😭 ഐജയുടെ സഹോദരനും തൂങ്ങി മരിച്ച നിലയിൽ; ‘അമ്മ, ഐ ആം സോറി’ എന്ന് കത്ത്

#😭 ഐജയുടെ സഹോദരനും തൂങ്ങി മരിച്ച നിലയിൽ; ‘അമ്മ, ഐ ആം സോറി’ എന്ന് കത്ത് 'അമ്മേ എന്നോട് ക്ഷമിക്കണം'; നൊമ്പരമായി അർജുന്റെ അവസാന കുറിപ്പ്! ഐജ മഹേഷിന്റെ സഹോദരൻ ഹോട്ടൽ മുറിയിൽ മരിച്ച നിലയിൽ ഒന്നിനു പുറകെ ഒന്നായി എത്തിയ ദുരന്തങ്ങളുടെ ആഘാതത്തിൽ കണ്ണീരണിഞ്ഞ് ഒരു കുടുംബം. നീറ്റ് പരീക്ഷാ പുനഃപരിശീലനത്തിനിടെ മനോവിഷമത്താൽ ജീവിതം അവസാനിപ്പിച്ച കാസർകോട് സ്വദേശി ഐജ മഹേഷിന്റെ വേർപാടിന് പിന്നാലെ, സഹോദരൻ അർജുനും (24) വിടവാങ്ങി. മംഗളൂരുവിലെ ഹോട്ടൽ മുറിയിലാണ് ദുബായിൽ നിന്നും കഴിഞ്ഞ ദിവസം നാടണഞ്ഞ അർജുനെ മരിച്ച നിലയിൽ കണ്ടെത്തിയത്. കാസർകോട് പള്ളിക്കര മുക്കുട്ട് സ്വദേശിയായ അർജുൻ ദുബായിൽ ഓട്ടോ മൊബൈൽ എഞ്ചിനീയറായി ജോലി ചെയ്തു വരികയായിരുന്നു. കഴിഞ്ഞ ഞായറാഴ്ചയാണ് അർജുൻ ദുബായിൽ നിന്ന് മംഗളൂരു വിമാനത്താവളത്തിൽ എത്തിയത്. തുടർന്ന് ബജ്പെയ്ക്കടുത്തുള്ള മരവൂരിലെ ഹോട്ടലിൽ മുറിയെടുക്കുകയായിരുന്നു. തിങ്കളാഴ്ച രാവിലെയായിട്ടും മുറി തുറക്കാതിരുന്നതിനെ തുടർന്ന് സംശയം തോന്നിയ ഹോട്ടൽ ജീവനക്കാർ പോലീസിൽ വിവരമറിയിച്ചു. പോലീസും ബന്ധുക്കളും സ്ഥലത്തെത്തി വാതിൽ തുറന്നപ്പോഴാണ് ദാരുണമായ കാഴ്ച കണ്ടത്. മുറിയിൽ നിന്നും 'അമ്മ, ഐ ആം സോറി' എന്ന് ഹൃദയം ഭേദിക്കുന്ന വരികൾ കുറിച്ച നോട്ടുബുക്ക് പോലീസ് കണ്ടെടുത്തു. ചില സുഹൃത്തുക്കളെ വിവരം അറിയിക്കണമെന്നും കുറിപ്പിലുണ്ടായിരുന്നതായി മംഗളൂരു സിറ്റി പോലീസ് കമ്മീഷണർ സുധീർ കുമാർ റെഡ്ഡി പറഞ്ഞു. മംഗളൂരു വെൻലോക്ക് ആശുപത്രിയിലെ നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകി. സഹോദരിയുടെ വേർപാടിന്റെ കടുത്ത സങ്കടങ്ങൾ ഉള്ളിലൊതുക്കി കഴിഞ്ഞിരുന്ന അർജുന്റെ അപ്രതീക്ഷിത മടക്കം നാടിനെയും പ്രിയപ്പെട്ടവരെയും ഒന്നടങ്കം തകർത്തിരിക്കുകയാണ്.

. #😭 ഐജയുടെ സഹോദരനും തൂങ്ങി മരിച്ച നിലയിൽ; ‘അമ്മ, ഐ ആം സോറി’ എന്ന് കത്ത്