హరి కృష్ణ

*భగ్వద్గీతలో శ్రీ కృష్ణ భగవానుడు చెప్పిన - త్రివిధ త్యాగాలు ఏమిటి???* ➖➖➖ ★ఏదో ఒక కర్మ చెయ్యకుండా ఏ ప్రాణీ ఉండలేదు. ★మనం ఆచరించే నిత్య కర్మల ద్వారా పాప పుణ్యాలు ఎన్నో వస్తాయి, అవి మనకు అంటకుండా ఉండాలంటే ... మంచి పనులు చేస్తే కీర్తి, ప్రతిష్టలు, స్వర్గసుఖాలు, పుణ్యఫలాలు వస్తాయి. చెడ్డపనులు చేస్తే సంఘంలో చెడ్డపేరు, నరకయాతనలు, పాపఫలాలు వస్తాయి. ★ఇలా పాపపుణ్యాలు చేస్తూ, స్వర్గనరకాలనుభవిస్తూ, మరల మరల జన్మలెత్తుతూ ఈ జనన మరణ సంసార చక్రంలో ఉండిపోవలసిందేనా? లేక మోక్షం పొందడం ఉందా? అని మనం విచారించడం సహజం. ★మనలోని ఈ విచారాన్ని దూరం చేయడానికే గీతలో శ్రీకృష్ణ భగవానుడు చక్కని మార్గం చూపాడు... ★అర్జునా! నువ్వేపని చేసినా, ఏమి తిన్నా, ఏ హోమం చేసినా, ఎవరికి ఏదిచ్చినా, ఏ తపం చేసినా అదంతా నాకు సమర్పించు, అయితే ఈ సలహా పాటిస్తే మనకు వచ్చే లాభం ఏమిటి? ★ఇలా చేస్తే, మనం మూడు త్యాగాలు చేసినట్లవుతుంది... ★మొదటిది కర్తృత్వ త్యాగం... ★ఈ పని నేనే చేస్తున్నాను లేదా చేయిస్తున్నాననే అహంకారం వదలాలి, ఏ కర్మయినా ఆ భగవంతుడే చేయిస్తున్నాడని భావించాలి. ఏం చేసినా భగవత్పరంగా చెయ్యాలి, ఇలా చేస్తే, మనం పాపపు పనులు చేయడానికి జంకుతాము. ★కర్మసాక్షి అయిన భగవానుణ్ణి తలుచుకుంటూ సదా సత్కార్యాలకు పూనుకుంటాము... ★రెండోది ఫలత్యాగం... ★ఏం చేసినా ఇది నా కర్తవ్యం అని చెయ్యాలి, అంతేగాని ఇది చేస్తే నాకీ ఫలం వస్తుంది అని కోరికతో చెయ్యవద్దు... ★నేనేం చేసినా దాని ఫలం భగవానుడిదే, అన్నీ భగవత్ కైంకర్య రూపాలే అని నమ్మాలి. ★మూడోది సంగత్యాగం... ★ఇది నాది, ఇది నేనే చెయ్యాలి, అంతా నా ఇష్టప్రకారం జరగాలి. ఇది నా ఆనందం కోసం అని బంధం పెంచుకోవద్దు. ★అంతా భగవన్ముఖ వికాసం కోసం, ఆయన ఆనందమే నా ఆనందం అని మనస్ఫూర్తిగా అనుకోవాలి.``` ★ఈ త్రివిధ త్యాగాలు ఎలా చెయ్యాలి?*``` ★ఏ పనిచేసినా, ఒక్క నమస్కారం పెట్టి, ఒక్క మాట చెప్పు, చాలు.... *అదే సర్వం శ్రీకృష్ణార్పణమస్తు, పై త్రివిధ త్యాగాలను త్రికరణశుద్ధిగా అవలంబించాలి...*✍️``` . *సర్వం శ్రీకృష్ణార్పణమస్తు* #హాయ్ అందరికీ నమస్తే 🕺🤝🌺 #శ్రీకృష్ణ #😃మంచి మాటలు #🌇శుభ సాయంకాలం #కప్పాటి పాండురంగా రెడ్డి (Kappati Panduranga Reddy)