🙏ଜୟ ଜଗନ୍ନାଥ ସ୍ବାମୀ🙏

#🙏ଜୟ ଜଗନ୍ନାଥ ସ୍ବାମୀ🙏 #🙏ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ ସ୍ବାମୀ #🙏🌺ଜୟ ଜଗନ୍ନାଥ ସ୍ବାମୀ ନୟନ ପଥ ଗାମୀ 🌺🙏 #ଶ୍ରୀ ଜଗନ୍ନାଥ ମନ୍ଦିର ସୂଚନା* ଅଦ୍ୟ ତା୧୯.୭.୨୦୨୬ରିଖ,ରବିବାର ଆଷାଢ଼ ଶୁକ୍ଳ ପଞ୍ଚମୀ ତିଥିରେ ଶ୍ରୀବିଗ୍ରହମାନଙ୍କ *ବନକଲାଗି* ନୀତି ଶ୍ରୀଗୁଣ୍ଡିଚା ମନ୍ଦିର ଆଡ଼ପ ମଣ୍ଡପରେ ଅନୁଷ୍ଠିତ ହେବ। ଏଣୁ ଦ୍ୱିତୀୟ ଭୋଗମଣ୍ଡପ ଭୋଗ ଶେଷ ହେବାପରେ ଆପାତତଃ ରାତ୍ର ଘ.୯.୦୦ଟିକା ଠାରୁ ବିଳମ୍ବିତ ରାତ୍ର ଘ.୩.୦୦ ଟିକା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ ରହିବ। SJTA

#🙏🌺ଜୟ ଜଗନ୍ନାଥ ସ୍ବାମୀ ନୟନ ପଥ ଗାମୀ 🌺🙏 #🙏ଜୟ ଜଗନ୍ନାଥ ସ୍ବାମୀ🙏 #ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ ସ୍ବାମୀ #ଜୟ ଜଗନ୍ନାଥ ସ୍ବାମୀ ଜଣ🙏🙏 #ଜୟ ଜଗନ୍ନାଥ ସ୍ବାମୀ ଜଣ🙏🙏 #🙏ଜୟ ଜଗନ୍ନାଥ ସ୍ବାମୀ 🙏 *ଓଁ ଶ୍ରୀଜଗନ୍ନାଥ ସ୍ବାମୀ ନୟନ ପଥଗାମୀ ଭବତୁ ମେ* 🙏🌸🚩 🕸️🕸️🕸️🕸️🕸️🕸️🕸️🕸️🕸️🕸️🕸️🕸️ ✍️ କ୍ଷେତ୍ର ପରିକ୍ରମା ଅବସରରେ "*ଶ୍ରୀଜୀଉମାନଙ୍କ ଚଢ଼େଇ ଗୁହା ପର୍ବତରେ ରହଣି*"-:-:୧୫୧୦ ଖ୍ରୀଷ୍ଟାବ୍ଦରେ ସୂର୍ଯ୍ୟବଂଶୀ ମହାରାଜା ପ୍ରତାପରୁଦ୍ରଦେବଙ୍କ ରାଜତ୍ଵ କାଳରେ ଆଫଗାନ ଶାସକଙ୍କ ଶ୍ରୀମନ୍ଦିର ଉପରେ ଆକ୍ରମଣ ଫଳରେ ସ୍ବଳ୍ପଦିନ ପାଇଁ ଚିଲିକା ମଧ୍ୟସ୍ଥ ଚଢ଼େଇ ଗୁହା ପର୍ବତରେ ଅବସ୍ଥାନ କରିଥିଲେ। ଗବେଷକ ଡଃ ସତ୍ୟ ଷଡ଼ଙ୍ଗୀଙ୍କ ଉଲ୍ଲେଖ ପ୍ରକାରେ ପ୍ରତାପରୁଦ୍ରଦେବଙ୍କ ରାଜତ୍ଵର