💔 'ഞാനൊരു വലിയ രോഗിയാണ്'! ആരാധകരെ ഞെട്ടിക്കുന്ന തുറന്ന് പറച്ചിലുമായി മലയാള നടൻ

'ഒരു ബാഗ് നിറയെ മരുന്നുകളുമായാണ് ഷൂട്ടിങ്ങിന് പോകുന്നത്'; കിഷോർ പീതാംബരൻ രോഗം ഗുരുതരമായ സമയത്ത് രണ്ട് വർഷത്തോളം അഭിനയത്തിൽ നിന്ന് വിട്ടുനിൽക്കേണ്ടിവന്നിരുന്നു. ആശുപത്രി ചെലവുകളും കുടുംബച്ചെലവുകളും താങ്ങാൻ പോലും ബുദ്ധിമുട്ടായപ്പോൾ വീണ്ടും ക്യാമറയ്ക്ക് മുന്നിലെത്താൻ തീരുമാനിച്ചു. സീരിയൽ പ്രേക്ഷകരുടെ പ്രിയതാരമായ കിഷോർ പീതാംബരൻ ഇന്ന് ഏഷ്യാനെറ്റിലെ മഴതോരും മുമ്പേ എന്ന പരമ്പരയിൽ സ്നേഹനിധിയായ ബാലചന്ദ്രനായി കൈയടി നേടുകയാണ്. എന്നാൽ ക്യാമറയ്ക്ക് മുന്നിലെ ചിരിക്ക് പിന്നിൽ, വർഷങ്ങളായി രോഗങ്ങളോട് പോരാടുന്ന ഒരു ജീവിതമാണ് ഒളിഞ്ഞിരിക്കുന്നത്. അടുത്തിടെ നൽകിയ ഒരു ഓൺലൈൻ മാധ്യമത്തിന് അഭിമുഖത്തിൽ തന്റെ ആരോഗ്യപ്രശ്നങ്ങളെക്കുറിച്ച് തുറന്നുപറയുകയായിരുന്നു കിഷോർ. "ഒരു ബാഗ് നിറയെ മരുന്നുകളുമായാണ് ഇപ്പോൾ ഷൂട്ടിങ്ങിന് പോകുന്നത്. ഇഞ്ചക്ഷനും സ്റ്റീറോയിഡുകളുമായാണ് ജീവിതം മുന്നോട്ടുപോകുന്നത്," എന്നാണ് താരം പറയുന്നത്. ആദ്യം നോൺ-ആൽക്കഹോളിക് ലിവർ ഡിസീസ് കണ്ടെത്തിയ കിഷോറിന് പിന്നീട് തലച്ചോറിന്റെ പിൻഭാഗത്തുള്ള പിറ്റ്യൂട്ടറി ഗ്രന്ഥിയിൽ സിസ്റ്റും കണ്ടെത്തി. ശരീരത്തിന്റെ ഹോർമോൺ പ്രവർത്തനങ്ങളെ നിയന്ത്രിക്കുന്ന പ്രധാന ഗ്രന്ഥിയായതിനാൽ ഇതിന്റെ പ്രശ്നങ്ങൾ ആരോഗ്യത്തെ ഗുരുതരമായി ബാധിച്ചുവെന്ന് താരം പറയുന്നു. കടുത്ത പ്രമേഹവും കരൾ രോഗവും ഉള്ളതിനാൽ ശസ്ത്രക്രിയ നടത്താനും കഴിയാത്ത അവസ്ഥയാണ്. ഭക്ഷണത്തേക്കാൾ കൂടുതൽ മരുന്നുകളാണ് ഇപ്പോൾ ജീവിതത്തിന്റെ ഭാഗമെന്നും, മുൻപ് ഷൂട്ടിംഗ് ഇല്ലാതിരുന്ന സമയത്ത് വാഹനം ഓടിക്കാൻ പോകുമായിരുന്ന തനിക്ക് ഇപ്പോൾ ഡ്രൈവിംഗ് ചെയ്യാൻ കഴിയുന്നില്ലെന്നും കിഷോർ പറഞ്ഞു. സീരിയൽ അഭിനയമല്ലാതെ മറ്റൊരു ജോലിയും ഇപ്പോൾ ചെയ്യാൻ കഴിയാത്ത സാഹചര്യത്തിലാണെന്നും അദ്ദേഹം കൂട്ടിച്ചേർത്തു. #💔 'ഞാനൊരു വലിയ രോഗിയാണ്'! ആരാധകരെ ഞെട്ടിക്കുന്ന തുറന്ന് പറച്ചിലുമായി മലയാള നടൻ #🌟 താരങ്ങള്‍ #📰ബ്രേക്കിങ് ന്യൂസ് #🗞 ട്രെൻഡിങ് അപ്ഡേറ്റ്സ് #🆕 ലേറ്റസ്റ്റ് അപ്ഡേറ്റ്

12 साल विश्वास के, विकास के, जनकल्याण के #12 साल विश्वास के, विकास के, जनकल्याण के