గాన కోకిల

#ఎస్. జానకి💐🎂 #గాన కోకిల *తెలుగు పుట్టుకే – తెలుగుకన్నా ఇతర దక్షిణ భాషలే గౌరవించాయి‼️* July 12, 2026🎧 Rochish Mon …. ఎస్. జానకి – ఒక గాయని రూపంలో అద్భుతత్వం —- భారతదేశ సినిమా గానంలో ఒక గాయని రూపంలో అద్భుతత్వం మూర్తిమత్వం దాల్చింది! ఆ మూర్తిమత్వం ఎస్. జానకి!! మన దేశ సినిమా గానంలో జానకి అంత ప్రతిభావంతమైన గాయని ఇవాళ్టి వరకూ రాలేదు! గొప్ప గాత్రం, గొప్ప విద్వత్ ఉన్న, గొప్ప గానం చేసిన గాయనీమణులు మన దేశ సినిమాలో ఉన్నారు. వైవిధ్యం, ప్రతిభ, expression, balance, సంగతులు వెయ్యడంలో నైపుణ్యం, కచ్చితత్వం, స్వరసమం ఇన్నింటి మేళవింపుతో జానకి జానకే ఎస్. జానకి గొప్పతనం తమిళ్ష్, కన్నడం, మలయాళం భాషల పాటల్లో నమోదైనంతగా తెలుగులో అవకపోవడం బాధాకరం. ఇళైయరాజా ఎస్. జానకి ఔన్నత్య పరిణామాల్ని, పరిమాణాల్ని వెలికి తీసుకురావడం నిజం. ఇళైయరాజాకు ముందే ఎమ్.ఎస్. విశ్వనాన్(థ), కె.వీ.మహాదేవన్, జీ.కె. వెంకటేశ్, రాజన్-నాగేంద్ర, విజయభాస్కర్, దేవరాజన్, బాబురాజన్, వీ. దక్షిణామూర్తి వంటి సంగీత దర్శకులు జానకి చేత మహోన్నతంగా పాడించారు. జానకి వల్ల మాత్రమే సాధ్యమయ్యే సంగీతాన్ని వాళ్లు సాధించారు. ‘హేమవతి’ కన్నడం సినిమాలో ఎల్. వైద్దియనాద(థ)న్ చేసిన పాట “శివశివ ఎన్నద నాళిగ ఏకే…” ఒక్క జానకి మాత్రమే పాడగలిగినన పాట. తన గాన జీవితంలో తాను పాడిన పాటల్లో కష్టమైన పాట అదే అని స్వయంగా జానకి చెప్పారు. “నీ లీల పాడెద దేవా…” పాట గానం గురించి మనకు తెలిసిందే. ఈ “నీ లీల పాడెద దేవా…” పాట కన్నా కష్టమైన పాట ఆ “శివశివ ఎన్నద నాళిగె ఏకే…” పాట. ఒక పంక్తి ఒక రాగంలోనూ తదుపరి పంక్తి మరో రాగంలోనూ ఉంటుంది ఆ పాటలో. పాట చివరలో వైఅలిన్ వాదన కోసం నిర్ణయించబడ్డ స్వరాలను జానకి పాడేశారు. సంగీత దర్శకుడి ఊహకు మించిన విషయం అది. ఈ ఒక్క పాట చాలు జానకి ఎంత గొప్ప గాయనీమణో తెలుసుకోవడానికి. తమిళ్ష్‌లో కె.వీ. మహాదేవన్, ఎమ్. ఎస్. విశ్వనాదన్, ఇళైయరాజా, రహ్మాన్ వంటి సంగీత దర్శకులు జానకితో అద్భుతాలను సాధించారు. “జానకి అమ్మ పాడుతుంటే పాట నుంచి ఆత్మ వస్తూంటుంది” అని రహ్మాన్ అన్నారు. ‘స్వరసమం’, సంతులనం (balance), expression, mood, modulation, flexibility, range adoption, variety, language consciousness వంటి అంశాలు (features) జానకి గానంలో, గాత్రంలో ప్రత్యేకతలు. వీటిల్లో స్వరసమం, సంతులనం (balance), expression, mood, modulation విశేషాంశాలు. ఈ అంశాల పరంగా కొన్ని జానకి పాటలు: సప్తపది సినిమాలోని “నెమలికి నేర్పిన నడకలివి…” “గున్నమామిడి కొమ్మ మీద గూళ్లు రెండుండేవి…” “నీలి మేఘాలలో గాలి కెరటాలలో…” (ఈ పాటను ఘంటసాల కూడా పాడారు. ఘంటసాల గానం స్వరసమం, సంతులనం (balance), expression, mood, modulation లేకుండా ఉంటుంది) “నరవరా ఓ కురువరా…” (Soprano గానం ఈ పాట) “ఈ దుర్యోధన దుశ్శాసన …” (ఈ పాట అంత శక్తివంతమైన గానం మరో గాయని వల్ల సాధ్యపడదు) “వెన్నెల్లో గోదారి అందం…” “నీ కనుదోయి నిద్దురనై…” (గజల్ స్థాయి గానం ఈ పాట) “గోవుల్లు తెల్లన గోపయ్య నల్లన…” (ఈ పాటలో చిన్న పిల్లాడి గొంతుతో పాడడం గొప్ప విషయం) “కళ్లలో ఉన్నదేదో కన్నులకే తెలుసు…” ఇంకా తమిళ్ష్ సినిమాల్లో ఇళైయరాజా సంగీతంలో ఆశ్చర్యకరంగా పాశ్చాత్య సంగీత ధోరణిలో పాడారు. కన్నడం, మలయాళం భాషల్లో జానకి మహోన్నతమైన గానం చేశారు. విద్వత్ పరంగా గాయని వాణి జయరాం చాల గొప్ప. ఆ వాణి జయరాం కన్నా గాయనిగా జానకి ఎంత గొప్పో తెలియాలంటే ‘ఎరడు కనసు’ కన్నడం సినిమాలో “పూజిసరల్లి హుగళె…” పాడిన పాట వినాలి. ఈ పాటను తెలుగులో “పూజలు చేయ పూలు తెచ్చాను…” పాటగా వాణి జయరాం పాడారు. జానకి గానంలోని ఉదాత్తత, స్వరసమం, mood, expression వాణి జయరాంలో ఉండవు. 1976లో వచ్చిన ‘మాంగల్య భాగ్య’ కన్నడం సినిమాలో “ఆసెయ భావ ఒలవిన జీవ…” అంటూ జానకి పాడగా “మల్లెలు పూసె వెన్నెల కాసె…” అంటూ బాలు ఇంటింటి రామాయణం సినిమాలో పాడారు. స్వరసమం, balance, profundity, నిండుతనం, expression- sublimity పరంగా జానకి గానం స్థాయికి బాలు గానం అమరలేదు. తెలుగులో సుశీల పాడిన “జోరుమీదున్నావు తుమ్మెద…” పాటను తమిళ్ష్‌లో జానకి పాడారు. నిర్ద్వంద్వంగా జానకి సుశీల కన్నా అన్ని విధాలుగానూ మేలు ఈ పాట గానంలో. జానకి మలయాళ సినిమా గానం ఒక శకం. ముఖ్యంగా జానకి మలయాళం ఉచ్చారణ చాల గొప్పగా ఉంటుంది. అదేమిటో, అదెందుకో జానకి మలయాళం పాటను అత్యున్నతంగా పాడేశారు. జానకి పాడిన ఓ 10 మలయాళం పాటలు వింటే మరో స్థాయి జానకి మన మెదళ్లను, మనసులను స్పృశిస్తారు. మలయాళీయులు జానకిని ఎంతో గొప్పగా పరిగణిస్తారు! గాయని చిత్ర తాను జానకి నుంచి స్ఫూర్తి పొందానని గట్టిగా చెప్పారు. ఈ వరకే చిత్ర వంటి గాయనీమణికే జానకి స్ఫూర్తి, ఆదర్శం. దక్షిణ భారతంలో ఇంత వరకూ వచ్చిన గాయనీమణుల్లో ఇకపై రానున్న గాయనీమణులకు జానకి మాత్రమే ఆదర్శం కానున్నారు. జానకి వంటి గాయని మళ్లీ మన దేశం సినిమాలో పుట్టక పోవచ్చు! *రోచిష్మాన్* 9444012279

#గాన కోకిల #ఎస్. జానకి.. గాయనీ💐🎂 *ఒకే పాట- నాలుగు గొంతులు … జానకమ్మ వాయిస్ మ్యాజిక్ ఈ సాంగ్🎤* 12.07.2026🎯 ఒకే గొంతు.. నాలుగు వింతలు! జానకమ్మ ‘వాయిస్ మ్యాజిక్’ చూస్తే మీరు ఫిదా అవ్వాల్సిందే! సంగీత ప్రపంచంలో *‘గానకోకిల’* అనగానే మనకు గుర్తొచ్చే పేరు ఎస్. జానకి. ఆమె గొంతు వినగానే ఏదో మాయ జరిగినట్టు ఉంటుంది. కానీ, ఈసారి జానకమ్మ చేసిన మ్యాజిక్ మామూలుది కాదు! మీరు ఎప్పుడైనా ఒక్కరే, ఒకే పాటను.. అచ్చం