శ్రీ మద్విరాట్ పోతులూరి వీరబ్రహ్మేంద్ర స్వామి

#😇My Status #శ్రీ మద్విరాట్ పోతులూరి వీరబ్రహ్మేంద్ర స్వామి

Hanuman temple 🙏#follow #sri madvirat potuluri vira bramamdra swamy

* #శ్రీ మద్విరాట్ వీరబ్రహ్మేంద స్వామి ..🙏🏻* బ్రహ్మంగారి గురించి కొన్ని నిజాలు తెలుసుకుందాం… శ్రీమద్విరాట్ వీరబ్రహ్మేంద్ర స్వామి వారు అంటే బహుశా తెలియని వారు ఉండకపోవచ్చు. ఆయన పేరు చెప్పగానే మనకు ముందుగా గుర్తుకు వచ్చేది కాలజ్ఞానం. భవిష్యత్తులో జరిగే వింతలు, విశేషాలు చెప్పిన మహాయోగి అని అందరూ మాట్లాడుకుంటారు. కానీ… బ్రహ్మంగారు అంటే కేవలం కాలజ్ఞానం మాత్రమే కాదు. ఆయన నిలువెత్తు జ్ఞానమూర్తి… అపార కరుణామూర్తి… కులరహిత సమాజం కోసం పాటుపడిన సంఘసంస్కర్త… ధర్మాన్ని స్థాపించడానికి దేశమంతా సంచరించిన మహాతపస్వి… కరుడుగట్టిన నవాబులకు సైతం జ్ఞానబోధ చేసి తన పాదసేవకులుగా మార్చుకున్న మహోన్నతుడు. ఇలా చెప్పుకుంటూ పోతే ఆయన మహిమకు అంతం లేదు. కానీ నన్ను ఎప్పటినుంచో బాధిస్తున్న ఒక విషయం ఉంది. అయోనిజ సంభవుడైన బ్రహ్మంగారి చరిత్ర విషయంలో నేడు ప్రచారంలో ఉన్న చాలా పుస్తకాలు, కథనాలు కల్పితాలతో నిండిపోయాయని నా అభిప్రాయం. భక్తులుగా మనం ఏది చదివినా, ఏది విన్నా అది ప్రామాణికమా కాదా అనే ప్రశ్న తప్పకుండా వేసుకోవాలి. ఉదాహరణకు… బ్రహ్మంగారి తల్లిదండ్రులు ప్రకృతాంబ, పరిపూర్ణయాచార్యులు అని అనేక పుస్తకాల్లో రాస్తారు. కానీ నా ప్రశ్న ఒక్కటే… ఈ పేర్లకు ప్రామాణికమైన చారిత్రక ఆధారాలు ఎక్కడ ఉన్నాయి? సుమారు 300–400 సంవత్సరాల క్రితం జీవించిన ఆ ( ప్రకృతాంబ- పరిపూర్ణయచార్యుల )కు సంబంధించిన కుటుంబం, వంశం, బంధువులు, గ్రామం, శాసనాలు, ఇతర ఆధారాలు ఏమైనా ఉన్నాయా? ఆ ప్రకృతంబా పరిపూర్ణయ చార్యుల ప్రాంతం బ్రహ్మాండపురం అని చెప్పబడి ఉంది.బ్రహ్మాండపురం అనే ఊరు ఎక్కడ ఉంది? ఆ ఊరికి సంబంధించిన స్పష్టమైన ఆధారాలు ఎక్కడ ఉన్నాయి? అపార సంపన్నుల కుటుంబం అంటారు. అయితే వారి కుటుంబానికి సంబంధించిన ఇతర వివరాలు ఎందుకు కనిపించడం లేదు? నేను ఎవరి విశ్వాసాన్ని దెబ్బతీయాలని కాదు… కానీ ఆధారాలు లేని విషయాన్ని చరిత్రగా ఎలా అంగీకరించాలి? నా అవగాహన ప్రకారం "ప్రకృతి" – "పరిపూర్ణ ఓంకార స్వరూపం" అనే తాత్విక భావాన్నే కొందరు వ్యక్తుల పేర్లుగా మార్చి ఒక కథనాన్ని నిర్మించారని అనిపిస్తుంది. ఒకవేళ దీనికి విరుద్ధంగా ఎవరి దగ్గరైనా స్పష్టమైన, ప్రామాణికమైన ఆధారాలు ఉంటే… వాటిని భక్తులందరికీ చూపించాలి. నిజం ఎక్కడ ఉంటే దాన్ని అంగీకరించడానికి మనం సిద్ధంగా ఉండాలి. తర్వాత… బ్రహ్మంగారిని వీరభోజయాచార్యులు, వీరపాపమాంబ దత్తత తీసుకొని కొంతకాలం పెంచారని చెబుతారు. చిన్న వయసు వరకు వారితో ఉన్న తరువాత స్వామివారు దేశసంచారం కోసం బయలుదేరారని వివిధ సంప్రదాయ కథనాలు చెబుతున్నాయి. బనగానపల్లెలో