరిస్తారు. బాధితుల నుండి వచ్చే డబ్బును వెంటనే ప్రధాన సూత్రధారికి బదిలీ చేస్తారు. నిందితుల నుండి స్వాధీనం చేసుకున్న మొబైల్ ఫోన్లలో అనేక బ్యాంకు ఖాతాల వివరాలు లభ్యమయ్యాయి. వీరికి గుజరాత్, కేరళ, మహారాష్ట్ర, హిమాచల్ ప్రదేశ్ వంటి రాష్ట్రాల్లో జరిగిన పలు సైబర్ నేరాలతో సంబంధం ఉన్నట్లు పోలీసులు గుర్తించారు. *ప్రజలకు సూచనలు (Public Advisory):* • నకిలీ కాల్స్ నమ్మవద్దు: పోలీసులు, సీబీఐ లేదా కోర్టు అధికారులు ఫోన్ కాల్ ద్వారా ఎవరినీ అరెస్ట్ చేయరు. • డబ్బు చెల్లించవద్దు: కేసుల నుండి విముక్తి కలిగిస్తామని ఏ ప్రభుత్వ సంస్థ డబ్బు డిమాండ్ చేయదు. • వ్యక్తిగత వివరాలు: ఓటీపీ, ఆధార్, బ్యాంకు వివరాలను అపరిచితులకు షేర్ చేయవద్దు. • ఖాతాలు ఇవ్వవద్దు: మీ బ్యాంకు ఖాతాలను ఇతరులకు వాడకానికి ఇస్తే చట్టపరమైన చర్యలు ఎదుర్కోవాల్సి ఉంటుంది. సైబర్ మోసానికి గురైతే: వెంటనే 1930 నంబర్‌కు కాల్ చేయండి లేదా www.cybercrime.gov.in లో ఫిర్యాదు చేయండి. డి. జోయల్ డేవిస్, IPS పర్యవేక్షణలో, ఏసీపీ ఆర్.జి. శివ మారుతి మార్గదర్శకత్వంలో ఇన్‌స్పెక్టర్ కె. ప్రసాదరావు మరియు వారి బృందం ఈ కేసును ఛేదించారు. #తెలుసుకుందాం #beware #awareness #beware of fraudulent *(వి. అరవింద్ బాబు) డిప్యూటీ కమిషనర్ ఆఫ్ పోలీస్, సైబర్ క్రైమ్స్, హైదరాబాద్*

#be aware of frauds #అప్రమత్తంగా ఉండండి సైబర్ సెక్యూరిటీ, సైబర్ క్రైమ్, ఇతర సంబంధిత ..... #సైబర్ క్రైమ్ #సైబర్ క్రైమ్ #సరికొత్త సైబర్ క్రైమ్

AD #bjpindia

#bye bye 2025👋 #మోసగాల్లున్నారు జాగ్రత్త 📍*⚠️ న్యూ ఇయర్ సందర్భంగా సైబర్ మోసాలపై ముఖ్యమైన సమాచారం ⚠️* ప్రియమైన గ్రూప్ సభ్యులకు, కొత్త సంవత్సరం శుభాకాంక్షల పేరుతో వాట్సాప్‌లో *🔗 అజ్ఞాత లింకులు* *📱 APK ఫైల్స్ (apps)* పంపిస్తూ మోసాలు చేస్తున్నారు. ఇవి ఓపెన్ చేస్తే మీ ❌ మొబైల్ డేటా ❌ బ్యాంక్ / UPI వివరాలు ❌ వ్యక్తిగత సమాచారం దొంగిలించే ప్రమాదం ఉంది. *👉 దయచేసి గమనించండి:* ❌ తెలియని లింక్‌లపై క్లిక్ చేయవద్దు ❌ వాట్సాప్‌లో వచ్చిన APK ఫైల్స్ డౌన్‌లోడ్ చేయవద్దు ❌ “New Year Gift / Greeting / Surprise” అంటూ వచ్చిన మెసేజ్‌లను నమ్మవద్దు ✅ అవసరమైతే పంపిన వ్యక్తిని నేరుగా అడిగి నిర్ధారించుకోండి ✅ మీ ఫోన్‌లో సెక్యూరిటీ అప్‌డేట్స్, యాంటీవైరస్ ఉపయోగించండి ✅ ఈ సమాచారం ఇతరులకు కూడా తెలియజేయండి *🛡️ జాగ్రత్తే మన రక్షణ* *🎉 సురక్షితంగా, ఆనందంగా న్యూ ఇయర్ జరుపుకుందాం!*