#💏 മലയാള നടി വിവാഹിതയാകുന്നു; വരൻ യുവ സംവിധായകൻ വിവാഹിതയാകാൻ ഒരുങ്ങുന്നുവെന്ന സന്തോഷ വാർത്ത പങ്കുവെച്ച് നടിയും തിരക്കഥാകൃത്തുമായ നിലീൻ സാന്ദ്ര. സംവിധായകനായ ശ്യാമിൻ ഗിരീഷ് ആണ് നിലീന്റെ പ്രതിശ്രുത വരൻ. സമൂഹമാധ്യമങ്ങളിലൂടെ നടി തന്നെയാണ് ഈ വാർത്ത പങ്കുവച്ചത്. ദൈവം തനിക്കായി അയച്ചുതന്ന അനുഗ്രഹം എന്നാണ് ശ്യാമിനെ നിലീൻ വിശേഷിപ്പിച്ചത്. ശ്യാമിനൊപ്പമുള്ള സുന്ദര നിമിഷങ്ങൾ കോർത്തിണക്കിയ വിഡിയോയ്ക്കൊപ്പമാണ് നിലീൻ വിവാഹക്കാര്യം പങ്കുവച്ചത്. ഹൃദയംതൊടുന്ന കുറിപ്പും നിലീൻ വിഡിയോയ്ക്കൊപ്പം ചേർത്തിട്ടുണ്ട്. "ഒരു സ്ത്രീയെ അനുഗ്രഹിക്കാൻ ദൈവം തീരുമാനിക്കുമ്പോൾ, അവളുടെ ആത്മാവിനെ തൊട്ടറിയുന്ന, അവളെ സ്നേഹത്തോടെ പരിചരിക്കുന്ന ഒരാളെ അവളുടെ ജീവിതത്തിലേക്ക് അയക്കുമെന്ന് പറയാറുണ്ട്. 2017 ൽ, ദൈവം എനിക്ക് എന്റെ പങ്കാളിയെ അയച്ചു - ഒരു കാമുകനായിട്ടല്ല, എൻ്റെ ഏറ്റവും നല്ല ചങ്ങാതിയായി. വർഷങ്ങൾക്കിപ്പുറം, അന്ന് എനിക്കൊപ്പം സുഹൃത്തായി നടന്ന അതേ മനുഷ്യനൊപ്പം എന്നെന്നേക്കുമായി ഒന്നാകാൻ ഞാൻ ഒരുങ്ങുകയാണ്. ഞാൻ വെറുതെ വിവാഹിതയാവുകയല്ല... വർഷങ്ങൾക്ക് മുൻപ് ദൈവം എനിക്ക് അയച്ചുതന്ന ആ അനുഗ്രഹത്തെയാണ് ഞാൻ വിവാഹം കഴിക്കുന്നത്". നിലീൻ കുറിച്ചതിങ്ങനെ.

AD #bjpindia