గరిమిరెడ్డి అచ్చమాంబ వద్ద సుమారు 25 సంవత్సరాలకు పైగా గోపాలనం చేశారు. అక్కడ ఆయన మనకు గోపాలుడిలా కనిపిస్తారు. తర్వాత కందిమల్లయ్యపల్లిలో వడ్రంగి వృత్తి చేశారని చెబుతారు. అంతే కాదు… కాళికామాతను ధ్యానించి కాళికాంబా సప్తశతి వంటి అద్భుతమైన జ్ఞానరత్నాలను ప్రజలకు అందించారు. దేశమంతా సంచరిస్తూ ధర్మప్రచారం చేశారు. శిష్యులను తయారు చేశారు. నవాబులకు కూడా జ్ఞానబోధ చేశారు. అయితే ఇక్కడ మనం ఒక విషయం గుర్తించాలి. బ్రహ్మంగారు ఏ ప్రాంతానికి వెళితే అక్కడి పరిస్థితులకు అనుగుణంగా వ్యవహరించారు. ఒకచోట గోపాలనం చేశారు. మరోచోట వడ్రంగి పని చేశారు. మరోచోట ధర్మప్రచారం చేశారు. అంతే తప్ప… ఆయన జీవితమంతా ఒకే వృత్తి చేశారని చెప్పడం సరైంది కాదు. అలాగే… రాత్రికి రాత్రే జింక కొమ్ముతో బావి తవ్వారని కథనాలు చెబుతాయి. అందువల్ల బ్రహ్మంగారు బావులు తవ్వే వృత్తివారు అని చెప్పగలమా? ఖచ్చితంగా చెప్పలేం. ఒక మహాపురుషుడు సందర్భానుసారంగా చేసిన కార్యాన్ని ఆయన శాశ్వత వృత్తిగా నిర్ధారించడం సరైన ఆలోచన కాదు. మరో ముఖ్యమైన విషయం… ఆ కాలంలోనే బ్రహ్మంగారు కులవ్యవస్థను సవాలు చేశారు. కక్కయ్య వంటి శిష్యుల ద్వారా సమాజానికి ఒక గొప్ప సందేశం ఇచ్చారు. అంటే… బ్రహ్మంగారిని మళ్లీ కులాల గోడలలో బంధించడం ఆయన బోధనలకు పూర్తిగా విరుద్ధం. బ్రహ్మంగారు కులరహితుడు. బ్రహ్మంగారు మతరహితుడు. బ్రహ్మంగారు ఒక కులానికి, ఒక వర్గానికి, ఒక ప్రాంతానికి చెందినవారు కాదు. ఆయన యావత్ మానవాళికి చెందిన మహాయోగి. స్వామివారు స్వయంగా ఏమన్నారు? "పరమాత్మ ఎక్కడో లేడు… నీలోనే ఉన్నాడు." ఇంత గొప్ప తత్వాన్ని చెప్పిన గురువును వదిలేసి… ఆయన పేరుతో ప్రచారంలోకి వచ్చిన ప్రతి కథను గుడ్డిగా నమ్మేయడం ఎంతవరకు సమంజసం? భక్తులుగా మన బాధ్యత ఏమిటి? పుస్తకం చదివామంటే సరిపోదు. కథ విన్నామంటే సరిపోదు. ప్రతి విషయాన్ని ప్రమాణంతో, వివేకంతో, విచక్షణతో పరిశీలించాలి. నా గురుదేవులు నాకు నేర్పింది ఒక్కటే. "సత్యం ఉంటే దాన్నే నమ్ము." వ్యక్తుల అభిప్రాయాలు కాదు… సమూహాల ఒత్తిడులు కాదు… కల్పిత కథలు కాదు… సత్యమే శాశ్వతం. అందుకే నా విజ్ఞప్తి… బ్రహ్మంగారి మీద భక్తి అంటే కేవలం ఆయన పేరుతో ప్రచారంలో ఉన్న ప్రతి కథను నమ్మడం కాదు. కళ్లుమూసుకొని స్వామివారిని ధ్యానించండి. "స్వామీ… మీ జీవితంలోని వాస్తవం ఏమిటి? మీరు బోధించిన అసలు తత్వం ఏమిటి?" అని మనస్ఫూర్తిగా ప్రార్థించండి. జ్ఞానస్వరూపుడైన గురుదేవుడు తప్పకుండా మనలో ఆలోచన కలిగిస్తాడు. సత్యాన్ని తెలుసుకునే వివేకాన్ని ప్రసాదిస్తాడు. బ్రహ్మంగారు కేవలం కాలజ్ఞానం చెప్పిన మహర్షి కాదు… సత్యాన్ని వెతకడం నేర్పించిన జగద్గురువు. సత్యాన్ని వెతికే భక్తులమవుదాం… కల్పితాలను కాదు, ప్రమాణాలను నమ్ముదాం. సర్వం శ్రీ వీరబ్రహ్మేంద్ర దివ్య చరణారవిందార్పణమస్తూ 🙇‍♂️