ଅ୧୭ଙ୍କ ଅର୍ଥାତ୍ ୧୫୧୦ ଖ୍ରୀଷ୍ଟାବ୍ଦରେ ବଙ୍ଗ ଦେଶରୁ (ମାଦଳା ପାଞ୍ଜିରେ ଉଲ୍ଲେଖ ଗୌଡଦେଶ) ଆଫଗାନ ଶାସକ ହୁସେନ ଶାହ ଓଡ଼ିଶା ଆକ୍ରମଣ କରି କଟକ ରାଜଧାନୀ ପର୍ଯ୍ୟନ୍ତ ମାଡ଼ି ଆସିଥିଲେ। ସେତେବେଳେ ପ୍ରତାପରୁଦ୍ର ଦେବ ବିଦ୍ରୋହ ଦମନ ନିମନ୍ତେ ଦାକ୍ଷିଣାତ୍ୟରେ ଅବସ୍ଥାନ କରୁଥିଲେ। ଦାୟିତ୍ଵରେ ଥିବା ଗୋବିନ୍ଦ ବିଦ୍ୟାଧର ଆଫଗାନ ବାହିନୀକୁ ପ୍ରତିରୋଧ ନକରି ସାରଙ୍ଗ ଗଡ଼ରେ ଆତ୍ମଗୋପନ କରିଥିଲେ। ତେଣୁ ସେବକମାନେ ଶ୍ରୀମନ୍ଦିର ଓ ଶ୍ରୀକ୍ଷେତ୍ର ଉପରେ ଆକ୍ରମଣ ଆଶଙ୍କା କରି ମହାପ୍ରଭୁଙ୍କୁ ଶ୍ରୀମନ୍ଦିର ରତ୍ନସିଂହାସନରୁ ସ୍ଥାନାନ୍ତରିତ କରି ଚିଲିକା ମଧ୍ୟସ୍ଥ ଚଢ଼େଇ ଗୁହା ପର୍ବତକୁ ନେଇ ଯାଇଥିଲେ। କ୍ରମଶଃ

#ଜୟ ଜଗନ୍ନାଥ #ଜୟ ଜଗନ୍ନାଥ ସ୍ବାମୀ #🙏🌺ଜୟ ଜଗନ୍ନାଥ ସ୍ବାମୀ ନୟନ ପଥ ଗାମୀ 🌺🙏 #🙏ଜୟ ଜଗନ୍ନାଥ ସ୍ବାମୀ🙏 #ଜୟ ଜଗନ୍ନାଥ ସ୍ବାମୀ 🙏 ଦେବୀଙ୍କ ରଥର ନାମ ଦେବଦଳନ କାହିଁକି ? ll ‘ତାଳଧ୍ୱଜ’ ପରି ଦେବୀ ସୁଭଦ୍ରାଙ୍କ ‘ଦେବଦଳନ’ ରଥର ନାମ ପଛରେ ମଧ୍ୟ ଅନେକ ରହସ୍ୟ ରହିଛି । ବାଲ୍ଲୀକି ରାମାୟଣ’ର ଏକ ଆଖ୍ୟାନ ଅନୁସାରେ- ରାବଣର ରାଜଧାନୀ ସ୍ୱର୍ଣ୍ଣଲଙ୍କାର ଅଧିଷ୍ଠାତ୍ରୀ ଦେବୀ ହେଉଛନ୍ତି ‘ନିକୁମ୍ଭିଲା’ । ସେ ‘ବଟମଙ୍ଗଳା’ଙ୍କ ପରି ଏକ ଦେବୀ । ରାବଣର ପୁତ୍ର ମେଘନାଦ ଅମର ହେବାପାଇଁ ନିକୁମ୍ଭିଲା ଦେବୀଙ୍କ ବଟବୃକ୍ଷଠାରେ ଗୋଟିଏ ଯଜ୍ଞ କରିଥିଲା । ତାହା ଥିଲା ଏକ ‘ସପ୍ତଯଜ୍ଞ’ । ଏହି ‘ସପ୍ତଯଜ୍ଞ’ର ସପ୍ତମ ତଥା ଶେଷ ଯଜ୍ଞ ଥିଲା ‘ମାହେଶ୍ୱର’ । ବ୍ରହ୍ମା ତାକୁ ବର ଦେଇଥିଲେ ଯେ ସେହି ଯଜ୍ଞ ଶେଷ ପରେ, ସେଥିରୁ ଗୋଟିଏ ରଥ ବାହାରିବ । ସେଥିରେ ବସି ଯୁଦ୍ଧ କଲେ ତାକୁ କେହି ପରାସ୍ତ କରିପାରିବେ ନାହିଁ । ସେହି ଯଜ୍ଞ ସଂପୂର୍ଣ୍ଣ ହେବା ପରେ, ନିକୁମ୍ଭିଲା ଯଜ୍ଞକୁଣ୍ଡରୁ ମେଘନାଦକୁ ଗୋଟିଏ ରଥ ମିଳିଲା । ସେଥିରେ ବସି ଯୁଦ୍ଧ କରି ସେ ଇନ୍ଦ୍ର ଓ ଅନ୍ୟ ଦେବତାଙ୍କୁ ପରାସ୍ତ କରିଥିଲା । ସେହିଠାରୁ ତାହାର ନାମ ‘ଇନ୍ଦ୍ରଜିତ’ ହେଲା । ‘ବାଲ୍ମୀକି ରାମାୟଣ’ରେ ଏ ରଥର ନାମ ନାହିଁ । କିନ୍ତୁ ଉପରୋକ୍ତ ଉପାଖ୍ୟାନ ଦୃଷ୍ଟିରୁ ବଳରାମ ଦାସ ତାଙ୍କ ‘ଦାଣ୍ଡି ରାମାୟଣ’ରେ ଏହାର ନାମ ‘ଦେବଦଳନ’ ରଖିଛନ୍ତି । ‘ବାଲ୍ମୀକି ରାମାୟଣ’ର କେତେକ ଅନୁବାଦକ ମଧ୍ୟ ଏହାର ଆଧାରରେ ଇନ୍ଦ୍ରଜିତର ରଥ ‘ଦେବଦଳନ’ ବୋଲି କହିଛନ୍ତି । କିନ୍ତୁ ‘ଶ୍ରୀମନ୍ଦିର ସ୍ୱତ୍ୱଲିପି’ରେ ଦେବୀ ସୁଭଦ୍ରାଙ୍କ ରଥର ନାମ ‘ଦେବଦଳନ’ ବୋଲି ଉଲ୍ଲେଖ ନାହିଁ । ସେଥିରେ ଏହାକୁ ‘ଦେବୀ ରଥ’ ଓ ‘ଶ୍ରୀସୁଭଦ୍ରାଙ୍କ ରଥ’ ବୋଲି ଉଲ୍ଲେଖ କରାଯାଇଛି । ତେବେ ‘ନିକୁମ୍ଭିଲା’ ଦେବୀଙ୍କ ଆଶୀର୍ବାଦରୁ, ନିକୁମ୍ଭିଲା ବଟର ଯଜ୍ଞକୁଣ୍ଡରୁ ସେହି ରଥ ମିଳିଥିବାରୁ, ତାହାକୁ ‘ଦେବୀ ରଥ’ କୁହାଯିବାର ତାତ୍ପର୍ଯ୍ୟ ରହିଛି । ଏ ଦୃଷ୍ଟିରୁ, ଦେବତାଙ୍କ ପରାଭବ ବା ‘ଦେବଦଳନ’ ସହିତ ଏହି ରଥର କୌଣସି ସଂପର୍କ ନାହିଁ ।‘ସାରଳା ମହାଭାରତ’ରେ କିନ୍ତୁ ଏ ରଥର ନାମ ‘ପଦ୍ମଧ୍ୱଜ’ । ସେଥିରେ ଗୋଟିଏ ସୁନ୍ଦର ଉପାଖ୍ୟାନ ଅଛି । ତାହା ହେଉଛି- ଥରେ ସୂର୍ଯ୍ୟଦେବ ଚନ୍ଦ୍ରଭାଗାକୁ ସ୍ନାନ କରିବାକୁ ଆସିଥିଲେ । ସେଠାର ‘ଅର୍କବଟ’ ତଳେ ନିଜର