Wisdom Media
573 views • 9 days ago
ഖൗമിലെ കുട്ട്യേളെ ആഘോഷങ്ങൾ കണ്ട് - ആനന്ദനൃത്തം തുള്ളുന്നവരും,
നവോത്ഥാനത്തിന്റെ വിപ്ലവചിന്തകൾ ഉണർത്തുന്നവരും,
നെഞ്ചകം തകർന്ന് നെടുവീർപ്പിടുന്നവരും,
തലയിൽ കൈവെച്ച് സഹതപിക്കുന്നവരുമുണ്ടാകാം…!
“കുട്ട്യേളല്ലേ…”
“അവര്ടെ ഇഷ്ടല്ലേ…”
“ഇപ്പത്തെ കാലല്ലേ…”
“വൈബായി കണ്ടാ പോരെ…”
“ഒന്ന് തുള്ളുമ്പോഴേക്കും ആകാശം ഇടിഞ്ഞുവീഴ്വോ…”
എന്നൊക്കെ പറഞ്ഞ്,
പലരും അതിനെ കാലത്തിന്റെ സ്വാഭാവികതയെന്ന് പറഞ്ഞ് കടന്നുപോകുന്നു..
പക്ഷേ, ഒരു ചോദ്യം..!
കുട്ട്യേളാണെന്നതുകൊണ്ട് ശരിയും തെറ്റും ഇല്ലാതാവുമോ ? കാലം മാറിയെന്നതുകൊണ്ട് നിലപാടുകളും മാറേണ്ടതുണ്ടോ ? 'വൈബ്' എന്നൊരു വാക്കിന് മുന്നിൽ നമ്മുടെ മൂല്യങ്ങളും ബോധ്യങ്ങളും പണയം വെക്കേണ്ടതുണ്ടോ ?
ആരുടെയും മുന്നിൽ തലകുനിക്കാതെ,
സ്വന്തം തനിമയും നിലപാടുകളും നെഞ്ചോട് ചേർത്തുപിടിച്ച്,
കാലത്തിന്റെ ഒഴുക്കിനൊപ്പം ഒഴുകാതെ,
സ്വന്തമായി വഴിവെട്ടി മുന്നോട്ടുപോയ പ്രവാചകന്മാരുടെയും
പുണ്യവതികളായ സ്ത്രീകളുടെയും ഒരു പാതയുണ്ട്.!
ആ വഴിയുടെ അവസാനം അവർ കൊതിച്ചൊരു സ്വർഗമുണ്ട്..
നമ്മളും കൊതിക്കുന്നത്
അതേ സ്വർഗം തന്നെയല്ലേ?
എങ്കിൽ…
നൈമിഷികമായ വൈബുകൾക്ക് വേണ്ടി
നമ്മുടെ പരമമായ ആ ലക്ഷ്യം മറക്കുന്നതെന്തിന്?
വൈബ് കെട്ടടങ്ങും.
കൈയ്യടി അവസാനിക്കും.
കാഴ്ചകൾ മാഞ്ഞുപോകും.
ആൾക്കൂട്ടം പിരിയും.
പക്ഷേ, നാം തിരഞ്ഞെടുത്ത വഴിയുടെയും ആ യാത്രയുടെയും കണക്കുകൾ ബാക്കിയാകും..
പള്ളിയും പള്ളിക്കൂടവും വേറെയായിരിക്കാം…
പക്ഷേ, അവിടേക്ക് പോകുന്ന നമ്മൾ ഒരാൾ തന്നെയല്ലേ?
അവിടെ വിശ്വാസം സംസാരിക്കുകയും,
ഇവിടെ അതിന്റെ അതിരുകൾ മറക്കുകയും, ഒരുവേള ബോധപൂർവം മറയ്ക്കാൻ ശ്രമിക്കുകയും ചെയ്യുമ്പോൾ,
നമ്മൾ നമ്മളെത്തന്നെ കബളിപ്പിക്കുകയല്ലേ?
എല്ലാവരും ഒഴുകുന്നിടത്തേക്ക് ഒഴുകിപ്പോകുന്നതാണോ സ്വാതന്ത്ര്യം?
അതോ,
ശരിയെന്ന് ബോധ്യപ്പെട്ടതിൽ ഉറച്ചുനിൽക്കാനുള്ളധൈര്യമാണോ യഥാർത്ഥ സ്വാതന്ത്ര്യം?
അനശ്വരമായ സ്വർഗത്തെ ആഗ്രഹിക്കുന്നവർക്ക്
'എല്ലാം ചെയ്യാം' എന്ന മനോഭാവമുണ്ടാകില്ല.
ചിലതിൽ നിന്ന് മാറിനിൽക്കണം.
ചിലതിനോട് ഉറച്ചുനിന്ന് 'നോ' പറയണം.
ആൾക്കൂട്ടത്തിനിടയിലും ആരവങ്ങൾക്കൊടുവിലും സ്വന്തം അസ്തിത്വം കാത്തുസൂക്ഷിക്കണം, അഭിമാനവും..
🔹
ഹനീന ടി.കെ
(ജനറൽ സെക്രട്ടറി, വിസ്ഡം ഗേൾസ്)
#wisdom students #wisdomwomen #wisdomgirls #wisdomyouth #WisdomIslam
19 shares
