🚩शिवरायांचे भक्त

✍️ छत्रपति शिवाजी महाराजांचे हे जे प्रांत-भाषा भेदातील अधिष्ठान आहे ते विसरून वर्तमानकालीन मर्यादित समस्यांच्या परिसरात त्यांना ओढणे म्हणजे त्यांच्या भव्यतेला अकारण मर्यादा घालण्यासारखे आहे. शिवछत्रपतींचा जन्म महाराष्ट्रात झाला हे खरे आहे; मराठी भाषा ही त्यांची मायबोली होती हेही खरे आहे; त्यांच्या घोड्यांच्या टापांनी सह्याद्रीची गिरिशिखरे मुखरित झाली हेही खरे आहे; त्यांनी जे स्वराज्य स्थापन केले ते महाराष्ट्रातच हेही ऐतिहासिक सत्य आहे; पण त्या समवेतच हेही नीटपणे ध्यानात ठेवले पाहिजे की, शिवछत्रपतीचे स्वराज्य हे केवळ महाराष्ट्रीय राज्य नव्हते तर ते हिंदुराज्य होते. या देशात त्यांनी यावनी आक्रमणाला तोंड देऊन हिंदुराज्य प्रतिष्ठापित करण्याचा यशस्वी प्रयत्न केला. केवळ एखाद्या प्रांतासाठी ते नव्हते. त्यांची ही धारणा त्यांच्या मनोवृत्तीची ओळख असणास्या त्यांच्या सर्व समकालीन चरित्रकारांनी मान्य केलेली आहे. त्यांचे ध्येय दिल्‍लीपतीला पदच्युत करून भारतीय राष्ट्राच्या अस्मितेच्या पायावर उभारलेले स्वराज्य प्रतिष्ठापित करण्याचे होते. शिवदिग्विजय ग्रंथात असलेले पुढील वाक्य या दृष्टीने अतिशय महत्त्वाचे आहे 'हिंदूंचे राज्य तुम्ही हरण केले. प्राचीन अधिकार या राज्याचा आमचाच आहे. ' तात्पर्य छत्रपती शिवाजी महाराज यांना केवळ महाराष्ट्र राज्य प्रतिष्ठापित करावयाचे नसून या देशावर राज्य करण्याचा ज्यांचा अधिकार त्या हिंदूंचे व तेही हिंदु अस्मितेच्या पायावर आधारलेले राज्य प्रतिष्ठापित करावयाचे होते हे त्यांच्या समकालीन चरित्रकारांना पूर्णणणे आकलन झालेले आहे. पण या सर्वांपेक्षा स्वत: शिवछत्रपतींनीच आपल्याला काय निर्माण करावयाचे आहे हे आपल्या एका पत्रात स्पष्ट केले आहे. ते पत्र त्यांचे स्वतःचेच असल्यामुळे त्याच्याइतका निर्विवाद पुरावा दुसरा कोणताही असू शकत नाही. १६४५ साली रोहिडखोर्याचा व वेलखंडखोर्याचा कुलकर्णी दादाजी नरसप्रभू याला पाठविलेल्या पत्रात छत्रपति शिवराय लिहितात, 'श्री रोहिरेश्वर तुमचे खोर्यातील आदि कुलदेव, तुमचा डोंगरमाथा पठारावर शेंदरीलगत स्वयंभू आहे. त्याणी आम्हांस यश दिल्हे; व पुढे तो सर्व मनोरथ हिंदवी स्वराज्य करून पुरविणार आहे.' आम्हीच ते वेडे ज्यांना आस इतिहासाची ♥️ दैवत:-छत्रपती शिवाजी महाराज🚩 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩मी शिवबा भक्त #🚩शिवरायांचे भक्त