viceofchrist

ప్రియమైన సహోదరి సహోదరులారా... "మీ శత్రువులను ప్రేమించుడి, మిమ్మును ద్వేషించువారికి మేలు చేయుడి, మిమ్మును శపించువారిని దీవించుడి, మిమ్మును బాధించువారి కొరకు ప్రార్థన చేయుడి" అని యేసుప్రభువు చెప్పిన ఈ మాటలు క్రైస్తవ జీవితానికి అత్యున్నతమైన పునాది. మనల్ని ప్రేమించేవారిని మనం ప్రేమించడం చాలా సాధారణ విషయం, కానీ మనల్ని ద్వేషించి, బాధపెట్టే శత్రువులను కూడా ప్రేమించడమే నిజమైన దైవిక ప్రేమ! లోకం పగకు పగ, దెబ్బకు దెబ్బ అని నేర్పుతుంది. కానీ యేసుక్రీస్తు మనకు క్షమాపణను, ప్రేమను నేర్పించారు. మనకు కీడు చేసినవారికి సైతం మేలు చేయడం, మనల్ని శపించేవారిని హృదయపూర్వకంగా దీవించడం, మనల్ని హింసించేవారి రక్షణ కోసం ప్రార్థించడం ద్వారానే మనం పరలోకపు తండ్రి బిడ్డలుగా లోకంలో ప్రకాశించగలము. ఇప్పటికైనా మన హృదయాన్ని పరీక్షించుకుందాం! క్రీస్తు చూపిన ఆ ఉన్నతమైన ప్రేమ మార్గంలో నడుస్తూ, శత్రువులను సైతం ప్రేమించే గొప్ప మనసును దేవుడు మనకు దయచేయును గాక! ఆమెన్.🙏 . . . #brokmahesh #viceofchrist #తెలుగు క్రిస్టియన్ #దేవునివాక్యం #✝️జీసస్

ప్రియమైన సహోదరి సహోదరులారా... నేటి సమాజంలో మనుషులు ఎదుటివారి ఎదుగుదలను చూసి ఓర్వలేకపోతున్నారు. తోటివారు బాగుపడుతుంటే లోపల కుళ్ళుకుంటూ, అసూయతో బ్రతుకుతున్నారు. అంతకంటే ఘోరం ఏంటంటే, నేడు చాలామంది దేవునికి ఇష్టం లేకపోయినా.. కేవలం లోకంలో ఉండే మనుషుల మెప్పు కోసం, వారి ముందు గొప్పలు చాటుకోవడం కోసమే జీవిస్తున్నారు. గుర్తుంచుకోండి, ఈ లోకంలో ఉండే మనుషులు ఈ రోజు పొగుడుతారు, రేపు తిడతారు. మనుషుల మెప్పు ఎప్పటికీ శాశ్వతం కాదు! కాబట్టి మనుషులుగా మనం ఎదుటివారిని చూసి ఏడవడం మానేసి, మనుషుల మెప్పు కోసం కాకుండా.. దేవుని మెప్పు కోసం, ఆయన చిత్తాన్ని నెరవేర్చడం కోసం జీవించడం నేర్చుకోవాలి.🙏 Message By Bro K. Mahesh Garu [ Voice Of Christ ] . . . #✝️జీసస్ #brokmahesh #viceofchrist #తెలుగు క్రిస్టియన్ #దేవునివాక్యం

ప్రియమైన సహోదరి సహోదరులారా... ఈ రోజుల్లో బయట ఎంతో మంది తప్పుడు పనులు చేస్తూ, విచ్చలవిడిగా తిరుగుతూ కూడా చాలా ధైర్యంగా బ్రతుకుతున్నారు. కానీ మనం మాత్రం... క్రైస్తవులమని చెప్పుకోవడానికి, దేవుని మాటలు నలుగురితో పంచుకోవడానికి సిగ్గుపడుతున్నాం. అందరి ముందు దేవుని గురించి మాట్లాడటం ఏదో నామోషీగా, తక్కువతనంగా ఫీల్ అవుతున్నాం. లోకానికి భయపడి క్రీస్తు నామమును ఒప్పుకోవడానికి వెనకడుగు వేసే ప్రతి ఒక్కరూ ఈ ఒక్క మాటను గుర్తుపెట్టుకోండి. మనుషుల ముందు, ఈ లోకం ముందు మనం దేవుని గురించి చెప్పడానికి సిగ్గుపడితే... రేపటి రోజున దేవుని రాకడ సమయంలో, ఆ పరలోకపు తండ్రి మహిమతో దూతలతో కలిసి ఆయన భూమిపైకి వచ్చినప్పుడు... నిన్ను తన బిడ్డగా ఒప్పుకోవడానికి ఆ దేవుడే సిగ్గుపడతారంట! లోకం నిన్ను చూసి నవ్వినా పర్వాలేదు కానీ, దేవుడు నిన్ను చూసి సిగ్గుపడేలా బ్రతకకండి. ధైర్యంగా క్రీస్తు సాక్షులుగా నిలబడండి!🙏 . . . #brokmahesh #viceofchrist #తెలుగు క్రిస్టియన్ #దేవునివాక్యం #✝️జీసస్