ରଥକୁ ରଖି ସେ ନଦୀରେ ସ୍ନାନ କରିବାକୁ ଗଲେ । ସେତିକିବେଳେ ସେଠାରେ ଥିବା ‘ଅର୍କଦୈତ୍ୟ’ ରଥଟିକୁ ଗିଳିଦେଲା । ସୂର୍ଯ୍ୟଦେବ ତାହା ଜାଣି ବ୍ରହ୍ମାଙ୍କୁ ସ୍ମରଣ କଲେ । ସୂର୍ଯ୍ୟଦେବଙ୍କର ରଥ ନଥିଲେ- ସେ ପରିକ୍ରମା କରିପାରିବେ ନାହିଁ । ସେ ପରିକ୍ରମା ନକଲେ ଦିନରାତି ହେବ ନାହିଁ । ତେଣୁ ବ୍ରହ୍ମା ଗୋଟିଏ ଯଜ୍ଞ କଲେ । ସେହି ଯଜ୍ଞରୁ ଆଠଟି ରଥ ଜାତ ହେଲେ । ସେହି ଆଠ ରଥ ମଧ୍ୟରେ ‘ନନ୍ଦିଘୋଷ’, ‘ତାଳଧ୍ୱଜ’ ଓ ‘ପଦ୍ମଧ୍ୱଜ’ ରଥ ମଧ୍ୟ ଥିଲେ । ସୂର୍ଯ୍ୟଦେବ ‘ପଦ୍ମଧ୍ୱଜ’ ରଥରେ ବସି ତାଙ୍କର ପରିକ୍ରମା କଲେ । ପରେ ସେ ଅର୍କଦୈତ୍ୟକୁ ବଧ କରି ନିଜ ରଥକୁ ପାଇଲେ ଏବଂ ‘ପଦ୍ମଧ୍ୱଜ’ ରଥଟିକୁ ବ୍ରହ୍ମାଙ୍କୁ ଫେରାଇଦେଲେ । ପରେ, ମହାଭାରତର ଖାଣ୍ଡବ ବନ ଦହନ ବେଳେ, ବ୍ରହ୍ମା ସେହି ରଥକୁ ଅର୍ଜୁନଙ୍କୁ ଦେଇଥିଲେ । ଅର୍ଜୁନ ସେହି ରଥରେ ବସି ମହାଭାରତ ଯୁଦ୍ଧ କରିଥିଲେ । ପରେ ସେ ଦେବୀ ସୁଭଦ୍ରାଙ୍କ ରଥରେ ସାରଥି ହେଲେ । ସେ ଦୃଷ୍ଟିରୁ ଦେବୀସୁଭଦ୍ରାଙ୍କ ରଥ ‘ପଦ୍ମଧ୍ୱଜ’ । ଦେବୀ ସୁଭଦ୍ରାଙ୍କ ରଥ; ଦେବଦଳନ ରଥର ଅନ୍ୟ ନାମ- ଦର୍ପଦଳନ ଏବଂ ପଦ୍ମଧ୍ବଜ(କମଳ ଧ୍ବଜ) ରଥର ଉଚ୍ଚତା- ୪୪ ଫୁଟ୍ ୬ ଇଞ୍ଚ (ପୂର୍ବ ଉଚ୍ଚତା ୨୧ ହାତ) ରଥାଧିପ- ଜୟଦୁର୍ଗା ରଥରେ ବ୍ୟବହୃତ କାଠର ସଂଖ୍ୟା- ୭୧୧ ଖଣ୍ଡ ରଥର ଚକ ସଂଖ୍ୟା- ୧୨ ରଥ ଧ୍ବଜାରେ- ତ୍ରିପୁରା ସୁନ୍ଦରୀ ରଥର ଆୟୁଧ- ପଦ୍ମ କହ୍ଲାର ରଥ ପୀଠର ନାମ- କାମ୍ପଲ୍ୟ ରଥର ଆବରଣ- କୃଣ୍ଣ ଓ ଲୋହିତ ବର୍ଣ୍ଣ ସାରଥୀର ନାମ- ଅର୍ଜୁନ(ମତାନ୍ତରେ ଦେବଦତ୍ତ, ସାତ୍ବକୀ) ରଥ ଅଶ୍ବର ବର୍ଣ୍ଣ: ରକ୍ତ ବର୍ଣ୍ଣ (ନାଲି) ଅଶ୍ବର ନାମ: ରୋଚିକା, ମୋଚିକା, ଜିତା ଓ ଅପରାଜିତା ଅନ୍ୟ କେତେକଙ୍କ ମତରେ ପ୍ରଜ୍ଞା, ଅନୁଜ୍ଞା ଘୋରା ଓ ଅଘୋରା ରଥ ଋଷି- ଯାଜ୍ଞ ବଳକ୍ୟ ରଥ ମୁଖ ବା ମୁର୍ଦ୍ଧାରେ- ବ୍ରହ୍ମବର୍ତ୍ତା ରଥାଧିଶ୍ବରୀ- ଜୟଦୁର୍ଗା ରଥ ରକ୍ଷୟତ୍ରୀ- ଉଗ୍ରଚଣ୍ଡୀ ରଥ ଅଧିଶ୍ବର ଦେବତା- ଶ୍ରୀସୁଭଦ୍ରା ଓ ଶ୍ରୀସୁଦର୍ଶନ ରଥ ଦେବୀ- ଶ୍ରୀ ଓ ଭୂ ରଥ ଯକ୍ଷ-କିଂଜ୍ବଳିକା ରଥ ଗର୍ଭାଧୀଶ୍ବରୀ ଶକ୍ତି- ଶକ୍ତିସପ୍ତା, ଜୟା, ବିଜୟା, ଘୋରା ଅଘୋରା, ସୂକ୍ଷ୍ମା ଓ ଜ୍ଞାନା ରଥର ଋଷି ପଟାରେ- ଭୃଗୁ, ସୁପ୍ରଭ, ବଜ୍ର, ଶୃଙ୍ଗୀ, ଧ୍ରୁବ, ଉଲ୍ଲୁକ ଓ ପ୍ରବର୍ତ୍ତକ ଋଷି ମଣ୍ଡଳ ରଥର କୁମ୍ଭ- ଅମୃତ , ଜୀବା, କାୟା ରଥର ଦ୍ବାରପାଳ(ପୀଠ ପଟାରେ)- ଗଙ୍ଗା ଓ ଯମୁନା ରଥ ଗନ୍ଧର୍ବଙ୍କ ନାମ- ହା, ହା ଚାରଣଙ୍କର ନାମ- ମହାକ୍ରୁର ରଥର ଯୁଗଳ ଶୁଆର ନାମ- ସୁପର୍ଣ୍ଣ ଓ ଦ୍ବାସୁପର୍ଣ୍ଣ ରଥ ରତ୍ନ- ମାଣିକ୍ୟ ରଥ ଚକ୍ରର ନାମ- ଦୀପ୍ତ ଚକ୍ର ଉପରିସ୍ଥ ନେତର ନାମ- ନାଦାମ୍ବିକା ରଥକାର- କାଳନେମୀ କଳସ ଉପରେ ଥିବା ଶୂନ୍ୟ ଚକ୍ର- ଦୀପ୍ତ(ସୁଦର୍ଶନ) ରଥ ଶିରରେ- ଭକ୍ତି ସମେଦ ରଥ ଶକ୍ତି- ଚନ୍ଦ୍ରଘଣ୍ଟା ଦଧିନଉତି ଉପରିସ୍ଥ କଳସତ୍ରୟର ନାମ- ପରା, ଅପରା ଓ ବୈଖାରୀ ରଥରେ ବ୍ୟବହୃତ ଚନ୍ଦ୍ରାତପର ନାମ- ବୀର ଘଣ୍ଟା ରଥ ଦଉଡିର ନାମ- ସ୍ବର୍ଣ୍ଣଚୂଡା ନାମକ ନାଗ ରଥ ଚାମର ସେବା- ସୁବେଧା ଦେବୀ ରଥପାଳ- ହରିହର ପଦ୍ମଧ୍ବଜା ରଥ ଦର୍ଶନରେ ମନୁଷ୍ୟର ଦର୍ପନାଶ ପୂର୍ବକ ସମସ୍ତ ରୋଗ ସନ୍ତାପ ନାଶ ହୋଇଥାଏ।