रोज डे

#🌹 हॅप्पी रोज डे #रोज डे

#🌹 हॅप्पी रोज डे #रोज डे #🌹 हॅपी रोज डे 💖 #हँपी रोज डे #🌹मॅडम फक्त आणि फक्त तुम्हांला हॅप्पी रोज डे 🌹 स्वतःलाच आज गुलाब दिला…🌹* आज रोझ डे आहे. सकाळपासून गुलाबांची चित्रं, शुभेच्छा, स्टेटस, रील्स… कोणी कोणासाठी काय केलं, कुणाला किती प्रेम मिळालं याची मोजदाद सुरू आहे. आणि या सगळ्यात नकळत एक प्रश्न मनात येतो... _माझ्यासाठी कुणी आहे का?_ पण आज आरशात पाहताना मला एक वेगळंच जाणवलं. आजपर्यंत मी इतकी वर्षं स्वतःकडे किती दुर्लक्ष केलं होतं! सगळ्यांसाठी उभी राहिले, सगळ्यांच्या गरजा आधी पूर्ण केल्या, पण स्वतःसाठी काहीच मागितलं नाही. स्वतःच्या मनालाच नेहमी “थांब”, “नंतर”, “जाऊ दे” म्हणत राहिले. आज मात्र मी थांबले… आणि स्वतःलाच एक गुलाब दिला. तो गुलाब कुणी बाजारातून आणलेला नव्हता. तो होता स्वतःला दिलेला वेळ, स्वतःला दिलेली दाद, आणि स्वतःच्या मनाशी केलेली एक शांत कबुली.. _“तू पुरेशी आहेस.”_ आपण नेहमी प्रेम म्हणजे दुसऱ्यांकडून मिळणारी भावना समजतो. कोणी कौतुक केलं, लक्ष दिलं, आधार दिला की आपल्याला बरं वाटतं. पण जेव्हा ते सगळं मिळत नाही, तेव्हा आपण आतून कोसळतो. कारण आपण कधीच स्वतःला ते देण्याची सवय लावून घेतलेली नसते. स्वतःवरचं प्रेम म्हणजे स्वार्थ नाही. ते म्हणजे स्वतःला समजून घेणं. थकल्यावर स्वतःला थांबू देणं. चुकल्यावर स्वतःला माफ करणं. आणि सगळ्यात महत्त्वाचं... स्वतःच्या अस्तित्वाला मान्यता देणं. आज मी स्वतःलाच गुलाब दिला, कारण मला उमगलं की जो स्वतःला प्रेम देऊ शकतो, तोच इतरांनाही निखळ प्रेम देऊ शकतो. कदाचित आज कुणी तुम्हाला गुलाब दिला नसेल. कदाचित आज कुणाच्याही शुभेच्छा तुमच्यापर्यंत पोहोचल्या नसतील. पण तरीही आजचा दिवस वाया जाऊ देऊ नका. आज स्वतःसाठी एक गुलाब उमलू द्या... स्वतःच्या मनात... कारण.. *स्वतःवरचं प्रेमही साजरं व्हायलाच हवं…* *आणि त्याची सुरुवात आपल्यापासूनच होते. 🌹* ✒️सौ अर्चना बारवकर 🌹

AD #bjpindia

#🌹 हॅप्पी रोज डे #🌹 हॅपी रोज डे 💖 #रोज डे #happy roj day 🌹 #happy roj day