నలుగురు వేర్వేరు వ్యక్తుల గొంతులతో పాడటం విన్నారా? అసాధ్యం అనుకుంటున్నారా? జానకమ్మకు ‘అసాధ్యం’ అనే పదమే తెలియదని ఈ వీడియో మరోసారి నిరూపించింది. “రావమ్మ దుర్గమ్మ” – జానకమ్మ గళంలో ఒక విస్మయం: ఇప్పుడు మళ్లీ చర్చనీయాంశమవుతున్న ఒక ప్రైవేట్ గీతం “రావమ్మ దుర్గమ్మ”. ఈ పాట వింటుంటే మీరు ఆశ్చర్యంతో నోరెళ్లబెట్టడం ఖాయం. ఎందుకంటే, ఇందులో జానకమ్మ ఏకంగా నాలుగు విభిన్న పాత్రలను, వారి వయసును, వారి గొంతులోని భావోద్వేగాలను తన స్వరంతోనే పండించారు. ఆ మ్యాజిక్ వెనుక ఉన్న గొంతులు ఇవే: *పసిపాప గొంతు:* పాట ప్రారంభంలోనే ఆ పసిపాప అమాయకత్వం, ఆ ముద్దు ముద్దు పలుకులు వింటుంటే, పక్కనే ఒక చిన్నారి పాడుతుందేమో అనిపిస్తుంది! *పురుషుడి గంభీర స్వరం:* ఆ తర్వాత క్షణంలోనే పురుష పాత్రలోని గాంభీర్యాన్ని తన గొంతులోకి పుణికిపుచ్చుకున్నారు. *స్త్రీ గొంతు:* ఇది జానకమ్మ సహజమైన, మధురమైన స్వరంతో సాగే భక్తి ప్రపత్తుల నివాళి. *వృద్ధురాలి గొంతు:* ఇక్కడే ఉంది అసలైన జానకమ్మ మేజిక్! ముసలమ్మ గొంతులో ఉండే ఆ వణుకు, ఆ భక్తిని, ఆ అనుభవాన్ని ఆమె పలికించిన తీరు చూస్తుంటే మది పులకిస్తుంది. లెజెండరీ సింగర్ అంటే ఇదే కదా! సాధారణంగా ఒక్కో పాత్ర కోసం ఒక్కో గాయకుడిని పిలుస్తారు. కానీ, జానకమ్మ ఏకంగా మైక్రోఫోన్ ముందు నిలబడి, ఏమాత్రం తడబాటు లేకుండా, క్షణక్షణం గొంతును మార్చుకుంటూ వెళ్తుంటే.. అది మనిషి స్వరంలా కాకుండా ఏదో దైవిక శక్తిలా అనిపిస్తుంది. పాత్రల హావభావాలను, వయసు తారతమ్యాలను కేవలం గొంతుతోనే పలికించడం కేవలం జానకమ్మకే సాధ్యం. సినిమాల్లోని పాత్రల కోసం ఆమె వాయిస్ మోడ్యులేషన్ చేయడం మనకు తెలుసు, కానీ ఈ భక్తి గీతంలో ఆమె చేసిన ‘ఫోర్ వాయిస్’ ప్రయోగం నిజంగా సంగీత చరిత్రలో ఒక అరుదైన మైలురాయి. మీరూ వినాల్సిందే: జానకమ్మ గారిలోని అపారమైన ప్రతిభకు, ఆమె స్వర పరిణితికి ఈ యూట్యూబ్ క్లిప్ ఒక నిదర్శనం. సంగీతాన్ని ప్రాణంగా ప్రేమించే ప్రతి ఒక్కరూ ఖచ్చితంగా చూడాల్సిన ఆ-వీడియో ఇది. “వీడియో లేదు.. కానీ గొంతు మాయాజాలం మాత్రం కళ్ళకు కట్టినట్టు కనిపిస్తుంది! యూట్యూబ్ లింక్ ఇక్కడ ఉంది, జానకమ్మ గారి గొంతు మాయాజాలాన్ని మీరు కూడా ఆస్వాదించండి… గాయని సునీత షోలో ఒకసారి ఆమె లైవ్‌గా నాలుగు గొంతులతో ఓ పాట పాడింది, ఇదీ ఆ లింక్ https://www.facebook.com/reel/1579774857047584 చివరగా… ఆమె ఆస్త్మా పేషెంట్… ఎప్పుడు వైద్య నిఘా తప్పనిసరి… బ్రీతింగ్ ప్రాబ్లమ్… ఐనా ఇన్ని వేల పాటల్ని చిన్న తేడా రాకుండా పాడటం గ్రేట్… అందుకే రమేష్ నాయుడు అనేవాడట… ఒక హార్మోనియం పెట్టెలోని ప్రతి మెట్టుపైనా ఆమెకు పట్టుంది అని!!

#🎷పాత పాటలు #🎞️పాత సినిమాలు

#😁Hello🙋‍♂️ #🌅శుభోదయం #😃మంచి మాటలు