#🕋 ഇസ്ലാമിക് സ്റ്റാറ്റസ് 🟢 #റമദാൻ സന്ദേശം #റമദാൻ #റമദാൻ-2🌙 #റമദാൻ 2❣️

AD #bjpindia

*റമദാനിലേക്ക് ഇനിയും ഒരുങ്ങിയില്ലേ..?* റജബ് കഴിഞ്ഞ് ശഅബാനിലേക്ക് കടന്നു.. റമദാനിലേക്ക് ഇനി വിരലിലെണ്ണാവുന്ന ദിനങ്ങൾ മാത്രം ബാക്കി! പുണ്യങ്ങളുടെ പൂക്കാലമായ റമദാനിനെ പുണ്യങ്ങൾ കൊണ്ട് അലങ്കരിക്കണമെങ്കിൽ, റമദാൻ തുടങ്ങുന്നതിനു മുമ്പ് തന്നെ ഹൃദയത്തെ ശുദ്ധീകരിച്ച് പാകപ്പെടുത്തണം! അതിനാണ് റമദാനിൻ്റെ മുമ്പുള്ള മാസങ്ങൾ... മാസങ്ങൾക്കും ദിനങ്ങൾക്കും മുൻപേ റമദാനെ വരവേൽക്കാൻ മുൻഗാമികൾ തയ്യാറെടുപ്പുകൾ നടത്തിയിരുന്നു. എന്നാൽ, ദുന്യവിയായ കാര്യങ്ങളിൽ വ്യാപൃതരായി നാം പലപ്പോഴും ഈ പുണ്യമാസത്തിന്റെ ഗൗരവം ഉൾക്കൊള്ളാൻ വൈകിപ്പോകാറുണ്ട് എന്നതാണ് യാഥാർത്ഥ്യം. റമദാൻ കേവലം പട്ടിണി കിടക്കൽ മാത്രമല്ല, മറിച്ച് ആത്മശുദ്ധീകരണത്തിന്റെ മാസമാണ്. കഴിഞ്ഞുപോയ പാപങ്ങളിൽ നിന്ന് പശ്ചാത്തപിക്കാനും (തൗബ), മനസ്സിനെ വെറുപ്പുകളിൽ നിന്നും വിദ്വേഷങ്ങളിൽ നിന്നും മുക്തമാക്കാനും നാം തയ്യാറാകണം. അല്ലാഹുവിന്റെ പ്രീതി മാത്രം ലക്ഷ്യം വെച്ചുകൊണ്ട് ഈ മാസം ചിലവഴിക്കുമെന്ന ഉറച്ച തീരുമാനം ഇപ്പോഴേ എടുക്കേണ്ടതുണ്ട്. അതിനു വേണ്ടി ജീവിതത്തിൽ ഒരുപാട് മാറ്റങ്ങൾ കൊണ്ടു വരണം... കൃത്യമായ പ്ലാനിംഗ് ഇല്ലാതെ ഒരു കാര്യവും പൂർണ്ണതയിൽ എത്തിക്കാൻ കഴിയില്ല. റമദാനിലെ ഓരോ നിമിഷവും വിലപ്പെട്ടതാണ്.അതുകൊണ്ട് റമദാനിലെ ഓരോ ദിവസവും ഓരോ നിമിഷവും എന്തൊക്കെ ചെയ്യണമെന്ന് കൃത്യമായ ഒരു പ്ലാനിംഗ് ചെയ്ത് വെക്കുക. *നിസ്കാരം* ഫർള് നിസ്കാരം കൃത്യ സമയത്ത് നിസ്‌കരിക്കുക.സുന്നത് നിസ്കാരങ്ങൾ അധികരിപ്പിക്കുക... *ഖുർആൻ പാരായണം* എത്ര തവണ ഖുർആൻ ഓതിത്തീർക്കണം, എത്ര ഭാഗങ്ങൾ പഠിക്കണം എന്ന് മുൻകൂട്ടി തീരുമാനിക്കുക... *പ്രാർത്ഥനകൾ* നിത്യവും നിർവ്വഹിക്കേണ്ട ദിക്റുകളും ദുആകളും ശീലമാക്കുക. *ദാനധർമ്മങ്ങൾ* സഹായം ആവശ്യമുള്ളവരെ കണ്ടെത്തുകയും അവർക്കായി കരുതിവെക്കുകയും ചെയ്യുക. ശാരീരികമായ തയ്യാറെടുപ്പ് പെട്ടെന്ന് ഒരു ദിവസം നോമ്പ് അനുഷ്ഠിക്കുമ്പോൾ ഉണ്ടാകുന്ന ശാരീരിക ബുദ്ധിമുട്ടുകൾ ഒഴിവാക്കാൻ മുൻപുള്ള മാസങ്ങളിൽ സുന്നത്ത് നോമ്പുകൾ എടുക്കുന്നത് നല്ലതാണ്. ഭക്ഷണക്രമത്തിൽ നിയന്ത്രണം കൊണ്ടുവരാനും ഉറക്കവും ആരാധനകളും തമ്മിൽ ക്രമീകരിക്കാനും ഇപ്പോൾ തന്നെ പരിശീലനം തുടങ്ങണം... സോഷ്യൽ മീഡിയയും അനാവശ്യ കാര്യങ്ങളും നമ്മുടെ സമയം കവർന്നെടുക്കുന്ന സ്മാർട്ട് ഫോണുകളുടെയും സോഷ്യൽ മീഡിയയുടെയും അമിത ഉപയോഗം കുറക്കാൻ നാം തയ്യാറാകണം. റമദാനിൽ ആരാധനകൾക്കായി കൂടുതൽ സമയം കണ്ടെത്തണമെങ്കിൽ അനാവശ്യമായ കൂട്ടുകെട്ടുകളിൽ നിന്നും വിനോദങ്ങളിൽ നിന്നും വിട്ടുനിൽക്കാൻ ഇപ്പോഴേ മനസ്സിനെ പാകപ്പെടുത്തിയേ പറ്റൂ..! ഈ പരിശുദ്ധ മാസത്തെ ഏറ്റവും നന്നായി ഉപയോഗപ്പെടുത്തുന്നവരുടെ കൂട്ടത്തിൽ അല്ലാഹു നമ്മെ ഉൾപ്പെടുത്തട്ടെ. آمين يا رب العالمين أوصيكم بالدعاع ✍️ ISHQINTE_THOZHI #റമദാൻ സന്ദേശം #📝 ഞാൻ എഴുതിയ വരികൾ #🕋 ഇസ്ലാമിക് സ്റ്റാറ്റസ് 🟢 #റമദാൻ #☪വെള്ളിയാഴ്ച രാവ് 🌙